பி.எம்.இந்தியா

அமெரிக்க அதிபர் திரு. பராக் ஒபாமா பிரதமர் திரு. நரேந்திர மோடியை தொலைபேசி மூலம் (08.12.2015) தொடர்பு கொண்டார். கலிபோர்னியாவில் சமீபத்தில் நடைபெற்ற துப்பாக்கி சூட்டில் உயிர் இழந்த குடும்பத்தினருக்கு அதிபர் ஒபாமாவிடம் தனது இரங்கலை பிரதமர் மோடி அப்போது தெரிவித்தார்.

பாரீசில் தற்போது நடைப்பெற்று வரும் சி.ஒ.பி-21 மாநாடு குறித்து இருவரும் விவாதித்தனர். பருவநிலை மாற்றம் தொடர்பாக இரு நாட்டுத் தலைவர்களும் கொண்டுள்ள வலுவான உறுதிப்பாட்டிற்கு ஏற்ப வளர்ந்து வரும் நாடுகளின் வளர்ச்சிக்கு முட்டுக்கட்டை ஏற்படாத வகையில் பாரீஸ் மாநாட்டில் ஆக்கபூர்வமான விவாதம் நடைபெற்று வருவதாக இரு நாட்டு தலைவர்களும் கருத்து தெரிவித்தனர். இருவரும் தொடர்பில் இருக்க ஒப்புக் கொண்டனர்.