ਪੀਐੱਮਇੰਡੀਆ
ਪ੍ਰਧਾਨ ਮੰਤਰੀ, ਸ਼੍ਰੀ ਨਰੇਂਦਰ ਮੋਦੀ ਨੇ ਅੱਜ ਆਈਸੀਟੀ-ਅਧਾਰਤ, ਮਲਟੀ ਮੋਡਲ ਪਲੇਟਫਾਰਮ ਫਾਰ ਪ੍ਰੋ-ਐਕਟਿਵ ਗਵਰਨੈਂਸ ਐਂਡ ਟਾਈਮਲੀ ਇੰਪਲੀਮੈਂਟੇਸ਼ਨ-‘ਪ੍ਰਗਤੀ‘ ਰਾਹੀਂ 30ਵੀਂ ਗੱਲਬਾਤ ਦੀ ਪ੍ਰਧਾਨਗੀ ਕੀਤੀ।
ਕੇਂਦਰ ਸਰਕਾਰ ਦੇ ਨਵੇਂ ਕਾਰਜਕਾਲ ‘ਚ ਇਹ ਪਹਿਲੀ ਪ੍ਰਗਤੀ ਬੈਠਕ ਵੀ ਸੀ।
ਪਿਛਲੇ ਕਾਰਜਕਾਲ ਦੌਰਾਨ 29 ਪ੍ਰਗਤੀ ਬੈਠਕਾਂ ‘ਚ, 12 ਲੱਖ ਕਰੋੜ ਰੁਪਏ ਤੋਂ ਵੱਧ ਦੇ ਕੁੱਲ ਨਿਵੇਸ਼ ਨਾਲ 257 ਪ੍ਰੋਜੈਕਟਾਂ ਦੀ ਸੰਚਿਤ ਸਮੀਖਿਆ ਕੀਤੀ ਗਈ। 47 ਪ੍ਰੋਗਰਾਮਾਂ / ਯੋਜਨਾਵਾਂ ਦੀ ਸਮੀਖਿਆ ਕੀਤੀ ਗਈ। 17 ਖੇਤਰਾਂ (21 ਵਿਸ਼ਿਆਂ) ‘ਚ ਲੋਕ ਸ਼ਿਕਾਇਤਾਂ ਦੇ ਸਮਾਧਾਨ ਦੀ ਵੀ ਸਮੀਖਿਆ ਕੀਤੀ ਗਈ।
ਪ੍ਰਧਾਨ ਮੰਤਰੀ ਨੇ ਅੱਜ ਪ੍ਰਧਾਨ ਮੰਤਰੀ ਆਵਾਸ ਯੋਜਨਾ (ਸ਼ਹਿਰੀ) ਨਾਲ ਸਬੰਧਤ ਸ਼ਿਕਾਇਤਾਂ ਦੇ ਸਮਾਧਾਨ ‘ਚ ਹੋਈ ਪ੍ਰਗਤੀ ਦੀ ਸਮੀਖਿਆ ਕੀਤੀ। ਉਨ੍ਹਾਂ ਨੇ ਕੇਂਦਰ ਸਰਕਾਰ ਦੀ ਇਸ ਪ੍ਰਤਿੱਗਿਆ ਨੂੰ ਰੇਖਾਂਕਿਤ ਕਿਤਾ ਕਿ ਕੋਈ ਵੀ ਪਰਿਵਾਰ 2022 ਤੱਕ ਬੇਘਰ ਨਹੀਂ ਰਹੇਗਾ, ਅਤੇ ਅਧਿਕਾਰੀਆਂ ਨੂੰ ਪ੍ਰੇਰਿਤ ਕੀਤਾ ਕਿ ਉਹ ਇਸ ਉਦੇਸ਼ ਨੂੰ ਹਾਸਲ ਕਰਨ ਦੀ ਦਿਸ਼ਾ ਵਿੱਚ ਮਿਹਨਤ ਨਾਲ ਕੰਮ ਕਰਨ ਅਤੇ ਰਸਤੇ ‘ਚ ਆਉਣ ਵਾਲੀਆਂ ਸਾਰੀਆਂ ਰੁਕਾਵਟਾਂ ਨੂੰ ਦੂਰ ਕਰਨ। ਇਸ ਉਦੇਸ਼ ਦੀ ਪ੍ਰਾਪਤੀ ਲਈ, ਪ੍ਰਧਾਨ ਮੰਤਰੀ ਨੇ ਵਿੱਤੀ ਸੇਵਾਵਾਂ ਦੇ ਵਿਭਾਗ ਨਾਲ ਸਬੰਧਤ ਜਨ ਸ਼ਿਕਾਇਤਾਂ ਦੇ ਸਮਾਧਾਨ ਦੀ ਵੀ ਸਮੀਖਿਆ ਕੀਤੀ।
ਪ੍ਰਧਾਨ ਮੰਤਰੀ ਨੇ ਆਯੁਸ਼ਮਾਨ ਭਾਰਤ ਦੀ ਕਾਰਜ ਪ੍ਰਣਾਲੀ ਦੀ ਵਿਸਤਾਰ ਨਾਲ ਸਮੀਖਿਆ ਕੀਤੀ। ਉਨ੍ਹਾਂ ਨੂੰ ਦੱਸਿਆ ਗਿਆ ਕਿ ਹੁਣ ਤੱਕ ਲਗਭਗ 35 ਲੱਖ ਲਾਭਾਰਥੀ ਹਸਪਤਾਲ ‘ਚ ਦਾਖ਼ਲੇ ਦੀ ਸੁਵਿਧਾ ਦਾ ਲਾਭ ਲੈ ਚੁੱਕੇ ਹਨ ਅਤੇ 16000 ਤੋਂ ਵੱਧ ਹਸਪਤਾਲ ਇਸ ਯੋਜਨਾ ਨਾਲ ਜੁੜੇ ਹਨ। ਪ੍ਰਧਾਨ ਮੰਤਰੀ ਨੇ ਉਨ੍ਹਾਂ ਰਾਜਾਂ ਨਾਲ ਗੱਲਬਾਤ ਦਾ ਸੱਦਾ ਦਿੱਤਾ ਜੋ ਯੋਜਨਾ ਵਿੱਚ ਸਰਬਸ੍ਰੇਸ਼ਠ ਪਿਰਤਾਂ ਵਿਕਸਿਤ ਕਰਨ ਅਤੇ ਸਕੀਮ ਵਿੱਚ ਹੋਰ ਸੁਧਾਰ ਕਰਨ ਵਿੱਚ ਮਦਦ ਕਰ ਸਕਦੇ ਹਨ। ਉਨ੍ਹਾਂ ਕਿਹਾ ਕਿ ਯੋਜਨਾ ਦੇ ਲਾਭਾਂ ਅਤੇ ਸਕਾਰਾਤਮਕ ਪ੍ਰਭਾਵ ਬਾਰੇ ਖਾਸ ਤੌਰ ‘ਤੇ ਖਾਹਿਸ਼ੀ ਜ਼ਿਲ੍ਹਿਆਂ ‘ਚ ਇੱਕ ਅਧਿਐਨ ਕੀਤਾ ਜਾਣਾ ਚਾਹੀਦਾ ਹੈ। ਉਨ੍ਹਾਂ ਨੇ ਜਾਣਨਾ ਚਾਹਿਆ ਕਿ ਇਸ ਯੋਜਨਾ ‘ਚ ਦੁਰਵਰਤੋਂ ਅਤੇ ਜਾਲਸਾਜੀ ਦੇ ਕਦੇ-ਕਦੇ ਹੋਣ ਵਾਲੇ ਮਾਮਲਿਆਂ ‘ਤੇ ਰੋਕ ਲਗਾਉਣ ਲਈ ਕੀ ਕਦਮ ਉਠਾਏ ਜਾ ਰਹੇ ਹਨ।
ਸੁਗਮਯ ਭਾਰਤ ਅਭਿਯਾਨ ਦੀ ਪ੍ਰਗਤੀ ਦੀ ਸਮੀਖਿਆ ਕਰਦੇ ਹੋਏ, ਪ੍ਰਧਾਨ ਮੰਤਰੀ ਨੇ ਜਨਤਕ ਪਰਿਸਰਾਂ ਤੱਕ ਪਹੁੰਚਣ ਵਿੱਚ ਦਿੱਵਯਾਂਗਜਨਾਂ ਦੇ ਸਾਹਮਣੇ ਆਉਣ ਵਾਲੀਆਂ ਪਰੇਸ਼ਾਨੀਆਂ ਸਬੰਧੀ ਜਾਣਕਾਰੀ ਇਕੱਠੀ ਕਰਨ ਦਾ ਇੱਕ ਤੰਤਰ ਤਿਆਰ ਕਰਨ ਲਈ ਟੈਕਨੋਲਜੀ ਦੀ ਵਰਤੋਂ ਕਰਨ ਦਾ ਸੱਦਾ ਦਿੱਤਾ। ਉਨ੍ਹਾਂ ਨੇ ਦਿੱਵਯਾਂਗਜਨਾਂ ਲਈ ਪਹੁੰਚ ਵਧਾਉਣ ਦੇ ਸਮਾਧਾਨ ਲੱਭਣ ਵਿੱਚ ਲੋਕਾਂ ਦੀ ਅਧਿਕ ਭਾਗੀਦਾਰੀ ਅਤੇ ਸੰਵੇਦਨਸ਼ੀਲਤਾ ਦਾ ਸੱਦਾ ਦਿੱਤਾ।
ਜਲ ਸ਼ਕਤੀ ਦੇ ਮਹੱਤਵ ‘ਤੇ ਜ਼ੋਰ ਦਿੰਦੇ ਹੋਏ, ਪ੍ਰਧਾਨ ਮੰਤਰੀ ਨੇ ਰਾਜਾਂ ਨੂੰ ਸੱਦਾ ਦਿੱਤਾ ਕਿ ਉਹ ਖਾਸ ਤੌਰ ‘ਤੇ ਮੌਜੂਦਾ ਮੌਨਸੂਨ ਦੌਰਾਨ ਜਲ ਸੰਭਾਲ਼ ਦੀ ਦਿਸ਼ਾ ‘ਚ ਵੱਧ ਤੋਂ ਵੱਧ ਯਤਨ ਕਰਨ।
ਪ੍ਰਧਾਨ ਮੰਤਰੀ ਨੇ ਰੇਲਵੇ ਅਤੇ ਸੜਕ ਖੇਤਰਾਂ ਵਿੱਚ ਅੱਠ ਮਹੱਤਵਪੂਰਨ ਬੁਨਿਆਦੀ ਢਾਂਚਾ ਪ੍ਰੋਜੈਕਟਾਂ ਦੀ ਪ੍ਰਗਤੀ ਦੀ ਸਮੀਖਿਆ ਕੀਤੀ। ਇਹ ਪ੍ਰੋਜੈਕਟ ਬਿਹਾਰ, ਉੱਤਰ ਪ੍ਰਦੇਸ਼, ਮੱਧ ਪ੍ਰਦੇਸ਼, ਮਹਾਰਾਸ਼ਟਰ, ਓਡੀਸ਼ਾ, ਹਿਮਾਚਲ ਪ੍ਰਦੇਸ਼ ਅਤੇ ਗੁਜਰਾਤ ਸਮੇਤ ਕਈ ਰਾਜਾਂ ‘ਚ ਫੈਲੇ ਹੋਏ ਹਨ।
***
ਵੀਆਰਆਰਕੇ/ਐੱਸਐੱਚ
Today’s PRAGATI session, the first of the new term, witnessed excellent discussions on multiple policy issues. We had in-depth reviews on ways to fulfil the vision of ‘Housing for All.’ https://t.co/rXMgYkwGC2
— Narendra Modi (@narendramodi) July 31, 2019
Healthy India, developed India.
— Narendra Modi (@narendramodi) July 31, 2019
During PRAGATI, had extensive discussions on Ayushman Bharat. It is a matter of satisfaction that over 35 lakh beneficiaries availed free treatment in hospitals under PMJAY. We are focusing on ways to improve coverage in Aspirational Districts.
Other issues discussed during PRAGATI include progress in Sugamya Bharat Abhiyan, improving accessibility across India, furthering water conservation and infrastructure projects in various states.
— Narendra Modi (@narendramodi) July 31, 2019
