ପିଏମଇଣ୍ଡିଆ
• ନୂଆଦିଲ୍ଲୀ ଆନ୍ତର୍ଜାତିକ ମଧ୍ୟସ୍ଥତା କେନ୍ଦ୍ର ବିଲ, 2019କୁ କ୍ୟାବିନେଟର ଅନୁମୋଦନ
• ମାର୍ଚ୍ଚ 2, 2019ରେ ନୂଆଦିଲ୍ଲୀ ଆନ୍ତର୍ଜାତିକ ମଧ୍ୟସ୍ଥତା କେନ୍ଦ୍ରକୁ ସ୍ଥାନାନ୍ତରିତ ହେବ ଆନ୍ତର୍ଜାତିକ ବିକଳ୍ପ ବିବାଦ ସମାଧାନ ଆନ୍ତର୍ଜାତିକ କେନ୍ଦ୍ର
• ଅଧ୍ୟାଦେଶର ସ୍ଥାନ ନେବ ବିଲ, ସଂସଦର ଆଗାମୀ ଅଧିବେଶନରେ ଆଗତ ହେବ
ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀଙ୍କ ନେତୃତ୍ଵାଧୀନ ଏନଡିଏ ସରକାରଙ୍କ ଏକ ପ୍ରମୁଖ ପଦକ୍ଷେପ ହେଉଛି ଭାରତକୁ ଆନ୍ତର୍ଜାତିକ ମଧ୍ୟସ୍ଥତା କେନ୍ଦ୍ରରେ ପରିଣତ କରିବା । ଘରୋଇ ଏବଂ ଆନ୍ତର୍ଜାତିକ ମଧ୍ୟସ୍ଥତାକୁ ଆନୁଷ୍ଠାନିକ କରିବା ପାଇଁ ଏକ ସ୍ୱାଧୀନ ଓ ସ୍ୱାୟତ୍ତ ଅନୁଷ୍ଠାନ ପ୍ରତିଷ୍ଠା କରିବା ପାଇଁ ଏହା ହେଉଛି ଏ ଦିଗରେ ଏକ ପଦକ୍ଷେପ ।
ସଂସଦର ଆଗାମୀ ଅଧିବେଶନରେ ଆଗତ କରାଯିବା ପାଇଁ ଥିବା ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀଙ୍କ ଅଧ୍ୟକ୍ଷତାରେ କେନ୍ଦ୍ର କ୍ୟାବିନେଟ କମିଟି ନୂଆଦିଲ୍ଲୀ ଆନ୍ତର୍ଜାତିକ ମଧ୍ୟସ୍ଥତା କେନ୍ଦ୍ର (ଏନଡିଆଇଏସି) ବିଲ, 2019କୁ ଅନୁମୋଦନ କରିଛନ୍ତି ।
ପ୍ରଭାବ:
ସରକାର, ଏହାର ଏଜେନ୍ସି ଏବଂ ବିବାଦଗ୍ରସ୍ତ ପକ୍ଷଙ୍କ ପାଇଁ ଏହି ଆନୁଷ୍ଠାନିକ ମଧ୍ୟସ୍ଥତା କେନ୍ଦ୍ର ଅନେକ ଭାବେ ଲାଭପ୍ରଦ ହେବ । ଏହାଫଳରେ ଭାରତରେ ଉନ୍ନତ ବିଶେଷଜ୍ଞ ଉପଲବ୍ଧ ହେବେ ଏବଂ ଆବଶ୍ୟକ ଖର୍ଚ୍ଚ ମଧ୍ୟ ହ୍ରାସ ପାଇବ । ଏହା ଭାରତକୁ ଆନୁଷ୍ଠାନିକ ଭାବେ ମଧ୍ୟସ୍ଥତାର ଏକ କେନ୍ଦ୍ରରେ ପରିଣତ କରିବାରେ ସହାୟକ ହେବ ।
ତାତ୍ପର୍ଯ୍ୟ:
ଏହି ବିଲରେ ନୂଆଦିଲ୍ଲୀରେ ଏକ ସ୍ୱାଧୀନ ତଥା ସ୍ୱାୟତ୍ତ ଆନୁଷ୍ଠାନିକ ମଧ୍ୟସ୍ଥତା କେନ୍ଦ୍ର ପ୍ରତିଷ୍ଠା କରିବାର ବ୍ୟବସ୍ଥା ରହିବ ତଥା ଆନ୍ତର୍ଜାତିକ ବିକଳ୍ପ ବିବାଦ ସମାଧାନ କେନ୍ଦ୍ର (ଆଇସିଏଡିଆର)ର କାର୍ଯ୍ୟଧାରାକୁ ମାର୍ଚ୍ଚ 2, 2019 ପରଠାରୁ ଏଠାକୁ ସ୍ଥାନାନ୍ତରିତ କରିବା ।
ପ୍ରୟୋଗ :
ଭାରତକୁ ଏକ ଆନ୍ତର୍ଜାତିକ ମଧ୍ୟସ୍ଥତା କେନ୍ଦ୍ରରେ ପରିଣତ କରିବା ପାଇଁ ତଥା ଏକ ସ୍ୱାଧୀନ ଓ ସ୍ୱାୟତ ଘରୋଇ ଏବଂ ଆନ୍ତର୍ଜାତିକ ମଧ୍ୟସ୍ଥତା କେନ୍ଦ୍ର ସୃଷ୍ଟି ପାଇଁ ଏହି ବିଲ 2.3.2019ରେ ରାଷ୍ଟ୍ରପତିଙ୍କ ଦ୍ୱାରା ଅନୁମୋଦିତ କରାଯାଇଥିବା ନୂଆଦିଲ୍ଲୀ ଆନ୍ତର୍ଜାତିକ ମଧ୍ୟସ୍ଥତା କେନ୍ଦ୍ର ଅଧ୍ୟାଦେଶ, 2019ର ସ୍ଥାନ ନେବ ।
