ପିଏମଇଣ୍ଡିଆ

ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀ ଆଜି (୨୨.୧୨.୨୦୧୬) ବାରଣାସୀ ଗସ୍ତ କରିଛନ୍ତି ।

ପ୍ରଧାନମନ୍ତ୍ରୀ ବନାରସ ହିନ୍ଦୁ ବିଶ୍ଵବିଦ୍ୟାଳୟ (BHU) ଠାରେ ମହାମାନ୍ୟ ପଣ୍ଡିତ ମଦନ ମୋହନ ମାଲବ୍ୟ କେନସର ସେଣ୍ଟରର ଭିତ୍ତିପ୍ରସ୍ତର ସ୍ଥାପନ କରିଛନ୍ତି ।

ଏହି ଅବସରରେ ପ୍ରଧାନମନ୍ତ୍ରୀ କହିଛନ୍ତି ଯେ, ଚିକିତ୍ସା ବିଜ୍ଞାନରେ ପ୍ରଯୁକ୍ତିବିଦ୍ୟାର ଭୂମିକା ବଢିବାରେ ଲାଗିଛି ଏବଂ ଭାରତରେ ଉନ୍ନତ ଚିକିତ୍ସା ସେବା ଯୋଗାଇବା ଦିଗରେ କେନ୍ଦ୍ର ସରକାର ଆଗକୁ ବଢୁଛନ୍ତି ।

ଭାରତର ଲୋକଙ୍କୁ ବିଶେଷକରି ଗରିବମାନଙ୍କୁ ଉନ୍ନତ ଓ ସୁଲଭ ସ୍ଵାସ୍ଥ୍ୟ ସେବା ଯୋଗାଇବା ହେଉଛି ଆଜିକା ସମୟର ବଡ ଆହ୍ଵାନ ।

ପ୍ରଧାନମନ୍ତ୍ରୀ କହିଥିଲେ ଯେ, ୧୨୫ କୋଟି ଭାରତବାସୀଙ୍କ ଶକ୍ତି ଓ ସାମର୍ଥ୍ୟ ଉପରେ ତାଙ୍କର ଦୃଢ ଆସ୍ଥା ରହିଛି । ଭାରତର ଲୋକେ ନିସ୍ଵାର୍ଥପର । ସେମାନଙ୍କର ଆଶୀର୍ବାଦ ଭଗବାନଙ୍କ ଆଶୀର୍ବାଦ ସହ ସମାନ ବୋଲି ଶ୍ରୀ ମୋଦୀ କହିଥିଲେ ।

ବିମୁଦ୍ରୀକରଣ ପରିପ୍ରେକ୍ଷୀରେ ଯୁବକମାନେ ଅଧିକରୁ ଅଧିକ ଅନଲାଇନ ବ୍ୟାଙ୍କିଙ୍ଗ ସେବା ବ୍ୟବହାର କରିବାକୁ ସେ ଆହ୍ଵାନ ଦେଇଥିଲେ ।

ଏହି ଅବସରରେ ପ୍ରଧାନମନ୍ତ୍ରୀ ବାରଣାସୀର କବୀର ନଗର ଅଞ୍ଚଳ ଯାଇ ହୃଦୟ ଏବଂ IPDS ସ୍କିମ ଅଧୀନରେ ନିର୍ମାଣାଧୀନ ଭୂତଳ କେବଲ ନେଟୱାର୍କ କାର୍ଯ୍ୟ ତଥା ଐତିହ୍ୟ ଆଲୋକ ବ୍ୟବସ୍ଥାର ଅଗ୍ରଗତି ଅନୁଧ୍ୟାନ କରିଥିଲେ ।

ପରେ ସେଠାକାର DLW ପ୍ରାଙ୍ଗଣରେ ପ୍ରଧାନମନ୍ତ୍ରୀ ESIC ସୁପର ସ୍ପେଶାଲିଟି ଚିକିତ୍ସାଳୟର ଆଧାରଶିଳା ରଖିଥିଲେ । ଏହାଛଡା ସେଠାରେ ଏକ ନୂତନ ବାଣିଜ୍ୟ ସୌଗମ୍ୟ କେନ୍ଦ୍ର ଏବଂ ହସ୍ତକଳା ସଂଗ୍ରହାଳୟକୁ ଉଦ୍ଘାଟନ କରିଥିଲେ ।