ପିଏମଇଣ୍ଡିଆ
ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀ ଆଜି ସ୍ମାର୍ଟ ଇଣ୍ଡିଆ ହାକାଥନ ଗ୍ରାଣ୍ଡଫିନାଲେରେ ଅଂଶଗ୍ରହଣ କରିଥିବା ଛାତ୍ରଛାତ୍ରୀଙ୍କୁ ଭିଡିଓ କନଫେରେନ୍ସ ମାଧ୍ୟମରେ ସମ୍ବୋଧନ କରିଛନ୍ତି । ସେ ବିଭିନ୍ନ ଅନୁଷ୍ଠାନର ଛାତ୍ରଗୋଷ୍ଠୀଙ୍କ ସହ ମତ ବିନିମୟ କରିଛନ୍ତି । ଏହି ମତ ବିନିମୟ ମୁଖ୍ୟତଃ କୃଷି, ଅର୍ଥନୀତି, କୁପୋଷଣ ଏବଂ ଶିକ୍ଷା ସମ୍ପର୍କିତ ଥିଲା ।
ସେ ସ୍ମାର୍ଟ ଇଣ୍ଡିଆ ହାକାଥନକୁ ଜାତୀୟ ସ୍ତରର ଏକ ବୃହତ ମୁକ୍ତ ନବସୃଜନ ମଡେଲ ବୋଲି ବର୍ଣ୍ଣନା କରିଥିଲେ । ସେ କହିଥିଲେ ଭାରତୀୟ ଅର୍ଥନୀତି ଦ୍ରୁତ ଗତିରେ ବୃଦ୍ଧି ପାଉଛି ଏବଂ ଦେଶ ନବସୃଜନ କ୍ଷେତ୍ରରେ ନୂତନ ଦିଗନ୍ତ ଛୁଇଁଛି । ସେ କହିଥିଲେ ଭାରତ ବର୍ତ୍ତମାନ ତୃତୀୟ ବୃହତ ଷ୍ଟାର୍ଟ ଅପ ରାଷ୍ଟ୍ରରୂପେ ଉଭା ହୋଇଛି ।
*****
