ਪੀਐੱਮਇੰਡੀਆ

ਪ੍ਰਧਾਨ ਮੰਤਰੀ ਸ਼੍ਰੀ ਨਰੇਂਦਰ ਮੋਦੀ ਨੇ ਅੱਜ ਰਾਜ ਸਭਾ ਵਿੱਚ ਉਪ ਰਾਸ਼ਟਰਪਤੀ ਸ਼੍ਰੀ ਐੱਮ. ਵੈਂਕਈਆ ਨਾਇਡੂ ਦੇ ਵਿਦਾਇਗੀ ਸਮਾਰੋਹ ’ਚ ਹਿੱਸਾ ਲਿਆ। ਪ੍ਰਧਾਨ ਮੰਤਰੀ ਨੇ ਉਪ ਰਾਸ਼ਟਰਪਤੀ ਨੂੰ ਸ਼ਰਧਾਂਜਲੀ ਭੇਟ ਕੀਤੀ ਜੋ ਉੱਚ ਸਦਨ ਦੇ ਐਕਸ–ਆਫ਼ੀਸ਼ੀਓ ਚੇਅਰਮੈਨ ਹਨ।

ਪ੍ਰਧਾਨ ਮੰਤਰੀ ਨੇ ਕਈ ਪਲਾਂ ਨੂੰ ਯਾਦ ਕੀਤਾ ਜੋ ਸ਼੍ਰੀ ਨਾਇਡੂ ਦੀ ਸਿਆਣਪ ਅਤੇ ਹਾਜ਼ਰ ਜਵਾਬੀ ਲਈ ਯਾਦ ਕੀਤੇ ਜਾਂਦੇ ਸਨ। ਪ੍ਰਧਾਨ ਮੰਤਰੀ ਨੇ ਨਵੇਂ ਭਾਰਤ ਵਿੱਚ ਲੀਡਰਸ਼ਿਪ ਦੇ ਰੰਗ ਵਿੱਚ ਤਬਦੀਲੀ ਨੂੰ ਨੋਟ ਕਰਦੇ ਹੋਏ ਕਿਹਾ, “ਜਦੋਂ ਅਸੀਂ ਇਸ ਸਾਲ 15 ਅਗਸਤ ਨੂੰ ਮਨਾਵਾਂਗੇ, ਤਾਂ ਇਹ ਇੱਕ ਅਜਿਹਾ ਆਜ਼ਾਦੀ ਦਿਹਾੜਾ ਹੋਵੇਗਾ, ਜਦੋਂ ਰਾਸ਼ਟਰਪਤੀ, ਉਪ ਰਾਸ਼ਟਰਪਤੀ, ਸਪੀਕਰ ਅਤੇ ਪ੍ਰਧਾਨ ਮੰਤਰੀ ਆਜ਼ਾਦੀ ਤੋਂ ਬਾਅਦ ਪੈਦਾ ਹੋਏ ਹਨ। ਅਤੇ ਉਹ ਵੀ, ਉਹ ਸਾਰੇ ਹੀ ਬਹੁਤ ਸਧਾਰਨ ਪਿਛੋਕੜ ਨਾਲ ਸਬੰਧਿਤ ਹਨ।” ਉਨ੍ਹਾਂ ਅੱਗੇ ਕਿਹਾ ਕਿ ਇਸ ਦਾ ਬਹੁਤ ਵੱਡਾ ਪ੍ਰਤੀਕਾਤਮਕ ਮੁੱਲ ਹੈ ਅਤੇ ਇਹ ਇੱਕ ਨਵੇਂ ਯੁਗ ਦੀ ਝਲਕ ਹੈ।

ਪ੍ਰਧਾਨ ਮੰਤਰੀ ਨੇ ਜਨਤਕ ਜੀਵਨ ਵਿੱਚ ਨਿਭਾਈਆਂ ਸਾਰੀਆਂ ਭੂਮਿਕਾਵਾਂ ਵਿੱਚ ਦੇਸ਼ ਦੇ ਨੌਜਵਾਨਾਂ ਨੂੰ ਉਪ ਰਾਸ਼ਟਰਪਤੀ ਦੇ ਲਗਾਤਾਰ ਉਤਸ਼ਾਹ ਨੂੰ ਯਾਦ ਕੀਤਾ। ਉਨ੍ਹਾਂ ਨੇ ਹਮੇਸ਼ਾ ਨੌਜਵਾਨ ਮੈਂਬਰਾਂ ਨੂੰ ਸਦਨ ਵਿੱਚ ਅੱਗੇ ਵਧਾਇਆ। ਪ੍ਰਧਾਨ ਮੰਤਰੀ ਨੇ ਅੱਗੇ ਕਿਹਾ,“ਸਾਡੇ ਉਪ ਰਾਸ਼ਟਰਪਤੀ ਵਜੋਂ, ਤੁਸੀਂ ਨੌਜਵਾਨਾਂ ਦੀ ਭਲਾਈ ਲਈ ਬਹੁਤ ਸਾਰਾ ਸਮਾਂ ਸਮਰਪਿਤ ਕੀਤਾ। ਤੁਹਾਡੇ ਬਹੁਤ ਸਾਰੇ ਪ੍ਰੋਗਰਾਮ ਯੁਵਾ ਸ਼ਕਤੀ ‘ਤੇ ਕੇਂਦ੍ਰਿਤ ਸਨ।” ਪ੍ਰਧਾਨ ਮੰਤਰੀ ਨੇ ਨੋਟ ਕੀਤਾ ਕਿ ਸਦਨ ਦੇ ਬਾਹਰ ਉਪ ਰਾਸ਼ਟਰਪਤੀ ਦੇ ਭਾਸ਼ਣਾਂ ਵਿੱਚੋਂ 25 ਪ੍ਰਤੀਸ਼ਤ ਭਾਰਤ ਦੇ ਨੌਜਵਾਨਾਂ ’ਚ ਦਿੱਤੇ ਗਏ ਸਨ।

ਪ੍ਰਧਾਨ ਮੰਤਰੀ ਨੇ ਸ਼੍ਰੀ ਐੱਮ. ਵੈਂਕਈਆ ਨਾਇਡੂ ਨਾਲ ਵੱਖ-ਵੱਖ ਅਹੁਦਿਆਂ ‘ਤੇ ਆਪਣੇ ਨਜ਼ਦੀਕੀ ਸਬੰਧਾਂ ਨੂੰ ਉਜਾਗਰ ਕੀਤਾ। ਉਨ੍ਹਾਂ ਪਾਰਟੀ ਵਰਕਰ ਵਜੋਂ ਉਪ ਰਾਸ਼ਟਰਪਤੀ ਦੀ ਵਿਚਾਰਧਾਰਕ ਪ੍ਰਤੀਬੱਧਤਾ, ਵਿਧਾਇਕ ਵਜੋਂ ਕੰਮ, ਸੰਸਦ ਮੈਂਬਰ ਵਜੋਂ ਸਰਗਰਮੀ ਦਾ ਪੱਧਰ, ਭਾਜਪਾ ਦੇ ਪ੍ਰਧਾਨ ਵਜੋਂ ਜਥੇਬੰਦਕ ਹੁਨਰ, ਮੰਤਰੀ ਵਜੋਂ ਉਨ੍ਹਾਂ ਦੀ ਸਖ਼ਤ ਮਿਹਨਤ ਅਤੇ ਕੂਟਨੀਤੀ ਅਤੇ ਉਪ ਰਾਸ਼ਟਰਪਤੀ ਅਤੇ ਚੇਅਰਮੈਨ ਵਜੋਂ ਉਨ੍ਹਾਂ ਦੀ ਲਗਨ ਅਤੇ ਮਾਣ ਦੀ ਸ਼ਲਾਘਾ ਕੀਤੀ। ਪ੍ਰਧਾਨ ਮੰਤਰੀ ਨੇ ਕਿਹਾ,“ਮੈਂ ਸ਼੍ਰੀ ਐੱਮ. ਵੈਂਕਈਆ ਨਾਇਡੂ ਜੀ ਨਾਲ ਸਾਲਾਂ ਬੱਧੀ ਨੇੜਿਓਂ ਕੰਮ ਕੀਤਾ ਹੈ। ਮੈਂ ਉਨ੍ਹਾਂ ਨੂੰ ਵੱਖ-ਵੱਖ ਜ਼ਿੰਮੇਵਾਰੀਆਂ ਸੰਭਾਲਦੇ ਵੀ ਦੇਖਿਆ ਹੈ ਅਤੇ ਉਨ੍ਹਾਂ ਨੇ ਉਨ੍ਹਾਂ ਵਿੱਚੋਂ ਹਰ ਇੱਕ ਨੂੰ ਬਹੁਤ ਸਮਰਪਣ ਨਾਲ ਨਿਭਾਇਆ ਹੈ।” ਪ੍ਰਧਾਨ ਮੰਤਰੀ ਨੇ ਕਿਹਾ ਕਿ ਜਨਤਕ ਜੀਵਨ ਵਿੱਚ ਲੋਕ ਸ਼੍ਰੀ ਐੱਮ. ਵੈਂਕਈਆ ਨਾਇਡੂ ਤੋਂ ਬਹੁਤ ਕੁਝ ਸਿੱਖ ਸਕਦੇ ਹਨ।

ਪ੍ਰਧਾਨ ਮੰਤਰੀ ਨੇ ਉਪ ਰਾਸ਼ਟਰਪਤੀ ਦੀ ਬੁੱਧੀ ਅਤੇ ਸ਼ਬਦ ਸ਼ਕਤੀ ਨੂੰ ਉਜਾਗਰ ਕੀਤਾ। ਉਨ੍ਹਾਂ ਕਿਹਾ, “ਤੁਹਾਡਾ ਹਰ ਸ਼ਬਦ ਸੁਣਿਆ, ਪਸੰਦ ਕੀਤਾ ਅਤੇ ਸਤਿਕਾਰਿਆ ਜਾਂਦਾ ਹੈ…ਅਤੇ ਕਦੇ ਵੀ ਉਸ ਦਾ ਵਿਰੋਧ ਨਹੀਂ ਕੀਤਾ ਜਾਂਦਾ।” ਪ੍ਰਧਾਨ ਮੰਤਰੀ ਨੇ ਅੱਗੇ ਕਿਹਾ,“ਸ਼੍ਰੀ ਐੱਮ. ਵੈਂਕਈਆ ਨਾਇਡੂ ਜੀ ਦੀਆਂ ਇੱਕ–ਸਤਰੀ ਟਿੱਪਣੀਆਂ ਮਸ਼ਹੂਰ ਹਨ। ਉਹ ਹਾਜ਼ਰ ਜਵਾਬੀ ਵਾਲੀਆਂ ਟਿੱਪਣੀਆਂ ਹਨ। ਭਾਸ਼ਾਵਾਂ ‘ਤੇ ਉਨ੍ਹਾਂ ਦੀ ਕਮਾਂਡ ਹਮੇਸ਼ਾ ਸ਼ਾਨਦਾਰ ਰਹੀ ਹੈ।” ਪ੍ਰਧਾਨ ਮੰਤਰੀ ਨੇ ਕਿਹਾ ਕਿ ਸਦਨ ਅਤੇ ਬਾਹਰ, ਉਪ ਰਾਸ਼ਟਰਪਤੀ ਦੇ ਵਿਸ਼ਾਲ ਪ੍ਰਗਟਾਵੇ ਦੇ ਹੁਨਰ ਨੇ ਬਹੁਤ ਪ੍ਰਭਾਵ ਪਾਇਆ ਹੈ। ਉਨ੍ਹਾਂ ਕਿਹਾ,“ਸ਼੍ਰੀ ਐੱਮ. ਵੈਂਕਈਆ ਨਾਇਡੂ ਜੀ ਜੋ ਕਹਿੰਦੇ ਹਨ, ਉਸ ਵਿੱਚ ਡੂੰਘਾਈ ਅਤੇ ਤੱਤ ਦੋਵੇਂ ਹਨ, ਇਹ ਬੇਮਿਸਾਲ ਜਿੰਨਾ ਸਿੱਧਾ ਹੈ, ਤੁਸੀਂ ਜੋ ਕਹਿੰਦੇ ਹੋ ਉਸ ਵਿੱਚ ਬੁੱਧੀ ਅਤੇ ਵਜ਼ਨ ਦੋਵਾਂ ਦੇ ਨਾਲ–ਨਾਲ ਨਿੱਘ ਅਤੇ ਸਿਆਣਪ ਵੀ ਹਨ।”

ਦੱਖਣੀ ਭਾਰਤ ਵਿੱਚ ਸ਼੍ਰੀ ਐੱਮ. ਵੈਂਕਈਆ ਨਾਇਡੂ ਦੇ ਸਿਆਸੀ ਕਰੀਅਰ ਦੀ ਸਨਿਮਰ ਸ਼ੁਰੂਆਤ ਦਾ ਜ਼ਿਕਰ ਕਰਦਿਆਂ ਜਿੱਥੇ ਉਨ੍ਹਾਂ ਦੀ ਚੁਣੀ ਹੋਈ ਵਿਚਾਰਧਾਰਾ ਦੀ ਕੋਈ ਤਤਕਾਲ ਸੰਭਾਵਨਾ ਨਹੀਂ ਸੀ, ਪ੍ਰਧਾਨ ਮੰਤਰੀ ਨੇ ਕਿਹਾ ਕਿ ਇੱਕ ਰਾਜਨੀਤਕ ਵਰਕਰ ਤੋਂ ਉਨ੍ਹਾਂ ਦੀ ਪਾਰਟੀ ਦੇ ਪ੍ਰਧਾਨ ਤੱਕ ਉਪ ਰਾਸ਼ਟਰਪਤੀ ਦੀ ਵਿਚਾਰਧਾਰਾ ਅਤੇ ਦ੍ਰਿੜ੍ਹਤਾ ਵਿੱਚ ਉਨ੍ਹਾਂ ਦੀ ਅਦੁੱਤੀ ਦ੍ਰਿੜ੍ਹਤਾ ਦੀ ਯਾਤਰਾ ਦਾ ਪ੍ਰਤੀਬਿੰਬ ਹੈ। । ਪ੍ਰਧਾਨ ਮੰਤਰੀ ਨੇ ਕਿਹਾ, “ਜੇ ਸਾਡੇ ਦੇਸ਼ ਲਈ ਭਾਵਨਾਵਾਂ, ਆਪਣੇ ਵਿਚਾਰ ਰੱਖਣ ਦੀ ਕਲਾ, ਭਾਸ਼ਾਈ ਵਿਵਿਧਤਾ ਵਿੱਚ ਵਿਸ਼ਵਾਸ ਹੈ ਤਾਂ ਭਾਸ਼ਾ ਅਤੇ ਖੇਤਰ ਸਾਡੇ ਲਈ ਕਦੇ ਵੀ ਰੁਕਾਵਟ ਨਹੀਂ ਬਣਦੇ ਅਤੇ ਤੁਸੀਂ ਇਹ ਸਿੱਧ ਕਰ ਦਿੱਤਾ ਹੈ।” ਪ੍ਰਧਾਨ ਮੰਤਰੀ ਨੇ ਉਪ ਰਾਸ਼ਟਰਪਤੀ ਦੇ ਮਾਤ ਭਾਸ਼ਾ ਪ੍ਰਤੀ ਪਿਆਰ ਨੂੰ ਵੀ ਛੋਹਿਆ। ਉਨ੍ਹਾਂ ਕਿਹਾ, “ਵੈਂਕਈਆ ਜੀ ਬਾਰੇ ਸ਼ਲਾਘਾਯੋਗ ਗੱਲਾਂ ਵਿੱਚੋਂ ਇੱਕ ਭਾਰਤੀ ਭਾਸ਼ਾਵਾਂ ਪ੍ਰਤੀ ਉਨ੍ਹਾਂ ਦਾ ਜਨੂੰਨ ਹੈ। ਇਹ ਇਸ ਗੱਲ ਤੋਂ ਝਲਕਦਾ ਸੀ ਕਿ ਉਨ੍ਹਾਂ ਨੇ ਸਦਨ ਦੀ ਪ੍ਰਧਾਨਗੀ ਕਿਵੇਂ ਕੀਤੀ। ਉਨ੍ਹਾਂ ਨੇ ਰਾਜ ਸਭਾ ਦੀ ਉਤਪਾਦਕਤਾ ਵਧਾਉਣ ਵਿੱਚ ਯੋਗਦਾਨ ਪਾਇਆ”।

ਪ੍ਰਧਾਨ ਮੰਤਰੀ ਨੇ ਇਸ਼ਾਰਾ ਕੀਤਾ ਕਿ ਉਪ ਰਾਸ਼ਟਰਪਤੀ ਦੁਆਰਾ ਸਥਾਪਿਤ ਪ੍ਰਣਾਲੀਆਂ, ਉਨ੍ਹਾਂ ਦੀ ਅਗਵਾਈ ਨੇ ਸਦਨ ਦੀ ਉਤਪਾਦਕਤਾ ਨੂੰ ਨਵੀਂ ਉਚਾਈ ਦਿੱਤੀ। ਉਪ ਰਾਸ਼ਟਰਪਤੀ ਦੀ ਅਗਵਾਈ ਦੇ ਸਾਲਾਂ ਦੌਰਾਨ, ਸਦਨ ਦੀ ਉਤਪਾਦਕਤਾ 70 ਪ੍ਰਤੀਸ਼ਤ ਵਧੀ, ਮੈਂਬਰਾਂ ਦੀ ਹਾਜ਼ਰੀ ਵਧੀ, ਅਤੇ ਰਿਕਾਰਡ 177 ਬਿਲ ਪਾਸ ਕੀਤੇ ਗਏ ਜਾਂ ਉਨ੍ਹਾਂ ’ਤੇ ਚਰਚਾ ਕੀਤੀ ਗਈ। ਪ੍ਰਧਾਨ ਮੰਤਰੀ ਨੇ ਕਿਹਾ, “ਤੁਸੀਂ ਬਹੁਤ ਸਾਰੇ ਫ਼ੈਸਲੇ ਲਏ ਹਨ ਜੋ ਉੱਪਰਲੇ ਸਦਨ ਦੀ ਉਪਰਲੀ ਯਾਤਰਾ ਲਈ ਯਾਦ ਰੱਖੇ ਜਾਣਗੇ।

ਪ੍ਰਧਾਨ ਮੰਤਰੀ ਨੇ ਉਪ-ਰਾਸ਼ਟਰਪਤੀ ਦੁਆਰਾ ਸਦਨ ਦੇ ਸੁਚੱਜੇ, ਸੂਝਵਾਨ ਅਤੇ ਦ੍ਰਿੜ੍ਹ ਵਿਵਹਾਰ ਦੀ ਸ਼ਲਾਘਾ ਕੀਤੀ ਅਤੇ ਦ੍ਰਿੜ੍ਹ ਵਿਸ਼ਵਾਸ ਰੱਖਣ ਲਈ ਉਨ੍ਹਾਂ ਦੀ ਪ੍ਰਸ਼ੰਸਾ ਕੀਤੀ ਕਿ ਇੱਕ ਹੱਦ ਤੋਂ ਵੱਧ ਸਦਨ ਵਿੱਚ ਵਿਘਨ ਸਦਨ ਦਾ ਅਪਮਾਨ ਬਣ ਜਾਂਦਾ ਹੈ। ਪ੍ਰਧਾਨ ਮੰਤਰੀ ਨੇ ਕਿਹਾ,“ਮੈਂ ਤੁਹਾਡੇ ਮਾਪਦੰਡਾਂ ਵਿੱਚ ਲੋਕਤੰਤਰ ਦੀ ਪਰਿਪੱਕਤਾ ਦੇਖਦਾ ਹਾਂ”। ਉਨ੍ਹਾਂ ਨੇ ਅਨੁਕੂਲਤਾ, ਸੰਚਾਰ ਅਤੇ ਤਾਲਮੇਲ ਦੀ ਸ਼ਲਾਘਾ ਕੀਤੀ ਜਿਸ ਨਾਲ ਉਨ੍ਹਾਂ ਔਖੇ ਪਲਾਂ ’ਚ ਵੀ ਸਦਨ ਨੂੰ ਚਲਦਾ ਰੱਖਿਆ। ਪ੍ਰਧਾਨ ਮੰਤਰੀ ਨੇ ਸ਼੍ਰੀ ਐੱਮ. ਵੈਂਕਈਆ ਨਾਇਡੂ ਦੇ ਨਜ਼ਰੀਏ ਦੀ ਪ੍ਰਸ਼ੰਸਾ ਕੀਤੀ ‘ਸਰਕਾਰ ਨੂੰ ਪ੍ਰਸਤਾਵ ਦੇਣ ਦਿਓ, ਵਿਰੋਧੀ ਧਿਰ ਨੂੰ ਵਿਰੋਧ ਕਰਨ ਦਿਓ ਅਤੇ ਸਦਨ ਨੂੰ ਨਿਪਟਾਉਣ ਦਿਓ’। ਉਨ੍ਹਾਂ ਕਿਹਾ ਕਿ ਇਸ ਸਦਨ ਨੂੰ ਦੂਸਰੇ ਸਦਨ ਦੇ ਪ੍ਰਸਤਾਵਾਂ ਨੂੰ ਸਵੀਕਾਰ, ਅਸਵੀਕਾਰ ਜਾਂ ਸੋਧਣ ਦਾ ਅਧਿਕਾਰ ਹੈ ਪਰ ਸਾਡਾ ਲੋਕਤੰਤਰ ਦੂਸਰੇ ਸਦਨ ਤੋਂ ਪ੍ਰਾਪਤ ਪ੍ਰਸਤਾਵਾਂ ਨੂੰ ਰੋਕਣ ਦੀ ਕਲਪਨਾ ਨਹੀਂ ਕਰਦਾ।

ਪ੍ਰਧਾਨ ਮੰਤਰੀ ਨੇ ਸਦਨ ਅਤੇ ਦੇਸ਼ ਲਈ ਉਨ੍ਹਾਂ ਦੇ ਮਾਰਗਦਰਸ਼ਨ ਅਤੇ ਯੋਗਦਾਨ ਲਈ ਉਪ ਰਾਸ਼ਟਰਪਤੀ ਦਾ ਧੰਨਵਾਦ ਕੀਤਾ।

https://twitter.com/PMOIndia/status/1556517899325546497

https://twitter.com/PMOIndia/status/1556518190389362689

https://twitter.com/PMOIndia/status/1556518597345906688

https://twitter.com/PMOIndia/status/1556519098418446337

https://twitter.com/PMOIndia/status/1556519729892052992

https://twitter.com/PMOIndia/status/1556520449055817728

https://youtu.be/hny8sKoLbEo

************ 

ਡੀਐੱਸ