ପିଏମଇଣ୍ଡିଆ

ଚୀନର ଷ୍ଟେଟ କାଉନ୍ସିଲର ଏବଂ ସୀମା ପ୍ରସଙ୍ଗର ଆଲୋଚନା ପାଇଁ ନିଯୁକ୍ତ ସ୍ଵତନ୍ତ୍ର ପ୍ରତିନିଧି ମିଷ୍ଟର ୟାଂ ଜିଏଚୀ ଆଜି ନୂଆଦିଲ୍ଲୀଠାରେ ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀଙ୍କୁ ସାକ୍ଷାତ କରିଛନ୍ତି ।

ସାକ୍ଷାତ କାଳରେ ମିଷ୍ଟର ୟାଙ୍ଗ ଜିଏଚୀ, ଚୀନ ରାଷ୍ଟ୍ରପତି ସି ଜିନଫିଙ୍ଗ ଏବଂ ପ୍ରଧାନମନ୍ତ୍ରୀ ଲୀ କେକିୟାଂଙ୍କ ଶୁଭେଚ୍ଛା ବାର୍ତ୍ତା ପ୍ରଧାନମନ୍ତ୍ରୀଙ୍କୁ ଜଣାଇଥିଲେ ।

ମିଷ୍ଟର ୟାଂ ଜିଏଚୀ ଏବଂ ଶ୍ରୀ ଅଜିତ ଡୋଭାଲ ସୀମା ପ୍ରସଙ୍ଗର ସମାଧାନ ପାଇଁ ଚାଲିଥିବା ବିଂଶତମ ପର୍ଯ୍ୟାୟ ଦ୍ଵିପାକ୍ଷିକ ଆଲୋଚନାର ଅଗ୍ରଗତି ନେଇ ସମ୍ୟକ ସୂଚନା ଦେଇଥିଲେ । ଆଜି ଭାରତ ଓ ଚୀନ ମଧ୍ୟରେ ଏହି ପ୍ରସଙ୍ଗରେ ଆଲୋଚନା ହୋଇଛି ।

ପ୍ରଧାନମନ୍ତ୍ରୀ ସେପ୍ଟେମ୍ବର 2017ରେ ନବମ ବ୍ରିକ୍ସ ଶିଖର ସମ୍ମିଳନୀରେ ଯୋଗଦେବା ପାଇଁ ସିଆମେନ ଗସ୍ତ ଏବଂ ସେଠାରେ ରାଷ୍ଟ୍ରପତି ସି ଜିନଫିଙ୍ଗଙ୍କ ସହ ହୋଇଥିବା ଆଲୋଚନାର ସୁନ୍ଦର ଅନୁଭୂତିକୁ ସ୍ମୃତି ଚାରଣ କରିଥିଲେ । ପ୍ରଧାନମନ୍ତ୍ରୀ କହିଥିଲେ ଯେ, ଭାରତ-ଚୀନ ସମ୍ବନ୍ଧ ନା’କେବଳ ଦୁଇ ଦେଶର ପାରସ୍ପରିକ ସ୍ଵାର୍ଥ ପାଇଁ ଉଦ୍ଦିଷ୍ଟ ବରଂ ଏହି ଅଞ୍ଚଳ ଓ ବିଶ୍ଵ କଲ୍ୟାଣ ପାଇଁ ଅତ୍ୟନ୍ତ ଗୁରୁତ୍ୱପୂର୍ଣ୍ଣ ।  

**********