ପିଏମଇଣ୍ଡିଆ

ନମସ୍କାର,

ଶ୍ରୀରାମଚନ୍ଦ୍ର ମିଶନର 75ତମ ବର୍ଷ ସଂପୂର୍ଣ୍ଣ ହେବା ଅବସରରେ ଆପଣମାନଙ୍କୁ ସମସ୍ତଙ୍କୁ ମୋର ବହୁତ ବହୁତ ବଧେଇ । ଅନେକ ଅନେକ ଶୁଭକାମନା । ରାଷ୍ଟ୍ର ନିର୍ମାଣରେ, ସମାଜକୁ ସୁଦୃଢ଼ କରି ଆଗକୁ ଆଗେଇ ନେବା ଦିଗରେ, 75ବର୍ଷର ଏହି କାଳଖଣ୍ଡ ବେଶ୍‍ ମହତ୍ତ୍ୱପୂର୍ଣ୍ଣ । ଲକ୍ଷ୍ୟ ସାଧନ କରିବା ପ୍ରତି ଆପଣମାନଙ୍କ ସମର୍ପଣ ଭାବର ପରିଣାମ ଦ୍ୱାରା ହିଁ ଆଜି ଏହି ଯାଦ୍ରା 150ରୁ ଅଧିକ ଦେଶରେ ପ୍ରସାରିତ ହୋଇପାରିଛି । ବସନ୍ତ ପଞ୍ଚମୀର ଏହି ପୁଣ୍ୟ ତିଥିରେ ଆଜି ଆମେମାନେ ଗୁରୁ ରାମଚନ୍ଦ୍ର ଜୀଙ୍କ ଜନ୍ମ ଜୟନ୍ତୀର ଉତ୍ସବ ପାଳନ କରୁଛୁ । ଆପଣମାନଙ୍କୁ ସମସ୍ତଙ୍କୁ ବଧେଇ ଦେବା ସହିତ ମୁଁ ବାବୁଜୀଙ୍କୁ ଆଦରପୂର୍ବକ ଶ୍ରଦ୍ଧାଞ୍ଚଳି ଅର୍ପଣ କରୁଛି । ମୁଁ ଆପଣମାନଙ୍କ ଅଦ୍ଭୁତ ଯାଦ୍ରା ସହିତ ହିଁ ଆପଣମାନଙ୍କ ମୁଖ୍ୟାଳୟ କାହ୍ନା ଶାନ୍ତିବନ ନିମନ୍ତେ ଅନେକ ଅନେକ ଶୁଭାକାମନା ପ୍ରଦାନ କରୁଛି । ମୋତେ ସୂଚୀତ କରାଯାଇଛି ଯେ ଯେଉଁଠାରେ କାହ୍ନା ଶାନ୍ତିବନମ୍‍ ପ୍ରତିଷ୍ଠା କରାଯାଇଛି ପୂର୍ବରୁ ତାହା ଏକ ପତିତ ଭୂମି ଥିଲା । ଆପଣମାନଙ୍କ ଉଦ୍ୟମ ଓ ସମର୍ପଣ ଦ୍ୱାରା ସେହି ପତିତ ଜମିକୁ କାହ୍ନା ଶାନ୍ତିବନମ୍‍ରେ ପରିବର୍ତ୍ତିତ କରାଯାଇପାରିଛି । ଏହି ଶାନ୍ତିବନମ୍‍ ବାବୁଜୀଙ୍କ ଠାରୁ ଆପଣମାନେ ଲାଭ କରିଥିବା ଶିକ୍ଷାରେ ଜୀବନ୍ତ ଉଦାହରଣ ।

 ସାଥୀଗଣ,

ଆପଣମାନେ ସଭିଏଁ ବାବୁଜୀଙ୍କ ଠାରୁ ପ୍ରାପ୍ତ ପ୍ରେରଣାକୁ ପାଖାପାଖି ଅନୁଭବ କରିଛନ୍ତି । ଜୀବନର ସାର୍ଥକତା ପ୍ରାପ୍ତ କରିବା ନିମନ୍ତେ ତାହାକୁ ପ୍ରୟୋଗ, ମନକୁ ଶାନ୍ତି ମିଳିବା ଲାଭି ଏହାର ପ୍ରୟାସ, ଆମ ସମସ୍ତଙ୍କ ନିମନ୍ତେ ବେଶ୍‍ ପ୍ରେରଣାଦାୟୀ । ଆଜିର ଏହି 20-20 ବାଲା ଦୁନିଆରେ ଗତି ଉପରେ ବିଶେଷ ଗୁରୁତ୍ୱ ପ୍ରଦାନ କରାଯାଉଛି । ଲୋକମାନଙ୍କ ନିକଟରେ ସମୟ ଖୁବ୍‍ କମ୍‍ । ଏଭଳି ସ୍ଥିତିରେ ସହଜ ମାର୍ଗ ଜରିଆରେ ଆପଣମାନଙ୍କୁ ସ୍ଫୁର୍ତ୍ତ ଓ ଆଧ୍ୟାତ୍ମିକତା ଢଙ୍ଗରେ ସୁସ୍ଥ ରଖିବା ଦିଗରେ ବହୁତ ବଡ଼ ଯୋଗଦାନ ଦେଇଆସୁଛି ଏହି ପ୍ରେରଣା । ଆପଣମାନଙ୍କ ହଜାର ହଜାର ସ୍ୱେଚ୍ଛାସେବୀ ଏବଂ ଟ୍ରେନର୍‍ ସମଗ୍ର ବିଶ୍ୱରେ ଯୋଗ ଓ ଧ୍ୟାନର କୌଶଳକୁ ପରିଚିତ କରାଉଛନ୍ତି । ଏହା ମାନବତା ନିମନ୍ତେ ବହୁତ ବଡ଼ ସେବା କାର୍ଯ୍ୟ । ଆପଣମାନଙ୍କ ଟ୍ରେନର ଓ ସ୍ୱେଚ୍ଛାସେବୀଗଣ ବିଦ୍ୟାର ପ୍ରକୃତ ଅର୍ଥକୁ ସାକାର କରିଛନ୍ତି । ଆମର କମଳେଶ ଜୀ ତ ଧ୍ୟାନ ଓ ଆଧ୍ୟାତ୍ମ୍ୟ ଦୁନିଆରେ ‘ଦା’ ଜୀ’ଙ୍କ ନାମକୁ ବିଖ୍ୟାତ କରିଦେଇଛନ୍ତି । ଭାଇ କମଳେଶ ଜୀଙ୍କ ସଂପର୍କରେ ମୁଁ କେବଳ ଏତିକି କହିବାକୁ ଚାହିଁବି ଯେ ସେ ହେଉଛନ୍ତି ପାଶ୍ଚାଜ୍ୟ ଓ ଭାରତର ସକଳ ପ୍ରକାଶ ଉତ୍ତମ ଗୁଣର ଅପୂର୍ବ ସମାହାର । ଆପଣମାନଙ୍କ ଆଧ୍ୟାତ୍ମିକ ନେତୃତ୍ୱରେ ଶ୍ରୀରାମ ଚନ୍ଦ୍ର ମିଶନ, ସମଗ୍ର ବିଶ୍ୱ ଓ ବିଶେଷ କରି ଯୁବଗୋଷ୍ଠୀଙ୍କୁ ସୁସ୍ଥ ଶରୀର ଓ ସୁସ୍ଥ ମନ ଦିଗରେ ପ୍ରେରିତ କରିପାରିଛି ।

ସାଥୀଗଣ,

ଆଜି ବିଶ୍ୱ, ଧାଁଦଉଡ଼ ବାଲା ଜୀବନଶୈଳୀ ଦ୍ୱାରା ଉତ୍ପନ୍ନ ରୋଗବୈରାଗ ଠାରୁ ନେଇ ମହାମାରୀ ଓ ଅବସାଦରୁ ନେଇ ଆତଙ୍କବାଦ ପର୍ଯ୍ୟନ୍ତ ନାନା ପ୍ରକାର ସଂକଟ ସହିତ ଜୁଝିଚାଲିଛି । ଏଭଳି ସ୍ଥିତିରେ ସହଜମାର୍ଗ, ହାର୍ଟଫୁଲନେସ୍‍ କାର୍ଯ୍ୟକ୍ରମ ଏବଂ ଯୋଗ  ବିଶ୍ୱ ପାଇଁ ଆଶାର ନୂତନ କିରଣ ଭଳି କାର୍ଯ୍ୟ କରୁଛି । ସାମ୍ପ୍ରତିକ କାଳରେ ସାଧାରଣ ଜୀବନର ଛୋଟ ଛୋଟ ସତର୍କତା ସହିତ କିଭଳି ଭାବେ ବଡ଼ ବଡ଼ ସଂକଟରୁ ମଧ୍ୟ ରକ୍ଷା ମିଳିପାରିବ ଏହାର ଉଦାହରଣ ପୁରା ଦୁନିଆ ଦେଖିପାରୁଛି । ଆମେ ସଭିଏଁ ଏହି କଥାର ସାକ୍ଷୀ ଯେ କିଭଳି ଭାଳବ 130କୋଟି ଭାରତୀୟଙ୍କୁ ସତର୍କତା ଅବଲମ୍ବନ ଦ୍ୱାରା କରୋନା ମହାମାରୀ ଭଳି ବୈଶ୍ୱିକ ସଂକଟ ସହିତ ଲଢ଼େଇ କରିବାକୁ ପ୍ରେରଣା ମିଳିଥିଲା । ଏହା ସଂପୂର୍ଣ୍ଣ ବିଶ୍ୱ ନିମନ୍ତେ ଏକ ଆଲୋକବର୍ତ୍ତିକା ପାଲଟିଗଲା । ଏହି ସଂଗ୍ରାମରେ ଆମ ଘରେ ଶିଖା ଯାଇଥିବା କଥା, ଅଭ୍ୟାସ ଓ ଯୋଗ ଆୟୁର୍ବେଦ ବହୁତ ବଡ଼ ଭୂମିକା ଗ୍ରହଣ କରିଥିଲା । ଏହି ମହାମାରୀର ଆରମ୍ଭ ବେଳେ ଭାରତର ସ୍ଥିତିକୁ ନେଇ ସମଗ୍ର ବିଶ୍ୱ ଖୁବ୍‍ ଚିନ୍ତିତ ଥିଲା । କିନ୍ତୁ ଆଜି କରୋନା ବିରୋଧରେ ଭାରତର ସଂଗ୍ରାମ ସାରା ବିଶ୍ୱକୁ ପ୍ରେରଣା ଦେଉଛି ।

ବନ୍ଧୁଗଣ,

ଭାରତ ଏହି ସଂଗ୍ରାମରେ ମାନବ କେନ୍ଦ୍ରୀକ ଆଭିମୁଖ୍ୟ ଗ୍ରହଣ କରିଛି ଏବଂ ବୈଶ୍ୱିକ ହିତକୁ ଆଗକୁ ଆଗେଇ ନେବା ଦିଗରେ କାର୍ଯ୍ୟ କରୁଛି । ଏହି ମାନବକେନ୍ଦ୍ରିକ ଆଭିମୁଖ୍ୟରେ ଏକ ସୁସ୍ଥ ସନ୍ତୁଳନ ରକ୍ଷା କରାଯାଇଛି: କଲ୍ୟାଣ ନିରାମୟ ଓ ସଂପଦ । ଗତ ଛଅ ବର୍ଷ ଭିତରେ, ଭାରତ ବିଶ୍ୱର ସର୍ବବୃହତ୍‍ ଜନ କଲ୍ୟାଣ କାର୍ଯ୍ୟକ୍ରମ ଗ୍ରହଣ କରିବାରେ ପ୍ରମୁଖ ଭୂମିକା ଗ୍ରହଣ କରିଆସିଛି । ସେହିସବୁ ପ୍ରୟାସ ଗରିବ ଲୋକମାନଙ୍କୁ ସମ୍ମାନର ସହ ଏବଂ ସକଳ ପ୍ରକାର ସୁଯୋଗ ପ୍ରାପ୍ତ ମାଧ୍ୟମରେ ଜୀବନ ବଞ୍ଚିବାର ଅବସର ପ୍ରଦାନ କରିଛି । ସାର୍ବଜନୀନ ପରିମଳ କାର୍ଯ୍ୟକ୍ରମକୁ ସାମାଜିକ କଲ୍ୟାଣ ଯୋଜନାରେ ସାମିଲ କରାଯାଇଛି । ଧୂମମୁକ୍ତ ରୋଷେଇଘର ଠାରୁ ବ୍ୟାଙ୍କ ସୁବିଧା ଅପହଞ୍ଚ ଥିବା ଲୋକମାନଙ୍କୁ ବ୍ୟାଙ୍କ ସହ ସାମିଲ କରାଯାଇଛି । ପ୍ରଯୁକ୍ତି ଉପଲବ୍ଧ ଠାରୁ ନେଇ ସମସ୍ତଙ୍କ ପାଇଁ ବାସଗୃହ କାର୍ଯ୍ୟକ୍ରମ ଆରମ୍ଭ କରଯାଇଛି । ଭାରତର ଜନ କଲ୍ୟାଣ ଯୋଜନା ଅସଂଖ୍ୟ ଲୋକଙ୍କ ଜୀବନକୁ ଛୁଇଁ ପାଇଛି । ଏହି ବୈଶ୍ୱିକ ମହାମାରୀ ଆରମ୍ଭ ହେବା ପୂର୍ବରୁ, ଆମ ଦେଶ ନିରାମୟତା ଉପରେର ଗୁରୁତ୍ୱ ଆରୋପ କରିଥିଲା ।

ବନ୍ଧୁଗଣ,

ଆମର ନିରାମୟତା କାର୍ଯ୍ୟକ୍ରମ କେବଳ ରୋଗରୁ ରକ୍ଷା ପାଇବା ସକାଶେ ଉଦ୍ଦିଷ୍ଟ ନୁହେଁ, ତାହା ଠାରୁ ବଳି ଅଧିକ । ପ୍ରତିଷେଧମୂଳକ ସ୍ୱାସ୍ଥ୍ୟ ସେବା ଦିଗରେ ବ୍ୟାପକ କାର୍ଯ୍ୟକ୍ରମ ହାତକୁ ନିଆଯାଇଛି । ଭାରତର ଫ୍ଲାଗସିପ୍‍ ସ୍ୱାସ୍ଥ୍ୟସେବା ଯୋଜନା, ଆୟୁଷ୍ମାନ ଭାରତରେ ଯେତିକି ଲୋକ ଉପକୃତ ହେଉଛନ୍ତି ତାହା ଆମେରିକା ଓ ଅନେକ ୟୁରୋପୀୟ ରାଷ୍ଟ୍ରଙ୍କ ମୋଟ ଜନସଂଖ୍ୟା ଠାରୁ ମଧ୍ୟ ଅଧିକ । ଏହା ହେଉଛି ବିଶ୍ୱର ସର୍ବବୃହତ୍‍ ସ୍ୱାସ୍ଥ୍ୟସେବା କାର୍ଯ୍ୟକ୍ରମ । ଦେଶରେ ଔଷଧ ଓ ଅନ୍ୟାନ୍ୟ ଚିକିତ୍ସା ଉପକରଣର ମୂଲ୍ୟରେ ହ୍ରାସ ଘଟାଯାଇଛି । ଏବେ ଯୋଗର ଲୋକପ୍ରିୟତା ସମସ୍ତଙ୍କ ନିକଟରେ ପହଞ୍ôଚଛି ।  ନିରାମୟତାର ଗୁରୁତ୍ୱ ଏଇଥିପାଇଁ ଗ୍ରହଣ କରାଯାଇଛି ଯଦ୍ୱାରା ଆମର ଯୁବଗୋଷ୍ଠୀ ସଦାବେଳେ ନିଜକୁ ସୁସ୍ଥ, ସକ୍ରିୟ ଓ ପ୍ରପୁଲ୍ଲ ଚିତ୍ତ ରଖିପାରିବେ । ଏବଂ ସେମାନଙ୍କୁ ଯେପରି ଜୀବନଶୈଳୀର ବେମାରୀର ମୁକାବିଲା କରିବାକୁ ପଡ଼ିବନାହିଁ ସେଥିପ୍ରତି ମଧ୍ୟ ବିଶେଷ ଧ୍ୟାନ ଦିଆଯାଇଛି । ଯେତେବେଳେ କୋଭିଡ଼ 19 ମହାମାରୀ ପାଇଁ ସମଗ୍ର ବିଶ୍ୱ ଔଷଧ ସନ୍ଧାନରେ ଥିଲା ଭାରତ ସେମାନଙ୍କୁ ଏହି ଔଷଧ ଯୋଗାଇବା ଗର୍ବ ଓ ଗୌରବର କଥା । ଅଧୁନା, ଭାରତ ବିଶ୍ୱ ପ୍ରତିଷେଧକ କାର୍ଯ୍ୟକ୍ରମରେ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରିଛି । ନିରାମୟତା ନିମନ୍ତେ ଆମର ପରିକଳ୍ପନା ଯେତିକି ମାତ୍ରାରେ ଘରୋଇ ସେତିକି ପରିମାଣରେ ବୈଶ୍ୱିକ ।

ବନ୍ଧୁଗଣ,

ସମଗ୍ର ବିଶ୍ୱ ଏବେ ସ୍ୱାସ୍ଥ୍ୟ ଏବଂ ନିରାମୟତାକୁ ଅତି ଗୁରୁତ୍ୱର ସହ ଦେଖୁଛି, ବିଶେଷ କରି କୋଭିଡ଼ 19 ମହାମାରୀ ପରେ । ଏ ଦିଗରେ ବିଶ୍ୱକୁ ଭାରତର ଢ଼େର୍‍ କିଛି ପ୍ରଦାନ କରିବାର ଅଛି । ତେଣୁ ଆସନ୍ତୁ, ଭାରତକୁ ଆଧ୍ୟାତ୍ମିକତା ଓ ନିରାମୟ ପର୍ଯ୍ୟଟନର ଏକ ପ୍ରାଣକେନ୍ଦ୍ରରେ ପରିଣତ କରିବା ଦିଗରେ କାର୍ଯ୍ୟ କରିବା । ଆମର ଯୋଗ ଓ ଆୟୁର୍ବେଦ ବିଶ୍ୱକୁ ଏକ ସୁସ୍ଥ ଗ୍ରହରେ ପରିଣତ ପରିବା ଦିଗରେ ତାହାର ଅବଦାନ ପ୍ରଦାନ କରିପାରିବ । ବିଶ୍ୱକୁ ଏହି ଉପହାର ଦେବା ହେଉଛି ଆମର ଲକ୍ଷ୍ୟ ଏବଂ ତାହା ଏପରି ଏକ ଭାଷାରେ ଯାହାକୁ ସଭିଏଁ ବୁଝିପାରିବେ । ଏହାର ଉପକାରୀତା ସଂପର୍କରେ ଆମକୁ ବୈଜ୍ଞାନିକ ପଦ୍ଧତିରେ ସେମାନଙ୍କୁ ବୁଝାଇବାକୁ ପଡ଼ିବ ଏବଂ ସେମାନଙ୍କୁ ଆମନ୍ତ୍ରଣ କରିବାକୁ ହେବ ଯେ ସେମାନେ ଭାରତ ଭ୍ରମଣରେ ଆସି ନିଜକୁ ପୁନର୍ଜାଗରିତ ହେବାର ସୁଯୋଗ ଲାଭ କରନ୍ତୁ । ଆପଣମାନଙ୍କ ନିଜର ହାର୍ଟଫୁଲନେସ୍‍ ମେଡିଟେସନ୍‍ ଅଭ୍ୟାସ ଏହି ଦିଗରେ ଏକ ସକାରାତ୍ମକ ପଦକ୍ଷେପ ବୋଲି କୁହାଯାଇପାରେ । 

ବନ୍ଧୁଗଣ,

ଉତ୍ତର କରୋନା ବିଶ୍ୱରେ ଏବେ ଯୋଗ ଓ ଧ୍ୟାନକୁ ନେଇ ସମଗ୍ର ବିଶ୍ୱରେ ଗମ୍ଭୀରତା ଆହୁରି ବଢ଼ିବାରେ ଲାଗିଛି। ଶ୍ରୀମଦଭଗବଦ୍‍ ଗୀତାରେ ଉଲ୍ଲେଖ ରହିଛି – ସିଦ୍ଧ୍ୟ ସିଦ୍ଧ୍ୟୋଃ ସମୋ ଭୁତ୍ୱା ସମତ୍ୱ ଯୋଗ ଉଚ୍ୟତେ । ଅର୍ଥାତ୍‍, ସିଦ୍ଧି ଓ ଅସିଦ୍ଧିରେ ସମଭାବ ହୋଇ ଯୋଗରେ ରମଣ କରି କେବଳ କର୍ମ କରି ଚାଲ । ଏହି ସମଭାବକୁ ହିଁ ଯୋଗ ବୋଲି କୁହାଯାଇଥାଏ । ଯୋଗ ସହିତ ଧ୍ୟାନର ମଧ୍ୟ ଆଜିକାଲି ବିଶ୍ୱରେ ଅଧିକ ଆବଶ୍ୟକତା ରହିଛି । ବିଶ୍ୱର ଅନେକ ବଡ଼ ବଡ଼ ସଂସ୍ଥା ଦାବି କରନ୍ତି ଯେ ଅବସାଦ ଅବା ଡିପ୍ରେସନ୍‍ ମାନବ ଜୀବନ ଲାଗି କେତେବଡ଼ ଚାଲେଞ୍ଜ ପ୍ରଦାନ କରୁଛି । ଏଭଳି ସ୍ଥିତିରେ ମୋର ବିଶ୍ୱାସ ଯେ ଆପଣ ନିଜର ହାର୍ଟଫୁଲନେସ୍‍ କାର୍ଯ୍ୟକ୍ରମରେ ଯୋଗ ଏବଂ ଧ୍ୟାନ ମାଧ୍ୟମରେ ଏହି ସମସ୍ୟାରୁ ମୁକ୍ତି ପାଇବା ଲାଗି ମାନବତା ଦିଗରେ ସହଯୋଗ କରନ୍ତୁ ।

ସାଥୀଗଣ,

ଆମର ବେଦରେ କୁହାଯାଇଛି- ଯତା ଦୟୋଶ୍‍ ଚ, ପୃଥିବୀ ଚ, ନି ବିଭୀତୋ, ନ ରିଷ୍ଟତଃ । ଏବଂ ମେ ପ୍ରାଣ ମା ବିଭେଃ । ଅର୍ଥାତ୍‍, ଯେଉଁ ପ୍ରକାର ଆକାଶ ଏବଂ ଭୂମି କଦାପି ଭୟଗ୍ରସ୍ତ ହୋଇନଥାଏ ଏବଂ ଏହା କଦାପି ନାଶ ନାହିଁ, ସେହି ଭଳି ହେ ମୋର ପ୍ରାଣ! ତୁ ନିଜକୁ ଭୟମୁକ୍ତ ରଖ । ଭୟମୁକ୍ତ କେବଳ ସେହି ବ୍ୟକ୍ତି ହୋଇପାରିବ ଯାହାର ମନ ସ୍ୱତନ୍ତ୍ର । ମୋର ପୂର୍ଣ୍ଣ ବିଶ୍ୱାସ ଯେ ସହଜମାର୍ଗରେ ଚାଲି ଆପଣମାନଙ୍କୁ ଶାରୀରିକ ଓ ମାନସିକ ରୂପରୁ ଭୟମୁକ୍ତି ପ୍ରାପ୍ତ ହେଉ । ରୋଗରୁ ମୁକ୍ତ ନାଗରିକ, ମାନସିକ ରୂପରେ ସଶକ୍ତ ନାଗରିକ, ଭାରତକୁ ନୂତନ ଶୀର୍ଷରେ ପହଞ୍ଚାଇପାରିବେ । ଚଳିତ ବର୍ଷ ଆମେ ସ୍ୱତନ୍ତ୍ରତାର 75 ବର୍ଷରେ ମଧ୍ୟ ପ୍ରବେଶ କରିବାକୁ ଯାଉଛୁ । ଆପଣମାନଙ୍କ ପ୍ରୟାସ ଦ୍ୱାରା, ଦେଶକୁ ଆଗକୁ ବଢ଼ିବାରେ ସହାୟତା ମିଳିବ । ଏହି କାମନାର ସହିତ ପୁଣି ଥରେ ଆପଣମାନଙ୍କୁ ସମସ୍ତଙ୍କୁ ବହୁତ ବହୁତ ଶୁଭକାମନା ଜଣାଉଛି ।

ଧନ୍ୟବାଦ!

******

SS