ପିଏମଇଣ୍ଡିଆ

ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀଙ୍କ ଅଧ୍ୟକ୍ଷତାରେ ଅନୁଷ୍ଠିତ କେନ୍ଦ୍ର କ୍ୟାବିନେଟ ବୈଠକରେ ସୂକ୍ଷ୍ମ, କ୍ଷୁଦ୍ର ଏବଂ ମଧ୍ୟମ ଉଦ୍ୟୋଗର ବର୍ଗୀକରଣ ଆଧାରରେ ପରିବର୍ତ୍ତନକୁ ମଞ୍ଜୁରି ପ୍ରଦାନ କରିଛନ୍ତି  । ଏହାକୁ ‘ପ୍ଳାଣ୍ଟ ଏବଂ ମେସିନାରୀ/ଉପକରଣରେ ନିବେଶ’ରୁ ବଦଳାଇ ‘ବାର୍ଷିକ କାରବାର’ କରାଯିବା ଲାଗି ପ୍ରସ୍ତାବ ରହିଛି ।

ଏହି ପଦକ୍ଷେପ ଦ୍ୱାରା ବ୍ୟବସାୟ କରିବା ସହଜ ହୋଇଯିବ ଏବଂ ବର୍ଗୀକୃତ ବୃଦ୍ଧିର ନିୟମ କରାଯିବ ଏବଂ ଜିଏସଟି ପରିସରରେ ନୂଆ ଟିକସ ବ୍ୟବସ୍ଥା ପ୍ରଚଳିତ ହେବ ।

ସୂକ୍ଷ୍ମ, କ୍ଷୁଦ୍ର ଏବଂ ମଧ୍ୟମ ଉଦ୍ୟୋଗ ବିକାଶ (ଏମଏସଏମଇଡି) ଅଧିନିୟମ, 2006ର ଧାରା 7ରେ ସଂଶୋଧନ ହେବ ଏବଂ ବସ୍ତୁ ଓ ସେବା ସମ୍ପର୍କରେ ବାର୍ଷିକ କାରବାରକୁ ଧ୍ୟାନରେ ରଖି ସଂସ୍ଥାଗୁଡ଼ିକୁ ନିମ୍ନ ପ୍ରକାରରେ ବିବେଚନା କରାଯିବ ।

-ଯେଉଁଠି 5 କୋଟି ଟଙ୍କାରୁ ଅଧିକ ବାର୍ଷିକ କାରବାର ନଥିବ, ସେଠାରେ ସୂକ୍ଷ୍ମ ଉପକ୍ରମଗୁଡ଼ିକୁ ଗୋଟିଏ ସଂସ୍ଥା ରୂପେ ବିବେଚନା କରାଯିବ ।

-ଯେଉଁଠି ବାର୍ଷିକ କାରବାର 5କୋଟି ଟଙ୍କାରୁ ଅଧିକ, କିନ୍ତୁ 75 କୋଟି ଟଙ୍କାରୁ ଅଧିକ ହେବ ନାହିଁ, ସେଠାରେ ଲଘୁ ଉଦ୍ୟୋଗକୁ ଗୋଟିଏ ସଂସ୍ଥା ରୂପେ ବିବେଚନା କରାଯିବ ।

-ଯେଉଁଠି ବାର୍ଷିକ କାରବାର 75 କୋଟି ଟଙ୍କାରୁ ଅଧିକ କିନ୍ତୁ 250 କୋଟି ଟଙ୍କାରୁ ଅଧିକ ନୁହେଁ, ସେଠାରେ ମଧ୍ୟମ ଉଦ୍ୟୋଗକୁ ଗୋଟିଏ ସଂସ୍ଥା ରୂପେ ବିବେଚନା କରାଯିବ ।

-ଏହାବ୍ୟତୀତ କେନ୍ଦ୍ର ସରକାର ଅଧିସୂଚନା ଜରିଆରେ କାରବାରର ସୀମାରେ ପରିବର୍ତ୍ତନ କରିପାରନ୍ତି, ତେବେ ଏହା ଏମଏସଏମଇଡି ଅଧିନିୟମର ଧାରା 7ରେ ଉଲ୍ଲେଖ ଥିବା ସୀମାର ତିନି ଗୁଣରୁ ଅଧିକ ହେବ ନାହିଁ  ।

ବର୍ତ୍ତମାନର ଏମଏସଏମଇଡି ଅଧିନିୟମ (ଧାରା 7)ରେ ନିର୍ମାଣ ସଂସ୍ଥା ସମ୍ପର୍କରେ ପ୍ଳାଣ୍ଟ ଏବଂ ଯନ୍ତ୍ରାଂଶରେ ନିବେଶ ଏବଂ ସେବା ଉଦ୍ୟୋଗ ଲାଗି ଉପକରଣରେ ନିବେଶ ଆଧାରରେ ସୂକ୍ଷ୍ମ, କ୍ଷୁଦ୍ର ଏବଂ ମଧ୍ୟମ ଉଦ୍ୟୋଗର ବର୍ଗୀକରଣ କରାଯାଉଛି । ପ୍ଳାଣ୍ଟ ଏବଂ ଯନ୍ତ୍ରାଂଶରେ ନିବେଶର ମାନକ ସ୍ୱ-ଘୋଷଣା ଅଟେ ଯାହାପାଇଁ ପ୍ରମାଣୀକରଣ ଏବଂ ନେଣଦେଣର ବ୍ୟୟ ଆବଶ୍ୟକ ।

ଜିଏସଟି ନେଟୱାର୍କ ସମ୍ପର୍କରେ କାରବାରର ତଥ୍ୟକୁ ବିଶ୍ୱାସଯୋଗ୍ୟ ବୋଲି ଗ୍ରହଣ କରାଯାଇପାରେ । ଏଥିସହିତ ଅନ୍ୟ ଉପାୟ ଅନ୍ତର୍ଗତ ମଧ୍ୟ ପ୍ଳାଣ୍ଟ ଏବଂ ଯନ୍ତ୍ରାଂଶ/ଉପକରଣ, ନିଯୁକ୍ତି ସମ୍ପର୍କରେ ନିବେଶ ଆଧାରରେ ବର୍ଗୀକରଣ ସମ୍ଭବ ଅଟେ । ଏଥିରୁ ପାରଦର୍ଶୀତା ବଢ଼ିବ ଏବଂ ନିରୀକ୍ଷଣର ଆବଶ୍ୟକତା ଶେଷ ହୋଇଯିବ । ଏହାବ୍ୟତୀତ ବ୍ୟବସାୟ କରିବାର ସୁଗମତା ମଧ୍ୟ ବୃଦ୍ଧି ପାଇବ । ସଂଶୋଧନ ଦ୍ୱାରା ସରକାରଙ୍କୁ ସୂକ୍ଷ୍ମ, କ୍ଷୁଦ୍ର ଏବଂ ମଧ୍ୟମ ଉଦ୍ୟୋଗର ବର୍ଗୀକରଣରେ ନମନୀୟ ଆଭିମୁଖ୍ୟ ଆପଣାଇବାରେ ସହାୟତା ମିଳିପାରିବ, ଯଦ୍ଦ୍ୱାରା ଆର୍ଥିକ ପରିଦୃଶ୍ୟରେ ବିକାଶ ହୋଇପାରିବ । ଏ ସମ୍ପର୍କରେ ଏମଏସଏମଇଡି ଅଧିନିୟମରେ ସଂଶୋଧନର ଆବଶ୍ୟକତା ରହିବ ନାହିଁ  ।

ବର୍ଗୀକରଣ ମାନକରେ ପରିବର୍ତ୍ତନ ଦ୍ୱାରା ବ୍ୟବସାୟ କରିବାରେ ହେଉଥିବା ସୁଗମତାକୁ ପ୍ରୋତ୍ସାହନ ମିଳିବ । ଫଳସ୍ୱରୂପ ଅଭିବୃଦ୍ଧି ହାସଲ ହେବ ଏବଂ ଦେଶର ଏମଏସଏମଇ କ୍ଷେତ୍ରରେ ପ୍ରତ୍ୟକ୍ଷ ଏବଂ ପରୋକ୍ଷ ନିଯୁକ୍ତି ସୁଯୋଗ ବଢ଼ିବାର ମାର୍ଗ ପ୍ରଶସ୍ତ ହେବ ।

**********