ਪੀਐੱਮਇੰਡੀਆ

ਪ੍ਰਧਾਨ ਮੰਤਰੀ ਸ਼੍ਰੀ ਨਰੇਂਦਰ ਮੋਦੀ ਦੀ ਅਗਵਾਈ ਵਿੱਚ ਕੇਂਦਰੀ ਮੰਤਰੀ ਮੰਡਲ ਨੇ ਐੱਮਐੱਮਟੀਸੀ ਲਿਮਿਟਡ ਦੇ ਜਰੀਏ ਜਪਾਨ ਦੀਆਂ ਇਸਪਾਤ ਮਿੱਲਾਂ (ਜੇਐੱਸਐੱਮਜ਼) ਅਤੇ ਦੱਖਣੀ ਕੋਰੀਆ ਦੀ ਪੋਸਕੋ ਨੂੰ +64 % ਤੋਂ ਅਧਿਕ ਲੋਹ ਸਮੱਗਰੀ ਗਰੇਡ ਦੇ ਕੱਚੇ ਲੋਹੇ (ਢੇਲੇ ਅਤੇ ਬਰੀਕ) ਦੀ ਸਪਲਾਈ ਹੋਰ ਪੰਜ ਸਾਲਾਂ ਤੱਕ (1.4.2018 ਤੋਂ 31.3.2023 ਤੱਕ) ਜਾਰੀ ਰੱਖਣ ਲਈ ਦੀਰਘਕਾਲੀ ਸਹਿਮਤੀ ਪੱਤਰ ਨੂੰ ਨਵਿਆਉਣ ਦੀ ਪ੍ਰਵਾਨਗੀ ਦਿੱਤੀ ਹੈ।

ਵੇਰਵਾ:

1. ਮੌਜੂਦਾ ਐੱਲਟੀਏ 31 ਮਾਰਚ, 2018 ਤੱਕ ਵਾਜਬ ਹੈ। ਜਪਾਨ ਦੀਆਂ ਇਸਪਾਤ ਮਿੱਲਾਂ ਅਤੇ ਦੱਖਣੀ ਕੋਰੀਆ ਦੀ ਪੋਸਕੋ ਨਾਲ ਨਵੀਨੀਕ੍ਰਿਤ ਐੱਲਟੀਏ ਇੱਕ ਅਪ੍ਰੈਲ, 2018 ਤੋਂ ਲੈ ਕੇ 31 ਮਾਰਚ, 2023 ਤੱਕ ਹੋਣਗੇ।
2. ਐੱਲਟੀਏ ਤਹਿਤ ਪ੍ਰਤੀ ਸਾਲ ਨਿਰਧਾਰਤ ਕੀਤੇ ਜਾਣ ਵਾਲੇ ਕੱਚੇ ਲੋਹੇ ਦੀ ਮਾਤਰਾ 3.80 ਮਿਲੀਅਨ ਟਨ (ਘੱਟ ਤੋਂ ਘੱਟ) ਸਲਾਨਾ ਤੋਂ ਲੈ ਕੇ 5.50 ਮਿਲੀਅਨ ਟਨ (ਵੱਧ ਤੋਂ ਵੱਧ) ਸਲਾਨਾ ਹੋਏਗੀ ਅਤੇ ਇਸ ਤਹਿਤ ਐੱਨਐੱਮਡੀਸੀ ਅਤੇ ਗੈਰ ਐੱਨਐੱਮਡੀਸੀ ਦੋਵੇਂ ਹੀ ਮੂਲ ਕੱਚਾ ਲੋਹਾ ਹੋਣਗੇ। ਬੈਲਾਡੀਲਾ ਢੇਲੇ (ਲੰਪ) ਦੇ ਨਿਰਯਾਤ ਦੀ ਮਾਤਰਾ ਸੀਮਾ 1.81 ਮਿਲੀਅਨ ਟਨ ਸਲਾਨਾ ਅਤੇ ਬੈਲਾਡੀਲਾ ਬਰੀਕ (ਫਾਈਨ) ਦੇ ਨਿਰਯਾਤ ਦੀ ਮਾਤਰਾ ਸੀਮਾ 2.71 ਮਿਲੀਅਨ ਟਨ ਸਲਾਨਾ ਹੋਏਗੀ।
3. ਇਨ੍ਹਾਂ ਐੱਲਟੀਏ ਤਹਿਤ ਐੱਮਐੱਮਟੀਸੀ ਦੇ ਜ਼ਰੀਏ ਜੇਐੱਸਐੱਮ ਅਤੇ ਦੱਖਣੀ ਕੋਰੀਆ ਦੀ ਪੋਸਕੋ ਨੂੰ ਸਪਲਾਈ ਲਈ ਪ੍ਰਸਤਾਵਿਤ ਕੱਚਾ ਲੋਹਾ +64 % ਤੋਂ ਜ਼ਿਆਦਾ ਲੋਹ ਸਮੱਗਰੀ ਵਾਲੀ ਕਿਸਮ ਦਾ ਹੋਏਗਾ। ਇਸਦਾ ਵੇਰਵਾ ਹੇਠ ਦਿੱਤਾ ਗਿਆ ਹੈ:

4. ਐੱਫਓਬੀ ਮੂਲ ਦੇ 2.8 % ਕਾਰੋਬਾਰੀ ਲਾਭ ਨਾਲ ਐੱਮਐੱਮਟੀਸੀ ਜ਼ਰੀਏ ਇਕਹਿਰੀ ਏਜੰਸੀ ਸੰਚਾਲਨ ’ਤੇ ਨਿਰਯਾਤ ਦੀ ਮੌਜੂਦਾ ਨੀਤੀ ਅੱਗੇ ਵੀ ਜਾਰੀ ਰਹੇਗੀ।

ਲਾਭ:

ਐੱਲਟੀਏ ਤਹਿਤ ਕੱਚੇ ਲੋਹੇ ਦੇ ਨਿਰਯਾਤ ਦੇ ਦੀਰਘਕਾਲੀ ਸਹਿਮਤੀਪੱਤਰ ਨਾਲ ਭਾਈਵਾਲ ਦੇਸ਼ਾਂ ਜਪਾਨ ਅਤੇ ਦੱਖਣੀ ਕੋਰੀਆ ਨਾਲ ਭਾਰਤ ਦੇ ਦੁਵੱਲੇ ਸਬੰਧਾਂ ਨੂੰ ਮਜ਼ਬੂਤ ਕਰਨ ਅਤੇ ਨਿਰਯਾਤ ਬਜ਼ਾਰ ਹਾਸਲ ਕਰਨ ਵਿੱਚ ਮਦਦ ਮਿਲੇਗੀ ਜਿਸ ਨਾਲ ਦੇਸ਼ ਵਿੱਚ ਵਿਦੇਸ਼ੀ ਮੁਦਰਾ ਦਾ ਪ੍ਰਵਾਹ ਸੁਨਿਸ਼ਚਤ ਹੋਏਗਾ।

ਉਪਰੋਕਤ ਸਹਿਮਤੀ ਪੱਤਰ ਨਾਲ ਭਾਰਤ ਨੂੰ ਆਪਣੇ ਕੱਚੇ ਮਾਲ ਲਈ ਅੰਤਰਰਾਸ਼ਟਰੀ ਬਜ਼ਾਰ ਹਾਸਲ ਕਰਨ ਅਤੇ ਸਥਿਰ ਆਰਥਿਕ ਤੰਤਰ ਸੁਨਿਸ਼ਚਤ ਕਰਨ ਵਿੱਚ ਮਦਦ ਮਿਲੇਗੀ ਜੋ ਖਣਨ, ਲੌਜਿਸਟਿਕ ਅਤੇ ਸਬੰਧਤ ਖੇਤਰਾਂ ਵਿੱਚ ਪ੍ਰਤੱਖ ਅਤੇ ਅਪ੍ਰਤੱਖ ਰੋਜ਼ਗਾਰ ਉਪਲੱਬਧ ਕਰਾਉਂਦਾ ਹੈ।

                                             *****

ਏਕੇਟੀ/ਵੀਬੀਏ/ਐੱਸਐੱਚ