பி.எம்.இந்தியா

பிரதமர் திரு. நரேந்திர மோடி தலைமையில் நடைபெற்ற மத்திய அமைச்சரவைக் கூட்டத்தில், இந்தியாவுக்கும் நெதர்லாந்துக்கும் இடையிலான இருதரப்பு சமூகப் பாதுகாப்பு ஒப்பந்தத்தில் (SSA) “வாழ்ந்துவரும் நாடு” என்ற கோட்பாட்டை சேர்ப்பதற்கான திருத்தத்துக்கு ஒப்புதல் அளிக்கப்பட்டது.

     இந்தியாவுக்கும் நெதர்லாந்துக்கும் இடையில் திருத்தம் செய்யப்பட்ட இந்த ஒப்பந்தம், அறிவிக்கை செய்யப்பட்ட தேதியில் இருந்து மூன்றாவது வாரத்தில் இருந்து செயல்பாட்டுக்கு வரும்போது, இரு நாடுகளுக்கும் இடையிலான உறவுகளை வலுப்படுத்தும். வெளிநாடுகளில் வணிகம் செய்வதன் செலவுகளைக் குறைப்பதன் மூலம் இரு நாடுகளிலும் வெளிநாட்டு செயல்பாடுகளை மேம்படுத்தி லாபம் ஈட்டுதல் மற்றும் போட்டியிடும் தகுதியை இந்திய, நெதர்லாந்து நாட்டு கம்பெனிகளுக்கு தொடர்ந்து சாதகமான விளைவுகளை ஏற்படுத்தும். இரு நாடுகளுக்கும் இடையில் அதிக முதலீடு பரவுதலை ஊக்குவிக்கவும் இந்த ஒப்பந்தம் உதவிகரமாக இருக்கும்.

     இந்த ஒப்பந்தம் 2010 ஆம் ஆண்டில் இருந்து செயல்பாட்டில் உள்ளது. இந்தியாவில் இருந்து வெளியேறி நெதர்லாந்தில் பணியாற்றி வருபவர்களுக்கு பலன் கொடுத்துள்ளது.

• 2013 ஜனவரி 1-ல் தொடங்கி, சமூகப் பாதுகாப்பு ஆதாயங்களை ஐரோப்பிய யூனியனுக்கு வெளியில் உள்ள நாடுகளுக்கு அனுப்பி வைப்பது குறித்த புதிய விதிகளை நெதர்லாந்து அறிமுகம் செய்தது.
• புதிய சமூகப் பாதுகாப்பு (வாழ்ந்து வரும் நாடு) சட்டத்தின் கீழ், தகுதிபெற்ற பயனாளிக்கு (நெதர்லாந்து நாட்டவர் என படிக்கப்படும்) அளிக்கப்படும் ஆதாயம் அல்லது அலவன்ஸ் தொகை, பயனாளி வாழ்ந்து வரும் நாட்டின் வாழ்க்கைச் செலவுக்கு ஏற்ப திருத்தம் செய்து கொள்ளப்படும்.
• நெதர்லாந்தின் புதிய சட்டத்தின்படி, அனுப்பி வைக்கப்படும் அல்லது பட்டுவாடா செய்யப்படும் சமூகப் பாதுகாப்பு ஆதாயங்கள், நெதர்லாந்து குடிமகன் வாழ்ந்து வரும், தங்கியிருக்கும் நாட்டின் வாழ்க்கைச் செலவுக்கு ஏற்ப (உலக வங்கியின்  விவரங்களில் குறிப்பிட்டுள்ளவாறு) குறியீடு செய்யப்படும்.
• சாதாரண சூழ்நிலைகளில், நெதர்லாந்தின் புதிய சட்டம், நெதர்லாந்தில் பணியாற்றும் இந்தியத் தொழிலாளர்களுக்கு எந்த விளைவையும் ஏற்படுத்தாது. ஏனெனில் மிகச் சில அசாதாரண நேர்வுகளைத் தவிர, ஐரோப்பிய யூனியனுக்கு வெளியே வாழக்கூடிய நெதர்லாந்து நாட்டவர்களுக்கு மட்டுமே இது பொருந்தும். இந்திய பதவி தொழிலாளர்கள் தற்போதுள்ள இந்திய – நெதர்லாந்து சமூகப் பாதுகாப்பு ஒப்பந்தத்தின்படி தொடர்ந்து ஆதாயங்களைப் பெறுவார்கள்.
• இருந்தபோதிலும், “வாழ்ந்துவரும் நாடு” என்ற கோட்பாடு இந்திய தேசத்தவர்களுக்கு சில நேர்வுகளில் பொருந்தும் என்ற சூழ்நிலைகளில் பின்வருவன அடங்கும்:

  இந்தியத் தொழிலாளர் நெதர்லாந்தில் இறந்து போக, அவருடைய வாழ்க்கைத் துணைவர் மற்றும் குழந்தைகள் இந்தியாவில் வாழ்ந்து வருதல்

  நெதர்லாந்தில் வேலைபார்க்கும் போது உடல் ஊனமுற்று இந்தியாவுக்குத் திரும்பும் இந்தியத் தொழிலாளர்.

புதிய சமூகப் பாதுகாப்பு சட்டம் ஏற்கப்பட்ட பிறகு, இருதரப்பு சமூகப் பாதுகாப்பு ஒப்பந்தத்தை திருத்தம் செய்வதற்கு இந்தியா ஒப்புதல் அளிக்க வேண்டும் என்று நெதர்லாந்து தரப்பில் கோரிக்கை வந்தது.  நெதர்லாந்தின் தேசிய சட்டத்தின்படி அதுபோன்ற திருத்தம் தேவைப்படுகிறது என தெரிவிக்கப்பட்டது.

தற்போதுள்ள சமூகப் பாதுகாப்பு ஒப்பந்தம், மேற்குறிப்பிட்ட மாற்றத்தின் வரையில் திருத்தம் செய்யப்படுகிறது.

பின்னணி

• இந்தியாவுக்கும் நெதர்லாந்துக்கும் இடையிலான இருதரப்பு சமூகப் பாதுகாப்பு ஒப்பந்தம் (SSA), 22 அக்டோபர் 2009-ல் கையெழுத்திடப்பட்டு, 15 ஜூன் 2010-ல் அமலுக்கு வந்தது.
• இரு ஆளுகைப் பகுதிகளிலும் சமூகப் பாதுகாப்புத் திட்டத்துக்கு இரட்டை பங்களிப்பு செய்வதில் இருந்து விலக்கு அளிக்கவும், திரட்டப்பட்ட சமூகப் பாதுகாப்பு ஆதாயங்களை  (சுயவேலை செய்து வருபவர்களுக்கும் பொருந்தும்) ஆளுகைப் பகுதிகளுக்கு இடையில் மாற்றம் செய்து கொள்ளவும் இந்த ஒப்பந்தம் அனுமதிக்கிறது.
• 1 ஜனவரி 2013-ல் தொடங்கி, நெதர்லாந்தில் புதிய சமூகப் பாதுகாப்புச் சட்டம் அமலுக்கு வந்தது. அதைத் தொடர்ந்து வேறு நாடுகளுக்கு அனுப்பும் சில சமூகப் பாதுகாப்பு ஆதாயங்கள் மீது “வாழ்ந்து வரும் நாடு” என்ற கோட்பாட்டை நெதர்லாந்து பின்பற்றத் தொடங்கியது.
• நெதர்லாந்துக்கு வெளியே வாழும் நெதர்லாந்து குடிமக்களின் பிரிவினருக்கு சமுக ஆதாயங்களை அனுப்புவதில் சமத்துவ நிலையை உருவாக்குவதற்கு, இந்தக் கோட்பாடு வகை செய்கிறது.
• இன்றைய தேதியில் 18 நாடுகளுடன் சமூகப் பாதுகாப்பு ஒப்பந்தங்களில் இந்தியா கையெழுத்திட்டு, அவை நடைமுறைக்கு வந்துள்ளன. ஆஸ்திரேலியா, ஆஸ்திரியா, பெல்ஜியம், கனடா, செக் குடியரசு, டென்மார்க், பின்லாந்து, பிரான்ஸ், ஜெர்மனி, ஹங்கேரி, ஜப்பான், லக்ஸம்பர்க், நெதர்லாந்து, நார்வே, போர்ச்சுக்கல், ஸ்வீடன், சுவிட்சர்லாந்து மற்றும் தென்கொரிய நாடுகளுடன் இந்த ஒப்பந்தங்கள் நடைமுறையில் உள்ளன.

*****