முக்கிய உள்ளடக்கத்திற்கு செல்க
Search
உள்ளடக்கம்
முடிவு
இல்லம்

பி.எம்.இந்தியாபி.எம்.இந்தியா

அண்மைச் செய்திகள்

பி.ஐ.பி.யில் இருந்து தானாகவே பெறப்பட்டது

அமெரிக்க நாடாளுமன்ற கூட்டு கூட்டத்தில் பிரதமர் உரையாற்றினார்

அமெரிக்க நாடாளுமன்ற கூட்டு கூட்டத்தில் பிரதமர் உரையாற்றினார்


அமெரிக்க நாடாளுமன்ற அவைத்தலைவர் மாண்புமிகு திரு கெவின் மெக்கார்த்தி, செனட் சபையின் பெரும்பான்மை தலைவர் மாண்புமிகு திரு சார்லஸ் ஷூமர், குடியரசுக் கட்சியின் தலைவர் மாண்புமிகு திரு மிட்ச் மெக்கானல் மற்றும் ஜனநாயக அவைத் தலைவர் மாண்புமிகு திரு ஹக்கீம் ஜெஃப்ரிஸ் ஆகியோரின் அழைப்பின் பேரில் ஜூன் 22, 2023 அன்று அமெரிக்க நாடாளுமன்ற கூட்டுக் கூட்டத்தில் பிரதமர் திரு நரேந்திர மோடி உரையாற்றினார்.

அமெரிக்க துணை அதிபர் மாண்புமிகு திருமிகு கமலா ஹாரிஸும் கூட்டத்தில் கலந்து கொண்டார்.

கேப்பிட்டால் ஹில்லுக்கு வருகை தந்த பிரதமருக்கு நாடாளுமன்ற உறுப்பினர்கள் முறையான வரவேற்பு அளித்தனர். அதைத்தொடர்ந்து அவைத்தலைவர் திரு கெவின் மெக்கார்த்தி மற்றும் இதர உறுப்பினர்களுடன் பிரதமர் தனித்தனியே கலந்துரையாடினார்.

இந்திய-அமெரிக்க உறவுகளை வலுப்படுத்துவதற்காக அமெரிக்க நாடாளுமன்றத்தில் உள்ள இரு கட்சிகளின் நீண்ட கால மற்றும் வலுவான ஆதரவிற்கு தமது உரையின்போது பிரதமர் பாராட்டு தெரிவித்தார்.

இந்திய-அமெரிக்க இருதரப்பு உறவுகளில் ஏற்பட்டுள்ள வேகமான முன்னேற்றம் குறித்துப் பேசிய பிரதமர், இருதரப்பு உறவை மேம்படுத்துவதற்கான தமது தொலைநோக்குப் பார்வையையும் பகிர்ந்து கொண்டார். இந்தியாவின் அபரிமிதமான வளர்ச்சியை சுட்டிக்காட்டிய அவர், உலகிற்கு இந்தியா அளிக்கும் ஏராளமான வாய்ப்புகள் குறித்தும் விளக்கினார்.

 

பிரதமரை கௌரவிக்கும் வகையில் அவைத் தலைவர் திரு மெக்கார்த்தி, வரவேற்பு நிகழ்ச்சிக்கு ஏற்பாடு செய்திருந்தார். அமெரிக்க நாடாளுமன்ற கூட்டுக் கூட்டத்தில் பிரதமர் உரையாற்றுவது இது இரண்டாவது முறை. இதற்கு முன்பாக கடந்த 2016-ஆம் ஆண்டு செப்டம்பர் மாதம், அரசுமுறை பயணமாக அமெரிக்கா சென்றிருந்தபோது, நாடாளுமன்றத்தில் பிரதமர் உரையாற்றினார்.

***

(Release ID: 1934651)

AD/BR/RR

பிரபலமானவை

ஆசிய சாம்பியன்ஸ் கோப்பையை வென்ற ஆண்கள் ஹாக்கி அணிக்கு பிரதமர் திரு. நரேந்திர மோடி வாழ்த்து 17 Sep, 2024
சிங்கப்பூர் அதிபரை பிரதமர் சந்தித்துப் பேசினார் 05 Sep, 2024
மனதின் குரல் நிகழ்ச்சிக்கு உள்ளீடுகளை பிரதமர் வரவேற்கிறார் 19 Jul, 2024
PM’s address the 18th Lok Sabha after election of the Speaker of the house 26 Jun, 2024
ஐக்கிய அரபு அமீரகத்தில் இந்திய சமூகத்தினர் நடத்திய வணக்கம் மோடி நிகழ்ச்சியில் பிரதமரின் கலந்துரையாடல் 13 Feb, 2024

அண்மைச் செய்திகள்

கயானா நாட்டின் முன்னணி கிரிக்கெட் வீரர்களுடன் பிரதமர் கலந்துரையாடல் 22 Nov, 2024
கயானாவில் வசிக்கும் இந்திய வம்சாவளியினர் பல்வேறு துறைகளில் தாக்கத்தை ஏற்படுத்தி கயானாவின் வளர்ச்சிக்கு பங்களித்துள்ளனர்: பிரதமர் 22 Nov, 2024
கயானாவில் இந்திய சமூகத்தினரிடையே பிரதமர் ஆற்றிய உரை 22 Nov, 2024
ஆன்டிகுவா மற்றும் பார்புடா பிரதமருடன் பிரதமர் சந்திப்பு 22 Nov, 2024
பஹாமாஸ் பிரதமருடன் பிரதமர் சந்திப்பு 22 Nov, 2024