ପିଏମଇଣ୍ଡିଆ

ବନ୍ଧୁଗଣ ଆପଣମାନଙ୍କୁ ସମସ୍ତଙ୍କୁ ମୋର ନମସ୍କାର ।

ଆଜି ସଂସଦର ଅଧିବେଶନ ଆରମ୍ଭ ହେଉଛି ।

ପୂର୍ବ ଅଧିବେଶନରେ ଜିଏସଟି ବିଲ ଗୃହିତ ହେବା ପରି ମହତ୍ୱପୂର୍ଣ୍ଣ ନିର୍ଣ୍ଣୟ ନିଆଯାଇଥିବା କାରଣରୁ ଦେଶରେ ଏକକ ଟିକସ ବ୍ୟବସ୍ଥାର ଯେଉଁ ସ୍ୱପ୍ନ ରହିଛି, ସେହି ଦିଗରେ ବଡ ଗୁରୁତ୍ୱପୂର୍ଣ୍ଣ କାମ ଗୃହରେ ସମ୍ପାଦିତ ହୋଇଥିଲା । ମୁଁ ସେଦିନ ମଧ୍ୟ ସବୁ ଦଳକୁ ଧନ୍ୟବାଦ ଦେଇଥିଲି । ଦେଶ ହିତ ପାଇଁ ସବୁ ଦଳ ଯେତବେଳେ ମିଳିମିଶି କାମ କରନ୍ତି, ତେବେ ନିଷ୍ପତି ମଧ୍ୟ ଠିକହୁଏ, ଚଞ୍ଚଳ ହୁଏ ଓ ପରିଣାମ ମଧ୍ୟ ଭଲ ହୁଏ ।

ଏହି ଅଧିବେଶନରେ ମଧ୍ୟ ବହୁତ ଭଲ ଚର୍ଚ୍ଚା ହେବ । ସବୁ ବିଷୟରେ ଚର୍ଚ୍ଚା ହେବ । ଦଳମାନଙ୍କର ନିଜ ନିଜର ରାଜନୈତିକ ଚିନ୍ତାଧାରା ଆଧାରରେ ମଧ୍ୟ ଚର୍ଚ୍ଚା ହେବ । ସାଧାରଣ ନାଗରିକଙ୍କ ଆଶା, ଆକାଂକ୍ଷା ଓ ଆବଶ୍ୟକତା ସନ୍ଦର୍ଭରେ ମଧ୍ୟ ଚର୍ଚ୍ଚା ହେବ ଏବଂ ମତେ ଲାଗୁଛି କି ବହୁତ ଭଲ ତର୍କ ମଧ୍ୟ ଅଧିବେଶନରେ ହେବ । ସବୁ ଦଳର ବହୁତ ଭଲ ଯୋଗଦାନ ମଧ୍ୟ ରହିବ ।

ସରକାରଙ୍କ ତରଫରୁ ଯେଉଁ ପ୍ରସ୍ତାବିତ କାର୍ଯ୍ୟସୂଚୀର ବିଷୟ ରହିଛି, ଏହାକୁ ପୂର୍ଣ୍ଣ କରିବା ଲାଗି ସବୁ ଦଳମାନଙ୍କୁ ସାଥିରେ ନେଇ ଆଗକୁ ବଢ଼ିବା ଲାଗି ଭରପୁର ପ୍ରୟାସ କରାଯିବ । ଜିଏସଟି କାମକୁ ଆଗକୁ ବଢ଼ାଇବା ଲାଗି ସମସ୍ତ ରାଜ୍ୟ ସରକାର ଓ ସବୁ ଦଳମାନଙ୍କ ସହ ଲଗାତର ବୈଠକ ହେଇଆସୁଛି, ସଦନର ପୂର୍ବରୁ ମଧ୍ୟ ସବୁ ଦଳମାନଙ୍କ ସହ ଲଗାତର ବୈଠକ ହେଇ ଆସୁଥିଲା ।

ସରକାରଙ୍କ ମତ ହେଉଛି ପ୍ରତି ବିଷୟରେ ଚର୍ଚ୍ଚା ପାଇଁ ଆମେ ପ୍ରସ୍ତୁତ । ଖୋଲା ଚର୍ଚ୍ଚା ହେଉ ସେଥିପାଇଁ ଆମେ ପ୍ରସ୍ତୁତ । ଏବଂ ଏହି କାରଣରୁ ବହୁତ ଭଲ ମହତ୍ୱପୂର୍ଣ୍ଣ ନିର୍ଣ୍ଣୟ ପାଇଁ ଅନୁକୂଳ ପରିସ୍ଥିତି ସୃଷ୍ଟି ହେବ ।