ପିଏମଇଣ୍ଡିଆ

ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀ ଟେକ୍ସାସର ହ୍ୟୁଷ୍ଟନଠାରେ ଶ୍ରୀ ସିଦ୍ଧି ବିନାୟକ ମନ୍ଦିର ଏବଂ ହ୍ୟୁଷ୍ଟନ ଗୁଜରାଟୀ ସମାଜର କାର୍ଯ୍ୟକ୍ରମ କେନ୍ଦ୍ରକୁ ଉଦଘାଟନ କରିଛନ୍ତି । ‘ହାଓଡି ମୋଦୀ’ କାର୍ଯ୍ୟକ୍ରମ ପରେ ସେ ଟେକ୍ସାସ ଭାରତୀୟ ମଞ୍ଚ ଦ୍ୱାରା ଆୟୋଜିତ ଭାରତୀୟ ସମୁଦାୟ ସମ୍ବର୍ଦ୍ଧନା କାର୍ଯ୍ୟକ୍ରମରେ ଅଂଶଗ୍ରହଣ କରିଥିଲେ ।

ପ୍ରଧାନମନ୍ତ୍ରୀ ମଧ୍ୟ ହ୍ୟୁଷ୍ଟନଠାରେ ଅମର ଗାନ୍ଧୀ ସଂଗ୍ରହାଳୟର ଆଧାରଶିଳା ରଖିବା ଉଦ୍ଦେଶ୍ୟରେ ଫଳକ ଉନ୍ମୋଚନ କରିଥିଲେ ।

ଉଦଘାଟନୀ ସମାରୋହ ଅବସରରେ ଉପସ୍ଥିତ ଜନସଭାକୁ ଉଦବୋଧନ ଦେଇ ପ୍ରଧାନମନ୍ତ୍ରୀ ସେମାନଙ୍କୁ ‘ହାଓଡି ମୋଦୀ’ କାର୍ଯ୍ୟକ୍ରମ ଆୟୋଜନ ଲାଗି ଧନ୍ୟବାଦ ଜ୍ଞାପନ କରିଥିଲେ । ସେ କହିଥିଲେ, “ଭବିଷ୍ୟତର ଭାରତ-ଆମେରିକା ସମ୍ପର୍କ ପାଇଁ ଆପଣ ଏକ ଚମତ୍କାର ମଞ୍ଚ ପ୍ରତିଷ୍ଠା କରିଛନ୍ତି । ମୁଁ ଆପଣ ସମସ୍ତଙ୍କୁ ଧନ୍ୟବାଦ ଜଣାଉଛି ।”

ଅମର ଗାନ୍ଧୀ ସଂଗ୍ରହାଳୟ ସମ୍ପର୍କରେ ମତବ୍ୟକ୍ତ କରି ପ୍ରଧାନମନ୍ତ୍ରୀ କହିଥିଲେ ଯେ ଏହି ସଂଗ୍ରହାଳୟ ହ୍ୟୁଷ୍ଟନରେ ଏକ ସମ୍ମାନିତ ସାଂସ୍କୃତିକ ପ୍ରତୀକ ହୋଇ ରହିବ । “ମୁଁ କିଛି ସମୟ ପାଇଁ ଏହି ପ୍ରୟାସ ସହିତ ଯୋଡ଼ି ହୋଇରହିଥିଲି । ମୁଁ ନିଶ୍ଚିତ ଭାବେ ଯୁବପିଢ଼ିଙ୍କ ମଧ୍ୟରେ ମହାତ୍ମା ଗାନ୍ଧୀଙ୍କ ଆଦର୍ଶକୁ ଲୋକପ୍ରିୟ କରିବି,” ବୋଲି ପ୍ରଧାନମନ୍ତ୍ରୀ ଉଲ୍ଲେଖ କରିଥିଲେ ।

ପର୍ଯ୍ୟଟକ ଭାବେ ଭାରତ ଭ୍ରମଣ ଲାଗି ବର୍ଷକୁ ହାରାହାରି 5ଟି ପରିବାରକୁ ପ୍ରୋତ୍ସାହିତ କରିବା ଲାଗି ଭାରତୀୟ ସମୁଦାୟକୁ ପ୍ରଧାନମନ୍ତ୍ରୀ ଅନୁରୋଧ କରିଥିଲେ । ଯେଉଁଆଡ଼େ ଯାଆନ୍ତୁ ପଛେ ମାତୃଭାଷା ସହିତ ସବୁବେଳେ ଯୋଡ଼ି ହୋଇ ରହିବା ଲାଗି ସେ ଭାରତୀୟ-ଆମେରିକୀୟ ସମୁଦାୟକୁ ଆହ୍ୱାନ କରିଥିଲେ ।

*******