ପିଏମଇଣ୍ଡିଆ
ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀ ଓ କାମ୍ବୋଡିଆ ପ୍ରଧାନମନ୍ତ୍ରୀ ସମଦେକ ଅକ୍କା ମୋହା ସେନା ପଡୀ ଟେକୋ ହୁଣ ସେନଙ୍କ ମଧ୍ୟରେ ବୁଧବାର ଟେଲିଫୋନ ଯୋଗେ ବାର୍ତ୍ତାଳାପ ହୋଇଛି । କୋଭିଡ-19 ମହାମାରୀ ସମ୍ପର୍କରେ ଦୁଇ ନେତା ଆଲୋଚନା କରିଥିଲେ । ଉଭୟ ଦେଶର ପ୍ରବାସୀଙ୍କୁ ଫେରାଇ ଆଣିବାରେ ମିଳିତ ସହଯୋଗ ଜାରି ରଖିବାକୁ ସେମାନେ ସହମତ ହୋଇଥିଲେ ।
ଭାରତ ସହ ସଭ୍ୟତାଗତ ଓ ସାଂସ୍କୃତିକ ସହଭାଗୀ ସମ୍ପର୍କ ଥିବା ତଥା ଆସିଆନର ଗୁରୁତ୍ୱପୂର୍ଣ୍ଣ ସଦସ୍ୟ କାମ୍ବୋଡିଆ ସହିତ ସମ୍ପର୍କ ଦୃଢ କରିବାକୁ ଭାରତ ବଦ୍ଧପରିକର ବୋଲି ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ସୂଚାଇ ଥିଲେ । ଦୁଇ ନେତା ଆଇଟିଇସି ଯୋଜନା ଅନ୍ତର୍ଗତ ଦକ୍ଷତା ବିକାଶ କାର୍ଯ୍ୟକ୍ରମ ଓ ମେକଙ୍ଗ-ଗଙ୍ଗା ସହଯୋଗ ବ୍ୟବସ୍ଥାରେ ଚାଲିଥିବା ତ୍ଵରିତ ପ୍ରଭାବ ପ୍ରକଳ୍ପ ଆଦି କ୍ଷେତ୍ରରେ ଦୁଇ ଦେଶର ସୁଦୃଢ ବିକାଶ ଭାଗିଦାରୀର ସମୀକ୍ଷା କରିଥିଲେ ।
ଭାରତ ସହ ସମ୍ପର୍କ ବୃଦ୍ଧିକୁ କାମ୍ବୋଡିଆ ଗୁରୁତ୍ୱ ପ୍ରଦାନ କରୁଛି ବୋଲି କାମ୍ବୋଡିଆ ପ୍ରଧାନମନ୍ତ୍ରୀ ଦର୍ଶାଇଥିଲେ । ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଏହି ଭାବନାକୁ ପ୍ରଶଂସା କରିବା ସହ ଭାରତର ଆକ୍ଟ ଇଷ୍ଟ ନୀତିରେ କାମ୍ବୋଡିଆ ତୁଲାଇଥିବା ଗୁରୁତ୍ୱପୂର୍ଣ୍ଣ ଭୂମିକାକୁ ମନେ ପକାଇଥିଲେ ।
Discussed the COVID-19 pandemic with Prime Minister Hun Sen. India shares deep cultural and historical links with Cambodia - an important partner in our extended neighbourhood. I conveyed India's commitment to further strengthening its relationship with Cambodia in all areas.
— Narendra Modi (@narendramodi) June 10, 2020
