ପିଏମଇଣ୍ଡିଆ

ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀଙ୍କ ଅଧ୍ୟକ୍ଷତାରେ ଅନୁଷ୍ଠିତ କେନ୍ଦ୍ର କ୍ୟାବିନେଟ ବ୍ରିକ୍ସ ଦେଶଗୁଡ଼ିକରେ ଆଞ୍ଚଳିକ ବିମାନ ଚଳାଚଳ କ୍ଷେତ୍ରରେ ବୁଝାମଣାପତ୍ର ସ୍ୱାକ୍ଷର କରାଯିବା ପ୍ରସ୍ତାବକୁ ଅନୁମୋଦନ କରିଛନ୍ତି । ବ୍ରିକ୍ସ ଦେଶଗୁଡ଼ିକ ମଧ୍ୟରେ ବ୍ରାଜିଲ, ରୁଷ, ଭାରତ, ଚୀନ ଏବଂ ଦକ୍ଷିଣ ଆଫ୍ରିକା ସାମିଲ ଅଛନ୍ତି ।

ପ୍ରମୁଖ ବିଶେଷତ୍ୱ :

ବେସାମରିକ ବିମାନ ଚଳାଚଳ କ୍ଷେତ୍ରରେ ସହଯୋଗ ଲାଗି ସଂସ୍ଥାଗତ ଢାଞ୍ଚା ପ୍ରତିଷ୍ଠା କରାଯିବା ଦ୍ୱାରା ବ୍ରିକ୍ସ ଦେଶଗୁଡ଼ିକୁ ଲାଭ ମିଳିପାରିବ । ସହଯୋଗ ପାଇଁ ନିମ୍ନଲିଖିତ କ୍ଷେତ୍ର ଚିହ୍ନଟ କରାଯାଇଛି :

• କ୍ଷେତ୍ରୀୟ ସେବାରେ ସାର୍ବଜନୀନ ନୀତି ଏବଂ ଶ୍ରେଷ୍ଠ ବ୍ୟବହାର

• କ୍ଷେତ୍ରୀୟ ବିମାନ ବନ୍ଦର ।

• ବିମାନ ବନ୍ଦର ଭିତ୍ତିଭୂମି ପରିଚାଳନା ଏବଂ AIR ନେଭିଗେସନ ସେବା ।

• ନିୟାମକ ଏଜେନ୍ସିଗୁଡ଼ିକ ମଧ୍ୟରେ ବୈଷୟିକ ସହଯୋଗ ।

• ନବସୃଜନ

• ବିଶ୍ୱସ୍ତରୀୟ ପ୍ରସଙ୍ଗରେ ବାର୍ତ୍ତାଳାପ ସହିତ ପରିବେଶ ନିରନ୍ତରତା ।

• ଯୋଗ୍ୟତା ଏବଂ ପ୍ରଶିକ୍ଷଣ

• ପାରସ୍ପରିକ ଭାବେ ନିର୍ଦ୍ଧାରିତ ଅନ୍ୟ କ୍ଷେତ୍ର

ପ୍ରଭାବ :

ଏହି ବୁଝାମଣା ପତ୍ରରେ ଭାରତ ଏବଂ ବ୍ରିକ୍ସ ସଦସ୍ୟ ରାଷ୍ଟ୍ରଗୁଡ଼ିକ ମଧ୍ୟରେ ବେସାମରିକ ବିମାନ ଚଳାଚଳ ସମ୍ପର୍କ ପାଇଁ ଗୁରୁତ୍ୱପୂର୍ଣ୍ଣ ଅଟେ । ଏଥିରେ ବ୍ରିକ୍ସ ଦେଶଗୁଡ଼ିକ ମଧ୍ୟରେ ବ୍ୟବସାୟ, ନିବେଶ, ପର୍ଯ୍ୟଟନ ଏବଂ ସାଂସ୍କୃତିକ ଆଦାନ-ପ୍ରଦାନ ବୃଦ୍ଧି କରିବାର କ୍ଷମତା ରହିଛି ।