ପିଏମଇଣ୍ଡିଆ

ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀ ଆଜି ଭିଡିଓ କନଫରେନ୍ସିଂ ମାଧ୍ୟମରେ ବିକଶିତ ଭାରତ ସଂକଳ୍ପ ଯାତ୍ରାର ହିତାଧିକାରୀଙ୍କ ସହ ଆଲୋଚନା କରିଛନ୍ତି । ଏହି ଅବସରରେ ପ୍ରଧାନମନ୍ତ୍ରୀ ମଧ୍ୟ ଜନତାଙ୍କୁ ସମ୍ବୋଧିତ କରିଥିଲେ।

ଏହି କାର୍ଯ୍ୟକ୍ରମରେ ଦେଶର ବିଭିନ୍ନ ସ୍ଥାନରୁ ବିକଶିତ ଭାରତ ସଂକଳ୍ପ ଯାତ୍ରାର ହଜାର ହଜାର ହିତାଧିକାରୀ ଯୋଗ ଦେଇଥିଲେ। ଏହି କାର୍ଯ୍ୟକ୍ରମରେ କେନ୍ଦ୍ରମନ୍ତ୍ରୀ, ସାଂସଦ, ବିଧାୟକ ଓ ସ୍ଥାନୀୟ ସ୍ତରର ପ୍ରତିନିଧିମାନେ ଯୋଗ ଦେଇଥିଲେ।

ପ୍ରଧାନମନ୍ତ୍ରୀ ଥିରୁଭାଲ୍ଲୁରର ଜଣେ କୃଷକ ଶ୍ରୀ ହରିକୃଷ୍ଣନଙ୍କୁ ‘ୱାନକ୍କମ’ ସହିତ ଅଭିନନ୍ଦନ ଜଣାଇଥିଲେ । ଥିରୁ ହରିକ୍ରିଷ୍ଣନଙ୍କୁ ଉଦ୍ୟାନ କୃଷି ଓ କୃଷି ବିଭାଗ ପକ୍ଷରୁ ପ୍ରଶିକ୍ଷଣ ଦିଆଯାଇଛି।

ଉତ୍ତମ ଶିକ୍ଷା ପରେ ଚାଷ ପ୍ରତି ଆକୃଷ୍ଟ ହୋଇଥିବାରୁ ଶିକ୍ଷିତ କୃଷକଙ୍କୁ ପ୍ରଧାନମନ୍ତ୍ରୀ ପ୍ରଶଂସା କରିଥିଲେ । ସେ ଅଧିକାଂଶ କୃଷକ କଲ୍ୟାଣ ସମ୍ବନ୍ଧୀୟ ସରକାରୀ ଯୋଜନା ଏବଂ ଆୟୁଷ୍ମାନ ଭାରତ ଯୋଜନାର ହିତାଧିକାରୀ ଅଟନ୍ତି । ନାନୋ ୟୁରିଆ ପ୍ରଚଳନ ଭଳି ଅଭିନବ ଯୋଜନା ପାଇଁ ସେ ପ୍ରଧାନମନ୍ତ୍ରୀଙ୍କୁ ପ୍ରଶଂସା କରିଥିଲେ । ସେ ଡ୍ରୋନ୍ ଏବଂ ଅନ୍ୟାନ୍ୟ ଆଧୁନିକ ଅଭ୍ୟାସ ବ୍ୟବହାର କରୁଛନ୍ତି।

ଆଧୁନିକ ପଦ୍ଧତି ଅବଲମ୍ବନ କରିଥିବାରୁ କୃଷକଙ୍କୁ ପ୍ରଶଂସା କରି ପ୍ରଧାନମନ୍ତ୍ରୀ କହିଥିଲେ ଯେ ସରକାର ସର୍ବଦା ଆପଣଙ୍କ ସହିତ ଛିଡ଼ା ହୋଇଛନ୍ତି।

BS