ପିଏମଇଣ୍ଡିଆ

ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀ ଆଜି ହିମାଚଳ ପ୍ରଦେଶର ବିଳାସପୁର ଗସ୍ତ କରିଛନ୍ତି ।

ପ୍ରଧାନମନ୍ତ୍ରୀ ବିଳାସପୁରଠାରେ ଅଖିଳ ଭାରତ ଆୟୁର୍ବିଜ୍ଞାନ ସଂସ୍ଥାନ(AIIMS)ର ଆଧାରଶିଳା ସ୍ଥାପନ କରିଛନ୍ତି । 750 ଟି ଶଯ୍ୟା ବିଶିଷ୍ଟ ଏହି ଚିକିତ୍ସାଳୟକୁ ପ୍ରାୟ 1350 କୋଟି ଟଙ୍କା ବ୍ୟୟରେ ନିର୍ମାଣ କରାଯିବ । ଚିକିତ୍ସା ସେବା ବ୍ୟତୀତ ଏହି ପ୍ରତିଷ୍ଠାନ ସ୍ନାତକ ଏବଂ ସ୍ନାତକୋତ୍ତର ମେଡିକାଲ ତଥା ନର୍ସିଂ ପାଠ୍ୟକ୍ରମ ପ୍ରଦାନ କରିବ । ପ୍ରାଥମିକ ଚିକିତ୍ସା ସେବା ଲାଗି ଡିଜିଟାଲ ନର୍ଭ କେନ୍ଦ୍ରର ପ୍ରାରମ୍ଭ କରିବା ନେଇ ପ୍ରଧାନମନ୍ତ୍ରୀ ଏକ ଫଳକ ମଧ୍ୟ ଉନ୍ମୋଚନ କରିଥିଲେ ।

ପ୍ରଧାନମନ୍ତ୍ରୀ ଉନାଠାରେ ଭାରତୀୟ ସୂଚନା ଓ ପ୍ରଯୁକ୍ତି ବିଦ୍ୟା ପ୍ରତିଷ୍ଠାନ(IIIT)ର ଭିତ୍ତିପ୍ରସ୍ତର ମଧ୍ୟ ସ୍ଥାପନ କରିଥିଲେ ।

ସେହିଭଳି ଶ୍ରୀ ନରେନ୍ଦ୍ର ମୋଦୀ କାଙ୍ଗ୍ରାର କାନ୍ଦ୍ରୋରୀଠାରେ ଭାରତୀୟ ଇସ୍ପାତ ପ୍ରାଧିକରଣ ଲିମିଟେଡ(ସେଲ) ଅଧୀନସ୍ଥ ଏକ ଇସ୍ପାତ ପ୍ରକ୍ରୀୟାକରଣ ୟୁନିଟକୁ ମଧ୍ୟ ଉଦ୍ଘାଟନ କରିଥିଲେ ।

**********