ਪੀਐੱਮਇੰਡੀਆ
ਪ੍ਰਧਾਨ ਮੰਤਰੀ, ਸ਼੍ਰੀ ਨਰੇਂਦਰ ਮੋਦੀ ਨੇ ਅਹਿਮਦਾਬਾਦ ’ਚ ਸਾਬਰਮਤੀ ਰਿਵਰਫ਼੍ਰੰਟ ਅਤੇ ਕੇਵਡੀਆ ਸਥਿਤ ਸਟੈਚੂ ਆੱਵ੍ ਯੂਨਿਟੀ ਨੂੰ ਜੋੜਨ ਵਾਲੀ ਸੀ–ਪਲੇਨ ਸੇਵਾ ਅਤੇ ਕੇਵਡੀਆ ’ਚ ਵਾਟਰ ਏਅਰੋਡ੍ਰੋਮ ਦਾ ਉਦਘਾਟਨ ਕੀਤਾ।
ਸ਼੍ਰੀ ਮੋਦੀ ਨੇ ਅਹਿਮਦਾਬਾਦ ’ਚ ਸਾਬਰਮਤੀ ਰਿਵਰਫ਼੍ਰੰਟ ’ਚ ਵਾਟਰ ਏਅਰੋਡ੍ਰੋਮ ਤੇ ਸਾਬਰਮਤੀ ਰਿਵਰਫ਼੍ਰੰਟ ਤੋਂ ਕੇਵਡੀਆ ਤੱਕ ਸੀ–ਪਲੇਨ ਸੇਵਾ ਦਾ ਉਦਘਾਟਨ ਵੀ ਕੀਤਾ। ਇਹ ਆਖ਼ਰੀ ਮੀਲ ਨੂੰ ਵੀ ਨਾਲ ਜੋੜਨ ਲਈ ਵਾਟਰ ਏਅਰੋਡ੍ਰੋਮਸ ਦੀ ਲੜੀ ਦਾ ਇੱਕ ਹਿੱਸਾ ਹਨ।
ਸੀ–ਪਲੇਨਸ ਵਿੱਚ ਪਾਣੀ ਉੱਤੇ ਲੈਂਡ ਕਰਨ ਤੇ ਉੱਥੋਂ ਹੀ ਉਡਾਣ ਭਰਨ ਦੀ ਯੋਗਤਾ ਹੁੰਦੀ ਹੈ ਤੇ ਇੰਝ ਉਹ ਅਜਿਹੇ ਇਲਾਕਿਆਂ ਤੱਕ ਪਹੁੰਚ ਕਰ ਸਕਦੇ ਹਨ, ਜਿੱਥੇ ਲੈਂਡਿੰਗ ਕਰਨ ਵਾਲੀਆਂ ਪੱਟੀਆਂ ਜਾਂ ਰਨ–ਵੇਅਜ਼ ਨਹੀਂ ਹਨ। ਇਸ ਪ੍ਰਕਾਰ ਇਹ ਅਜਿਹੇ ਭੂਗੋਲਿਕ ਖੇਤਰਾਂ/ਇਲਾਕਿਆਂ ਨੂੰ ਵੀ ਜੋੜਨ ਵਿੱਚ ਮਦਦ ਮਿਲ ਸਕਦੀ ਹੈ, ਜਿੱਥੋਂ ਦੀ ਧਰਤੀ ਕਾਰਣ ਕਈ ਤਰ੍ਹਾਂ ਦੀਆਂ ਚੁਣੌਤੀਆਂ ਦਰਪੇਸ਼ ਹੁੰਦੀਆਂ ਹਨ ਅਤੇ ਮਹਿੰਗੇ ਹਵਾਈ ਅੱਡੇ ਅਤੇ ਰਨ–ਵੇਅਜ਼ ਬਣਾਉਣ ਤੋਂ ਬਿਨਾ ਹੀ ਦੂਰ–ਦੁਰਾਡੇ ਦੇ ਇਲਾਕਿਆਂ ਨੂੰ ਮੁੱਖ–ਧਾਰਾ ਦੇ ਹਵਾਬਾਜ਼ੀ ਨੈੱਟਵਰਕ ਵਿੱਚ ਲਿਆਂਦਾ ਜਾ ਸਕਦਾ ਹੈ। ਫ਼ਿਕਸਡ ਖੰਭਾਂ ਵਾਲੇ ਇਹ ਛੋਟੇ ਹਵਾਈ ਜਹਾਜ਼ ਝੀਲਾਂ, ਬੈਕਵਾਟਰਸ ਤੇ ਬੰਨ੍ਹਾਂ ਜਿਹੀਆਂ ਜਲ–ਇਕਾਈਆਂ, ਬਜਰੀ ਤੇ ਘਾਹ ਉੱਤੇ ਲੈਂਡ ਕਰ ਸਕਦੇ ਹਨ; ਇਸ ਪ੍ਰਕਾਰ ਅਨੇਕ ਸੈਲਾਨੀ ਟਿਕਾਣਿਆਂ ਤੱਕ ਅਸਾਨ ਪਹੁੰਚ ਕਾਇਮ ਕੀਤੀ ਜਾ ਸਕਦੀ ਹੈ।
***
ਵੀਆਰਆਰਕੇ/ਏਕੇ
Inaugurated sea plane services between Ahmedabad and Kevadia. This service will boost tourism and help the local economy. pic.twitter.com/KWpF9tXAXA
— Narendra Modi (@narendramodi) October 31, 2020
