ପିଏମଇଣ୍ଡିଆ

ପରାକ୍ରମ ଦିବସ ଅବସରରେ ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀ ଭିଡିଓ କନଫରେନ୍ସିଂ ମାଧ୍ୟମରେ ଆଜି ୨୧ ପରମ ବୀର ଚକ୍ର ପୁରସ୍କାର ପ୍ରାପ୍ତ ବ୍ୟକ୍ତିଙ୍କ ନାମରେ ଆଣ୍ଡାମାନ ଏବଂ ନିକୋବର ଦ୍ୱୀପପୁଞ୍ଜର ୨୧ ଟି ନାମବିହୀନ ଦ୍ୱୀପପୁଞ୍ଜର ନାମକରଣ ଉତ୍ସବରେ ଅଂଶଗ୍ରହଣ କରିଥିଲେ । ଏହି କାର୍ଯ୍ୟକ୍ରମରେ ପ୍ରଧାନମନ୍ତ୍ରୀ ନେତାଜୀ ସୁଭାଷ ଚନ୍ଦ୍ର ବୋଷ ଦ୍ୱୀପରେ ନେତାଜୀଙ୍କ ନାମରେ ଉତ୍ସର୍ଗ ପାଇଁ ର୍ନିମାଣ ହେବାକୁ ଥିବା ଜାତୀୟ ସ୍ମାରକୀ ମଡେଲକୁ ଉନ୍ମୋଚନ କରିଛନ୍ତି ।

ଏହି ସମାବେଶକୁ ସମ୍ବୋଧିତ କରି ପ୍ରଧାନମନ୍ତ୍ରୀ ପରାକ୍ରମ ଦିବସ ଅବସରରେ ସମସ୍ତଙ୍କୁ ଶୁଭେଚ୍ଛା ଜଣାଇବା ସହ ନେତାଜୀ ସୁଭାଷ ଚନ୍ଦ୍ର ବୋଷଙ୍କ ଜନ୍ମ ବାର୍ଷିକୀ ପାଳନ ଅବସରରେ ଦେଶବ୍ୟାପୀ ଏହି ପ୍ରେରଣାଦାୟକ ଦିବସ ପାଳନ କରାଯାଉଥିବା କହିଥିଲେ । ପ୍ରଧାନମନ୍ତ୍ରୀ ଉଲ୍ଲେଖ କରିଛନ୍ତି ଯେ ଆଜି ଆଣ୍ଡାମାନ ଏବଂ ନିକୋବର ଦ୍ୱୀପପୁଞ୍ଜ ପାଇଁ ଏକ ଐତିହାସିକ ଦିନ ଏବଂ ସେ କହିଛନ୍ତି ଯେ ଯେତେବେଳେ ଇତିହାସ ଲେଖା ହେବ, ଭବିଷ୍ୟତ ପୀଢି କେବଳ ଏହାକୁ ମନେ ରଖିବେ ନାହିଁ, ମୂଲ୍ୟାଙ୍କନ କରିବେ ନାହିଁ ବରଂ ଏଥିରୁ ନିରନ୍ତର ପ୍ରେରଣା ମଧ୍ୟ ପାଇବେ । ପ୍ରଧାନମନ୍ତ୍ରୀ ସୂଚନା ଦେଇଛନ୍ତି ଯେ ଆଣ୍ଡାମାନ ଏବଂ ନିକୋବର ଦ୍ୱୀପପୁଞ୍ଜରେ ୨୧ ଟି ଦ୍ୱୀପପୁଞ୍ଜର ନାମକରଣ ସମାରୋହ ଆଜି ଅନୁଷ୍ଠିତ ହେଉଛି ଏବଂ ସେଗୁଡିକ ଏବେ ୨୧ ପରମ ବୀର ଚକ୍ର ପୁରସ୍କାର ପ୍ରାପ୍ତ ବ୍ୟକ୍ତିଙ୍କ ନାମରେ ମାନ୍ୟତା ପାଇବ । ସେ ଆହୁରି ମଧ୍ୟ କହିଛନ୍ତି ଯେ ସେ ରହୁଥିବା ଦ୍ୱୀପରେ ନେତାଜୀ ସୁଭାଷ ଚନ୍ଦ୍ର ବୋଷଙ୍କ ଜୀବନକୁ ସମ୍ମାନ ଜଣାଇବା ପାଇଁ ଏକ ନୂତନ ସ୍ମାରକୀର ଭିତ୍ତିପ୍ରସ୍ତର ସ୍ଥାପନ କରାଯାଉଛି ଏବଂ ଆଜାଦୀ କା ଅମୃତ କାଳର ଏକ ଗୁରୁତ୍ୱପୂର୍ଣ୍ଣ ଅଧ୍ୟାୟ ଭାବରେ ଏହି ଦିନ ଭବିଷ୍ୟତ ପୀଢି ଦ୍ୱାରା ସ୍ମରଣୀୟ ହୋଇ ରହିବ । ପ୍ରଧାନମନ୍ତ୍ରୀ ସୂଚାଇ ଦେଇଛନ୍ତି ଯେ ନେତାଜୀ ସ୍ମାରକୀ ଏବଂ ୨୧ ଟି ନୂତନ ଭାବେ ନାମିତ ଦ୍ୱୀପପୁଞ୍ଜ ଯୁବ ପୀଢିଙ୍କୁ ନିରନ୍ତର ପ୍ରେରଣା ଯୋଗାଇବ ।

ଆଣ୍ଡାମାନ ଏବଂ ନିକୋବର ଦ୍ୱୀପପୁଞ୍ଜର ଇତିହାସ ଉପରେ ଆଲୋକପାତ କରି ପ୍ରଧାନମନ୍ତ୍ରୀ ସୂଚନା ଦେଇଛନ୍ତି ଯେ ଏଠାରେ ପ୍ରଥମ ଥର ପାଇଁ ତ୍ରିରଙ୍ଗା ଉତ୍ତୋଳନ କରାଯାଇଥିଲା ଏବଂ ଭାରତର ପ୍ରଥମ ସ୍ୱାଧୀନ ସରକାର ଗଠନ କରାଯାଇଥିଲା । ସେ ଆହୁରି ମଧ୍ୟ କହିଛନ୍ତି ଯେ ବୀର ସାବରକର ଏବଂ ତାଙ୍କ ପରି ଅନେକ ହୀରୋ ଏହି ଦେଶରେ ଦେଶ ପାଇଁ ତପସ୍ୟା ଏବଂ ବଳିଦାନର ଶିଖରକୁ ଛୁଇଁଛନ୍ତି । ସେ କହିଛନ୍ତି, ସେଲୁଲାର୍ ଜେଲର କୋଠରୀରୁ ସେହି ଅପାର କଷ୍ଟ ଓ ଅଭୂତପୂର୍ବ ଆଗ୍ରହର ସ୍ୱର ଆଜି ବି ଶୁଣିବାକୁ ମିଳୁଛି । ସ୍ୱାଧୀନତା ସଂଗ୍ରାମର ସ୍ମୃତି ପରିବର୍ତ୍ତେ ଦାସତ୍ୱର ପ୍ରତୀକ ସହିତ ଆଣ୍ଡାମାନର ପରିଚୟ ଜଡିତ ବୋଲି ପ୍ରଧାନମନ୍ତ୍ରୀ ଦୁଃଖ ପ୍ରକାଶ କରି କହିଛନ୍ତି ଯେ ଆମର ଦ୍ୱୀପପୁଞ୍ଜର ନାମରେ ମଧ୍ୟ ଦାସତ୍ୱର ଛାପ ଥିଲା । ତିନିଟି ମୁଖ୍ୟ ଦ୍ୱୀପପୁଞ୍ଜର ନାମ ପରିବର୍ତ୍ତନ କରିବା ପାଇଁ ପ୍ରଧାନମନ୍ତ୍ରୀ ଚାରି-ପାଞ୍ଚ ବର୍ଷ ପୂର୍ବେ ପୋର୍ଟ ବ୍ଲେୟାର ଗସ୍ତକୁ ମନେ ପକାଇ ସୂଚନା ଦେଇ କହିଛନ୍ତି ଯେ ଆଜି ରସ ଦ୍ୱୀପ ନେତାଜୀ ସୁଭାଷ ଚନ୍ଦ୍ର ବୋଷ ଦ୍ୱୀପପୁଞ୍ଜରେ ପରିଣତ ହୋଇଛି, ହାଭେଲକ ଏବଂ ନିଲ ଦ୍ୱୀପପୁଞ୍ଜ ସ୍ୱରାଜ ଏବଂ ସହିଦ ଦ୍ୱୀପପୁଞ୍ଜରେ ପରିଣତ ହୋଇଛି । ସେ ଉଲ୍ଲେଖ କରିଛନ୍ତି ଯେ ସ୍ୱରାଜ ଏବଂ ସହିଦଙ୍କ ନାମ ନେତାଜୀ ନିଜେ ଦେଇଥିଲେ କିନ୍ତୁ ସ୍ୱାଧୀନତା ପରେ ଏହାକୁ କୌଣସି ଗୁରୁତ୍ୱ ଦିଆଯାଇ ନାହିଁ । ପ୍ରଧାନମନ୍ତ୍ରୀ ଏଥିରେ ହସ୍ତକ୍ଷେପ କରି କହିଛନ୍ତି, ଯେତେବେଳେ ଆଜାଦ ହୀନ୍ଦ ଫୌଜ ସରକାର ୭୫ ବର୍ଷ ପୂରଣ କଲେ, ଆମ ସରକାର ଏହି ନାମଗୁଡ଼ିକୁ ପୁନଃ ସ୍ଥାପିତ କଲେ ।

ପ୍ରଧାନମନ୍ତ୍ରୀ ଭାରତର ଏକବିଂଶ ଶତାବ୍ଦୀ ପାଳନ କରିଥିଲେ ଯାହା ସେହି ନେତାଜୀଙ୍କୁ ମନେ ରଖିଛି ଯାହା ଭାରତର ସ୍ୱାଧୀନତା ପରେ ଇତିହାସର ପୃଷ୍ଠାରୁ ହଜି ଯାଇଥିଲା । ସେ ଆକାଶ ଉଚ୍ଚର ଭାରତୀୟ ପତାକା ଉପରେ ଆଲୋକପାତ କରିଛନ୍ତି ଯାହା ଆଜି ସେହି ସ୍ଥାନରେ ଉଡୁଛି ଯେଉଁଠାରେ ନେତାଜୀ ଆଣ୍ଡାମାନରେ ପ୍ରଥମ ଥର ପାଇଁ ତ୍ରିରଙ୍ଗାକୁ ଉତ୍ତୋଳନ କରିଥିଲେ ଏବଂ ଏହି ସ୍ଥାନ ପରିଦର୍ଶନ କରୁଥିବା ଦେଶବାସୀଙ୍କ ହୃଦୟରେ ଦେଶପ୍ରେମ ଭରି ଦେଇଥାଏ ବୋଲି ମନ୍ତବ୍ୟ ଦେଇଥିଲେ । ସେ କହିଛନ୍ତି ଯେ ତାଙ୍କ ସ୍ମୃତିରେ ର୍ନିମିତ ହେବାକୁ ଥିବା ନୂତନ ସଂଗ୍ରହାଳୟ ଏବଂ ସ୍ମାରକୀ ଆଣ୍ଡାମାନ ଯାତ୍ରାକୁ ଆହୁରି ସ୍ମରଣୀୟ କରିବ । ୨୦୧୯ ରେ ଦିଲ୍ଲୀର ଲାଲ କିଲ୍ଲାରେ ଉଦଘାଟିତ ହୋଇଥିବା ନେତାଜୀ ସଂଗ୍ରହାଳୟ ଉପରେ ପ୍ରଧାନମନ୍ତ୍ରୀ ଆଲୋକପାତ କରି କହିଛନ୍ତି ଯେ ଏହି ସ୍ଥାନ ଲୋକଙ୍କ ପାଇଁ ପ୍ରେରଣାର ସ୍ଥଳ ପାଲଟିଛି । ସେ ତାଙ୍କର ୧୨୫ ତମ ଜନ୍ମ ବାର୍ଷିକୀରେ ବେଙ୍ଗଲଠାରେ ଅନୁଷ୍ଠିତ ହୋଇଥିବା ବିଶେଷ କାର୍ଯ୍ୟକ୍ରମ ଏବଂ ପରାକ୍ରମ ଦିବସ ଭାବରେ ଘୋଷିତ ହୋଇଥିବା ଦିନକୁ ମଧ୍ୟ ଉଲ୍ଲେଖ କରିଥିଲେ । ପ୍ରଧାନମନ୍ତ୍ରୀ କହିଛନ୍ତି ଯେ ବେଙ୍ଗଲ ଠାରୁ ଦିଲ୍ଲୀ ଏବଂ ଆଣ୍ଡାମାନ ପର୍ଯ୍ୟନ୍ତ ଦେଶର ପ୍ରତ୍ୟେକ ଅଂଶ ନେତାଜୀଙ୍କ ଉତ୍ତରାଧିକାରୀଙ୍କୁ ଅଭିବାଦନ ଜଣାଉଛି ।

ପ୍ରଧାନମନ୍ତ୍ରୀ ନେତାଜୀ ସୁଭାଷ ଚନ୍ଦ୍ର ବୋଷଙ୍କ ସହ ଜଡିତ କାର୍ଯ୍ୟଗୁଡିକ ଉପରେ ଆଲୋକପାତ କରିଥିଲେ ଯାହା ସ୍ୱାଧୀନତା ପରେ ତୁରନ୍ତ କରାଯିବା ଉଚିତ ଏବଂ ଗତ ୮-୯ ବର୍ଷ ମଧ୍ୟରେ ଏହା କରାଯାଇଛି ବୋଲି ସୂଚନା ଦେଇଛନ୍ତି । ସେ ସୂଚାଇ ଦେଇଛନ୍ତି ଯେ ୧୯୪୩ ମସିହାରେ ଦେଶର ଏହି ଭାଗରେ ସ୍ୱାଧୀନ ଭାରତର ପ୍ରଥମ ସରକାର ଗଠନ କରାଯାଇଥିଲା ଏବଂ ଦେଶ ଏହାକୁ ଅଧିକ ଗର୍ବର ସହିତ ଗ୍ରହଣ କରୁଛି । ସେ ଦର୍ଶାଇଛନ୍ତି ଯେ ଆଜାଦ ହୀନ୍ଦ ସରକାର ଗଠନର ୭୫ ବର୍ଷ ପୂରଣ ହେବା ପରେ ଲାଲ କିଲ୍ଲାରେ ପତାକା ଉତ୍ତୋଳନ କରି ଦେଶ ନେତାଜୀଙ୍କୁ ଶ୍ରଦ୍ଧାଞ୍ଜଳି ଅର୍ପଣ କରିଛି । ଦଶନ୍ଧି ଧରି ନେତାଜୀଙ୍କ ଜୀବନ ସହ ଜଡିତ ଫାଇଲଗୁଡ଼ିକୁ ଅଗ୍ରାହ୍ୟ କରିବାକୁ ଦାବି ଉପରେ ପ୍ରଧାନମନ୍ତ୍ରୀ ଗୁରୁତ୍ୱାରୋପ କରିଥିଲେ ଏବଂ କାର୍ଯ୍ୟଟି ସମ୍ପୂର୍ଣ୍ଣ ଉତ୍ସର୍ଗୀକୃତ ମନୋଭାବ ସହିତ କରାଯାଇଥିବା କହିଥିଲେ । ପ୍ରଧାନମନ୍ତ୍ରୀ କହିଛନ୍ତି, ଆଜି ଆମର ଗଣତାନ୍ତ୍ରିକ ଅନୁଷ୍ଠାନ ଏବଂ କର୍ତ୍ତବ୍ୟ ପଥ ସମ୍ମୁଖରେ ନେଟାଜୀଙ୍କ ଭବ୍ୟ ପ୍ରତିମୂର୍ତ୍ତି ଆମ କର୍ତ୍ତବ୍ୟକୁ ମନେ ପକାଉଛି ।

ଉଲ୍ଲେଖନୀୟ ଯେ ଯେଉଁ ଦେଶଗୁଡିକ ସେମାନଙ୍କର ବିଶିଷ୍ଟ ବ୍ୟକ୍ତିତ୍ୱ ଏବଂ ସ୍ୱାଧୀନତା ସଂଗ୍ରାମୀମାନଙ୍କୁ ଠିକ୍ ସମୟରେ ଜନସାଧାରଣଙ୍କ ସହ ଯୋଡିଛନ୍ତି ଏବଂ ଦକ୍ଷ ଆଦର୍ଶ ସୃଷ୍ଟି ଏବଂ ସେୟାର କରିଛନ୍ତି, ସେମାନେ ହିଁ ବିକାଶ ତଥା ରାଷ୍ଟ୍ର ର୍ନିମାଣ ଦୌଡ଼ରେ ବହୁ ଆଗକୁ ଯାଇଛନ୍ତି, ପ୍ରଧାନମନ୍ତ୍ରୀ କହିଛନ୍ତି ଯେ ଭାରତ ଆଜାଦୀ କା ଅମୃତ କାଳରେ ସମାନ ପଦକ୍ଷେପ ଗ୍ରହଣ କରୁଛି ।

୨୧ ଦ୍ୱୀପପୁଞ୍ଜର ନାମକରଣ କରିବା ପଛରେ “ଏକ ଭାରତ ଶ୍ରେଷ୍ଠ ଭାରତ” ର ଅନନ୍ୟ ବାର୍ତ୍ତା ଉପରେ ଆଲୋକପାତ କରି ପ୍ରଧାନମନ୍ତ୍ରୀ କହିଛନ୍ତି ଯେ ଏହା ଦେଶ ପାଇଁ କରାଯାଇଥିବା ବଳିଦାନର ଏବଂ ଭାରତୀୟ ସେନାର ସାହସିକତା ଏବଂ ବୀରତ୍ୱର ବାର୍ତ୍ତା । ପ୍ରଧାନମନ୍ତ୍ରୀ ସୂଚାଇ ଦେଇଛନ୍ତି ଯେ ୨୧ ପରମବୀର ଚକ୍ର ବିଜେତା ଭାରତ ମାତାର ସୁରକ୍ଷା ପାଇଁ ସବୁକିଛି ବଳିଦାନ ଦେଇଛନ୍ତି ଏବଂ ଉଲ୍ଲେଖ କରିଛନ୍ତି ଯେ ଭାରତୀୟ ସେନାର ସାହସୀ ସୈନିକମାନେ ବିଭିନ୍ନ ରାଜ୍ୟରୁ ଆସିଛନ୍ତି, ବିଭିନ୍ନ ଭାଷା ଏବଂ ଉପଭାଷାରେ କଥା ହୋଇଥିଲେ ଏବଂ ବିଭିନ୍ନ ଜୀବନଶୈଳୀରେ ଜୀବନ ଅତିବାହିତ କରିଥିଲେ କିନ୍ତୁ ଏହା ମା’ ଭାରତୀଙ୍କ ସେବା ଥିଲା ଏବଂ ସେମାନଙ୍କର ମାତୃଭୂମି ପାଇଁ ଅଦମ୍ୟ ଭକ୍ତି ଥିଲା ଯାହା ସେମାନଙ୍କୁ ଏକାଠି କରିଥିଲା । ପ୍ରଧାନମନ୍ତ୍ରୀ କହିଛନ୍ତି ଯେ ସମୁଦ୍ର ବିଭିନ୍ନ ଦ୍ୱୀପପୁଞ୍ଜକୁ ସଂଯୋଗ କରିବା ପରି ‘ଏକ ଭାରତ, ଶ୍ରେଷ୍ଠ ଭାରତ’ ର ଭାବନା ଭାରତ ମାତାର ପ୍ରତ୍ୟେକ ପିଲାଙ୍କୁ ଏକତ୍ର କରିଥାଏ । ମେଜର ସୋମନାଥ ଶର୍ମା, ପିରୁ ସିଂହ, ମେଜର ସୈତାନ ସିଂହଙ୍କ ଠାରୁ କ୍ୟାପଟେନ ମନୋଜ ପାଣ୍ଡେ, ସୁବେଦାର ଯୋଗିନ୍ଦର ସିଂହ ଏବଂ ଲାନ୍ସ ନାଏକ ଆଲବର୍ଟ ଏକକା, ବୀର ଅବଦୁଲ ହମିଦ ଏବଂ ମେଜର ରାମସ୍ୱାମୀ ପରମେଶ୍ୱରନଙ୍କ ଠାରୁ ଆରମ୍ଭ କରି ସମସ୍ତ ୨୧ ପରମ ବୀରଙ୍କ ପର୍ଯ୍ୟନ୍ତ ସମସ୍ତେ କେବଳ ଗୋଟିଏ ସଂକଳ୍ପ ନେଇଥିଲେ – ଦେଶ ଆଗ! ଭାରତ ଆଗ! ଏହି ସଙ୍କଳ୍ପ ବର୍ତ୍ତମାନ ଏହି ଦ୍ୱୀପପୁଞ୍ଜ ନାମରେ ସବୁଦିନ ପାଇଁ ଅମର ହୋଇଗଲା । କାର୍ଗିଲ ଯୁଦ୍ଧର କ୍ୟାପଟେନ ବିକ୍ରମ ବାତ୍ରାଙ୍କ ନାମରେ ଆଣ୍ଡାମାନର ଏକ ପାହାଡ ମଧ୍ୟ ଉତ୍ସର୍ଗ କରାଯାଇଛି ବୋଲି ସେ କହିଛନ୍ତି ।

ପ୍ରଧାନମନ୍ତ୍ରୀ ସୂଚାଇ ଦେଇଛନ୍ତି ଯେ ଆଣ୍ଡାମାନ ଏବଂ ନିକୋବର ଦ୍ୱୀପପୁଞ୍ଜର ନାମକରଣ କେବଳ ପରମବୀର ଚକ୍ର ପୁରସ୍କାର ପ୍ରାପ୍ତ ବ୍ୟକ୍ତିଙ୍କ ପାଇଁ ନୁହେଁ ବରଂ ଭାରତୀୟ ସଶସ୍ତ୍ର ବାହିନୀ ପାଇଁ ମଧ୍ୟ ଉତ୍ସର୍ଗୀକୃତ । ସ୍ୱାଧୀନତା ସମୟରୁ ଆମ ସୈନ୍ୟବାହିନୀକୁ ଯୁଦ୍ଧର ସାମ୍ନା କରିବାକୁ ପଡୁଛି ବୋଲି ମନେ ପକାଇ ପ୍ରଧାନମନ୍ତ୍ରୀ କହିଛନ୍ତି ଯେ ଆମର ସଶସ୍ତ୍ର ବାହିନୀ ସବୁ ଦିଗରେ ନିଜର ସାହସିକତା ପ୍ରମାଣ କରିଛନ୍ତି । ଦେଶର କର୍ତ୍ତବ୍ୟ ଯେ ଏହି ଜାତୀୟ ସୁରକ୍ଷା ପାଇଁ ନିଜକୁ ଉତ୍ସର୍ଗ କରିଥିବା ସୈନିକମାନଙ୍କୁ ସେନାର ଅବଦାନ ସହିତ ବହୁ ମାନ୍ୟତା ପ୍ରଦାନ କରିବା ଉଚିତ ବୋଲି ପ୍ରଧାନମନ୍ତ୍ରୀ କହିଛନ୍ତି । ଆଜି ଦେଶ ସେହି ଦାୟିତ୍ୱ ପୂରଣ କରୁଛି ଏବଂ ଏହାକୁ ସୈନିକ ଏବଂ ସୈନ୍ୟବାହିନୀ ନାମରେ ମାନ୍ୟତା ଦିଆଯାଉଛି ।

ଆଣ୍ଡାମାନ ଏବଂ ନିକୋବର ଦ୍ୱୀପପୁଞ୍ଜର ସମ୍ଭାବନା ଉପରେ ଆଲୋକପାତ କରି ପ୍ରଧାନମନ୍ତ୍ରୀ କହିଛନ୍ତି ଯେ ଏହା ଜଳ, ପ୍ରକୃତି, ପରିବେଶ, ପ୍ରୟାସ, ସାହସିକତା, ପରମ୍ପରା, ପର୍ଯ୍ୟଟନ, ଜ୍ଞାନ ଏବଂ ପ୍ରେରଣାର ଭୂମି ଏବଂ ସମ୍ଭାବ୍ୟତା ଓ ସୁଯୋଗ ଚିହ୍ନଟ କରିବାର ଆବଶ୍ୟକତା ଉପରେ ଗୁରୁତ୍ୱାରୋପ ଦେଇଥିଲେ । ପ୍ରଧାନମନ୍ତ୍ରୀ ଗତ ୮ ବର୍ଷରେ କରାଯାଇଥିବା କାର୍ଯ୍ୟ ଉପରେ ଆଲୋକପାତ କରିଥିଲେ ଏବଂ ସୂଚନା ଦେଇଥିଲେ ଯେ ୨୦୧୪ ତୁଳନାରେ ୨୦୨୨ ମସିହାରେ ଆଣ୍ଡାମାନ ପରିଦର୍ଶନ କରୁଥିବା ପର୍ଯ୍ୟଟକଙ୍କ ସଂଖ୍ୟା ଦ୍ୱିଗୁଣିତ ହୋଇଛି । ସେ ମଧ୍ୟରେ ପର୍ଯ୍ୟଟନ କ୍ଷେତ୍ରରେ ସୃଷ୍ଟି ହେଉଥିବା ନିଯୁକ୍ତି ଏବଂ ଆୟ ଉପରେ କହିଥିଲେ । ଆଣ୍ଡାମାନ ସହ ଜଡିତ ସ୍ୱାଧୀନତାର ଇତିହାସ ବିଷୟରେ କୌତୁହଳ ବଢୁଥିବାରୁ ଏହି ସ୍ଥାନର ପରିଚୟ ମଧ୍ୟ ବିବିଧ ହେଉଥିବା ପ୍ରଧାନମନ୍ତ୍ରୀ ଉଲ୍ଲେଖ କରିଥିଲେ । ସେ କହିଛନ୍ତି ଯେ ବର୍ତ୍ତମାନ ଲୋକମାନେ ଇତିହାସ ଜାଣିବା ଏବଂ ଜୀବନ ଜୀବିକା ପାଇଁ ମଧ୍ୟ ଏଠାକୁ ଆସୁଛନ୍ତି । ସେ ଆଣ୍ଡାମାନ ଏବଂ ନିକୋବର ଦ୍ୱୀପପୁଞ୍ଜର ସମୃଦ୍ଧ ଆଦିବାସୀ ପରମ୍ପରାକୁ ମଧ୍ୟ ଉଲ୍ଲେଖ କରିଛନ୍ତି ଏବଂ କହିଛନ୍ତି ଯେ ନେତାଜୀ ସୁଭାଷ ଚନ୍ଦ୍ର ବୋଷଙ୍କ ସହ ଜଡିତ ସ୍ମାରକୀ ତଥା ସେନାର ସାହସିକତାକୁ ସମ୍ମାନ ଜଣାଇବା ଏଠାକୁ ଆସୁଥିବା ଭାରତୀୟଙ୍କ ମଧ୍ୟରେ ଏକ ନୂତନ ଉତ୍ସାହ ସୃଷ୍ଟି କରିବ ।

ଦଶନ୍ଧି ଧରି ହୀନମନ୍ୟତା ଏବଂ ଆତ୍ମବିଶ୍ୱାସର ଅଭାବ, ବିଶେଷକରି ବିକୃତ ବିଚାରର ରାଜନୀତି ଯୋଗୁଁ ଦେଶର ସାମର୍ଥ୍ୟକୁ ଚିହ୍ନିବାରେ ପୂର୍ବ ସରକାର ପ୍ରୟାସ ଉପରେ ଦୁଃଖ ପ୍ରକାଶ କରିଥିଲେ । ପ୍ରଧାନମନ୍ତ୍ରୀ କହିଛନ୍ତି ଯେ ଏହା ଆମର ହିମାଳୟ ରାଜ୍ୟ ହେଉ କିମ୍ବା ବିଶେଷ କରି ଉତ୍ତର-ପୂର୍ବ କିମ୍ବା ଆଣ୍ଡାମାନ ଏବଂ ନିକୋବର ପରି ମହାସାଗରୀୟ ଦ୍ୱୀପପୁଞ୍ଜ ହେଉ ଦଶନ୍ଧି ଧରି ଏହି ଅଞ୍ଚଳର ବିକାଶ ଅବହେଳିତ ହୋଇଆସୁଥିଲା କାରଣ ଏହା ଅପହଞ୍ଚ, ଯୋଗାଯୋଗବିହୀନ ତଥା ଅଲୋଡା ଅଞ୍ଚଳ ଭାବରେ ପରିଗଣିତ ହେଉଥିଲା । ସେ ଆହୁରି ମଧ୍ୟ କହିଛନ୍ତି ଯେ ଭାରତରେ ଦ୍ୱୀପ ଏବଂ ଦ୍ୱୀପପୁଞ୍ଜର ହିସାବ ରଖାଯାଉ ନାହିଁ । ସିଙ୍ଗାପୁର, ମାଲଦ୍ୱୀପ, ଏବଂ ସେଚେଲ୍ସ ପରି ବିକଶିତ ଦ୍ୱୀପପୁଞ୍ଜର ଉଦାହରଣ ଦେଇ ପ୍ରଧାନମନ୍ତ୍ରୀ ଉଲ୍ଲେଖ କରିଛନ୍ତି ଯେ ଏହି ରାଷ୍ଟ୍ରଗୁଡିକର ଭୌଗୋଳିକ କ୍ଷେତ୍ର ଆଣ୍ଡାମାନ ଏବଂ ନିକୋବର ତୁଳନାରେ କମ୍ କିନ୍ତୁ ସେମାନେ ସେମାନଙ୍କର ଉତ୍ସର ସଠିକ୍ ବ୍ୟବହାର ସହିତ ନୂତନ ଶିଖରରେ ପହଞ୍ଚିଛନ୍ତି । ଭାରତୀୟ ଦ୍ୱୀପପୁଞ୍ଜର ମଧ୍ୟ ସମାନ ସମ୍ଭାବନା ରହିଛି ଏବଂ ଦେଶ ଏହି ଦିଗରେ ଆଗକୁ ବଢୁଛି । ଡିଜିଟାଲ ଦେୟ ତଥା ଅନ୍ୟାନ୍ୟ ଜଟିଳ ସେବା ତଥା ପର୍ଯ୍ୟଟକଙ୍କୁ ଉପକୃତ କରୁଥିବା “ଅପ୍ଟିକାଲ୍ ଫାଇବର”  ମାଧ୍ୟମରେ ଆଣ୍ଡାମାନକୁ ଦ୍ରୁତ ଇଣ୍ଟରନେଟ୍ ସହିତ ସଂଯୋଗ କରିବାର ପ୍ରଧାନମନ୍ତ୍ରୀ ଉଦାହରଣ ଦେଇଛନ୍ତି । ପ୍ରଧାନମନ୍ତ୍ରୀ  କହିଛନ୍ତି  ଯେ ବର୍ତ୍ତମାନ ଦେଶରେ ପ୍ରାକୃତିକ ସନ୍ତୁଳନ ଏବଂ ଆଧୁନିକ ସମ୍ବଳକୁ ଏକାଠି ଆଗକୁ ନିଆଯାଉଛି ।

ସ୍ୱାଧୀନତା ସଂଗ୍ରାମକୁ ଏକ ନୂତନ ଦିଗ ଦେଇଥିବା ଅତୀତର ଆଣ୍ଡାମାନ ଏବଂ ନିକୋବର ଦ୍ୱୀପ ସହିତ ଏକ ତୁଳନାତ୍ମକ ଚିତ୍ର ଦେଇ ପ୍ରଧାନମନ୍ତ୍ରୀ ତାଙ୍କ ଅଭିଭାଷଣ ସମାପ୍ତ କରି ଭବିଷ୍ୟତରେ ଦେଶର ବିକାଶରେ ମଧ୍ୟ ଏହି ଅଞ୍ଚଳ ଏକ ନୂତନ ଉତ୍ସାହ ପ୍ରଦାନ କରିବ ବୋଲି ଉଲ୍ଲେଖ କରିଛନ୍ତି । ପ୍ରଧାନମନ୍ତ୍ରୀ କହିଛନ୍ତି ଯେ ମୁଁ ନିଶ୍ଚିତ, ଆମେ ଏକ ଭାରତ ଗଠନ କରିବୁ ଯାହା ସକ୍ଷମ ଏବଂ ଆଧୁନିକ ବିକାଶର ଶିଖରରେ ପହଞ୍ଚିବ ।

ଏହି କାର୍ଯ୍ୟକ୍ରମରେ ଅନ୍ୟମାନଙ୍କ ମଧ୍ୟରେ କେନ୍ଦ୍ର ଗୃହମନ୍ତ୍ରୀ ଶ୍ରୀ ଅମିତ ଶାହା ଏବଂ ଆଣ୍ଡାମାନ ଏବଂ ନିକୋବର ଦ୍ୱୀପପୁଞ୍ଜର ଲେଫ୍ଟନାଣ୍ଟଣ୍ଟ ଗଭର୍ଣ୍ଣର ଆଡମିରାଲ ଡି କେ ଯୋଶୀ, ଚିଫ୍‍ ଅଫ୍‍ ଡିଫେନ୍ସ ଷ୍ଟାଫ୍‍ ଅନିଲ ଚୌହାନ ପ୍ରମୁଖ ଉପସ୍ଥିତ ଥିଲେ ।

ପୃଷ୍ଠଭୂମି

ଆଣ୍ଡାମାନ ଏବଂ ନିକୋବର ଦ୍ୱୀପପୁଞ୍ଜର ଐତିହାସିକ ମହତ୍ୱକୁ ମନେ ରଖି ତଥା ନେତାଜୀ ସୁଭାଷ ଚନ୍ଦ୍ର ବୋଷଙ୍କ ସ୍ମୃତିକୁ ସମ୍ମାନ ଜଣାଇବା ପାଇଁ ରସ୍ ଦ୍ୱୀପପୁଞ୍ଜକୁ ୨୦୧୮ ମସିହାରେ ପ୍ରଧାନମନ୍ତ୍ରୀଙ୍କ ଗସ୍ତ ସମୟରେ ନେତାଜୀ ସୁଭାଷ ଚନ୍ଦ୍ର ବୋଷ ଦ୍ୱୀପ ନାମରେ ନାମିତ କରାଯାଇଥିଲା । ନୀଲ୍ ଦ୍ୱୀପ ଏବଂ ହାଭଲକ୍ ଦ୍ୱୀପକୁ ମଧ୍ୟ ସହୀଦ ଦ୍ୱୀପ୍ ଏବଂ ସ୍ୱରାଜ ଦ୍ୱୀପ୍ ନାମରେ ନାମିତ କରାଯାଇଥିଲା ।

ଦେଶର ବାସ୍ତବ ଜୀବନର ହୀରୋମାନଙ୍କୁ ଉପଯୁକ୍ତ ସମ୍ମାନ ଦେବା ପ୍ରଧାନମନ୍ତ୍ରୀଙ୍କ ଦ୍ୱାରା ସର୍ବଦା ସର୍ବୋଚ୍ଚ ପ୍ରାଥମିକତା ଦିଆଯାଇଛି । ଏହି ଆବେଗ ସହିତ ଆଗକୁ ବଢିବା ପରେ ବର୍ତ୍ତମାନ ଦ୍ୱୀପ ପୁଞ୍ଜର ନାମକରଣ ହୋଇନଥିବା ୨୧ ବୃହତ୍ତମ ଦ୍ୱୀପକୁ ୨୧ ପରମ ବୀର ଚକ୍ର ପୁରସ୍କାର ପ୍ରାପ୍ତ ବ୍ୟକ୍ତିଙ୍କ ନାମରେ ନାମିତ କରା ଯାଇଛି ।  ସର୍ବ ବୃହତ ନାମବିହୀନ ଦ୍ୱୀପ ପ୍ରଥମ ପରମ ବୀର ଚକ୍ର ପୁରସ୍କାର ପ୍ରାପ୍ତ ବ୍ୟକ୍ତିଙ୍କ ନାମରେ ନାମିତ ହୋଇଛି, ଦ୍ୱିତୀୟ ବୃହତ୍ତମ ନାମବିହୀନ ଦ୍ୱୀପ ଦ୍ୱିତୀୟ ପରମ ବୀର ଚକ୍ର ପୁରସ୍କାର ପ୍ରାପ୍ତ ବ୍ୟକ୍ତିଙ୍କ ନାମରେ ନାମିତ ହୋଇଛି । ଏହି ପଦକ୍ଷେପ ଆମ ବୀରମାନଙ୍କ ପାଇଁ ଏକ ଅନନ୍ତ ଶ୍ରଦ୍ଧାଞ୍ଜଳି ହେବ, ସେମାନଙ୍କ ମଧ୍ୟରୁ ଅନେକ ଦେଶର ସାର୍ବଭୌମତ୍ୱ ଏବଂ ଅଖଣ୍ଡତା ରକ୍ଷା କରିବା ପାଇଁ ଚରମ ବଳିଦାନ ଦେଇଥିଲେ ।

ଏହି ଦ୍ୱୀପପୁଞ୍ଜଗୁଡିକ ଯେଉଁ ୨୧ ପରମ ବୀର ଚକ୍ର ପୁରସ୍କାର ପ୍ରାପ୍ତ ବ୍ୟକ୍ତିଙ୍କ ନାମରେ ନାମିତ ହୋଇଛି   ସେମାନେ ହେଲେ ମେଜର ସୋମନାଥ ଶର୍ମା; ସୁବେଦାର ଏବଂ ହୋନି କ୍ୟାପଟେନ୍ (ତକ୍ରାଳୀନ ଲାନ୍ସ ନାୟକ) କରମ୍ ସିଂହ, ଏମ୍ଏମ୍; ୨ୟ ଲେଫ୍ଟନାଣ୍ଟ ରାମ ରାଘୋବା ରାଣେ; ନାୟକ ଯଦୁନାଥ ସିଂହ; କମ୍ପାନୀ ହାବିଲଦାର ମେଜର ପିରୁ ସିଂହ; କ୍ୟାପଟେନ୍ ଜିଏସ୍ ସାଲାରିଆ; ଲେଫ୍ଟନାଣ୍ଟଣ୍ଟ କର୍ଣ୍ଣେଲ (ତକ୍ରାଳୀନ ମେଜର) ଧନ ସିଂହ ଥାପା; ସୁବେଦାର ଯୋଗୀନ୍ଦର ସିଂହ; ମେଜର ସୈତାନ ସିଂହ; ସିକ୍ୟୁଏମଏଚ୍ ଅବଦୁଲ ହମିଦ; ଲେଫ୍ଟନାଣ୍ଟ କର୍ଣ୍ଣେଲ ଆର୍ଦେଶୀର ବୁର୍ଜୋରଜୀ ତାରାପୋରେ; ଲାନ୍ସ ନାଏକ ଆଲବର୍ଟ ଏକକା; ମେଜର ହୋଶିଆର ସିଂହ; ୨ୟ ଲେଫ୍ଟନାଣ୍ଟ ଅରୁଣ କ୍ଷେତ୍ରପାଲ; ଫ୍ଲାଇଙ୍ଗ ଅଫିସର ର୍ନିମଲଜିତ ସିଂହ ସେଖୋଁ; ମେଜର ରାମସ୍ୱାମୀ ପରମେଶ୍ୱରନ୍; ନାଏବ ସୁବେଦାର ବାନା ସିଂହ; କ୍ୟାପଟେନ ବିକ୍ରମ ବାତ୍ରା; ଲେଫ୍ଟନାଣ୍ଟ ମନୋଜ କୁମାର ପାଣ୍ଡେ; ସୁବେଦାର ମେଜର (ତତ୍କାଳୀନ ରାଇଫଲମ୍ୟାନ୍) ସଞ୍ଜୟ କୁମାର; ଏବଂ ସୁବେଦାର ମେଜର ଅବସରପ୍ରାପ୍ତ (ହୋନି କ୍ୟାପଟେନ) ଗ୍ରେନାଡିୟର୍ ଯୋଗେନ୍ଦ୍ର ସିଂହ ଯାଦବ ।

HS/BS