ପିଏମଇଣ୍ଡିଆ

 ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀ ଆଜି ନୂଆଦିଲ୍ଲୀଠାରେ ଜାତୀୟ ବିପର୍ଯ୍ୟୟ ପରିଚାଳନା ପ୍ରାଧିକରଣ (ଏନଡିଏମଏ)ର ଷଷ୍ଠ ବୈଠକରେ ଅଧ୍ୟକ୍ଷତା କରିଛନ୍ତି ।

ଦେଶକୁ ପ୍ରଭାବିତ କରୁଥିବା ବିପର୍ଯ୍ୟୟର ଫଳପ୍ରଦ ମୁକାବିଲା କରିବା ପାଇଁ ପ୍ରଧାନମନ୍ତ୍ରୀ ଏନଡିଏମଏର କାର୍ଯ୍ୟଧାରାର ସମୀକ୍ଷା କରିଥିଲେ । ସେ ମଧ୍ୟ ଏନଡିଏମଏ ଦ୍ୱାରା ଗ୍ରହଣ କରାଯାଇଥିବା ବର୍ତ୍ତମାନର ପ୍ରକଳ୍ପଗୁଡ଼ିକୁ ସମୀକ୍ଷା କରିଥିଲେ ।

ବିଭିନ୍ନ ଅଂଶୀଦାରମାନଙ୍କ ମଧ୍ୟରେ ଉନ୍ନତ ସମନ୍ୱୟ ସ୍ଥାପିତ କରିବା ଏବଂ ଅଧିକରୁ ଅଧିକ ସଂଯୁକ୍ତ କାର୍ଯ୍ୟଧାରା ଗ୍ରହଣ କରିବାର ଆବଶ୍ୟକତା ଉପରେ ପ୍ରଧାନମନ୍ତ୍ରୀ ଗୁରୁତ୍ୱ ପ୍ରଦାନ କରିଥିଲେ ଯାହାଫଳରେ କି ଧନ-ଜୀବନ ରକ୍ଷା କରିବା ନେଇ ସଠିକ ଢ଼ଙ୍ଗରେ କାର୍ଯ୍ୟ କରାଯାଇ ପାରିବ । ସେ ବିପର୍ଯ୍ୟୟ ପରିଚାଳନା କ୍ଷେତ୍ରରେ ବୈଶ୍ୱିକ ବିଶେଷଜ୍ଞତା ଉପଯୋଗ କରିବାର ଆବଶ୍ୟକତା ଉପରେ ବିଶେଷ ଗୁରୁତ୍ୱ ପ୍ରଦାନ କରିଥିଲେ ।

କେନ୍ଦ୍ର ସ୍ଵରାଷ୍ଟ୍ର ମନ୍ତ୍ରୀ ଶ୍ରୀ ରାଜନାଥ ସିଂ, କେନ୍ଦ୍ର ଅର୍ଥମନ୍ତ୍ରୀ ଶ୍ରୀ ଅରୁଣ ଜେଟଲୀ ଏବଂ କେନ୍ଦ୍ର କୃଷି ଓ କୃଷକ କଲ୍ୟାଣ ମନ୍ତ୍ରୀ ଶ୍ରୀ ରାଧାମୋହନ ସିଂହ, ଏନଡିଏମଏର ସଦସ୍ୟବୃନ୍ଦ ଏବଂ ପଦାଧିକାରୀମାନେ ଏହି ବୈଠକରେ ଉପସ୍ଥିତ ଥିଲେ ।

**********