ପିଏମଇଣ୍ଡିଆ
ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀ ୫ ମାର୍ଚ୍ଚ ତାରିଖ ଦିନ ପ୍ରାୟ ୧:୩୦ ସମୟରେ ଭିଡିଓ କନ୍ଫରେନ୍ସିଂ ଜରିଆରେ ରୋଜଗାର ଉପରେ ବଜେଟ୍ ପରବର୍ତ୍ତୀ ୱେବିନାର୍ରେ ଅଂଶଗ୍ରହଣ କରିବେ । ୱେବିନାରର ମୁଖ୍ୟ ବିଷୟବସ୍ତୁଗୁଡିକ ହେଉଛି ଜନସାଧାରଣ, ଅର୍ଥନୀତି ଏବଂ ନବାଚାରରେ ନିବେଶ । ଏହି ଅବସରରେ ପ୍ରଧାନମନ୍ତ୍ରୀ ଉପସ୍ଥିତ ସମାବେଶକୁ ସମ୍ବୋଧିତ କରିବେ ।
ରୋଜଗାର ସୃଷ୍ଟି ହେଉଛି ସରକାରଙ୍କର ପ୍ରମୁଖ କ୍ଷେତ୍ରଗୁଡିକ ମଧ୍ୟରେ ଅନ୍ୟତମ । ପ୍ରଧାନମନ୍ତ୍ରୀଙ୍କ ଦୃଷ୍ଟିକୋଣ ଦ୍ୱାରା ଅନୁପ୍ରାଣିତ ହୋଇ, ସରକାର ରୋଜଗାର ବୃଦ୍ଧିକୁ ପ୍ରୋତ୍ସାହିତ କରିବା ଏବଂ ଅଧିକ ସୁଯୋଗ ସୃଷ୍ଟି କରିବା ପାଇଁ ଏକାଧିକ ପଦକ୍ଷେପ ଗ୍ରହଣ କରିଛନ୍ତି । ଏହି ୱେବିନାର ସରକାର, ଶିଳ୍ପ, ଶିକ୍ଷାବିତ୍ ଏବଂ ନାଗରିକମାନଙ୍କ ମଧ୍ୟରେ ସହଯୋଗ ବୃଦ୍ଧି କରିବ ଏବଂ ପରିବର୍ତ୍ତନଶୀଳ ବଜେଟ ଘୋଷଣାକୁ ପ୍ରଭାବଶାଳୀ ଫଳାଫଳରେ ପରିବର୍ତ୍ତନ କରିବାରେ ସାହାଯ୍ୟ କରିବାକୁ ଆଲୋଚନାକୁ ଉତ୍ସାହିତ କରିବ । ନାଗରିକମାନଙ୍କୁ ସଶକ୍ତ କରିବା, ଅର୍ଥବ୍ୟବସ୍ଥାକୁ ମଜବୁତ କରିବା ଏବଂ ନବସୃଜନକୁ ପ୍ରୋତ୍ସାହନ ଭଳି ପ୍ରମୁଖ କ୍ଷେତ୍ର ଉପରେ ଧ୍ୟାନ ଦେବା ସହ, ଏହି ୱେବିନାର୍ରେ ସ୍ଥିର ଓ ସମାବେଶୀ ଅଭିବୃଦ୍ଧି ପାଇଁ ମାର୍ଗ ଉନ୍ମୁକ୍ତ କରିବା, ଟେକ୍ନୋଲୋଜି ଏବଂ ଅନ୍ୟାନ୍ୟ କ୍ଷେତ୍ରରେ ନେତୃତ୍ୱ ତଥା ୨୦୪୭ ସୁଦ୍ଧା ବିକଶିତ ଭାରତର ଲକ୍ଷ୍ୟ ହାସଲ ଦିଗରେ କାର୍ଯ୍ୟ କରୁଥିବା ଏକ ଦକ୍ଷ, ସୁସ୍ଥ କର୍ମବଳ ଗଠନ କରିବା ଇତ୍ୟାଦି ବିଷୟ ଉପରେ ବିଚାର ବିମର୍ଶ କରାଯିବ ।
SR
