ପିଏମଇଣ୍ଡିଆ

ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀ ‘ନିଶାମୁକ୍ତ ଭାରତ ଅଭିଯାନ’ କୁ ଆଜି (ମଙ୍ଗଳବାର) ଭିଡିଓ କନଫରେନସିଂ ଜରିଆରେ ଉଦବୋଧନ ଦେଇଥିଲେ । ଆର୍ଟ ଅଫ ଲିଭିଙ୍ଗ ଫାଉଣ୍ଡେସନ ଦ୍ୱାରା ଗୁରୁ ଜମ୍ବେଶ୍ୱର ବିଶ୍ୱବିଦ୍ୟାଳୟ, ହିସାରଠାରେ ଆୟୋଜିତ ଏହି କାର୍ଯ୍ୟକ୍ରମରେ ଏହି ବାର୍ତ୍ତା ପ୍ରଦର୍ଶୀତ କରାଯାଇଥିଲା  ।

ପ୍ରଧାନମନ୍ତ୍ରୀ ତାଙ୍କ ଅଭିଭାଷଣରେ ଶ୍ରୀ ଶ୍ରୀ ରବିଶଙ୍କର ଏବଂ ଆର୍ଟ ଅଫ ଲିଭିଙ୍ଗ ଫାଉଣ୍ଡେସନ ଦ୍ୱାରା ଦେଶରେ ନିଶା ନିବାରଣ ପାଇଁ ନିଆଯାଉଥିବା ବିଭିନ୍ନ ପଦକ୍ଷେପର ପ୍ରଶଂସା କରିଥିଲେ  ।

ସମାଜ ପାଇଁ ନିଶାକୁ ଆତଙ୍କ ଭାବେ ଅଭିହିତ କରି ପ୍ରଧାନମନ୍ତ୍ରୀ କହିଥିଲେ ଯେ ବିଶ୍ୱ ସ୍ୱାସ୍ଥ୍ୟ ସଂଗଠନ ଦ୍ୱାରା କରାଯାଇଥିବା ଆକଳନ ଅନୁସାରେ ସମଗ୍ର ବିଶ୍ୱରେ ତିନି କୋଟିରୁ ଉର୍ଦ୍ଧ୍ଵ ଲୋକ ନିଶାର ବଶବର୍ତ୍ତୀ  ।

ପ୍ରଧାନମନ୍ତ୍ରୀ କହିଥିଲେ ଯେ ଅନେକ ଯୁବକଯୁବତୀମାନେ ନିରନ୍ତର ନିଶାର ବଶବର୍ତ୍ତୀ ହୋଇଥିବା ଅତ୍ୟନ୍ତ ଆଶ୍ଚର୍ଯ୍ୟଜନକ । ‘ନିଶା ସେବନ କଲେ ଶାନ୍ତି ମିଳିବ, ଏହା ଏକ ଭ୍ରାନ୍ତ ଧାରଣା ଏବଂ କହିବାର ଏକ ଆଳ ମାତ୍ର’ ।

ଶ୍ରୀ ନରେନ୍ଦ୍ର ମୋଦୀ କହିଥିଲେ ଯେ ମାଦକ ଦ୍ରବ୍ୟ ସେବନ କାରଣରୁ ପରିବାରର ସ୍ୱାସ୍ଥ୍ୟଗତ ସମସ୍ୟା ଏବଂ ବିନାଶ ବ୍ୟତୀତ ମାଦକ ପଦାର୍ଥଗୁଡିକର ବ୍ୟବସାୟ ଦେଶର ସୁରକ୍ଷା ଏବଂ ନିରପତ୍ତା ପାଇଁ ଏକ ବହୁତ ବଡ ବିପଦ । ସେ କହିଥିଲେ ଯେ ମାଦକ ପଦାର୍ଥଗୁଡିକର ବ୍ୟବସାୟ ଆତଙ୍କବାଦୀମାନଙ୍କୁ ଏବଂ ରାଷ୍ଟ୍ର ବିରୋଧୀ ତତ୍ତ୍ୱଙ୍କ ପାଇଁ ଆୟର ସବୁଠାରୁ ବଡ ସ୍ରୋତ ଏବଂ ଏହି ତତ୍ତ୍ୱଗୁଡିକ ଦ୍ୱାରା ନିଶାଦ୍ରବ୍ୟ ବ୍ୟାପାର ଜରିଆରେ ପ୍ରାପ୍ତ ଅର୍ଥର ଉପଯୋଗ ରାଷ୍ଟ୍ରକୁ ଅସ୍ଥିରତା ଆଣିଦେବା କ୍ଷେତ୍ରରେ କରାଯାଉଛି  ।

ପ୍ରଧାନମନ୍ତ୍ରୀ ଯୁବଗୋଷ୍ଠିଙ୍କଠାରୁ ସୁସ୍ଥ ଜୀବନ, ସୁଖୀ ପରିବାର, ଉତ୍ତମ ଭବିଷ୍ୟତ ଏବଂ ରାଷ୍ଟ୍ର ସୁରକ୍ଷା ଏବଂ ନିରାପତ୍ତା ପାଇଁ ନିଶାସେବନଠାରୁ ଦୂରରେ ରହିବାକୁ ଆହ୍ୱାନ କରିଥିଲେ । ସେ କହିଥିଲେ ଯେ ନିଜ ଉପରେ ଆତ୍ମବିଶ୍ୱାସ ଥିବା ଲୋକମାନେ ସହଜରେ ନିଶା ବ୍ୟବହାରର ଶିକାର ହୋଇନଥାନ୍ତି । ସେ କହିଥିଲେ ଯେ ନିଶାସେବନର ବଶବର୍ତ୍ତୀ ହୋଇଥିବା ଲୋକଙ୍କୁ ନିଶାମୁକ୍ତ କରାଇବା କ୍ଷେତ୍ରରେ ଯୁବଗୋଷ୍ଠିଙ୍କ ସହଯୋଗ ପାଇଁ ଆହ୍ୱାନ କରିଥିଲେ । ନିଶାର ବଶବଶର୍ତ୍ତୀ ହୋଇଥିବା ଲୋକମାନଙ୍କ ସହ ଉତ୍ତମ ବ୍ୟବହାର, ପରାମର୍ଶ ଏବଂ ନିରନ୍ତର ସ୍ନେହଁ ଦ୍ୱାରା ସେମାନଙ୍କୁ ପୁନର୍ବାସ ମାର୍ଗକୁ ଆଣିହେବ ବୋଲି ପ୍ରଧାନମନ୍ତ୍ରୀ କହିଥିଲେ  ।

ମାଦକ ଦ୍ରବ୍ୟ ଉପରେ ଲଗାମ ଲଗାଇବା ପାଇଁ କେନ୍ଦ୍ର ସରକାରଙ୍କ ଦ୍ୱାରା ନିଆଯାଇଥିବା ବିଭିନ୍ନ ପଦକ୍ଷେପ ଉପରେ ପ୍ରଧାନମନ୍ତ୍ରୀ ଆଲୋକପାତ କରିଥିଲେ । ଏହି ସଂଦର୍ଭରେ ସେ 2018ରେ ଆରମ୍ଭ କରାଯାଇଥିବା ଡ୍ରଗ ଡିମାଣ୍ଡ ରିଡକ୍ସନ ପାଇଁ ରାଷ୍ଟ୍ରୀୟ କାର୍ଯ୍ୟ ଯୋଜନା ବିଷୟରେ ଉଲ୍ଲେଖ କରିଥିଲେ । ଏହା 2023 ପର୍ଯ୍ୟନ୍ତ ଔଷଧର ଆବଶ୍ୟକତାରେ ହ୍ରାସକୁ ସୁନିଶ୍ଚିତ କରିବା ପାଇଁ ସଚେତନତା ବୃଦ୍ଧି, କ୍ଷମତାର ନିର୍ମାଣ, ପୁନର୍ବାସ ଏବଂ ବିଶିଷ୍ଟ ହସ୍ତକ୍ଷେପ ଉପରେ ପର୍ଯ୍ୟବେସିତ  ।

ସମଗ୍ର ଦେଶରେ ଥିବା କଲେଜର ଛାତ୍ରଛାତ୍ରୀମାନେ ପ୍ରଧାନମନ୍ତ୍ରୀଙ୍କ ଏହି ଅଭିଭାଷଣ ଭିଡିଓ କନଫରେନସିଂ ମାଧ୍ୟମରେ ଶୁଣିଥିଲେ  ।

**********