ପିଏମଇଣ୍ଡିଆ

ଆଜି ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀଙ୍କୁ ୟୁରୋପୀୟ ଉଚ୍ଚ ପ୍ରତିନିଧି (HRVP) ଉପସଭାପତି ମହାମହୀମ ଯୋଶେପ ବୋରେଲ ଫ୍ରଣ୍ଟିଲେସ ସାକ୍ଷାତ କରିଛନ୍ତି । ମି. ବୋରେଲ ଜାନୁଆରୀ 16 ରୁ 18 ଭାରତ ଗସ୍ତରେ ଅଛନ୍ତି । ସେ ଗତ କାଲି ରାଇସିନା ଆଲୋଚନା 2020ରେ ଉଦଯାପନୀ ଅଭିଭାଷଣ ପ୍ରଦାନ କରିଛନ୍ତି । 1 ଡିସେମ୍ବର 2019ରେ ଏଚଆରଭିପିର ଦାୟିତ୍ୱ ଗ୍ରହଣ କରିବା ପରେ ୟୁରୋପୀୟ ୟୁନିଅନ ବାହାରକୁ ଏହା ତାଙ୍କର ପ୍ରଥମ ଗସ୍ତ ।

ପ୍ରଧାନମନ୍ତ୍ରୀ ଶ୍ରୀ ମୋଦୀ ବୋରେଲଙ୍କୁ ଏଚଆରଭିପିର ଦାୟିତ୍ୱ ଗ୍ରହଣ କରିଥିବାରୁ ଶୁଭେଚ୍ଛା ଜଣାଇଥିଲେ ଏବଂ ଏକ ସଫଳ ପାଳି ଲାଗି ତାଙ୍କୁ ଶୁଭକାମନା ଜଣାଇଥିଲେ । ପ୍ରଧାନମନ୍ତ୍ରୀ ମଧ୍ୟ ରାଇସିନା ଆଲୋଚନାରେ ଏଚଆରଭିପିର ନିୟମିତ ଯୋଗଦାନକୁ ପ୍ରଶଂସା କରିଥିଲେ ।
ପ୍ରଧାନମନ୍ତ୍ରୀ କହିଥିଲେ, ଭାରତ ଏବଂ ୟୁରୋପୀୟ ୟୁନିଅନ ଉତ୍ତମ ସହଯୋଗୀ । ଆଗାମୀ ମାର୍ଚ୍ଚ 2020ରେ ଏକ ସଫଳ ଭାରତ-ୟୁରୋପୀୟ ୟୁନିଅନ ସମିତିକୁ ସେ ପ୍ରତୀକ୍ଷା କରିଛନ୍ତି । ସେ ଜଳବାୟୁ ପରିବର୍ତ୍ତନ, ବ୍ୟବସାୟ ଏବଂ ଅର୍ଥନୈତିକ ସହଯୋଗ କ୍ଷେତ୍ରରେ ଭାରତ-ୟୁରୋପୀୟ ୟୁନିଅନ ମଧ୍ୟରେ ସହଯୋଗକୁ ଆହୁରି ଦୃଢ଼ କରିବା ଲାଗି ଭାରତର ପ୍ରତିବଦ୍ଧତାକୁ ଦୋହରାଇଥିଲେ ।

ଏହି ଅବସରରେ ସେ ୟୁରୋପୀୟ କମିସନ ଏବଂ ୟୁରୋପୀୟ କାଉନସିଲ ନେତୃମଣ୍ଡଳୀଙ୍କ ସହ ତାଙ୍କ ପୂର୍ବ ବାର୍ତ୍ତାଳାପକୁ ସ୍ମରଣ କରିଥିଲେ ।
ବୋରେଲ କହିଥିଲେ ଯେ, ବ୍ରୁସେଲ୍ସରେ ଆଗାମୀ ଭାରତ-ୟୁରୋପୀୟ ୟୁନିଅନ ସମିତି ଆୟୋଜନ କରିବା ଲାଗି ୟୁରୋପୀୟ ୟୁନିଅନ ନେତୃବୃନ୍ଦ ଉତ୍ସୁକତାର ସହ ଅପେକ୍ଷା କରିଛନ୍ତି । ଭାରତ-ୟୁରୋପୀୟ ୟୁନିଅନ ଉଭୟ ବିବିଧ, ଗଣତାନ୍ତ୍ରିକ ଓ ବହୁପକ୍ଷୀୟ ବୈଶ୍ୱିକ ନୀତି ପ୍ରତି ପ୍ରତିଶ୍ରୁତିବଦ୍ଧ ବୋଲି ସେ କହିଥିଲେ ।

*************