ପିଏମଇଣ୍ଡିଆ

ନମସ୍କାର ।

ଏକ ଭାରତ – ଶ୍ରେଷ୍ଠ ଭାରତର ବହୁତ ସୁନ୍ଦର ସ୍ୱରୂପ ଆଜି ଏଠାରେ ଦେଖିବାକୁ ମିଳୁଛି। ଆଜିର ଏହି କାର୍ଯ୍ୟକ୍ରମର ରୂପ ସ୍ୱରୂପ ଖୁବ୍‍ ବିଶାଳ, ନିଜସ୍ୱ ଢ଼ଙ୍ଗରେ ବେଶ୍‍ ଐତିହାସିକ ।

କେବାଡିୟାରେ ଗୁଜରାଟର ରାଜ୍ୟପାଳ ଶ୍ରୀ ଆଚାର୍ଯ୍ୟ ଦେବବ୍ରତ ଜୀ, ଗୁଜରାଟର ମୁଖ୍ୟମନ୍ତ୍ରୀ ଶ୍ରୀ ବିଜୟ ରୂପାନୀ ଜୀ ଉପସ୍ଥିତି ଅଛନ୍ତି । ପ୍ରତାପନଗରରୁ ଗୁଜରାଟ ବିଧାନସଭାର ବାଚସ୍ପତି ଶ୍ରୀ ରାଜେନ୍ଦ୍ର ତ୍ରିବେଦୀ ଜୀ ମଧ୍ୟ ଅଛନ୍ତି । ଅହମ୍ମଦାବାଦରୁ ଗୁଜରାଟର ଉପ ମୁଖ୍ୟମନ୍ତ୍ରୀ ସି ନୀତିନ ପଟେଲ ଜୀ, ଦିଲ୍ଲୀରେ କେନ୍ଦ୍ର ମନ୍ତ୍ରିମଣ୍ଡଳରେ ମୋର ସହଯୋଗୀ ପୀୟୂଷ ଗୋୟଲ ଜୀ, ବିଦେଶ ବନ୍ତୀ ଏସ ଜୟଶଙ୍କର ଜୀ, ଡକ୍ଟର ହର୍ଷବର୍ଦ୍ଧନ ଜୀ, ଦିଲ୍ଲୀର ମୁଖ୍ୟମନ୍ତ୍ରୀ ଭାଇ ଅରବିନ୍ଦ କେଜରୀୱା ଜୀ, ଆମ ସହ ଆଜି ଯୋଡ଼ି ହୋଇଛନ୍ତି । ମଧ୍ୟ ପ୍ରଦେଶର ରେବାରୁ ମୁଖ୍ୟମନ୍ତ୍ରୀ ଶିବରାଜ ସିଂହ ଚୌହାନ ଜୀ ଆମ ସହିତ ଅଛନ୍ତି । ମୁମ୍ବଇରୁ ମହାରାଷ୍ଟ୍ର ମୁଖ୍ୟମନ୍ତ୍ରୀ ଭାଇ ଉଦ୍ଧବ ଠାକରେ ଜୀ ମଧ୍ୟ ଉପସ୍ଥିତ ଅଛନ୍ତି । ବାରାଣାସୀରୁ ଉତ୍ତର ପ୍ରଦେଶ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ ଜୀ ଆମ ସହିତ ଯୋଡ଼ି ହୋଇଛନ୍ତି । ଏହା ବ୍ୟତୀତ ତାମିଲନାଡ଼ୁ ସମେତ ଅନ୍ୟ ରାଜ୍ୟ ସରକାରଙ୍କର ମାନ୍ୟବର ମନ୍ତ୍ରିଗଣ, ସାଂସଦଗଣ, ବିଧାୟକଗଣ ମଧ୍ୟ ଆଜି ଏହି ବିଶାଳ କାର୍ଯ୍ୟକ୍ରମରେ ଆମ ସହିତ ଅଛନ୍ତି ଏବଂ ସବୁଠାରୁ ବେଶୀ ଖୁସିର କଥା ଯେ ଆଜି ଆନନ୍ଦରେ ଉପସ୍ଥିତ ସର୍ଦ୍ଦାର ବଲ୍ଲଭଭାଇ ପଟେଲଜୀଙ୍କ ବୃହତ୍‍ ପରିବାରର ଅନେକ ସଦସ୍ୟ ମଧ୍ୟ ଆମମାନଙ୍କୁ ଆଶୀର୍ବାଦ ଦେବା ନିମନ୍ତେ ଆସିଛନ୍ତି । ଆଜି କଳା ଜଗତର ଅନେକ ବରିଷ୍ଠ କଳାକାର, ଖେଳ ଜଗତର ଅନେକ ତାରକା ମଧ୍ୟ ଢ଼େର୍‍ ସଂଖ୍ୟାରେ ଏହି କାର୍ଯ୍ୟକ୍ରମ ସହିତ ଯୋଡ଼ି ହୋଇଛନ୍ତି ଏବଂ ଏମାନଙ୍କ ସମସ୍ତଙ୍କ ସହିତ, ଆମକୁ ଆଶୀର୍ବାଦ ଦେବା ନିମନ୍ତେ ଆସିଥିବା ଈଶ୍ୱରଙ୍କ ସ୍ୱରୂପ ଭଳି ଆମର ଜନତା ଜନାର୍ଦ୍ଦନ, ଆମର ପ୍ରିୟ ଭାଇ ଓ ଭଉଣୀଗଣ, ଭାରତର ଆମର ସମସ୍ତ ଉଜ୍ଜ୍ୱଳ ଭବିଷ୍ୟର ପ୍ରତିନିଧିତ୍ୱ କରୁଥିବା ବାଳକଗଣ ଆପଣମାନଙ୍କୁ ସମସ୍ତଙ୍କୁ ବହୁତ ବହୁତ ଅଭିନନ୍ଦନ ।

ରେଳବାଇ ଇତିହାସରେ ସମ୍ଭବତଃ ପ୍ରଥମ ଥର ଏଭଳି ଘଟଣା ସମ୍ଭବ ହେବାକୁ ଯାଉଛି ଯେ ଯେତେବେଳେ ଏକା ସଙ୍ଗେ ଦେଶର ଭିନ୍ନ ଭିନ୍ନ କୋଟରୁ ଏକ ସ୍ଥାନକୁ ଏତେ ସଂଖ୍ୟକ ଟ୍ରେନକୁ ସବୁଜ ପତାକା ଦେଖାଇ ସେସବୁର ଶୁଭାରମ୍ଭ କରାଯାଇଛି । ଯାହା ହେଲେ ବି କେବାଡ଼ିୟା ସ୍ଥାନଟି ମଧ୍ୟ ସେମିତି । ଏହାର ପରିଚୟ ଦେଶକୁ ଏକ ଭାରତ- ଶ୍ରେଷ୍ଠ ଭାରତ ମନ୍ତ୍ର ପ୍ରଦାନ କରିଥିବା, ଦେଶକୁ ଏକତ୍ରିକରଣ କରିଥିବା ସର୍ଦ୍ଦାର ବଲ୍ଲଭଭାଇ ପଟେଲଙ୍କର ବିଶ୍ୱର ସବୁଠାରୁ ଉଚ୍ଚ ପ୍ରତିମୂତ୍ତି ଯାହା ଷ୍ଟାଚୁ ଅଫ୍‍ ୟୁନିଟି ନାମରେ ସୁପରିଚିତ ତାହା ଏଠାରେ ରହିଛି । ସର୍ଦ୍ଦାର ସରୋବର ବନ୍ଧ ମଧ୍ୟ ଏଠାରେ ଅଛି । ଆଜିର ଏହି ଆୟୋଜନ ଉଚିତ ଅର୍ଥରେ ଭାରତକୁ ଏକତ୍ରିତ କରିବା, ଭାରତୀୟ ରେଳର ପରିକଳ୍ପନା ଏବଂ ସର୍ଦ୍ଦାର ବଲ୍ଲଭ ଭାଇ ପଟେଲଙ୍କ ମିଶନ, ଉଭୟଙ୍କୁ ପରିଭାଷିତ କରୁଛି । ଏବଂ ମୁଁ କଥା ପାଇଁ ଖୁସି ଅନୁଭବ କରୁଛି ଯେ ଏହି କାର୍ଯ୍ୟକ୍ରମରେ ଭିନ୍ନି ଭିନ୍ନ ରାଜ୍ୟର ଏତେ ସଂଖ୍ୟକ ଜନପ୍ରତିନିଧି ଉପସ୍ଥିତ ଅଛନ୍ତି । ମୁଁ ଆପଣମାନଙ୍କୁ ସମସ୍ତଙ୍କୁ ମୋର କୃତଜ୍ଞତା ଜ୍ଞାପନ କରୁଛି ।

ଆଜି କେବାଡ଼ିୟା ଅଭିମୁଖେ ଯାତ୍ରା ଆରମ୍ଭ କରୁଥିବା ଟ୍ରେନଗୁଡ଼ିକ ମଧ୍ୟରୁ ଗୋଟିଏ ଟ୍ରେନ୍‍ ପୁରାଚି ଥଲୈଭର ଡକ୍ଟର ରାମଚନ୍ଦ୍ରନ୍‍ ସେଣ୍ଟ୍ରାଲ୍‍ ରେଳ ଷ୍ଟେସନ ଠାରୁ ରହିଛି । ଏହା ମଧ୍ୟ ଏକ ସୁଖଦ ସଂଯୋଗ ଯେ ଆଜି ଭାରତରତ୍ନ ଏମଜିଆରଙ୍କ ପବିତ୍ର ଜୟନ୍ତୀ ମଧ୍ୟ । ଏମଜିଆର ଫିଲ୍ମ ପର୍ଦ୍ଦା ଠାରୁ ନେଇ ରାଜନୈତିକ ଦୃଶ୍ୟପଟ୍ଟ ପର୍ଯ୍ୟନ୍ତ, ଲୋକମାନଙ୍କ ହୃଦୟରେ ରାଜ କରିଥିଲେ । ତାଙ୍କର ଜୀବନ, ତାଙ୍କର ସଂପୂର୍ଣର୍ ରାଜନୈତିକ ଯାତ୍ରା ଗରିବ ଲୋକଙ୍କ ପାଇଁ ସମର୍ପିତ ଥିଲା । ଗରିବ ଲୋକମାନଙ୍କୁ ସମ୍ମାନଜନକ ଜୀବନ ବଞ୍ôଚବାର ଅଧିକାର ପ୍ରଦାନ ନିମନ୍ତେ ସେ ନିରନ୍ତର ଭାବେ କାର୍ଯ୍ୟ କରୁଥିଲେ । ଭାରତରତ୍ନ ଏମଜିଆରଙ୍କର ଏହି ଆଦର୍ଶକୁ ସାକାର କରିବା ନିମନ୍ତେ ଆଜି ଆମେ ସମସ୍ତେ ପ୍ରୟାସ କରୁଛୁ ।

କିଛି ବର୍ଷ ପୂର୍ବେ ଦେଶ ତାଙ୍କ ସମ୍ମାନାର୍ଥେ ଚେନ୍ନାଇ ସେଣ୍ଟ୍ରାଲ ରେଳ ଷ୍ଟେସନର ନାମ ବଦଳାଇ ଏମଜିଆର ନାମରେ ନାମିତ କରିଥିଲା । ମୁଁ ଭାରତ ରତ୍ନ ଏମଜିଆରଙ୍କ ଏହି ଅବସରରେ ନମସ୍କାର କରୁଛି, ତାଙ୍କୁ ଶ୍ରଦ୍ଧାଞ୍ଜଳି ଜ୍ଞାପନ କରୁଛି ।

ସାଥୀଗଣ,

ଆଜି କେବାଡିୟାକୁ ଦେଶର ପ୍ରତ୍ୟେକ ଦିଗରୁ ସିଧା ରେଳ ସଂଯୋଗରେ ଯୋଡ଼ିବା ସମଗ୍ର ଦେଶ ପାଇଁ ଏକ ଅଦ୍ଭୁତ ମୁହୂର୍ତ୍ତ । ଏହି ଘଟଣା ଆମମାନଙ୍କ ମନରେ ଗର୍ବ ଓ ଗୌରବ ଭରି ଦେବାଭଳି ମୁହୂର୍ତ୍ତ । କିଛି ସମୟ ପୂର୍ବରୁ ଚେନ୍ନାଇ ବ୍ୟତୀତ, ବାରାଣାସୀ, ରେୱା, ଦାଦର ଏବଂ ଦିଲ୍ଳୀରୁ କେବାଡିୟା ଏକ୍ସପ୍ରେସ ଏବଂ ଅହମ୍ମଦାବାଦ ଠାରୁ ଜନଶତାବ୍ଦୀ ଏକ୍ସପ୍ରେସ କେବାଡିୟା ଅଭିମୁଖେ ଯାତ୍ରା ଆରମ୍ଭ କରିଛନ୍ତି । ସେହିଭଳି କେବାଡିୟା ଏବଂ ପ୍ରତାପନଗର ମଧ୍ୟରେ ବି ମେମୁ ସେବା ଆରମ୍ଭ ହୋଇଛି। ଡଭୋର- ଚାନ୍ଦୋଡ ରେଳ ଲାଇନର ପ୍ରଶସ୍ତିକରଣ ଏବଂ ଚାନ୍ଦୋଡ଼- କେବାଡିୟା ଭିତରେ ନୂତନ ରେଳ ଲାଇନ ଏବେ କେବାଡିୟାର ବିକାଶ ଯାତ୍ରାରେ ନୂତନ ଅଧ୍ୟାୟ ଲେଖିବାକୁ ଯାଉଛି ଏବଂ ଆଜି ଯେତେବେଳେ ଏହି ରେଳବାଇ କାର୍ଯ୍ୟକ୍ରମ ସହିତ ମୁଁ ଯୋଡ଼ି ହୋଇଛି ତ ମୋ ମନରେ କିଛି ପୁରୁଣା ସ୍ମୃତି ମଧ୍ୟ ସଜାଗ ହୋଇ ଉଠୁଛି । ଖୁବ୍‍ କମ୍‍ ଲୋକଙ୍କୁ ଏକଥା ଜଣାଥିବ ଯେ ବରୋଦା ଏବଂ ଡାଭୋଇ ଭିତରେ ପୂର୍ବରୁ ନ୍ୟାରୋ ଗେଜ୍‍ ରେଳ ଚଳପ୍ରଚଳ କରୁଥିଲା । ମୋତେ ଅଧିକାଂଶ ସମୟ ସେହି ପଥ ଦେଇ ଯାତ୍ରା କରିବାକୁ ପଡ଼ୁଥିଲା । ମାତା ନର୍ମଦାଙ୍କ ପ୍ରତି ମୋର ମନରେ ଗୋଟିଏ ସମୟରେ ବିଶେଷ ଆକର୍ଷଣ ରହୁଥିଲା । ତେଣୁ ମୁଁ ସେଠାକୁ ଯା’ଆସ କରୁଥିଲି । ଜୀବନରେ କିଛି କ୍ଷଣ ମା’ ନର୍ମଦା କୋଳରେ ବିତାଇଥିଲି ଏବଂ ସେହି ସମୟରେ ଏହି ନ୍ୟାରୋ ଗେଜ୍‍ ଟ୍ରେନରେ ଆମେ ଯା’ଆସ କରୁଥିଲୁ ।  ଏବଂ ସେହି ନ୍ୟାରୋ ଗେଜ୍‍ ଟ୍ରେନର ମଜା ଏଇଆ ଥିଲା ଯେ ତା’ର ବେଗ ଖୁବ୍‍ କମ୍‍ ଥିଲା ଏବଂ ଆପଣ ଯେଉଁଠ ଚାହିଁବେ ସେଠାରେ ସେଥରୁ ଓହ୍ଲେଇ ଯାଇପାରିବେ ଏବଂ ପୁଣି ମନ କଲେ ସେଥିରେ ଚଢ଼ିଯାଇପାରିବେ । ବେଶ୍‍ ଆରାମରେ ଏହି ଦୁଇଟି କାମ ଆପଣ କରିପାରିବେ । କିଛି ସମୟ ଲାଗି ତ ଆପଣ ଟ୍ରେନ୍‍ ସହିତ ଚାଲି ପାରିବେ ଏବଂ ଦେଖିବେ ଯେ ଆପଣଙ୍କ ଚାଲିବା ବେଗ ଟ୍ରେନ ବେଗଠାରୁ ଅଧିକ । ଗୋଟିଏ ସମୟରେ ମୁଁ ଏଭଳି ମଜା ନେଇଥିଲି । କିନ୍ତୁ ଆଜି ଏହାକୁ ବ୍ରଡ଼ ଗେଜ୍‍ରେ ଏହାକୁ ବଦଳାଯାଇଛି । ଏହି ରେଳ ସଂଯୋଗର ସବୁଠାରୁ ବଡ଼ ଲାଭ ଷ୍ଟାଚ୍ୟୁ ଅଫ୍‍ ୟୁନିଟି ଦେଖିବାକୁ ଆସୁଥିବା ପର୍ଯ୍ୟଟକମାନଙ୍କ ତ ମିଳିପାରିବ, ଏହି ସଂଯୋଗ କେବାଡିୟାର ଆଦିବାସୀ ଭାଇ ଭଉଣୀମାନଙ୍କ ଜୀବନରେ ବଧ୍ୟ ପରିବର୍ତ୍ତନ ଆଣିବାକୁ ଯାଉଛି । ଏହି ସଂଯୋଗୀକରଣ, ସୁବିଧ ସହିତ ରୋଜଗାର ଏବଂ ସ୍ୱରୋଜଗାରର ନୂତନ ଅବସର ମଧ୍ୟ ନେଇ ଆସିବ । ଏହି ରେଳ ଲାଇନ ମା’ନର୍ମଦା ତଟରେ ଅବସ୍ଥିତ କରନାଲୀ, ପୋଇଚା ଏବଂ ଗରୁଡେଶ୍ୱର ଭଳି ଆସ୍ଥା ସହିତ ସଂଶ୍ଳିଷ୍ଟ ମହତ୍ତ୍ୱପୂର୍ଣ୍ଣ ସ୍ଥାନମାନଙ୍କୁ ମଧ୍ୟ ସଂଯୋଗ କରିବ । ଏହା ବ୍ୟତୀତ ଏକଥା ମଧ୍ୟ ସତ ଯେ ସଂପୂର୍ଣ୍ଣ କ୍ଷେତ୍ର ଏକ ପ୍ରକାର ଆଧ୍ୟାତ୍ମିକ ସଂବେଦନରେ ଭରପୂର କ୍ଷେତ୍ର । ଏବଂ ଏହି ବ୍ୟବସ୍ଥା କାରଣରୁ ସାଧାରଣ ଭାବେ ଯେଉଁ ଆଧ୍ୟାତ୍ମିକ ଗତିବିଧି ନିମନ୍ତେ ଏଠାକୁ ଲୋକମାନେ ଆସନ୍ତି ସେମାନଙ୍କ ପାଇଁ ତ ବହୁତ ସୁବିଧା ହେବ । କହିବାକୁ ଗଲେ ସେମାନଙ୍କ ପାଇଁ ଏହା ଭେଟ ସ୍ୱାଗତ ସ୍ୱରୂପ ।

ଭାଇ ଓ ଭଉଣୀଗଣ,

ଆଜି କେବାଡିୟା ଗୁଜୁରାଟର ସୁଦୂର କ୍ଷେତ୍ରରେ ବସବାସ କରୁଥିବା ଏକ କ୍ଷୁଦ୍ର ସ୍ଥାନ ହୋଇ ରହିନାହିଁ । ବରଂ କେବାଡିୟା ବିଶ୍ୱର ସବୁଠାରୁ ବଡ଼ ପର୍ଯ୍ୟଟନ ଲକ୍ଷ୍ୟସ୍ଥଳ ଭାବେ ଆଜି ମୁଣ୍ଡ ଟେକିଛି । ଷ୍ଟାଚ୍ୟୁ ଅଫ୍‍ ୟୁନିଟି ଦେଖିବା ସକାଶେ ଏବେ ଷ୍ଟାଚୁ ଅଫ୍‍ ଲିବର୍ଟି ଠାରୁ ମଧ୍ୟ ଅଧିକ ପର୍ଯ୍ୟଟକ ଆସିବାରେ ଲାଗିଛନ୍ତି । ଏହି ପ୍ରତିମୂର୍ତ୍ତି ଲୋକାର୍ପଣ ହେବା ଦିନଠାରୁ ପାଖାପାଖି 50 ଲକ୍ଷ ଲୋକ ଷ୍ଟାଚୁ ଅଫ୍‍ ୟୁନିଟିକୁ ଦେଖିବାକୁ ଆସି ସାରିଛନ୍ତି । କରୋନା କାଳରେ ମାସ ମାସ ଧରି ସବୁକିଛି ବନ୍ଦ୍‍ ରହିବା ପରେ ଏବେ ପୁଣି ଥରେ କେବାଡିୟାକୁ ଆସୁଥିବା ପର୍ଯ୍ୟଟକଙ୍କ ସଂଖ୍ୟା ଦିନକୁ ଦିନ ବୃଦ୍ଧି ପାଇବାରେ ଲାଗିଛି । ଏକ ସର୍ଭେ ଦ୍ୱାରା ଅନୁମାନ କରାଯାଇଛି ଯେ ସଂଯୋଗୀକରଣ ଯେତେ ଯେତେ ବଢ଼ିବ, ଭବିଷ୍ୟତରେ ପ୍ରତି ଦିନ ପ୍ରାୟ ଏକ ଲକ୍ଷ ଲୋକଙ୍କର ଆଗମନ କେବାଡ଼ିୟାକୁ ଘଟିବ ।

ସାଥୀଗଣ,

ଗୋଟିଏ ଛୋଟ ସୁନ୍ଦର ସ୍ଥାନ କେବାଡିୟା, ଏହି କଥାର ଉତ୍ତମ ଉଦାହରରଣ ଯେ କେମିତି ଯୋଜନାବଦ୍ଧ ଭାବେ ପର୍ଯ୍ୟାବରଣର ସୁରକ୍ଷା କରାଯାଇ ଅର୍ଥନୀତି ଏବଂ ପରିବେଶ, ଉଭୟକୁ ଦ୍ରୁତ ବେଗରେ ବିକଶିତ କରାଯାଇପାରିବ । ଏଠାରେ ଏହି କାର୍ଯ୍ୟକ୍ରମରେ ଉପସ୍ଥିତ ଅନେକ ଗଣ୍ୟମାନ୍ୟ ଲୋକ ସମ୍ଭବତଃ କେବାଡିୟା ଯାଇ ନଥାଇପାରନ୍ତି, କିନ୍ତୁ ମୋର ବିଶ୍ୱାସ ଯେ ଥରେ କେବାଡିୟାର ବିକାଶ ଯାତ୍ରା ଦେଖିବା ପରେ ଆପଣଙ୍କୁ ମଧ୍ୟ ନିଜ ଦେଶର ଏହି ସୁନ୍ଦର ସ୍ଥାନକୁ ଦେଖି ମନରେ ଗର୍ବ ଅବଶ୍ୟ ଆସିବ ।

ସାଥୀଗଣ,

ମୋର ସ୍ମରଣ ଅଛି, ଯେତେବେଳେ ପ୍ରାରମ୍ଭରେ କେବାଡିୟାକୁ ବିଶ୍ୱର ସର୍ବୋତ୍କୃଷ୍ଟ ପାରିବାରିକ ପର୍ଯ୍ୟଟନ ଗସ୍ତବ୍ୟସ୍ଥଳୀରେ ପରିଣତ କରିବାର କଥା ଆଲୋଚନା କରାଯାଉଥିଲା, ସେତେବେଳେ ଲୋକମାନଙ୍କୁ ଏକଥା ସ୍ୱପ୍ନ ଭଳି ଲାଗୁଥିଲା । ଲୋକେ କୁହାକୋହି ହେଉଥିଲେ- ଏହା କଦାପି ସମ୍ଭବ ନୁହେଁ, ହୋଇ ସୁଦ୍ଧା ପାରିବନି । ଏହି କାମରେ ତ ଅନେକ ଦଶକ ଲାଗିଯିବ । ଛାଡ଼ନ୍ତୁ, ପୁରୁଣା ଅନୁଭବ ଆଧାରରେ ସେମାନଙ୍କ କଥାରେ ଯଥାର୍ଥତା ମଧ୍ୟ ଥିଲା । ସେତେବେଳେ କେବାଡିୟା ଯିବା ସକାଶେ ନା ଥିଲା ଚଉଡ଼ା ସଡ଼କ, ନା ଥିଲା ଷ୍ଟ୍ରୀଟ୍‍ ଲାଇଟ୍‍, ନା ରେଳ, ନା ପର୍ଯ୍ୟଟକମାନଙ୍କ ଅବସ୍ଥାନ ଲାଗି ଉତ୍ତର ବ୍ୟବସ୍ଥା । ନିଜର ଗ୍ରାମୀଣ ପୃଷ୍ଠଭୂମିରେ କେବାଡିୟା ଦେଶର ଅନ୍ୟ ଛୋଟ ଗାଁଟିଏ ଭଳି ରହିଥିଲା । କିନ୍ତୁ ଆଜି ମାତ୍ର କିଛି ବର୍ଷ ଭିତରେ କେବାଡିୟାର କାୟାକଳ୍ପ ହୋଇସାରିଛି । କେବାଡିୟା ପହଞ୍ଚିବା ନିମନ୍ତେ ଏବେ ଚଉଡ଼ା ରାସ୍ତା ନିର୍ମିତ ହୋଇଛି, ରହିବା ଲାଗି ସଂପୂର୍ଣ୍ଣ ସମ୍ପୂନ ଟେଣ୍ଟ୍‍ ସିଟି ଅଝି, ଅନ୍ୟ ସକଳ ପ୍ରକାର ଉତ୍ତମ ବ୍ୟବସ୍ଥା ରହିଛି । ଉତ୍ତମ ମୋବାଇଲ୍‍ କନେକ୍ଟିଭିଟି ରହସଛି, ଉତ୍ତମ ହସପିଟାଲ ଅଛି । କିଛି ଦିନ ପୂର୍ବରୁ ସି ପ୍ଲେନ୍‍ର ସୁବିଧା ଆରମ୍ଭ କରାଯାଇଛି ଏବଂ ଆଜି ଦେଶର ଏତେ ସବୁ ରେଳପଥ ସହ କେବାଡିୟା ସଂଯୋଗ ହୋଇଯାଇଛି। ଏହି ସହର ଏକ ସଂପୂର୍ଣ୍ଣ ଫାମିଲି ପ୍ୟାକେଜ୍‍ ଭାବେ ଏବେ ସେବା ପ୍ରଦାନ କରୁଛି । ଷ୍ଟାଚ୍ୟୁ ଅଫ୍‍ ୟୁନିଟି ଏବଂ ସର୍ଦ୍ଦାର ସରୋବର ବନ୍ଧର ଭବ୍ୟତା, ଏହାର ବିଶାଳତାକୁ ଆପଣମାନେ କେବଳ ସେଠାରେ ପହଞ୍ôଚକରି ହିଁ ଅନୁଭବ କରିପାରିବେ । ଏବେ ଏଠାରେ ଶହ ଶହ ଏକର ପରିବ୍ୟାପ୍ତ ଜୁଲୋଜିକାଲ ପାର୍କ ରହିଛି, ଜଙ୍ଗଲ ସଫାରୀ ମଧ୍ୟ ରହିଛି । ଗୋଟିଏ ପଟେ ଆୟୁର୍ବେଦ ଏବଂ ଯୋଗ ଉପରେ ଆଧାରିତ ଆରୋଗ୍ୟ ବନ ରହିଛି ତ ଅନ୍ୟ ପଟେ ପୋଷଣ ପାର୍କ ରହିଛି । ରାତିରେ ଝଲମଲ କରୁଥିବା ଗ୍ଲୋ ଗାର୍ଡନ ରହିଛି ତ ଦିନରେ ଉପଭୋଗ କରିବା ନିମନ୍ତେ କାକଟସ୍‍ ଗାର୍ଡ଼ନ ଓ ପ୍ରଜାପତି ଉଦ୍ୟାନ । ପର୍ଯ୍ୟଟକମାନଙ୍କୁ ଚାରିଆଡ଼େ ବୁଲାଇ ଦେଖାଇବା ଲାଗି କ୍ରୁଜ୍‍ ରହିଛି । ପୁଣି ଅନ୍ୟ ପଟେ ଯୁବକମାନଙ୍କୁ ସେମାନଙ୍କର ସାହସ ପ୍ରଦର୍ଶନ କରିବା ଲାଗି ରହିଛି ରାଫ୍ଟିଂର ସଂପୂର୍ଣ୍ଣ ବ୍ୟବସ୍ଥା । ଅର୍ଥାତ୍‍, ଶିଶୁ ହୁଅନ୍ତୁ ଅବା ଯୁବକ କିମ୍ବା ବୟସ୍କ ଲୋକ, ସମସ୍ତଙ୍କ ପାଇଁ ବହୁତ କିଛି ଦେଖିବାର ଅଛି । ବଢ଼ୁଥିବା ଏହି ପର୍ଯ୍ୟଟନ କାରଣରୁ ଏଠାକାର ଆଦିବାସୀ ଯୁବକଯୁବତୀଙ୍କ ଉପାର୍ଜନର ପନ୍ଥା ମିଳିପାରୁଛି । ଏଠାକାର ଲୋକମାନଙ୍କ ଜୀବନରେ ବେଶ୍‍ ଦ୍ରୁତବେଗରେ ଆଧୁନିକ ସୁବିଧା ପହଞ୍ଚି ପାରୁଛି । କିଏ ମ୍ୟାନେଜନ ହୋଇପାରିଛି, କିଏ କାଫେ ମାଲିକ ହୋଇଯାଇଛି, କିଏ ଗାଇଡ଼ କାମ କରିବାରେ ଲାଗିଛି । ମୋର ସ୍ମରଣ ଅଛି, ଯତେବେଳେ ମୁଁ ଜୁଲୋଜିକାଲ ପାର୍କରେ ପକ୍ଷୀମାନଙ୍କ ନିମନ୍ତେ ବିଶେଷ ଏଭିଏରୀ ଡୋମ୍‍ ବୁଲି ଦେଖିବାକୁ ଯାଇଥିଲି, ସେଠାରେ ଜଣେ ସ୍ଥାନୀୟ ମହିଳା ଗାଇଡ଼ ଖୁବ୍‍ ସୁନ୍ଦର ଓ ବିସ୍ତାରିତ ଭାବେ ମୋତେ ସମସ୍ତ ପ୍ରକାର ସୂଚନା ପ୍ରଦାନ କରିଥିଲେ । ଏହା ବ୍ୟତୀତ କେବାଡିୟାର ସ୍ଥାନୀୟ ମହିଳାଗଣ, ସେମାନଙ୍କର ହସ୍ତକଳା ଓ ସ୍ୱହସ୍ତ ପ୍ରସ୍ତୁତ ବିଶେଷ ଏକତା ମଲ୍‍ରେ ନିଜର ସାମଗ୍ରୀ ବିକ୍ରିର ସୁଯୋଗ ପାଇପାରୁଛନ୍ତି । ମୋତେ ସୂଚୀତ କରାଯାଇଛି ଯେ କେବାଡିୟାର ଆଦିବାସୀ ଗାଁମାନଙ୍କରେ ୨୦୦ରୁ ଅଧିକ କୋଠରୀକୁ ଚିହ୍ନଟ କରାଯାଇ ସେଠାରେ ପର୍ଯ୍ୟଟକମାନଙ୍କ “ହୋମ୍‍ ଷ୍ଟେ” ଆଧାରରେ ବିକଶିତ କରାଯାଉଛି ।

ଭାଇ ଓ ଭଉଣୀଗଣ,

କେବାଡିୟାରେ ଯେଉଁ ରେଳଷ୍ଟେସନ୍‍ ମଧ୍ୟ ନିର୍ମାଣ କରାଯାଇଛି, ସେଥିରେ ମଧ୍ୟ ସୁବିଧା ସହିତ ପର୍ଯ୍ୟଟନ ପ୍ରତି ବିଶେଷ ଧ୍ୟାନ ଦିଆଯାଇଛି । ଏଠାରେ ଆଦିବାସୀ କଳା ଗ୍ୟାଲେରୀ ଏବଂ ଏକ ଦର୍ଶକ ଗ୍ୟାଲେରୀ ମଧ୍ୟ ନିର୍ମାଣ କରାଯାଉଛି । ଏହି ଭିଉୟିଂ ଗ୍ୟାଲେରୀ ଠାରୁ  ପର୍ଯ୍ୟଟକ  ଷ୍ଟାଚୁ ଅଫ୍‍ ୟୁନିଟିକୁ ସିଧା ସଳଖ ଦେଖିପାରିବେ ।

ସାଥୀଗଣ,

ଏଭଳି ପ୍ରକାର ଲକ୍ଷ୍ୟ କେନ୍ଦ୍ରିତ ପ୍ରୟାସ ଭାରତୀୟ ରେଳର ପରିବର୍ତ୍ତିତ ସ୍ୱରୂପକୁ ମଧ୍ୟ ପ୍ରମାଣିତ କରୁଛି । ଭାରତୀୟ ରେଳ ପାରମ୍ପରିକ ଯାତ୍ରୀ ଓ ମାଲଗାଡ଼ିବାଲା ନିଜର କୂମିକା ନିର୍ବାହ ସହିତ ଆମର ପ୍ରମୁଖ ପର୍ଯ୍ୟଟନ ଓ ଆସ୍ଥା ସହିତ ସଂଶ୍ଳିଷ୍ଟ ସର୍କିଟକୁ ସିଧା କନେକ୍ଟିଭିଟି ଦେଉଛି । ଏବେ ତ ଅନେକ ପଥରେ ଭିଷ୍ଟାଡୋମ୍‍ବାଲା କୋଚ ଭାରତୀୟ ରେଳ ଯାତ୍ରାକୁ ଆହୁରି ଆକର୍ଷିତ କରିବ ।  ଅହମ୍ମଦାବାଦ- କେବାଡିୟା ଜନ ଶତାବ୍ଦୀ ଏକ୍ସପ୍ରେସ୍‍ ମଧ୍ୟ ସେହି ଟ୍ରେନମାନଙ୍କ ମଧ୍ୟରୁ ଗୋଟିଏ ହେବ ଯେଉଁଥିରେ “ଭିଷ୍ଟ-ଡୋମ୍‍ କୋଚ”ର ସୁବିଧା ଉପଲବ୍ଧ ହେବ ।

ସାଥୀଗଣ,

ବିଗତ ବର୍ଷମାନଙ୍କରେ ଦେଶରେ ରେଳ ସଂସାଧନକୁ ଆଧୁନିକ କରିବା ନିମନ୍ତେ ଯେତିକି କାର୍ଯ୍ୟ ହୋଇଛି, ତାହା ଅଭୂତପୂର୍ବ । ସ୍ୱାଧାନତା ପରେ ଆମର ଅଧିକତର ଶକ୍ତି ପୂର୍ବରୁ ଯାହା ରେଳ ବ୍ୟବସ୍ଥା ଥିଲା ତାହାକୁ ଠିକ୍‍ ଠାକ୍‍ କରିବା କିମ୍ବା ସୁଧାର ଆଣିବାରେ ହିଁ ଉପଯୋଗ କରାଯାଉଥିଲା । ସେହି ସମୟରେ ନୂତନ ଚିନ୍ତା ଓ ନୂତନ ପ୍ରଯୁକ୍ତି ଉପରେ କମ୍‍ ଧ୍ୟାନ ଦିଆଯାଇଥିଲା । ଏଭଳି ଆପ୍ରୋଚ୍‍ ବଦଳିଥିଲା ଅର୍ଥାତ୍‍, ତାହା ଅତ୍ୟନ୍ତ ଜରୁରି ଥିଲା ଏବଂ ସେଇଥିପାଇଁ ଗତ କିଛି ବର୍ଷ ମଧ୍ୟରେ ଦେଶର ରେଳବାଇର ସଂପୂର୍ଣ୍ଣ ବ୍ୟବସ୍ଥାରେ ବ୍ୟାପକ ପରିବର୍ତ୍ତନ କରିବା ନିମନ୍ତେ କାର୍ଯ୍ୟ କଯାଯାଇଛି । ଏହି କାମ କେବଳ ବଜେଟ ବଢ଼ାଇବା- କମାଇବା, ନୂତନ ଟ୍ରେନ୍‍ ଚଳାଚଳ କଥା ଘୋଷଣା କରିବା ଭିତରେ ସୀମିତ ରହିନଥିଲା । ଏଭଳି ପରିବର୍ତ୍ତନ ଅନେକ ଦିଗରେ ଏକାସଙ୍ଗେ କରାଯାଇଥିଲା । ଏବେ ଯେମିତି କେବାଡିୟାକୁ ରେଳ ସଂଯୋଗ କରିବା ଭଳି ଏହି ପ୍ରକଳ୍ପର ଉଦାହରଣ କଥା ଦେଖାଯିବ ତ ଏହାର ନିର୍ମାଣ ଲାଗି ଯାହା ଏବେ ଭିଡ଼ିଓରେ ସୂଚୀତ କରାଯାଇଥିଲା ବର୍ଷା ଦିନେ, କରୋନା ମହାମାରୀ ସମୟରେ, ଅନେକ ପ୍ରକାର ବାଧା ଆସିଥିଲା । କିନ୍ତୁ ରେକର୍ଡ଼ ସମୟରେ ଏହାର କାର୍ଯ୍ୟ ସଂପୂର୍ଣ୍ଣ କରାଯାଇଛି ଏବଂ ଯେଉଁ ନୂତନ ନିର୍ମାଣ ପ୍ରଯୁକ୍ତିର ଏଥିରେ ପ୍ରୟୋଗ ଏବେ ରେଳବାଇ କରୁଛି, ତାହା ଏଥିପାଇଁ ବିଶେଷ ସହାୟକ ହୋଇଛି । ଏହି ସମୟରେ ଟ୍ରାକ୍‍ ଠାରୁ ନେଇ ପୋଲ ନିର୍ମାଣ କର୍ଯ୍ୟନ୍ତ, ନୂତନ ପ୍ରଯୁକ୍ତି ଉପରେ ହିଁ ବିଶେଷ ଧ୍ୟାନ ଦିଆଯାଇଛି, ସ୍ଥାନୀୟ ସ୍ତରରେ ଉପଲବ୍ଧ ସଂସାଧନର ଉପଯୋଗ କରାଯାଇଛି । ସିଗନାଲିଂର କାମକୁ ତ୍ୱରାନ୍ୱିତ କରିବା ନିମନ୍ତେ ଭର୍ଚୁଆଲ୍‍ ମୋଡ଼ ଜରିଆରେ ଟେଷ୍ଟ କରାଯାଇଛି । ଯେତେବେଳେ କି ପୂର୍ବରୁ ସ୍ଥିତିରେ ଏଭଳି ବାଧାବିଘ୍ନ ଆସୁଥିବା ବେଳେ ଅଧିକତର ଏଭଳି ପ୍ରକଳ୍ପ ଅଧାରୁ ଅଟକି ରହୁଥିଲା ।

ସାଥୀଗଣ,

ସମର୍ପିତ ମାଲ ପରିବହନ କରିଡୋରର ପଲ୍ଲ ମଧ୍ୟ ଆମ ଦେଶରେ ପ୍ରଥମେ ଯେଉଁ ଢ଼ଙ୍ଗରେ ଚାଲୁଥିଲା, ତାହାର ଏକ ଉଦାହରଣ କଥା ହିଁ ଧରନ୍ତୁ । ପୂର୍ବ ଓ ପଶ୍ଚିମ ସମର୍ପିତ ଫ୍ରେଟ୍‍ କରିଡୋରର ଏକ ବଡ଼ ଅଂଶର ଲୋକାର୍ପର କିଛି ଦିନ ପୂର୍ବରୁ ମୋତେ କରିବାର ସୁଯୋଗ ମିଳିଥିଲା । ରାଷ୍ଟ୍ର ନିମନ୍ତେ ବହୁତ ଜରୁରି ଏହି ପ୍ରକଳ୍ପ ଉପରେ 2006ରୁ ନେଇ 2014 ପର୍ଯ୍ୟନ୍ତ ଅର୍ଥାତ୍‍ ପାଖାପାଖି 8 ବର୍ଷ କେବଳ କାଗଜପତ୍ରରେ ହିଁ ଏହି କାମ ଚାଲିଥିଲା । 2014ପର୍ଯ୍ୟନ୍ତ ଗୋଟିଏ କିଲୋମିଟର ରେଳପଥ ମଧ୍ୟ ବିଛାଯାଇନଥିଲା । ଏବେ ପାଖାପାଖି ମାତ୍ର କେଇ ମାସ ଭିତରେ ସବୁକୁ ମିଶାଇ 1100 କିଲୋମିଟର କାମ ସଂପୂର୍ଣ୍ଣ ହେବାକୁ ଯାଉଛି ।

ସାଥୀଗଣ,

ଦେଶରେ ରେଳ ନେଟୱାର୍କକୁ ଆଧୁନିକୀକରଣ ସହିତ ଆଜି ଦେଶର ସେହିସବୁ ଅଂଶକୁ ରେଳବାଇ ସହିତ ସଂଯୋଗ କରାଯାଉଛି ଯାହା ଏପର୍ଯ୍ୟନ୍ତ ସଂଯୋଗ ହୋଇପାରିନଥିଲା । ଆଜି ପୂର୍ବାପେକ୍ଷା ଢ଼େର୍‍ ଅଧିକ ଗତିର ସହିତ ପୂରୁଣା ରେଳ ପଥର ପ୍ରଶସ୍ତିକରଣ ଏବଂ ବିଜୁଳିକରଣ କରାଯାଉଛି । ରେଳ ପଥକୁ ଅଧିକ ବେଗ ଦେବା ସକାଶେ ସକ୍ଷମ କରାଯାଉଛି । ଏହି କାରଣରୁ ହିଁ ଆଜି ଦେଶରେ ସେମି ହାଇସ୍ପିଡ଼୍‍ ଟ୍ରେନ୍‍ ଚଳାଚଳ ସମ୍ଭବପର ହୋଇପାରିଛି ଏବଂ ଆମେ ହାଇ ସ୍ପିଡ଼୍‍ ଟ୍ରାକ୍‍ ଏବଂ ପ୍ରଯୁକ୍ତି ଦିଗରେ ଦ୍ରୁତ ଗତିରେ ଅଗ୍ରସର ହେଉଛୁ । ଏହି କାମ ନିମନ୍ତେ ବଜେଟକୁ ଅନେକ ଗୁଣ ବଢ଼ାଯାଇଛି । କେବଳ ସେତିକି ନୁହେଁ, ରେଳବାଇ ପରିବେଶ ଅନୁକୂଳ ମଧ୍ୟ ହୋଇଛି । ଏକଥାକୁ ମଧ୍ୟ ସୁନିଶ୍ଚିତ କରାଯାଇଛି । କେବାଡିୟା ରେଳ ଷ୍ଟେସନ ଭାରତର ପ୍ରଥମ ଏଭଳି ଷ୍ଟେସନ, ଯାହାକୁ ପ୍ରାରମ୍ଭରୁ ହିଁ ଗ୍ରୀନ୍‍ ବିଲ୍ଡିଂ ଭାବେ ପ୍ରମାଣପତ୍ର ମିଳିଛି ।

ଭାଇ ଓ ଭଉଣୀମାନେ,

ରେଳବାଇର ଯଥାଶୀଘ୍ର ଆଧୁନିକୀକରଣର ଅନ୍ୟ ଏକ କାରଣ ରେଳବାଇ ଉତ୍ପାଦନ ଏବଂ ରେଳବାଇ ପ୍ରଯୁକ୍ତିରେ ଆତ୍ମନିର୍ଭରତା ଉପରେ ଆମେ ଜୋର ଦେଇଛୁ । ଏହା ଉପରେ ଆମେ ଫୋକସ୍‍ କରିଛୁ । ବିଗତ ବର୍ଷମାନଙ୍କରେ ଏହି ଦିଗରେ ଯେଉଁ କାମ ହୋଇଛି, ତାହାର ପରିଣାମ ଏବେ ଧୀରେ ଧୀରେ ଆମ ସାମ୍ନାରେ ଦୃଶ୍ୟ ହେବାରେ ଲାଗିଛି । ଏବେ ଚିନ୍ତା କରନ୍ତୁ, ଯଦି ଆମେ ଭାରତରେ ହାଇ ହର୍ସ ପାୱାରର ଇଲେକ୍ଟ୍ରିକ୍‍ ଲୋକୋମୋଟିଭ୍‍ ଉତ୍ପାଦନ କରିନଥାନ୍ତେ, ତେବେ କ’ଣ ବିଶ୍ୱର ପ୍ରଥମ ଡବଲ ଷ୍ଟେକ୍‍ ଲଙ୍ଗ୍‍ ହଲ୍‍ କଣ୍ଟେନର ଟ୍ରେନ ଭାରତରେ ଚାଲି ପାରିଥାନ୍ତା? ଆଜି ଭାରତରେ ନିର୍ମିତ ଗୋଟିଏ ପରେ ଗୋଟିଏ ଆଧୁନିକ ଟ୍ରେନ୍‍ ଭାରତୀୟ ରେଳର ଅଂଶ ପାଲଟିଛି ।

ଭାଇ ଓ ଭଉଣୀଗଣ,

ଆଜି ଯେତେବେଳେ ଭାରତୀୟ ରେଳର କାୟାରେ ଏଭଳି ଆମୂଳଚୂଳ ପରିବର୍ତ୍ତନ ଦିଗରେ ଆମେ ଆଗକୁ ଅଗ୍ରସର ହେଉଛେ, ସେତେବେଳେ ହାଇ ସ୍କିଲ୍ଡ୍‍ ସ୍ପେସାଲିଷ୍ଟ ମାନବସମ୍ବଳ ଏବଂ ପୋଶାଦାର ମାନଙ୍କର ମଧ୍ୟ ବହୁତ ଆବଶ୍ୟକତା ରହିଛି । ଭଦୋଦରାରେ ଭାରତର ପ୍ରଥମ ଡିମଡ଼୍‍ ରେଳବାଇ ବିଶ୍ୱବିଦ୍ୟାଳୟର ସ୍ଥାପନା ପଛରେ ଏହି ଉଦ୍ଦେଶ୍ୟ ରହିଛଇ । ରେଳବାଇ ସକାଶେ ଏଭଳି ପ୍ରକାର ଉଚ୍ଚ ସଂସ୍ଥାନ ନିର୍ମାଣ କରିବାରେ ଭାରତ ବିଶ୍ୱର କତିପୟ ଅଙ୍ଗୁଳିମେୟ ରାଷ୍ଟ୍ରଙ୍କ ଭିତରୁ ଅନ୍ୟତମ । ରେଳ ପରିବହନ ହେଉ, ମଲ୍ଟି ଡିସିପ୍ଲିନାରୀ ଗବେଷଣା ହେଉ, ତାଲମି ହେଉ, ପ୍ରତ୍ୟେକ ପ୍ରକାର ଆଧୁନିକ ସୁବିଧା ହେଉ, ଏପ୍ରକାର ସମସ୍ତ ଆବଶ୍ୟକତା ଏଠାରେ ଉପଲବ୍ଧ କରାଯାଉଛି । 20ଟି ରାଜ୍ୟର ଶହ ଶହ ମେଧାବୀ ଯୁବକ ଭାରତୀୟ ରେଳର ବର୍ତ୍ତମାନ ଓ ଭବିଷ୍ୟତକୁ ଉତ୍ତମ କରିବା ନିମନ୍ତେ ସ୍ୱୟଂକୁ ପ୍ରଶିକ୍ଷିତ କରୁଛନ୍ତି । ଏଠାରେ ହେବାକୁ ଥିବା ଅଭିନବତ୍ୱ ଓ ଗବେଷଣା ଦ୍ୱାରା ଭାରତୀୟ ରେଳକୁ ଆଧୁନିକ କରିବା ଦିଗରେ ଆହୁରି ସହଯୋଗ ମିଳିବ । ଭାରତୀୟ ରେଳ ଭାରତର ପ୍ରଗତିର ମାର୍ଗକୁ ଗତି ଦେଇଚାଲୁ, ଏହି କାମନାର ସହିତ ପୁଣି ଥରେ ଗୁଜରାଟ ସହିତ ସମଗ୍ର ଦେଶକୁ ଏହି ନୂତନ ରେଳ ସୁବିଧା ନିମନ୍ତେ ବହୁତ ବହୁତ ବଧେଇ ।ଏବଂ ସର୍ଦ୍ଦାର ସାହେବଙ୍କ ମନରେ ଏକ ଭାରତ- ଶ୍ରେଷ୍ଠ ଭାରତ ପାଇଁ ଯେଉଁ ସ୍ୱପ୍ନ ଥିଲା, ଯେତେବେଳେ ଭାରତର କୋଣ ଅନୁକୋଣରୁ ଷ୍ଟାଚ୍ୟୁ ଅଫ୍‍ ୟୁନିଟିର ଏହି ପବିତ୍ର ଧରଣୀରେ ଦେଶର ଭିନ୍ନ ଭିନ୍ନ ଭାଷା, ଭିନ୍ନ ଭିନ୍ନ ବେଶବାଲା ଲୋକଙ୍କ ଆତଯାତ ବଢ଼ିବ, ସେତେବେଳେ ଦେଶର ଏକତାର ଦୃଶ୍ୟ ଏକପ୍ରକାର ପ୍ରତିଦିନ ଏଠାରେ ଏକ ଲଘୁ ଭାରତ ଆମକୁ ଦୃଶ୍ୟମାନ ହେବ । ଆଜି କେବାଡିୟା ପାଇଁ ବଡ଼ ବିଶେଷ ଦିନ । ଦେଶର ଏକତା ଓ ଅଖଣ୍ଡତା ରକ୍ଷା ପାଇଁ ଯେଉଁ ନିରନ୍ତର ପୟାସ ଚାଲିଛି, ସେଥିରେ ଏକ ନୂତନ ଅଧ୍ୟାୟ ଯୋଡ଼ି ହୋଇଯାଇଛି । ମୁଁ ପୁଣି ଥରେ ସମସ୍ତଙ୍କୁ ବହୁତ ବହୁତ ବଧେଇ ଜଣାଉଛି!

ବହୁତ ବହୁତ ଧନ୍ୟବାଦ!

*********

ss / SLP