ପିଏମଇଣ୍ଡିଆ
ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀଙ୍କ ଦେଶବାସୀଙ୍କୁ ଆହ୍ୱାନ ପରେ, ପିଏମଓର ବରିଷ୍ଠ ଅଧିକାରୀମାନେ ଏହି କାର୍ଯ୍ୟାଳୟରେ କାମ କରୁଥିବା କର୍ମଚାରୀମାନଙ୍କୁ ନଗଦମୁକ୍ତ ମୋବାଇଲ ବ୍ୟାଙ୍କିଙ୍ଗ ସେବା ସମ୍ପର୍କରେ ଅଭିନବ ପ୍ରଶିକ୍ଷଣ ପ୍ରଦାନ କରୁଛନ୍ତି ।
ପ୍ରଧାନମନ୍ତ୍ରୀଙ୍କ ପ୍ରଧାନସଚିବ ଶ୍ରୀ ନୃପେନ୍ଦ୍ର ମିଶ୍ର, ଅତିରିକ୍ତ ପ୍ରମୁଖ ସଚିବ ଶ୍ରୀ ପିକେ ମିଶ୍ର ପ୍ରମୁଖ ବରିଷ୍ଠ ଅଧିକାରୀମାନେ ଆଜି ପିଏମଓର କର୍ମଚାରୀମାନଙ୍କ ପାଇଁ ଏକ କର୍ମଶାଳା ୭- ଲୋକ କଲ୍ୟାଣ ମାର୍ଗରେ ଆୟୋଜନ କରିଥିଲେ । ଏଥିରେ ପ୍ରଧାନମନ୍ତ୍ରୀଙ୍କ କାର୍ଯ୍ୟାଳୟର କର୍ମଚାରୀମାନଙ୍କୁ ମୋବାଇଲ ବ୍ୟାଙ୍କିଙ୍ଗ, ଇ-ୱାଲେଟ୍ (ଇ-ପର୍ସ), ୟୁପିଆଇ, ମୋବାଇଲ ଆପର ଡାଉନଲୋଡ ପଦ୍ଧତି ଏବଂ ଏହାର ବ୍ୟବହାର ତଥା ନଗଦମୁକ୍ତ ଦୈନିକ କାରବାର କିଭଳି କରାଯାଇପାରିବ ସେଥିନେଇ ତାଲିମ ଦିଆଯାଇଥିଲା ।
ବରିଷ୍ଠ ଅଧିକାରୀମାନେ ପରସ୍ପରର ମୋବାଇଲରୁ ଇ-ବ୍ୟାଙ୍କିଙ୍ଗ ପାଇଁ କିଭଳି ଆପ୍ ମାଧ୍ୟମରେ ପଇସା/ଅର୍ଥ ଦେଣନେଣ ହୋଇପାରିବ ସେ ସମ୍ପର୍କରେ ପ୍ରତ୍ୟେକ୍ଷ ପ୍ରଦର୍ଶନ ମାଧ୍ୟମରେ କର୍ମଚାରୀଙ୍କୁ ବୁଝାଇଥିଲେ । ଏପରିକି କର୍ମଚାରୀମାନେ ପ୍ରଶିକ୍ଷଣ ପରେ ନିଜ ନିଜ ମୋବାଇଲରେ ବିଭିନ୍ନ ଆପ୍ ଡାଉନଲୋଡ କରି ଇ-ୱାଲେଟର ବ୍ୟବହାର କରିଥିଲେ ।
ଏ ପ୍ରକାର ସରଳ ମୋବାଇଲ ବ୍ୟାଙ୍କିଙ୍ଗ କାରବାର ନେଇ କର୍ମଚାରୀଙ୍କ ମଧ୍ୟରେ ବେଶ ଉତ୍ସାହ ପରିଲକ୍ଷିତ ହୋଇଥିଲା ଏବଂ ସ୍ମାର୍ଟ ବ୍ୟାଙ୍କିଙ୍ଗ ପାଇଁ ସେମାନେ ପଦକ୍ଷେପ ନେଇଥିଲେ । ଏହି ପ୍ରଶିକ୍ଷଣ କର୍ମଶାଳାରେ ଭାରତୀୟ ଷ୍ଟେଟ ବ୍ୟାଙ୍କ ଓ ମାଇଗଭ(MyGov)ର ଅଧିକାରୀମାନେ ଉପସ୍ଥିତ ଥିଲେ ।
In the endeavour of increasing cashless transactions, PMO officials trained office staff at LKM on the subject. https://t.co/HNCk05ZSlg pic.twitter.com/g3AKu5hhsx
— Narendra Modi (@narendramodi) November 28, 2016
Staff was trained on e-wallets, e-banking, daily transactions via mobiles & was extended help to download relevant Apps on their phones. pic.twitter.com/9kU7BkXK01
— Narendra Modi (@narendramodi) November 28, 2016
