ପିଏମଇଣ୍ଡିଆ

ସ୍ୱଚ୍ଛ ଭାରତ ଦିବସ ପାଳନ ଅବସରରେ ଆୟୋଜିତ ଉତ୍ସବକୁ ପ୍ରଧାନମନ୍ତ୍ରୀ ସମ୍ବୋଧିତ କରିଛନ୍ତି । ସ୍ୱଚ୍ଛ ଭାରତ ମିଶନର ତୃତୀୟ ବାର୍ଷିକୀ ପାଳନ ହୋଇଥିବା ବେଳେ “ସ୍ୱଚ୍ଛତା ହିଁ ସେବା ପକ୍ଷ” ଉଦ୍ଯାପିତ ହୋଇଛି ।

ପ୍ରଧାନମନ୍ତ୍ରୀ କହିଛନ୍ତି ଯେ ଅକ୍ଟୋବର 2କୁ ଆମେ ମହାତ୍ମା ଗାନ୍ଧୀ ଓ ଲାଲ ବାହାଦୁର ଶାସ୍ତ୍ରୀଙ୍କ ଜୟନ୍ତୀ ଭାବେ ପାଳନ କରୁଛୁ ଏବଂ ଆମେ ସ୍ୱଚ୍ଛ ଭାରତ ଲକ୍ଷ୍ୟ ଆଡକୁ କେତେ ମାତ୍ରାରେ ଅଗ୍ରସର ହୋଇଛୁ ତାହାର ପ୍ରତିଫଳନ ଲାଗି ଏହା ହେଉଛି ଏକ ଅବସର ।

ପ୍ରବଳ ସମାଲୋଚନା ମଧ୍ୟରେ ତିନି ବର୍ଷ ପୂର୍ବେ ସ୍ୱଚ୍ଛ ଭାରତ ଆନ୍ଦୋଳନ କିପରି ଭାବେ ଆରମ୍ଭ ହୋଇଥିଲା ସେ ସମ୍ବନ୍ଧରେ ସେ ସ୍ମରଣ କରିଥିଲେ । ସେ କହିଥିଲେ ଯେ ମହାତ୍ମାଗାନ୍ଧୀଙ୍କ ପ୍ରଦର୍ଶିତ ମାର୍ଗ କେବେ ହେଲେ ଭୁଲ ନୁହେଁ ବୋଲି ସେ ଦୃଢ଼ ନିଶ୍ଚିତ । ସେ କହିଥିଲେ ଯେ ଯଦିଓ ଏ କ୍ଷେତ୍ରରେ ଆହ୍ୱାନ ରହିଛି, ତେବେ ଏହାର ଅର୍ଥ ନୁହେଁ ଆମେ ଏଥିରୁ ପଛକୁ ହଟିଯିବା ।

ପ୍ରଧାନମନ୍ତ୍ରୀ କହିଲେ ଯେ ଏବେ ଜନସାଧାରଣ ସ୍ୱଚ୍ଛତା ସମ୍ବନ୍ଧରେ ସେମାନଙ୍କର ଆଗ୍ରହକୁ ଏକ ସ୍ୱରରେ ପ୍ରକାଶ କରୁଛନ୍ତି । ସେ ଦୃଢ଼ତାର ସହ ପ୍ରକାଶ କରିଥିଲେ ଯେ ନେତା ଓ ସରକାରଙ୍କ ପ୍ରୟାସ ଦ୍ୱାରା ସ୍ୱଚ୍ଛତାର ଲକ୍ଷ୍ୟକୁ ହାସଲ କରି ହେବ ନାହିଁ, ବରଂ କେବଳ ସମାଜର ପ୍ରୟାସ ଦ୍ୱାରା ଏହାକୁ ହାସଲ କରିହେବ । ଜନ ଭାଗିଦାରୀକୁ ପ୍ରଶଂସା କରିବାକୁ ପଡିବ ବୋଲି ପ୍ରଧାନମନ୍ତ୍ରୀ କହିଥିଲେ । ସେ ପୁନଶ୍ଚ ପ୍ରକାଶ କରିଥିଲେ ଯେ ସ୍ୱଚ୍ଛତା ଅଭିଯାନ ଏବେ ଏକ ସାମାଜିକ ଆନ୍ଦୋଳନରେ ପରିଣତ ହୋଇଛି । ସେ କହିଲେ ଯେ ଏପର୍ଯ୍ୟନ୍ତ ଯାହାକିଛି ହାସଲ କରାଯାଇଛି ତାହା ଭାରତର ସ୍ୱଚ୍ଛାଗ୍ରହୀ ଜନସାଧାରଣଙ୍କ ସଫଳତା ।

ଯଦି ସତ୍ୟାଗ୍ରହୀମାନଙ୍କ ଦ୍ୱାରା ସ୍ୱରାଜ ହାସଲ କରାଯାଇଥିଲା, ତେବେ ସ୍ୱଚ୍ଛାଗ୍ରହୀମାନଙ୍କ ଦ୍ୱାରା ଶ୍ରେଷ୍ଠ ଭାରତ ହାସଲ କରାଯାଇ ପାରିବ ବୋଲି ପ୍ରଧାନମନ୍ତ୍ରୀ ପ୍ରକାଶ କରିଛନ୍ତି ।

ସହରମାନଙ୍କର ସ୍ୱଚ୍ଛତା ତାଲିକା ସମ୍ବନ୍ଧରେ ପ୍ରକାଶ କରି ପ୍ରଧାନମନ୍ତ୍ରୀ କହିଲେ ଯେ ଏହା ଏକ ସକାରାତ୍ମକ ଏବଂ ପ୍ରତିଦ୍ୱନ୍ଦ୍ୱିତାମୂଳକ ପରିବେଶ ସୃଷ୍ଟି କରିଛି । ସ୍ୱଚ୍ଛତା ପାଇଁ ଉପାୟର ବିପ୍ଳବ ମଧ୍ୟ ଆବଶ୍ୟକ ଏବଂ ପ୍ରତିଦ୍ୱନ୍ଦ୍ୱିତାମୂଳକ ସ୍ୱଚ୍ଛତାର ପରିକଳ୍ପନା ଲାଗି ଉପାୟର ଭିତ୍ତିଭୂମି ପ୍ରଦାନ କରିବ ।

“ସ୍ୱଚ୍ଛତା ହିଁ ସେବା” ପକ୍ଷ ପାଳନରେ ଯୋଗଦାନ କରିଥିବା ସମସ୍ତଙ୍କୁ ପ୍ରଧାନମନ୍ତ୍ରୀ ସାଧୁବାଦ ଜଣାଇଥିଲେ, ମାତ୍ର ଏ ନେଇ ଆହୁରି ଅନେକ କିଛି କରାଯିବାର ଆବଶ୍ୟକତା ରହିଛି ବୋଲି କହିଥିଲେ ।

ପ୍ରବନ୍ଧ, ଚିତ୍ରକଳା ଏବଂ ଚଳଚ୍ଚିତ୍ର ଆଦି ପ୍ରତିଯୋଗିତାରେ ଜାତୀୟ ସ୍ତରର କୃତି ବିଜେତାମାନଙ୍କୁ ପ୍ରଧାନମନ୍ତ୍ରୀ ପୁରସ୍କାର ପ୍ରଦାନ କରିଥିଲେ ଏବଂ ଏକ ଡିଜିଟାଲ ଗ୍ୟାଲେରୀକୁ ବୁଲି ଦେଖିଥିଲେ ।

*****