ପିଏମଇଣ୍ଡିଆ
ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀ ଲୁଆଙ୍ଗ୍ ପ୍ରବାଙ୍ଗର ପ୍ରତିଷ୍ଠିତ ରୟାଲ ଥିଏଟର୍ ଦ୍ୱାରା ପରିବେଷଣ କରାଯାଇଥିବା ଲାଓ ରାମାୟଣର ଏକ ଏପିସୋଡ ଦେଖିଛନ୍ତି – ଯାହାକୁ ଫଲକ ଫାଲମ କିମ୍ବା ଫ୍ରା ଲାକ ଫ୍ରା ରାମ କୁହାଯାଇଥାଏ । ଲାଓସରେ ଆଜି ମଧ୍ୟ ରାମାୟଣ ପ୍ରତି ଲୋକମାନଙ୍କ ମଧ୍ୟରେ ଉତ୍ସାହ ରହିଛି । ଏହି ମହାକାବ୍ୟ ଦୁଇ ଦେଶ ମଧ୍ୟରେ ଭାଗିଦାରୀ ଐତିହ୍ୟ ଏବଂ ପୁରୁଣା ସଭ୍ୟତା ସଂଯୋଗକୁ ପ୍ରତିଫଳିତ କରିଛି । ଭାରତୀୟ ସଂସ୍କୃତି ଏବଂ ପରମ୍ପରାର ଅନେକ ଦିଗ ଲାଓସରେ ଶତାବ୍ଦୀ ଧରି ଅନୁପ୍ରୟୋଗ ଏବଂ ସଂରକ୍ଷିତ କରାଯାଇ ଆସୁଛି । ଦୁଇ ଦେଶ ସେମାନଙ୍କର ଭାଗିଦାରୀ ଐତିହ୍ୟକୁ ଅଧିକ ଆଲୋକିତ କରିବା ପାଇଁ ଘନିଷ୍ଠ ଭାବରେ କାର୍ଯ୍ୟ କରୁଛନ୍ତି । ଭାରତୀୟ ପ୍ରତ୍ନତ୍ତତ୍ୱ ସର୍ବେକ୍ଷଣ ଲାଓସରେ ଭାଟ୍ ଫୁ ମନ୍ଦିର ଏବଂ ଆନୁଷଙ୍ଗିକ ସ୍ମାରକୀ ପୁନରୁଦ୍ଧାରରେ ଜଡିତ ରହିଛି । ଏହି ଅବସରରେ ଗୃହ ମନ୍ତ୍ରୀ, ଶିକ୍ଷା ଓ କ୍ରୀଡା ମନ୍ତ୍ରୀ, ବ୍ୟାଙ୍କ ଅଫ୍ ଲାଓ ପିଡିଆର ଏବଂ ଭିଏନ୍ଟିଆନ୍ର ମେୟରଙ୍କ ସମେତ ବହୁ ମାନ୍ୟଗଣ୍ୟ ବ୍ୟକ୍ତି ଉପସ୍ଥିତ ଥିଲେ ।
ରାମାୟଣ ପ୍ରଦର୍ଶନ ପୂର୍ବରୁ, ପ୍ରଧାନମନ୍ତ୍ରୀ ଲାଓ ପିଡିଆର୍ର କେନ୍ଦ୍ରୀୟ ବୌଦ୍ଧ ଫେଲୋସିପ୍ ସଂଗଠନର ବରିଷ୍ଠ ବୌଦ୍ଧ ଭିକ୍ଷୁମାନଙ୍କ ଦ୍ୱାରା ଆୟୋଜିତ ଏକ ଆଶୀର୍ବାଦ ସମାରୋହରେ ଯୋଗଦେଇଥିଲେ । ଏହି ସମାରୋହର ନେତୃତ୍ୱ ଭିଏଣ୍ଟିଆନ୍ ସ୍ଥିତ ସି ସାକେଟ ମନ୍ଦିରର କେନ୍ଦ୍ରୀୟ ମଠାଧୀଶ ସମ୍ମାନିତ ମହାଭେଥ ମାସେନାଇ ନେଇଥିଲେ । ଭାରତ ଏବଂ ଲାଓସ୍ ମଧ୍ୟରେ ଅଂଶୀଦାର ବୌଦ୍ଧ ଐତିହ୍ୟ ଘନିଷ୍ଠ ସଭ୍ୟତା ବନ୍ଧନର ଆଉ ଏକ ଦିଗକୁ ପ୍ରତିନିଧିତ୍ୱ କରେ ।
SR
Vijaya Dashami is a few days away and today in Lao PDR, I saw a part of the Lao Ramayana, highlighting the victory of Prabhu Shri Ram over Ravan. It is heartening to see the people here remain in touch with the Ramayan. May the blessings of Prabhu Shri Ram always remain upon us! pic.twitter.com/BskmfMYBdm
— Narendra Modi (@narendramodi) October 10, 2024
PM @narendramodi witnessed a captivating performance of the Lao Ramayana, known as Phalak Phalam or Phra Lak Phra Ram. This unique rendition of the Ramayan reflects the deep cultural ties and shared heritage between India and Lao PDR. pic.twitter.com/kYZ5wvuys7
— PMO India (@PMOIndia) October 10, 2024
