ପିଏମଇଣ୍ଡିଆ

ସିଙ୍ଗାପୁରର ବରିଷ୍ଠ ମନ୍ତ୍ରୀ ମିଷ୍ଟର ଗୋ ଚୋକ ତୋଂ ଆଜି ନୂଆଦିଲ୍ଲୀଠାରେ ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀଙ୍କୁ ସାକ୍ଷାତ କରିଛନ୍ତି ।

ଦୁହିଙ୍କ ମଧ୍ୟରେ ରହିଥିବା ପୁରୁଣା ଓ ଦୀର୍ଘ ସମ୍ବନ୍ଧକୁ ପ୍ରଧାନମନ୍ତ୍ରୀ ସ୍ମରଣ କରିଥିଲେ । ସମ୍ପ୍ରତି ମିଷ୍ଟର ଗୋ ଚୋକ ତୋଂ ସିଙ୍ଗାପୁରର ଲୀ କ୍ଵାନ ୟେ ସ୍କୁଲ ଅଫ ପବ୍ଲିକ ପଲିସିର ପରିଚାଳନା ବୋର୍ଡର ଅଧ୍ୟକ୍ଷ ଭାବେ ଦାୟିତ୍ଵ ଗ୍ରହଣ କରିଥିବାରୁ ପ୍ରଧାନମନ୍ତ୍ରୀ ତାଙ୍କୁ ଶୁଭେଚ୍ଛା ଜଣାଇଥିଲେ ।
ସମ୍ପ୍ରତି ଦୁଇ ଦେଶ ମଧ୍ୟରେ ଉଚ୍ଚସ୍ତରରେ ଆଲୋଚନା ଓ ମତ ବିନିମୟର ଧାରା ବୃଦ୍ଧି ପାଉଥିବାରୁ ପ୍ରଧାନମନ୍ତ୍ରୀ ଏହାକୁ ସ୍ଵାଗତ କରିଥିଲେ । ନିରାପତ୍ତା, ପ୍ରତିରକ୍ଷା, ସଂଯୋଗୀକରଣ, ବାଣିଜ୍ୟ ଓ ପୁଞ୍ଜି ବିନିଯୋଗ ଭଳି ଗୁରୁତ୍ୱପୂର୍ଣ୍ଣ କ୍ଷେତ୍ରରେ ଭାରତ ଓ ସିଙ୍ଗାପୁର ମଧ୍ୟରେ ଦ୍ଵିପାକ୍ଷିକ ସମ୍ପର୍କ ବୃଦ୍ଧି ପାଉଥିବାରୁ ସେ ଖୁସି ବ୍ୟକ୍ତ କରିଥିଲେ ।

ପ୍ରଧାନମନ୍ତ୍ରୀ କହିଥିଲେ ଭାରତର ଏକ୍ଟ ଇଷ୍ଟ ନୀତି ମଧ୍ୟରେ ସିଙ୍ଗାପୁରର ଏକ ସ୍ଵତନ୍ତ୍ର ସ୍ଥାନ ରହିଛି । ଭାରତ-ଆସିଆନ ସମ୍ପର୍କର ମଜଭୁତ ଭିତ୍ତି ଉପରେ ଏହି ନୀତି ଆଧାରିତ । ଭାରତ ସହିତ ଆସିଆନ ଗୋଷ୍ଠୀର ସଂପର୍କକୁ ସୁଦୃଢ କରିବା କ୍ଷେତ୍ରରେ ଗୋ ଚୋକ ତୋଂଙ୍କ ଭୂମିକା ବେଶ ପ୍ରଭାବଶାଳୀ ଓ ପ୍ରଶଂସନୀୟ ବୋଲି ପ୍ରଧାନମନ୍ତ୍ରୀ କହିଥିଲେ ।

ଦୁଇ ନେତା ଏହି ଆଲୋଚନା କାଳରେ ପାରସ୍ପରିକ ସ୍ଵାର୍ଥ ଜଡିତ ଆଞ୍ଚଳିକ ଓ ବୈଶ୍ଵିକ ପ୍ରସଙ୍ଗଗୁଡିକ ଉପରେ ମତ ବିନିମୟ କରିଥିଲେ ।

*****