ପିଏମଇଣ୍ଡିଆ
କୋରିଆ ରାଷ୍ଟ୍ରପତି ମିଷ୍ଟର ମୁନ ଜେ-ଇନଙ୍କ ସ୍ଵତନ୍ତ୍ର ଦୂତ ମିଷ୍ଟର ଡୋଙ୍ଗ-ଚେ ଚୁଙ୍ଗ ଆଜି ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀଙ୍କୁ ସାକ୍ଷାତ କରିଛନ୍ତି ।
ପ୍ରଧାନମନ୍ତ୍ରୀ ଶ୍ରୀ ମୋଦୀ ସ୍ଵତନ୍ତ୍ର ଦୂତ ଭାବେ ମିଷ୍ଟର ଚୁଙ୍ଗଙ୍କୁ ଭାରତ ପଠାଇଥିବାରୁ ରାଷ୍ଟ୍ରପତି ମୁନଙ୍କ ମହତ ଉଦ୍ଦେଶ୍ୟକୁ ପ୍ରଶଂସା କରିଥିଲେ ।
ଏହି ଅବସରରେ ପ୍ରଧାନମନ୍ତ୍ରୀ ମେ 2015ରେ ତାଙ୍କ କୋରିଆ ଗସ୍ତକୁ ମନେ ପକାଇଥିଲେ, ଯେଉଁଥିରେ କି ଦ୍ଵିପାକ୍ଷିକ ସମ୍ପର୍କ ସ୍ଵତନ୍ତ୍ର ସହଭାଗିତାକୁ ଉନ୍ନୀତ ହୋଇଥିଲା । ଏବେ କୋରିଆ ଭାରତର ପ୍ରମୁଖ ବିକାଶଶୀଳ ଭାଗିଦାରୀ ହୋଇପାରିଛି ବୋଲି ସେ ଅଭିହିତ କରିଥିଲେ । ବାଣିଜ୍ୟ ଓ ଆର୍ଥିକ କ୍ଷେତ୍ର ବ୍ୟତୀତ ପ୍ରତିରକ୍ଷା ସହଯୋଗ ଭଳି ନୂଆ ନୂଆ କ୍ଷେତ୍ରରେ ଦ୍ଵିପାକ୍ଷିକ ଭାଗିଦାରୀତା ମଜବୁତ ହେଉଥିବାରୁ ପ୍ରଧାନମନ୍ତ୍ରୀ ଏହାକୁ ସ୍ଵାଗତ କରିଥିଲେ ।
ରାଷ୍ଟ୍ରପତି ମୁନଙ୍କ ସହିତ ମିଶି ଦ୍ଵିପାକ୍ଷିକ ସମ୍ପର୍କ ବୃଦ୍ଧି କରିବା ପାଇଁ ପ୍ରତିଶ୍ରୁତିବଦ୍ଧ ବୋଲି କହିଥିଲେ ଏବଂ ରାଷ୍ଟ୍ରପତି ମୁନଙ୍କ ସହିତ ଶୀଘ୍ର ସାକ୍ଷାତ ଲାଗି ସେ ଉତ୍କଣ୍ଠାର ସହ ଅପେକ୍ଷା କରିଛନ୍ତି ବୋଲି ପ୍ରଧାନମନ୍ତ୍ରୀ କହିଛନ୍ତି ।
Mr. Jeong Dong-chae, Special Envoy, South Korea met PM @narendramodi. pic.twitter.com/YhpPo94ftW
— PMO India (@PMOIndia) June 16, 2017
