ପିଏମଇଣ୍ଡିଆ

ମୁଁ ମିନାକ୍ଷୀ – ସୁନ୍ଦରେଶ୍ୱରଙ୍କ ପାଇଁ ପ୍ରସିଦ୍ଧ ଏବଂ ଏପରି ଏକ ସ୍ଥାନ ଯାହାର ନାମ ଭଗବାନ ଶିବଙ୍କ ଶୁଭ ଆଶୀର୍ବାଦ ସହ ଜଡ଼ିତ ମଦୁରାଇକୁ ଆସି ଅତ୍ୟନ୍ତ ଆନନ୍ଦ ଅନୁଭବ କରୁଛି ।

ଦେଶ ଗତକାଲି ସାଧାରଣତନ୍ତ୍ର ଦିବସ ପାଳନ କରିଛି । ଏକପ୍ରକାରେ ଆଜି ମଦୁରାଇରେ ମୁଁ ଅଖିଳ ଭାରତ ଆୟୁର୍ବିଜ୍ଞାନ ସଂସ୍ଥାନର ଶିଳାନ୍ୟାସ ‘ଏକ ଭାରତ ଶ୍ରେଷ୍ଠ ଭାରତ’ର ଆମ ସଂକଳ୍ପକୁ ପରିଲକ୍ଷିତ କରୁଛି ।

ବନ୍ଧୁଗଣ,

ଆମେ ସମସ୍ତେ ଜାଣିଛୁ ଯେ ଦିଲ୍ଲୀରେ ଏମ୍ସର ଚିକିତ୍ସା ନିଜର ଏକ ସ୍ୱତନ୍ତ୍ର ପରିଚୟ ସୃଷ୍ଟି ପାରିଛି ।

ମଦୁରାଇରେ ଏମ୍ସ ପ୍ରତିଷ୍ଠା କରିବା ସହିତ ଆମେ ଏହା କହିପାରିବା ଯେ ଚିକିତ୍ସା ସୁବିଧାର ଏହି ପରିଚୟକୁ ଏବେ ଦେଶର ସମସ୍ତ କୋଣଅନୁକୋଣ- କନ୍ୟାକୁମାରୀରୁ କାଶ୍ମୀର ଠାରୁ ମଦୁରାଇ ଏବଂ ଗୌହାଟୀରୁ ଗୁଜରାଟ ପର୍ଯ୍ୟନ୍ତ ସମ୍ପ୍ରସାରିତ କରିଦିଆଯାଇଛି । ମଦୁରାଇରେ ଏମ୍ସର ନିର୍ମାଣ 1600 କୋଟି ଟଙ୍କାରୁ ଅଧିକ ବ୍ୟୟ ସହିତ କରାଯିବ । ଏହାଦ୍ୱାରା ତାମିଲନାଡ଼ୁର ସମସ୍ତ ଲୋକମାନଙ୍କୁ ଲାଭ ମିଳିପାରିବ ।
ବନ୍ଧୁଗଣ,

ଏନଡିଏ ସରକାର ସ୍ୱାସ୍ଥ୍ୟ କ୍ଷେତ୍ରକୁ ଯଥେଷ୍ଟ ପ୍ରାଥମିକତା ଦେଉଛି ଯାହାଦ୍ୱାରା ପ୍ରତ୍ୟେକ ବ୍ୟକ୍ତି ସୁସ୍ଥ ରହିବ ଏବଂ ଚିକିତ୍ସା ଶସ୍ତା ହେବ ।
ପ୍ରଧାନମନ୍ତ୍ରୀ ସ୍ୱାସ୍ଥ୍ୟ ସୁରକ୍ଷା ଯୋଜନା ଅନ୍ତର୍ଗତ ଆମେ ସାରା ଭାରତରେ ସରକାରୀ ମେଡ଼ିକାଲ କଲେଜର ଉନ୍ନତିକରଣ ପାଇଁ ପ୍ରୟାସ କରୁଛୁ ।
ଆଜି ମୁଁ ମଦୁରାଇ, ତାଞ୍ଜାଭୁର ଏବଂ ତିରୁନେଲଭେଲିରେ ସରକାରୀ ମେଡ଼ିକାଲ କଲେଜର ସୁପର ସ୍ପେଶାଲିଟି ବ୍ଲକର ଉଦଘାଟନ କରି ଆନନ୍ଦିତ ।

ଯେଉଁ ଗତି ଏବଂ ପରିମାଣରେ ମିଶନ ଇନ୍ଦ୍ରଧନୁଷ କାର୍ଯ୍ୟ କରୁଛି, ଏହା ନିରାକରଣ ସମ୍ବନ୍ଧୀୟ ସ୍ୱାସ୍ଥ୍ୟ ଯତ୍ନ କ୍ଷେତ୍ରରେ ଏକ ନୂତନ ଉଦାହରଣ ପ୍ରତିଷ୍ଠା କରିପାରିଛି । ପ୍ରଧାନମନ୍ତ୍ରୀ ମାତୃତ୍ୱ ବନ୍ଦନା ଯୋଜନା ଏବଂ ପ୍ରଧାନମନ୍ତ୍ରୀ ସୁରକ୍ଷିତ ମାତୃତ୍ୱ ଅଭିଯାନ ସୁରକ୍ଷିତ ଗର୍ଭାବସ୍ଥକୁ ଏକ ଜନ ଆନ୍ଦୋଳନରେ ପରିଣତ କରିଛି ।

ଗତ ସାଢ଼େ ଚାରି ବର୍ଷରେ ସ୍ନାତକ ମେଡ଼ିକାଲ ସିଟ ସଂଖ୍ୟାରେ ପାଖାପାଖି 30 ପ୍ରତିଶତ ବୃଦ୍ଧି ହୋଇଛି । ଆୟୁଷ୍ମାନ ଭାରତର ଆରମ୍ଭ ମଧ୍ୟ ଏକ ବଡ଼ ପଦକ୍ଷେପ ।

ଆମ ଦେଶ ପାଇଁ ସାର୍ବଜନୀନ ସ୍ୱାସ୍ଥ୍ୟ କଭରେଜର ଉପଲବ୍ଧୀ ସୁନିଶ୍ଚିତ କରିବା ଆମର ଏକ ସୁବିଚାରିତ ଦୃଷ୍ଟିକୋଣ । ଆୟୁଷ୍ମାନ ଭାରତ ସ୍ୱାସ୍ଥ୍ୟ ସମସ୍ୟାର ସାମଗ୍ରୀକ ସମାଧାନରେ ପଥ ପ୍ରଦର୍ଶକ ପଦକ୍ଷେପ ନେଉଛି । ବ୍ୟାପକ ପ୍ରାଥମିକ ଯତ୍ନ ଏବଂ ନିରାକରଣ ସମ୍ବନ୍ଧୀୟ ସ୍ୱାସ୍ଥ୍ୟ ସେବା ଉପଲବ୍ଧ କରାଇବା ଲାଗି 1.5 ଲକ୍ଷ ସ୍ୱାସ୍ଥ୍ୟ ଏବଂ କଲ୍ୟାଣ କେନ୍ଦ୍ରର ପ୍ରତିଷ୍ଠା କରାଯାଉଛି ।

ପ୍ରଧାନମନ୍ତ୍ରୀ ଜନ ଆରୋଗ୍ୟ ଯୋଜନା ଡାକ୍ତରଖାନାରେ ଭର୍ତ୍ତି ହେବାର ସ୍ଥିତିରେ 10 କୋଟିରୁ ଅଧିକ ଗରିବ ପରିବାରକୁ ପ୍ରତିବର୍ଷ ପରିବାର ପିଛା 5 ଲକ୍ଷ ଟଙ୍କା ପର୍ଯ୍ୟନ୍ତ ଆର୍ଥିକ ସୁରକ୍ଷା ଉପଲବ୍ଧ କରାଉଛି ।

ଏହା ବିଶ୍ୱରେ ସବୁଠୁ ବଡ଼ ସ୍ୱାସ୍ଥ୍ୟ ବୀମା ଯୋଜନା ।

ମୁଁ ଏହା ଜାଣି ଆନନ୍ଦିତ ଯେ ତାମିଲନାଡ଼ୁର 1 କୋଟି 57 ଲକ୍ଷ ବ୍ୟକ୍ତି ଏହି ଯୋଜନାରେ ସାମିଲ ହୋଇଛନ୍ତି ।

ତିନି ମାସର ଅବଧି ମଧ୍ୟରେ ପାଖାପାଖି 89 ହଜାର ହିତାଧିକାରୀମାନଙ୍କୁ ଡାକ୍ତରଖାନାରେ ଭର୍ତ୍ତି କରାଯାଇଛି ଏବଂ ତାମିଲନାଡ଼ୁରେ ଭର୍ତ୍ତି ହୋଇଥିବା ରୋଗୀଙ୍କ ପାଇଁ 200 କୋଟି ଟଙ୍କାରୁ ଅଧିକ ଅର୍ଥରାଶି ବିଧିବଦ୍ଧ ଭାଇ ଜାରି କରାଯାଇଛି । ମୁଁ ଏହା ଜାଣି ମଧ୍ୟ ଆନନ୍ଦିତ ଯେ ତାମିଲାନାଡ଼ୁ 1320ଟି ସ୍ୱାସ୍ଥ୍ୟ ଏବଂ କଲ୍ୟାଣ କେନ୍ଦ୍ର ପୂର୍ବରୁ ଆରମ୍ଭ କରିସାରିଲାଣି ।

ରୋଗ ନିୟନ୍ତ୍ରଣ କ୍ଷେତ୍ରରେ ଆମେ ରାଜ୍ୟଗୁଡ଼ିକୁ ବୈଷୟିକ ଏବଂ ଆର୍ଥିକ ସହାୟତା ଯୋଗାଇ ଦେଉଛୁ । ଆମ ସରକାର 2025 ସୁଦ୍ଧା ଯକ୍ଷ୍ମା ଉନ୍ମୁଳନ ଲାଗି ପ୍ରତିବଦ୍ଧ । ମୁଁ ଏହା ଜାଣି ଆନନ୍ଦିତ ଯେ ରାଜ୍ୟ ସରକାର ଯକ୍ଷ୍ମା ମୁକ୍ତ ଚେନ୍ନାଇ ପ୍ରୟାକୁ ପ୍ରୋତ୍ସାହନ ଦେଉଛନ୍ତି ଏବଂ 2023ସୁଦ୍ଧା ରାଜ୍ୟରୁ ଯକ୍ଷ୍ମା ଉନ୍ମୁଳନ ଲାଗି ପ୍ରୟାସ କରୁଛନ୍ତି ।

ମୁଁ ସଂଶୋଧିତ ଜାତୀୟ ଯକ୍ଷ୍ମା ନିୟନ୍ତ୍ରଣ କାର୍ଯ୍ୟକ୍ରମର ସମସ୍ତ ଦିଗର କାର୍ଯ୍ୟାନ୍ୱୟନ କ୍ଷେତ୍ରରେ ରାଜ୍ୟର ପ୍ରତିବଦ୍ଧତାକୁ ପ୍ରଶଂସା କରୁଛି ।
ମୁଁ ଏହି ପ୍ରତିଶ୍ରୁତି ଦେଉଛି ଯେ ଭାରତ ସରକାର ଏହି ରୋଗଗୁଡ଼ିକର ନିରାକରଣ ଲାଗି ରାଜ୍ୟର ପ୍ରୟାସରେ ସମସ୍ତ ଆବଶ୍ୟକ ସହାୟତା ଦେବା ଲାଗି ପ୍ରତିବଦ୍ଧ ।

ଆଜି ମଧ୍ୟ ମୁଁ ତାମିଲନାଡ଼ୁରେ 12ଟି ଡାକଘର ପାସପୋର୍ଟ ସେବା କେନ୍ଦ୍ରକୁ ସମର୍ପିତ କରି ବେଶ ଆନନ୍ଦ ଅନୁଭବ କରୁଛି ।

ଏହି ପଦକ୍ଷେ ଆମ ନାଗରିକମାନଙ୍କ ‘ସହଜ ଜୀବନଧାରଣ’କୁ ଉନ୍ନତ କରିବା ଦିଗରେ ଆଉ ଏକ ଉଦାହରଣ ।

ମୁଁ ପୁଣିଥରେ ଏହି ପ୍ରତିଶ୍ରୁତି ଦେବାକୁ ଚାହୁଁଛି ଯେ ଆମ ସରକାର ସାର୍ବଜନୀନ ସ୍ୱାସ୍ଥ୍ୟ ପହଁଚ ସୁନିଶ୍ଚିତ କରିବା ଲାଗି ସ୍ୱାସ୍ଥ୍ୟ ଯତ୍ନ କ୍ଷେତ୍ରରେ ନିଆଯାଇଥିବା ପଦକ୍ଷେପକୁ ସୁଦୃଢ଼ କରିବା ଲାଗି ପ୍ରତିବଦ୍ଧ ।

ଜୟହିନ୍ଦ ।

***