ପିଏମଇଣ୍ଡିଆ

ରୁଷିଆ ରାଷ୍ଟ୍ରପତି ମହାମହୀମ ଶ୍ରୀ ଭ୍ଳାଦିମିର ପୁଟିନଙ୍କ ଠାରୁ ଆଜି ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀ ଟେଲିଫୋନ୍ ଯୋଗେ ଅଭିନନ୍ଦନ ବାର୍ତ୍ତା ପାଇଛନ୍ତି ।
ଦେଶରେ ସଦ୍ୟ ଅନୁଷ୍ଠିତ ସାଧାରଣ ନିର୍ବାଚନରେ ତାଙ୍କର ସଫଳତା ଏବଂ ତୃତୀୟ ଥର ପାଇଁ ତାଙ୍କର ପ୍ରଧାନମନ୍ତ୍ରୀତ୍ୱ ନିମନ୍ତେ ରାଷ୍ଟ୍ରପତି ଶ୍ରୀ ପୁଟିନ ପ୍ରଧାନମନ୍ତ୍ରୀ ଶ୍ରୀ ମୋଦୀଙ୍କୁ ଅଭିନନ୍ଦନ ଜ୍ଞାପନ କରିଛନ୍ତି ।
ଉଭୟ ନେତା ସହମତ ପ୍ରକଟ କରିଛନ୍ତି ଯେ ମିଳିତ ଭାବ ସେମାନେ ସମସ୍ତ କ୍ଷେତ୍ରରେ ଭାରତ- ରୁଷିଆ ସ୍ୱତନ୍ତ୍ର ଏବଂ ବିଶେଷ ମାନ୍ୟତା ବହନକାରୀ ରଣନୀତିକ ସହଭାଗିତାକୁ ସୁଦୃଢ଼ କରିବା ସହିତ ଆଗକୁ ଆଗେଇ ନେବା ନିମନ୍ତେ କାର୍ଯ୍ୟ କରିବେ ।
ରୁଷିଆ ଅଧ୍ୟକ୍ଷତାରେ ୨୦୨୪ ମସିହାରେ ବ୍ରିକ୍ସ ସଂଗଠନର କାର୍ଯ୍ୟ ଜାରି ରହିଥିବା ଅବସରରେ ପ୍ରଧାନମନ୍ତ୍ରୀ ଶ୍ରୀ ମୋଦୀ ରାଷ୍ଟ୍ରପତି ପୁଟିନଙ୍କୁ ତାଙ୍କର ଶୁଭେଚ୍ଛା ଜଣାଇଛନ୍ତି ।
ଉଭୟ ନେତା ନିୟମିତ ଭାବରେ ପରସ୍ପର ସହିତ ସମ୍ପର୍କରେ ରହିବେ ବୋଲି ସହମତ ହୋଇଛନ୍ତି ।

SS