ପିଏମଇଣ୍ଡିଆ
ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀ ଟେଲିଫୋନ ଯୋଗେ ଜାପାନ ପ୍ରଧାନମନ୍ତ୍ରୀ ମିଷ୍ଟର ସିଞ୍ଜୋ ଆବେଙ୍କ ସହ କଥାବାର୍ତ୍ତା କରିଛନ୍ତି । କୋଭିଡ-19 ମହାମାରୀ ଯୋଗୁଁ ଉତ୍ପନ୍ନ ବିଶ୍ଵ ସ୍ୱାସ୍ଥ୍ୟ ଓ ଆର୍ଥିକ ସମସ୍ୟା ନେଇ ଉଭୟ ନେତା ଆଲୋଚନା କରିଥିଲେ । ଏହାଛଡା ସେମାନେ ମହାମାରୀକୁ ରୋକିବା ପାଇଁ ନିଜ ନିଜ ଦେଶରେ ନିଆଯାଇଥିବା ପଦକ୍ଷେପଗୁଡିକ ସମ୍ପର୍କରେ ମଧ୍ୟ ଆଲୋଚନା କରିଥିଲେ । ଉଭୟ ଦେଶରେ ଥିବା ନିଜ ନିଜ ନାଗରିକମାନଙ୍କୁ ଯୋଗାଇ ଦିଆଯାଇଥିବା ସୁରକ୍ଷା ଓ ସହଯୋଗ ନେଇ ସନ୍ତୋଷ ବ୍ୟକ୍ତ କରିଥିଲେ । ମହାମାରୀ ଯୋଗୁଁ ସୃଷ୍ଟି ହେଉଥିବା ବୈଶ୍ଵିକ ସ୍ଥିତିରେ ଉଭୟ ଜାପାନ ଓ ଭାରତ ଏକ ଗୁରୁତ୍ଵପୂର୍ଣ୍ଣ ଭୂମିକା ତୁଲାଇବେ ବୋଲି ସେମାନେ ଆଶା ବ୍ୟକ୍ତ କରିଥିଲେ ।
****
