ପିଏମଇଣ୍ଡିଆ

ରାଷ୍ଟ୍ରୀୟ ଝୋଟ ବିନିର୍ମାଣ ନିଗମ ଲିମିଟେଡ (ଏନଜେଏମସି) ଏବଂ ଏହାର ସହାୟକ କମ୍ପାନୀ ବାର୍ଡସ ଝୋଟ ଏବଂ ରପ୍ତାନୀ ଲିମିଟେଡ(ବିଜେଇଏଲ)କୁ ବନ୍ଦ କରିବା ପ୍ରସ୍ତାବକୁ ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀଙ୍କ ଅଧ୍ୟକ୍ଷତାରେ କେନ୍ଦ୍ର କ୍ୟାବିନେଟ ଅନୁମୋଦନ କରିଛନ୍ତି ।

ବନ୍ଦ ପାଇଁ ପ୍ରକ୍ରିୟା

1. ସ୍ଥାୟୀ ସମ୍ପତ୍ତି ଏବଂ ଚାଲୁ ସମ୍ପତ୍ତିର ନିଷ୍ପାଦନ 14/06/2018ର ଡିପିଇର ନିର୍ଦ୍ଦେଶାବଳୀ ଅନୁସାରେ କରାଯିବ ଏବଂ ଦେୟତା ସମ୍ପୂର୍ଣ୍ଣ କରାଯିବା ପରେ ସମ୍ପତ୍ତିର ବିକ୍ରିରୁ ହୋଇଥିବା ଆୟ ଭାରତର ସଂଚିତ ପାଣ୍ଠିରେ ଜମା କରାଯିବ ।

2. 14/06/2018ର ଡିପିଇ ନିର୍ଦ୍ଦେଶାବଳୀ ଅନୁଯାୟୀ ସମ୍ପତ୍ତିର ନିଷ୍ପାଦନ ଲାଗି ଭୂମି ପରିଚାଳନା ଏଜେନ୍ସି (ଏଲଏମଏ)ର ସେବା ନିଆଯିବ । ଏଲଏମଏକୁ ନିର୍ଦ୍ଦେଶ ଦିଆଯିବ ଯେ ସେ ଡିପିଇଙ୍କ ନିର୍ଦ୍ଦେଶାବଳୀ ଅନୁଯାୟୀ ନିଷ୍ପାଦନ କାର୍ଯ୍ୟ ଆରମ୍ଭ କରିବା ପୂର୍ବରୁ ସମ୍ପତ୍ତିର ସମ୍ପୂର୍ଣ୍ଣ ଭାବେ ସତ୍ୟତା ପରିପାଦନ କରିବେ ।

3. ବୟନଶିଳ୍ପ ମନ୍ତ୍ରଣାଳୟ ବିଜେଇଏଲର କୌଣସି ଜମି କିମ୍ବା ଭବନର ଉପଯୋଗ ନିଜ ପାଇଁ କିମ୍ବା ନିଜର କୌଣସି ରାଷ୍ଟ୍ରାୟତ୍ତ ପ୍ରତିଷ୍ଠାନ ପାଇଁ କରିବାର ପ୍ରସ୍ତାବ ନାହିଁ ଏବଂ ଏହାର ସୂଚନା ଭୂମି ପରିଚାଳନା ଏଜେନ୍ସିକୁ ସିଧାସଳଖ ଦିଆଯିବ ।

ଲାଭ :

ଏହି ନିଷ୍ପତ୍ତି ଦ୍ୱାରା କ୍ଷତିରେ ଚାଲୁଥିବା ଉପରୋକ୍ତ ଦୁଇଟି ରାଷ୍ଟ୍ରାୟତ୍ତ ଉଦ୍ୟୋଗ ଚଳାଇବା ଲାଗି ହେଉଥିବା ବାରମ୍ବାର ଖର୍ଚ୍ଚ କମ ହେବାରୁ ରାଜକୋଷକୁ ଆଶ୍ୱସ୍ତି ମିଳିପାରିବ । ଏହି ପ୍ରସ୍ତାବ ଦ୍ୱାରା କ୍ଷତିରେ ଚାଲୁଥିବା କମ୍ପାନୀଗୁଡ଼ିକୁ ବନ୍ଦ କରିବାରେ ସହାୟତା ମିଳିବ ଏବଂ ଉପଯୋଗୀ କାର୍ଯ୍ୟ ଲାଗି କିମ୍ବା ବିକାଶ ଲାଗି ଆର୍ଥିକ ସମ୍ବଳ ସଂଗ୍ରହ କରିବା ପାଇଁ ମୂଲ୍ୟବାନ ସମ୍ପତ୍ତିକୁ ଜାରି କରିବା ସୁନିଶ୍ଚିତ ହେବ ।

ଉଭୟ ରାଷ୍ଟ୍ରାୟତ୍ତ ପ୍ରତିଷ୍ଠାନର ଜମି ଉପଯୋଗ ସର୍ବସାଧାରଣ/ସମାଜର ସାମଗ୍ରୀକ ବିକାଶ ଲାଗି ସରକାରୀ କାର୍ଯ୍ୟ ପାଇଁ କରାଯିବ ।

**********