ପିଏମଇଣ୍ଡିଆ

ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀଙ୍କ ଅଧ୍ୟକ୍ଷତାରେ ଅନୁଷ୍ଠିତ କେନ୍ଦ୍ର କ୍ୟାବିନେଟ୍ ଶସ୍ୟ ବୀମା ସ୍କିମ ଗୁଡ଼ିକରେ ରହୁଥିବା ସମସ୍ୟାର ସମାଧାନ ଉଦ୍ଦେଶ୍ୟରେ ପ୍ରଧାନମନ୍ତ୍ରୀ ଫସଲ ବୀମା ଯୋଜନା (FMFBY) ଓ ପୁନର୍ଗଠିତ ପାଣିପାଗ ଭିତ୍ତିକ ଶସ୍ୟ ବୀମା ସ୍କିମ୍ (RWBCIS)ରେ ସୁଧାର ଆଣିବା ପ୍ରସ୍ତାବକୁ ଅନୁମୋଦନ କରିଛି ।

ବର୍ତ୍ତମାନ ଚାଲୁଥିବା ପିଏମଏଫବିୱାଇ ଓ ଆରଡବ୍ଲ୍ୟୁବିସିଆଇଏସ ସ୍କିମରେ କେତେକ ନିର୍ଦ୍ଦଷ୍ଟ ମାନଦଣ୍ଡ ଓ ଧାରାରେ ପରିବର୍ତ୍ତନ ଆଣିବାକୁ ଏଥିରେ ନିମ୍ନଲିଖିତ ପ୍ରସ୍ତାବ ଦିଆଯାଇଛି ।

a. ବୀମା କମ୍ପାନିଙ୍କୁ 3 ବର୍ଷ ପାଇଁ (ଉଭୟ PMFBY/RWBCIS) ବ୍ୟବସାୟ ଆବଣ୍ଟନ କରାଯିବ ।

b. ଫାଇନାନ୍ସର ପରିମାଣ ବା ଆନୁମାନିକ ହାରାହାରି ଅମଳ (NAY)ର ଜିଲ୍ଲାସ୍ତରୀୟ ମୂଲ୍ୟ ବାଛିବାର ବିକଳ୍ପ ରାଜ୍ୟ ଓ କେନ୍ଦ୍ରଶାସିତ ଅଞ୍ଚଳଗୁଡ଼ିକୁ ଦିଆଯିବ । ଏନ୍ଏୱାଇ ହେଉଛି କୌଣସି ଜିଲ୍ଲାର ଶସ୍ୟ (ଉଭୟ PMFBY/RWBCIS) ବୀମାଭୁକ୍ତ ସର୍ବନିମ୍ନ ସହାୟତା ମୂଲ୍ୟ (MSP) । ଏମ୍ଏସପି ଘୋଷଣା ହୋଇ ନଥିବା ଅନ୍ୟ ଶସ୍ୟ ପାଇଁ କୃଷିଜାତର ବଜାର ମୂଲ୍ୟକୁ ବିଚାରକୁ ନିଆଯିବ ।

C. PMFBY/RWBCIS ଅଧୀନରେ କେନ୍ଦ୍ରୀୟ ସବସିଡି ପାଇଁ ପ୍ରିମିୟମ ହାରକୁ ଅଣ-ଜଳସେଚିତ ଅଞ୍ଚଳର 30% ଓ ଜଳସେଚିତ ଅଞ୍ଚଳର 25%ରେ ସୀମିତ ରଖାଯିବ । 50%ରୁ ଅଧିକ ଜଳସେଚିତ ଅଞ୍ଚଳ ଥିବା ଜିଲ୍ଲାକୁ ଜଳସେଚିତ ଅଞ୍ଚଳ/ଜିଲ୍ଲା ଭାବେ ବିଚାର କରାଯିବ (ଉଭୟ PMFBY/RWBCIS) ।

d. ପ୍ରତିବନ୍ଧକ ଚାଷ, ସ୍ଥାନୀୟ ବିପର୍ୟ୍ୟୟ, ମଧ୍ୟବର୍ତ୍ତୀ ପ୍ରତିକୂଳ ଓ ଅମଳ ପରବର୍ତ୍ତୀ କ୍ଷତି ଆଦି ରିସ୍କ କଭର/ବୈଶିଷ୍ଟ୍ୟ ବିକଳ୍ପ ସହ ସ୍କିମ୍ କାର୍ଯ୍ୟକାରୀ କରିବାର ନମନିୟତା ରାଜ୍ୟଗୁଡ଼ିକ ନିକଟରେ ରହିବ । ପୁନଶ୍ଚ ରାଜ୍ୟ/କେନ୍ଦ୍ରଶାସିତ ଅଞ୍ଚଳଗୁଡ଼ିକ ପିଏମ୍ଏଫବିୱାଇ ଅଧୀନରେ କୁଆପଥର ମାଡ଼ ଭଳି ସିଙ୍ଗଲ ରିସ୍କ ପାଇଁ ମଧ୍ୟ ବୀମା କଭର ସୁବିଧା ପ୍ରଦାନ କରିପାରିବେ ।

e. ଏକ ନିର୍ଦ୍ଧାରିତ ସମୟ ସୀମା ମଧ୍ୟରେ ରାଜ୍ୟଗୁଡ଼ିକ ବୀମା କମ୍ପାନିଙ୍କୁ ଲଗାତର ଏକାଧିକ ଋତୁରେ ଆବଶ୍ୟକ ପ୍ରିମିୟମ ପ୍ରଦାନରେ ବିଳମ୍ବ କଲେ, ସେମାନଙ୍କୁ ସ୍କିମ୍ କାର୍ଯ୍ୟକାରୀ ପାଇଁ ଅନୁମତି ମିଳିବ ନାହିଁ । ଏହି ବ୍ୟବସ୍ଥା ପାଇଁ ଖରିଫ୍ ଓ ରବି ଋତୁର କଟ୍-ଅଫ୍ ତାରିଖ ଯଥାକ୍ରମେ 31 ମାର୍ଚ୍ଚ ଓ 30 ସେପ୍ଟେମ୍ବର ରହିବ (ଉଭୟ PMFBY/RWBCIS) ।

f. ଶସ୍ୟ କ୍ଷତି/ବିଚାରଯୋଗ୍ୟ କ୍ଲେମ୍ ଆକଳନ ପାଇଁ ପାଣିପାଗ ସୂଚକାଙ୍କ, ସାଟେଲାଇଟ୍ ସୂଚକାଙ୍କ ଇତ୍ୟାଦି ମାନଦଣ୍ଡ ଦ୍ୱାରା ନିର୍ଦ୍ଦିଷ୍ଟ ନିର୍ଦ୍ଧାରିତ ଡେଭିଏସନ୍ ମ୍ୟାଟ୍ରିକ୍ସ ବ୍ୟବହାର କରାଯାଇ 2-ଷ୍ଟେପ୍ ପ୍ରକ୍ରିୟାର ଗ୍ରହଣ କରାଯିବ । ଅମଳ କ୍ଷତି (ପିଏମ୍ଏଫବିୱାଇ) ଆକଳନ ପାଇଁ ଶସ୍ୟ କଟା ଅଭିଜ୍ଞତା (CCE)କୁ ବ୍ୟବହାର କରାଯିବ ।

g. ସିସିଇ ବେଳେ ସ୍ମାର୍ଟ ସାମ୍ପଲିଂ ଟେକ୍ନିକ୍ (ଏସ୍ଏସଟି) ଭଳି ଟେକ୍ନୋଲୋଜି ସଲ୍ୟୁସନ୍ ଓ ସିସିଇ ସଂଖ୍ୟା ଅନୁକୂଳତାକୁ ଗ୍ରହଣ କରାଯିବ ।

h. ଯଦି ରାଜ୍ୟ ସରକାର କଟ୍-ଅଫ୍ ତାରିଖ ସୁଦ୍ଧା ବୀମା କମ୍ପାନିଙ୍କୁ ଅମଳ ତଥ୍ୟ ପ୍ରଦାନରେ ବିଫଳ ହେବେ, ତେବେ ଟେକ୍ନୋଲୋଜି ସଲ୍ୟୁସନ୍ ବ୍ୟବହାର ଜରିଆରେ ମିଳିବାକୁ ଥିବା ଅମଳ ତଥ୍ୟ ଆଧାରରେ କ୍ଲେମ୍ ସେଟେଲ୍ ହେବ (କେବଳ ପିଏମ୍ଏଫବିୱାଇ) ।

i. ସମସ୍ତ ଚାଷୀଙ୍କ ପାଇଁ ସ୍କିମ୍ ଅଧୀନରେ ପଞ୍ଜୀକରଣ ସ୍ୱେଚ୍ଛାକୃତ ରହିବ । (ଉଭୟ PMFBY/RWBCIS)

j. ଉତ୍ତର-ପୂର୍ବାଞ୍ଚଳ ରାଜ୍ୟଗୁଡ଼ିକ ପାଇଁ ପ୍ରିମିୟମ ସବସିଡିରେ କେନ୍ଦ୍ରୀୟ ସେୟାରକୁ ପୂର୍ବର 50:50 ସେୟାର ପାଟର୍ନକୁ 90%କୁ ବଢ଼ାଯିବ । (ଉଭୟ PMFBY/RWBCIS)

k. ସ୍କିମ୍ ପାଇଁ ପ୍ରଶାସନିକ ଖର୍ଚ୍ଚ ନିମନ୍ତେ ମୋଟ ଆବଣ୍ଟନର ଅତିକମରେ 3% ପାଣ୍ଠି ଭାରତ ସରକାର ଓ କାର୍ଯ୍ୟକାରୀ କରୁଥିବା ରାଜ୍ୟ ସରକାର ବ୍ୟବସ୍ଥା କରିବେ । ପ୍ରତି ରାଜ୍ୟ ପାଇଁ ଏହାର ସର୍ବୋଚ୍ଚ ସୀମା DAC&FW ନିର୍ଦ୍ଧାରଣ କରିବେ । (ଉଭୟ PMFBY/RWBCIS)

l. ଏସବୁ ବ୍ୟତୀତ କୃଷି, ସମବାୟ ଓ କୃଷକ ମଙ୍ଗଳ ବିଭାଗ ଅନ୍ୟ ଅଂଶୀଦାର/ଏଜେନ୍ସି ସହ ଆଲୋଚନା କରି ଉଚ୍ଚା ପ୍ରିମିୟମ ଥିବା ଅଞ୍ଚଳର ଶସ୍ୟ ପାଇଁ ରାଜ୍ୟ ସ୍ୱତନ୍ତ୍ର ବିକଳ୍ପ ରିସ୍କ ପ୍ରଶମନ ବିକଳ୍ପ ପ୍ରସ୍ତୁତ ଓ ବିକାଶ କରିବେ । ପୁନଶ୍ଚ ଏହି ସ୍କିମ୍ ସବୁ ଚାଷୀଙ୍କ ପାଇଁ ସ୍ୱେଚ୍ଛାକୃତ ରଖାଯାଇଛି, ଫଳରେ ନିମ୍ନ ଆୟ ଯୋଗୁ ଦେଶର 29ଟି ଦ୍ୱିଗୁଣା ଚାପଗ୍ରସ୍ତ ଜିଲ୍ଲା ସମେତ 151ଟି ଜଳ ସଙ୍କଟ ଜିଲ୍ଲାରେ ଚାଷୀମାନଙ୍କୁ ଶସ୍ୟ ବୀମା ଜରିଆରେ ଦକ୍ଷ ରିସ୍କ ପ୍ରଶମନ ଓ ଆର୍ଥିକ ସହାୟତା ଯୋଗାଇ ଦିଆଯାଇପାରିବ ଏବଂ ମରୁଡ଼ି ପାଇଁ ଏକ ସ୍ୱତନ୍ତ୍ର ସ୍କିମ୍ ପ୍ରସ୍ତୁତ କରାଯିବ ।

m. ସ୍କିମରେ ବ୍ୟବସ୍ଥା ଓ ମାନଦଣ୍ଡ ଏବଂ ପିଏମ୍ଏଫବିୱାଇ ଓ ଆରଡବ୍ଲ୍ୟୁବିସିଆଇଏସର ପରିଚାଳନା ନିୟମାବଳୀରେ ଉପରୋକ୍ତ ସଂଶୋଧନ ଅଣାଯିବ ଏବଂ 2020 ଖରିଫ୍ ଋତୁରୁ ଲାଗୁ କରାଯିବ ।