ପିଏମଇଣ୍ଡିଆ

ପ୍ରଧାମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀ ଆଜି ଭିଡିଓ କନଫରେନ୍ସିଂ ଜରିଆରେ ଗୁଜୁରାଟର ଉମିଆ ମାତା ଧାମ ମନ୍ଦିର ଏବଂ ମନ୍ଦିର ପରିସରରେ ଜଡିତ ଥିବା ମାଉମିଆ ଧାମ ବିକାଶ ପ୍ରକଳ୍ପର ମୂଳଦୁଆ ପକାଇବା ଅବସରରେ ସମ୍ବୋଧିତ କରିଛନ୍ତି ।

ପ୍ରଧାନମନ୍ତ୍ରୀ କହିଛନ୍ତି ଯେ ଏହି ପ୍ରକଳ୍ପ ‘ସବକାପ୍ରୟାସ‘ ଧାରଣାର ଏକ ପ୍ରକୃଷ୍ଟ ଉଦାହରଣ କାରଣ ଏହି ଶୁଭ ପ୍ରକଳ୍ପ ସମସ୍ତଙ୍କ ଉଦ୍ୟମରେ ପୂରଣ ହେବ । ସେ ଗୁରୁତ୍ୱାରୋପ କରିଛନ୍ତି ଯେ ଭକ୍ତମାନେ ଆଧ୍ୟାତ୍ମିକ ଉଦ୍ଦେଶ୍ୟର ଭାବନା ସହିତ ସାମାଜିକ ସେବାର ଉଦ୍ଦେଶ୍ୟ ପାଇଁ ଏହି ପବିତ୍ର କାର୍ଯ୍ୟରେ ଅଂଶଗ୍ରହଣ କରିବା ଉଚିତ୍‍ କାରଣ ଲୋକଙ୍କ ସେବା ହେଉଛି ସବୁଠାରୁ ବଡ ପୂଜା ।

ସଂଗଠନର ସମସ୍ତ ଦିଗରେ ଦକ୍ଷତା ବିକାଶର ଉପାଦାନ ଅନ୍ତର୍ଭୁକ୍ତ କରିବାକୁ ପ୍ରଧାନମନ୍ତ୍ରୀ ଉପସ୍ଥିତ ସମାବେଶକୁ କହିଥିଲେ । ଆମର ପୁରାତନ କାଳରେ, ପରିବାର ସ୍ଥାପନା ପାଇଁ ଏଭଳି ବ୍ୟବସ୍ଥା ହେଉଥିଲା ଯାହା ପରବର୍ତ୍ତୀ ପୀଢି ପାଇଁ ଏହି କୌଶଳ ଉତ୍ତରାଧିକାରୀ ସୂତ୍ରରେ ମିଳୁଥିଲା । ବର୍ତ୍ତମାନ ସାମାଜିକ ବ୍ୟବସ୍ଥା ବହୁତ ବଦଳିଛି, ତେଣୁ ଏଥି ପାଇଁ ଆମକୁ ନୂଆ କୌଶଳ ସ୍ଥାପନ ଆବଶ୍ୟକ ପଡିବ ବୋଲି ସେ କହିଛନ୍ତି ।

ବେଟିବଚାଓ ବେଟିପଢାଓ ଅଭିଯାନ ସମୟରେ ଶ୍ରୀ ମୋଦୀ ଉନ୍‍ଝା ଗସ୍ତକୁ ମନେ ପକାଇଥିଲେ । ସେହି ଗସ୍ତ ସମୟରେ ସେ ଜୋର ଦେଇଥିଲେ ଯେ କନ୍ୟା ଜନ୍ମ ହାରରେ ହ୍ରାସ ପରିଲକ୍ଷିତ ହେଉଛି ଯାହା ଏକ କଳଙ୍କ । ଆହ୍ୱାନକୁ ଗ୍ରହଣ କରିଥିବାରୁ ସେ ଲୋକମାନଙ୍କୁ ଧନ୍ୟବାଦ ଜଣାଇଲେ ଏବଂ ଧିରେ ଧିରେ ଏକ ପରିସ୍ଥିତି ଉପୁଜିଲା ଯେଉଁଠାରେ ଝିଅମାନଙ୍କ ସଂଖ୍ୟା ପୁଅମାନଙ୍କ ସହିତ ସମାନ ହୋଇଗଲା । ସେହିଭଳି,  ସେ  ମାଉମିଆଙ୍କ  ଆଶୀର୍ବାଦ ଏବଂ ଏହି ଅଞ୍ଚଳର ଜଳ ପରିସ୍ଥିତିର ମୁକାବିଲା କରିବାରେ ଭକ୍ତଙ୍କ ଅଂଶଗ୍ରହଣକୁ ମନେ ପକାଇଥିଲେ ।  ବୁନ୍ଦା ଜଳସେଚନ ପ୍ରଣାଳୀକୁ ବହୁଳ ଭାବରେ ଗ୍ରହଣ କରିଥିବାରୁ ସେ ସେମାନଙ୍କୁ ଧନ୍ୟବାଦ ଦେଇଥିଲେ ।

ପ୍ରଧାନମନ୍ତ୍ରୀ କହିଛନ୍ତି ଯଦି ମାଉମିଆ ହେଉଛନ୍ତି ଆଧ୍ୟାତ୍ମିକ ମାର୍ଗଦର୍ଶକ, ତେବେ ଆମର ଭୂମି ହେଉଛି ଆମର ଜୀବନ । ଏହି ଅଞ୍ଚଳରେ ମୃତ୍ତିକା ସ୍ୱାସ୍ଥ୍ୟ କାର୍ଡ ଗ୍ରହଣକୁ ନେଇ ସେ ସନ୍ତୋଷ ବ୍ୟକ୍ତ କରିଛନ୍ତି । ସେ ଉତ୍ତର ଗୁଜୁରାଟ ଅଞ୍ଚଳରେ ଜୈବିକ ଚାଷକୁ ଆପଣେଇବାକୁ ଲୋକଙ୍କୁ କହିଥିଲେ । ଜୈବିକ ଚାଷକୁ ଜିରୋ ବଜେଟ୍ ଫାର୍ମିଙ୍ଗ୍ ମଧ୍ୟ କୁହାଯାଇପାରେ । ଠିକ ଅଛି, ଯଦି ତୁମେ ମୋର ଅନୁରୋଧକୁ ଉପଯୁକ୍ତ ମନେ କରୁନାହଁ, ମୁଁ ଏକ ବିକଳ୍ପ ପରାମର୍ଶ ଦେବି । ଯଦି ତୁମର ଦୁଇ ଏକର ଚାଷ ଜମି ଅଛି, ତେବେ ଅତି କମରେ ଏକ ଏକର ଜମିରେ ଜୈବିକ ଚାଷ କରିବାକୁ ଚେଷ୍ଟା କର ଏବଂ ବାକି ଏକ ଏକର ଜମିରେ ପୂର୍ବପରି ଚାଷ କର । ଦ୍ୱିତୀୟ ବର୍ଷ ପାଇଁ ସମାନ ଚେଷ୍ଟା କରନ୍ତୁ । ଯଦି ଆପଣ ଏହାକୁ ଲାଭଦାୟକ ମନେ କରନ୍ତି, ତେବେ ଆପଣ ପୁରା ୨ ଏକର ଜମିରେ ଜୈବିକ ଚାଷକୁ ଯାଇପାରିବେ । ଏହା ଖର୍ଚ୍ଚ କମ୍‍ କରିବ ଏବଂ ଏହାଦ୍ୱାରା ଆମ ଜମିର ନବୀକରଣ ହେବ ବୋଲି ସେ ଅନୁରୋଧ କରିଛନ୍ତି । ୧୬ ଡିସେମ୍ବରରେ ଜୈବିକ କୃଷି କାର୍ଯ୍ୟକ୍ରମରେ ଅଂଶଗ୍ରହଣ କରିବାକୁ ସେ ସେମାନଙ୍କୁ ନିମନ୍ତ୍ରଣ କରିଥିଲେ । ନୂତନ ଫସଲ ପ୍ରଣାଳୀ ଏବଂ ଫସଲ ଗ୍ରହଣ କରିବାକୁ ସେ ସେମାନଙ୍କୁ ଅନୁରୋଧ କରିଥିଲେ ।

HS