ପିଏମଇଣ୍ଡିଆ

ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀଙ୍କ ଅଧ୍ୟକ୍ଷତାରେ ବୁଧବାର (10.08.2016) ଅନୁଷ୍ଠିତ କେନ୍ଦ୍ର କେବିନେଟ ବୈଠକରେ ପ୍ରସୂତୀକାଳୀନ ସୁବିଧାସୁଯୋଗ ଆଇନ 1961 ରେ ପ୍ରସ୍ତାବିତ ସଂଶୋଧନକୁ କାର୍ଯୋତର ଅନୁମୋଦନ ମିଳିଛି । ପ୍ରସୂତୀକାଳୀନ ସୁବିଧାସୁଯୋଗ (ସଂଶୋଧନ) ବିଲ୍ 2016 ସଂସଦରେ ଆଗତ କରାଯାଇଛି ।

ପ୍ରସୂତୀକାଳୀନ ସୁବିଧାସୁଯୋଗ ଆଇନ 1961 ମହିଳା କର୍ମଚାରୀମାନଙ୍କୁ ପ୍ରସବ ସମୟରେ ସୁରକ୍ଷିତ ରଖିବାରେ ସହାୟକ ହୋଇଥାଏ ଏବଂ ପ୍ରସୂତୀଙ୍କୁ “ପ୍ରସବକାଳୀନ ସୁବିଧାସୁଯୋଗ” ପ୍ରଦାନ କରିଥାଏ । ଏଥିରେ କାର୍ଯ୍ୟରୁ ଅନୁପସ୍ଥିତି ରହିବା ସମୟରେ ପୂର୍ଣ୍ଣବେତନ ମିଳେ ଯଦ୍ୱାରା ସେ ତାଙ୍କର ଜନ୍ମିତ ସନ୍ତାନର ଯତ୍ନ ନେଇପାରନ୍ତି । 10 ଜଣ ବା ତଦୁର୍ଦ୍ଧ ବ୍ୟକ୍ତିଙ୍କୁ ନିଯୁକ୍ତି ଦେଇଥିବା ସମସ୍ତ ସଂସ୍ଥା ପ୍ରତି ଏହା ପ୍ରଯୁଜ୍ୟ । ସଂଗଠିତ କ୍ଷେତ୍ରରେ କାର୍ଯ୍ୟରତ (ପ୍ରାୟ) 1.8 ନିୟୁତ ମହିଳା କର୍ମଚାରୀଙ୍କୁ ଏହି ସଂଶୋଧନ ସହାୟକ ହେବ ।

ପ୍ରସୂତୀକାଳନୀ ସୁବିଧାସୁଯୋଗ ଆଇନ 1961 ରେ ଥିବା ସଂଶୋଧନ ନିମ୍ନରେ ପ୍ରଦାନ କରାଗଲା:

• ପ୍ରସବକାଳୀନ ସୁବିଧାକୁ 12 ସପ୍ତାହରୁ 26 ସପ୍ତାହକୁ ଦୁଇଟି ଜୀବିତ ସନ୍ତାନଙ୍କ କ୍ଷେତ୍ରରେ ଲାଗୁ ଏବଂ ଦୁଇରୁ ଅଧିକ ସନ୍ତାନଙ୍କ କ୍ଷେତ୍ରରେ ଏହା 12 ସପ୍ତାହ ପାଇଁ ପ୍ରଯୁଜ୍ୟ ହେବ ।

• ଜଣେ “କମିଶନିଂ ମାତା” ଏବଂ “ଗ୍ରହଣକାରୀ ମାତା” ଙ୍କ ପାଇଁ 12 ସପ୍ତାହ ପ୍ରସବକାଳୀନ ସୁବିଧା

• “ଘରେ ରହି କାର୍ଯ୍ୟ କରିବାର ସୁବ୍ୟବସ୍ଥା”

• 50 ଅଥବା ତଦୁର୍ଦ୍ଧ କର୍ମଚାରୀ କାର୍ଯ୍ୟ କରୁଥିବା ପ୍ରତିଷ୍ଠାନରେ କ୍ରେଚ ବ୍ୟବସ୍ଥା ବାଧ୍ୟତାମୂଳକ

ଯଥାର୍ଥତା :

• ଶିଶୁକୁ ପ୍ରାଥମିକ ଅବସ୍ଥାରେ ମାତୃ ଯତ୍ନ ଯୋଗାଣ – ଯାହା ଶିଶୁର ଉନ୍ନତି ଓ ବିକାଶ ପାଇଁ ଅତି ଗୁରୁତ୍ୱପୂର୍ଣ୍ଣ ।

• ଭାରତୀୟ ଶ୍ରମ ମନ୍ତ୍ରଣାଳୟର 44, 45 ଏବଂ 46 ତମ ଅଧିବେଶନରେ ପ୍ରସୂତୀକାଳୀନ ସୁବିଧାସୁଯୋଗର ଅବଧିକୁ 24 ସପ୍ତାହକୁ ବୃଦ୍ଧି କରିବା ଲାଗି ସୁପାରିଶ କରାଯାଇଥିଲା ।

• ମହିଳା ଓ ଶିଶୁ ବିକାଶ ମନ୍ତ୍ରଣାଳୟ ପକ୍ଷରୁ ପ୍ରସୂତୀକାଳୀନ ସୁବିଧାସୁଯୋଗର ଅବଧିକୁ 8 ମାସକୁ ବଢ଼ାଇ ଦେବା ଲାଗି ପ୍ରସ୍ତାବ ଦିଆଯାଇଥିଲା ।

• ତ୍ରିପାକ୍ଷିକ ଆଲୋଚନାବେଳେ ସମସ୍ତ ଭାଗୀଦାର ପକ୍ଷ ସାଧାରଣରେ ଏହି ସଂଶୋଧନ ପ୍ରସ୍ତାବକୁ ସମର୍ଥନ କରିଥିଲେ ।