ପିଏମଇଣ୍ଡିଆ

5 ବର୍ଷର ଅବଧି (2018-19 ଠାରୁ 2022-23) ଲାଗି ରାଜସ୍ଥାନ ଫିଡର କେନାଲ ଏବଂ ସିରହିନ୍ଦ ଫିଡର କେନାଲର ପୁନଃଖନନ କରିବା ଲାଗି ଯଥାକ୍ରମେ 620.42 କୋଟି ଟଙ୍କା ଏବଂ 205.758 କୋଟି ଟଙ୍କାର କେନ୍ଦ୍ରୀୟ ସହାୟତାକୁ ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀଙ୍କ ଅଧ୍ୟକ୍ଷତାରେ କେନ୍ଦ୍ର କ୍ୟାବିନେଟ ଅନୁମୋଦନ କରିଛନ୍ତି । ସିରହିନ୍ଦ ଫିଡରକୁ ଆରଡି(RD) 119700 ଠାରୁ 447927 ପର୍ଯ୍ୟନ୍ତ ଏବଂ ରାଜସ୍ଥାନ ଫିଡରକୁ (RD) 179000 ଠାରୁ ପଞ୍ଜାବର (RD) 496000 ପର୍ଯ୍ୟନ୍ତ ପୁନଃଖନନ କରାଯିବ ।

ପ୍ରଭାବ :

1. ଏହି ଦ୍ୱୈତ ପ୍ରକଳ୍ପ କାର୍ଯ୍ୟକାରୀ ହେବା ଦ୍ୱାରା ଦକ୍ଷିଣ-ପଶ୍ଚିମ ପଞ୍ଜାବର ମୁକ୍ତସର, ଫରୀଦକୋଟ ଏବଂ ଫିରୋଜପୁର ଜିଲ୍ଲାରେ 84,800 ହେକ୍ଟର ଜମିରେ ଜଳାବଦ୍ଧ ସମସ୍ୟାର ସମାଧାନ କରିବାରେ ସହାୟତା ମିଳିବ ।

2. ଏହି ପ୍ରକଳ୍ପଗୁଡ଼ିକ କାର୍ଯ୍ୟକାରୀ ହେବା ଦ୍ୱାରା ଦକ୍ଷିଣ-ପଶ୍ଚିମ ପଞ୍ଜାବରେ ଜଳାବଦ୍ଧ ସମସ୍ୟାକୁ ଦୂର କରିବା ଏବଂ ଏହି ଦୁଇଟି କେନାଲରେ ଜଳପ୍ରବାହ/ଜଳ ଉପଲବ୍ଧୀ ବଢ଼ାଇବାରେ ସହାୟତା ମିଳିବ ।

3. ରାଜସ୍ଥାନ ଫିଡରକୁ  ପୁଣିଥରେ କାର୍ଯ୍ୟକ୍ଷମ କରିବା ଦ୍ୱାରା 98,739 ହେକ୍ଟର ଜମି ଏବଂ ସିରହିନ୍ଦ ଫିଡରକୁ ପୁନଃଖନନ କରିବା ଦ୍ୱାରା 69,068 ହେକ୍ଟର ଜମି ଲାଗି ସ୍ଥିର/ସଂଶୋଧିତ ଜଳସେଚନ ବ୍ୟବସ୍ଥାରୁ ଅଂଚଳର କୃଷକମାନଙ୍କୁ ଲାଭ ହେବ ।

ଖର୍ଚ୍ଚ :

1. ରାଜସ୍ଥାନ ଫିଡର ଏବଂ ସିରହିନ୍ଦ ଫିଡରକୁ କେନ୍ଦ୍ରୀୟ ସହାୟତା ଲାଗି ଅର୍ଥ ଯୋଗାଣ ଏଲଟିଆଇଏଫ ଅନ୍ତର୍ଗତ 99 ପିଏମକେଏସୱାଇ-ଏଆଇବିପିର ଅର୍ଥଯୋଗାଣ ପାଇଁ ରହିଥିବା ବର୍ତ୍ତମାନର ବ୍ୟବସ୍ଥା ଅନ୍ତର୍ଗତ ନାବାର୍ଡ ଜରିଆରେ କରାଯିବ ।

2. କେନ୍ଦ୍ରୀୟ ଜଳ ଆୟୋଗ ଦ୍ୱାରା ପ୍ରକଳ୍ପର ବର୍ତ୍ତମାନ ଅନୁଧ୍ୟାନ ବ୍ୟବସ୍ଥା ବ୍ୟତୀତ ଏହି ପ୍ରକଳ୍ପଗୁଡ଼ିକର ସମ୍ପୂର୍ଣ୍ଣ କାର୍ଯ୍ୟାନ୍ୱୟନର ଅନୁଧ୍ୟାନ କରିବା ଲାଗି ଏକ ବିଶେଷଜ୍ଞ ପ୍ରକଳ୍ପ ସମୀକ୍ଷା ସମିତିର ଗଠନ କରାଯାଇପାରିବ ।

3. 2015 ପିଏଲ ଆଧାରରେ ସିରହିନ୍ଦ ଫିଡର କେନାଲକୁ ପୁନଃଖନନ କରିବା ଲାଗି ମଞ୍ଜୁରି ପ୍ରାପ୍ତ ବ୍ୟୟ 671.478 କୋଟି ଟଙ୍କା ଏବଂ ରାଜସ୍ଥାନ ଫିଡର କେନାଲର ମଞ୍ଜୁରି ପ୍ରାପ୍ତ ବ୍ୟୟ 1305.267 କୋଟି ଟଙ୍କା ଅଟେ । ମୋଟ ଆନୁମାନିକ ବ୍ୟୟରେ 826.168 କୋଟି ଟଙ୍କା କେନ୍ଦ୍ରୀୟ ସହାୟତା ଭାବେ ଦିଆଯିବ, ଏଥିମଧ୍ୟରୁ 205.758 କୋଟି ଟଙ୍କା ସିରହିନ୍ଦ ଫିଡରକୁ ଏବଂ 620.41 କୋଟି ଟଙ୍କା ରାଜସ୍ଥାନ ଫିଡରକୁ ମିଳିବ ।

4. ସିରହିନ୍ଦ ଫିଡର ଏବଂ ରାଜସ୍ଥାନ ଫିଡରକୁ ପୁନଃଖନନ କରିବା ଲାଗି ଯଥାକ୍ରମେ 671.478 କୋଟି ଏବଂ 1305.26 କୋଟି ଟଙ୍କାର ସଂଶୋଧିତ ବ୍ୟୟ ଅନୁମାନ ସମ୍ବନ୍ଧୀୟ ନିବେଶ ଅନୁମତି 6 ଏପ୍ରିଲ 2016ରେ ମଞ୍ଜୁର କରାଯାଇଥିଲା ।

5. 2016ରେ କେନ୍ଦ୍ରୀୟ ଜଳ ଆୟୋଗ ଅଧ୍ୟକ୍ଷଙ୍କ ନେତୃତ୍ୱରେ ଏକ ଟିମ ପ୍ରକଳ୍ପର ଅନୁଧ୍ୟାନ କରିଥିଲା । ଏହାପରେ 2017ରେ କେନ୍ଦ୍ରୀୟ ଜଳ ଆୟୋଗର ପୂର୍ବତନ ଅଧ୍ୟକ୍ଷ ଶ୍ରୀ ଏବି ପାଣ୍ଡ୍ୟାଙ୍କ ନେତୃତ୍ୱରେ ଆଉ ଏକ ଟିମ ପ୍ରକଳ୍ପର ଅନୁଧ୍ୟାନ କରିଥିଲା । ଏହି ଦୁଇଟି ଟିମ ସୁଧାର କାର୍ଯ୍ୟ ଆରମ୍ଭ କରିବା ଲାଗି ପରାମର୍ଶ ଦେଇଥିଲେ । ପଞ୍ଜାବ ସରକାର ମଧ୍ୟ 26 ଏପ୍ରିଲ, 2018ରେ ନିଜର ଆର୍ଥିକ ସହମତି ପ୍ରଦାନ କରିଥିଲେ ।

**********