ପିଏମଇଣ୍ଡିଆ
ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀଙ୍କ ଅଧ୍ୟକ୍ଷତାରେ ଅନୁଷ୍ଠିତ କେନ୍ଦ୍ର କ୍ୟାବିନେଟ ଆସାମ, ବିହାର, ହିମାଚଳପ୍ରଦେଶ, ଝାଡଖଣ୍ଡ, ମହାରାଷ୍ଟ୍ର, ମଧ୍ୟପ୍ରଦେଶ, ଜାମ୍ମୁ ଓ କାଶ୍ମୀର ଏବଂ ଉତ୍ତରାଖଣ୍ଡ ରାଜ୍ୟ ଲାଗି କିଛି ଶ୍ରେଣୀର ଅନ୍ୟାନ୍ୟ ପଛୁଆ ବର୍ଗଙ୍କୁ କେନ୍ଦ୍ରୀୟ ତାଲିକାରେ ସାମିଲ କରିବା ଓ ଏଥିରେ ସଂଶୋଧନ ପ୍ରସ୍ତାବକୁ ମଞ୍ଜୁରି ପ୍ରଦାନ କରିଛନ୍ତି ।
ଜାତୀୟ ପଛୁଆବର୍ଗ କମିଶନ (ଏନସିବିସି)ଙ୍କ ସୁପାରିଶକ୍ରମେ ମୋଟ ୨୪୭୪ଟି ପ୍ରସ୍ତାବକୁ କେନ୍ଦ୍ରୀୟ ଅନ୍ୟାନ୍ୟ ପଛୁଆ ବର୍ଗ ତାଲିକାରେ ଏହାର ସମାନତା, ଉପ-ଜାତି ପରିପ୍ରେକ୍ଷୀରେ ସାମିଲ କରାଯିବା ପ୍ରସ୍ତାବ ଉପରେ କ୍ୟାବିନେଟ ବିଚାର କରିଛନ୍ତି । ୨୫ଟି ରାଜ୍ୟ ଏବଂ ୬ଟି କେନ୍ଦ୍ରଶାସିତ କ୍ଷେତ୍ର ପାଇଁ ଏହି ତାଲିକା ବିଜ୍ଞପ୍ତି ଆକାରରେ ପ୍ରକାଶ ପାଇଛି । ୨୦୧୬ ସେପ୍ଟେମ୍ବର ମାସରେ ଏହାର ସବିଶେଷ ତାଲିକା ପ୍ରକାଶ ପାଇଥିଲା । ତେବେ ଆସାମ, ବିହାର, ହିମାଚଳପ୍ରଦେଶ, ଝାଡଖଣ୍ଡ, ମହାରାଷ୍ଟ୍ର, ମଧ୍ୟପ୍ରଦେଶ, ଜାମ୍ମୁ ଓ କାଶ୍ମୀର ଏବଂ ଉତ୍ତରାଖଣ୍ଡ ରାଜ୍ୟରୁ ଓବିସି ତାଲିକାରେ ଜାତି/ଗୋଷ୍ଠୀଭିତ୍ତିରେ ଓବିସି ତାଲିକାରେ ଅଧିକ ସଂଶୋଧନ ଓ ସାମିଲ ପ୍ରସ୍ତାବ ଆସିଥିଲା । ତେଣୁ ଏହି ୮ଟି ରାଜ୍ୟପାଇଁ ଏନସିବିସି ମୋଟ ୨୮ଟି ପରିବର୍ତ୍ତନ ପାଇଁ ସୁପାରିଶ କରିଛନ୍ତି । ଏହି ପରିବର୍ତ୍ତନ ଦ୍ୱାରା ଏଥିରେ ସାମିଲ ଜାତି, ଗୋଷ୍ଠୀର ବ୍ୟକ୍ତିମାନେ ଚାକିରୀ ଓ କେନ୍ଦ୍ରୀୟ ଶିକ୍ଷାନୁଷ୍ଠାନମାନଙ୍କରେ ସଂରକ୍ଷଣ ସୁବିଧା ସୁଯୋଗ ପାଇବେ । ଏହା ବର୍ତ୍ତମାନ ପ୍ରଚଳିତ ନୀତି ଅନୁସାରେ କାର୍ଯ୍ୟକାରୀ ହେବ ।
