ਪੀਐੱਮਇੰਡੀਆ

ਇੱਕ ਨਵੇਂ ਤਕਨੀਕੀ ਯੁਗ ਦੀ ਸ਼ੁਰੂਆਤ ਕਰਦੇ ਹੋਏ, ਪ੍ਰਧਾਨ ਮੰਤਰੀ ਸ਼੍ਰੀ ਨਰੇਂਦਰ ਮੋਦੀ 1 ਅਕਤੂਬਰ ਨੂੰ ਸਵੇਰੇ 10 ਵਜੇ ਨਵੀਂ ਦਿੱਲੀ ਦੇ ਪ੍ਰਗਤੀ ਮੈਦਾਨ ਵਿੱਚ 5G ਸੇਵਾਵਾਂ ਲਾਂਚ ਕਰਨਗੇ। 5G ਟੈਕਨੋਲੋਜੀ ਨਾਲ ਨਿਰਵਿਘਨ ਕਵਰੇਜ, ਉੱਚ ਡੇਟਾ ਦਰ, ਘੱਟ ਵਿਲੰਬਤਾ ਅਤੇ ਅਤਿਅਧਿਕ ਭਰੋਸੇਯੋਗ ਸੰਚਾਰ ਸੁਵਿਧਾਵਾਂ ਪ੍ਰਾਪਤ ਕੀਤੀਆਂ ਜਾ ਸਕਣਗੀਆਂ। ਇਹ ਊਰਜਾ ਦਕਸ਼ਤਾ, ਸਪੈਕਟ੍ਰਮ ਦਕਸ਼ਤਾ ਅਤੇ ਨੈੱਟਵਰਕ ਦਕਸ਼ਤਾ ਵਧਾਵੇਗੀ।

ਪ੍ਰਧਾਨ ਮੰਤਰੀ ਇੰਡੀਆ ਮੋਬਾਈਲ ਕਾਂਗਰਸ (ਆਈਐੱਮਸੀ) ਦੇ ਛੇਵੇਂ ਸੰਸਕਰਣ ਦਾ ਵੀ ਉਦਘਾਟਨ ਕਰਨਗੇ। ਆਈਐੱਮਸੀ 2022 ਦਾ ਆਯੋਜਨ 1 ਤੋਂ 4 ਅਕਤੂਬਰ ਤੱਕ “ਨਿਊ ਡਿਜੀਟਲ ਯੂਨੀਵਰਸ” ਵਿਸ਼ੇ ਦੇ ਨਾਲ ਕੀਤਾ ਜਾਵੇਗਾ। ਇਹ ਸੰਮੇਲਨ ਪ੍ਰਮੁੱਖ ਵਿਚਾਰਕਾਂ, ਉੱਦਮੀਆਂ, ਇਨੋਵੇਟਰਾਂ ਅਤੇ ਸਰਕਾਰੀ ਅਧਿਕਾਰੀਆਂ ਨੂੰ ਇਕੱਠੇ ਲਿਆਉਂਦੇ ਹੋਏ ਡਿਜੀਟਲ ਟੈਕਨੋਲੋਜੀ ਨੂੰ ਤੇਜ਼ੀ ਨਾਲ ਅਪਣਾਉਣ ਅਤੇ ਇਸ ਦੇ ਪ੍ਰਸਾਰ ਤੋਂ ਹੋਣ ਵਾਲੇ ਅਦੁੱਤੀ ਅਵਸਰਾਂ ‘ਤੇ ਵਿਚਾਰ-ਵਟਾਂਦਰਾ ਕਰਨ ਅਤੇ ਵਿਭਿੰਨ ਪੇਸ਼ਕਾਰੀਆਂ ਦੇ ਲਈ ਇੱਕ ਸਾਂਝਾ ਮੰਚ ਪ੍ਰਦਾਨ ਕਰੇਗਾ।

***

ਡੀਐੱਸ/ਵੀਜੇ/ਏਕੇ