ପିଏମଇଣ୍ଡିଆ

ଅଧ୍ୟକ୍ଷ ମହୋଦୟ,   

ମାନ୍ୟବରବୃନ୍ଦ,

ଏହି ଭର୍ଚୁଆଲ ସମ୍ମିଳନୀ ଆୟୋଜନ କରିଥିବାରୁ ମୁଁ ମାନ୍ୟବର ରାଷ୍ଟ୍ରପତି ଇଲହାମ୍ ଅଲିୟେଭଙ୍କୁ ଧନ୍ୟବାଦ ଜଣାଉଛି । ପ୍ରଥମେ ସାରା ବିଶ୍ୱରେ କୋଭିଡ–19 ଯୋଗୁ ନିଜର ପ୍ରିୟଜନଙ୍କୁ ହରାଇଥିବା ବ୍ୟକ୍ତିବିଶେଷଙ୍କୁ ମୁଁ ମୋର ସମବେଦନା ଜଣାଉଛି ।

ଆଜି ମାନବସମାଜ ବହୁ ଦଶନ୍ଧି ପରେ ଏକ ଗୁରୁତର ସଙ୍କଟର ସାମନା କରୁଛି । ଏଭଳି ସମୟରେ ବିଶ୍ୱ ସଂହତିକୁ ପ୍ରୋତ୍ସାହିତ କରିବାରେ ନନ ଆଲାଇନ ମୁଭମେଣ୍ଟ (ନାମ) ସହାୟତା କରିପାରିବ । ନାମ ଅନେକ ସମୟରେ ବିଶ୍ୱର ନୈତିକ ସ୍ୱର ହୋଇଛି । ଏହି ଭୂମିକାକୁ ଧରି ରଖିବା ପାଇଁ ନାମ ନିଶ୍ଚିତ ସାମଗ୍ରିକ ପ୍ରଚେଷ୍ଟା କରିବ ।

ମାନ୍ୟବରବୃନ୍ଦ,

ବିଶ୍ୱର ଏକ ଷଷ୍ଠାଂଶ ଲୋକ ଭାରତରେ ବାସ କରନ୍ତି । ଆମେ ଏକ ବିକାଶଶୀଳ ରାଷ୍ଟ୍ର ଏବଂ ଏକ ମୁକ୍ତ ସମାଜ । କିଭଳି ଗଣତନ୍ତ୍ର, ଶୃଙ୍ଖଳା ଓ ଉପଯୁକ୍ତ ନିଷ୍ପତି ଏକ ବାସ୍ତବ ଜନ ଆନ୍ଦୋଳନ ସୃଷ୍ଟି କରିପାରେ, ଏହି ସଙ୍କଟ ବେଳେ ଆମେ ତାହା ଦେଖାଇଛୁ ।

ଭାରତର ନାଗରିକ ସମାଜ ସାରା ବିଶ୍ୱକୁ ଗୋଟିଏ ପରିବାର ଭାବେ ଦେଖିଥାଏ । ଯେଭଳି ଆମେ ନିଜର ନାଗରିକଙ୍କ ଯତ୍ନ ନେଇଥାଉ, ସେଭଳି ଆମେ ଅନ୍ୟ ରାଷ୍ଟ୍ରକୁ ମଧ୍ୟ ସହାୟତାର ହାତ ବଢ଼ାଉଛୁ । କୋଭିଡ–19ର ମୁକାବିଲା ଉଦ୍ଦେଶ୍ୟରେ ଆମେ ନିକଟ ପଡ଼ୋଶୀଙ୍କ ସହ ସମନ୍ୱୟ ରକ୍ଷା କରୁଛୁ । ଭାରତର ଡାକ୍ତରୀ ବିଶେଷଜ୍ଞତାକୁ ଅନ୍ୟ ରାଷ୍ଟ୍ରଗୁଡ଼ିକୁ ସେୟାର କରିବାକୁ ଆମେ ଅନଲାଇନ୍ ଟ୍ରେନିଂ ଆୟୋଜନ କରୁଛୁ । ଭାରତ ସାରା ବିଶ୍ୱ ପାଇଁ ଏକ ଫାର୍ମାସୀ ମୁଖ୍ୟତଃ ଶସ୍ତା ମେଡିସିନ୍ କ୍ଷେତ୍ର ଭାବେ ବିବେଚିତ ହୋଇଛି ।

ଆମର ନିଜସ୍ୱ ଚାହିଦା ସତ୍ତ୍ୱେ, ଆମେ 59ଟି ନାମ ସଦସ୍ୟ ସମେତ 123ଟି ପାର୍ଟନର ରାଷ୍ଟ୍ରକୁ ଔଷଧ ଓ ମେଡିକାଲ ସାମଗ୍ରୀ ଯୋଗାଣ ସୁନିଶ୍ଚିତ କରିଛୁ ।

କରୋନା ପ୍ରତିକାର ଓ ଟିକା ବିକାଶ ପାଇଁ ଆମେ ବେଶ ସକ୍ରିୟ ରହିଛୁ । ଭାରତରେ ବିଶ୍ୱର ସର୍ବପୁରାତନ ଆୟୁର୍ବେଦ ଔଷଧ ବ୍ୟବସ୍ଥା ରହିଛି । ଲୋକମାନଙ୍କର ରୋଗ ପ୍ରତିରୋଧକ କ୍ଷମତା ବଢ଼ାଇବା ଉଦ୍ଦେଶ୍ୟରେ ଆମେ ସରଳ ଆୟୁର୍ବେଦିକ ଘରୋଇ ଉପଚାରକୁ ମାଗଣାରେ ସେୟାର କରିଛୁ ।

ମାନ୍ୟବରବୃନ୍ଦ,

ଏବେ ସାରା ବିଶ୍ୱ କୋଭିଡ–19 ବିରୋଧରେ ଲଢ଼େଇ ଜାରି ରଖିଥିବା ବେଳେ ଅନ୍ୟ କିଛି ଲୋକ ଆତଙ୍କବାଦ ଭଳି ଭୟାନକ ଭୂତାଣୁ ସଂକ୍ରମଣ କରିବାରେ ଲାଗିଛନ୍ତି ।

ସମାଜ ଓ ରାଷ୍ଟ୍ରକୁ ବିଭାଜନ କରିବା ପାଇଁ ମିଥ୍ୟା ଖବର, ଜାଲ ଭିଡିଓ ଛାଡ଼ୁଛନ୍ତି । କିନ୍ତୁ ଆଜି ମୁଁ କେବଳ ଗୋଟିଏ ଦିଗ ଉପରେ ଗୁରୁତ୍ୱାରୋପ କରିବାକୁ ଚାହୁଁଛି ।

କିଭଳି ଆମେ ଏକ ଆନ୍ଦୋଳନ ଭାବେ ଏକାଠି ହୋଇ ବିଶ୍ୱ ଲଢ଼ୁଥିବା ଏହି ସ୍ୱାସ୍ଥ୍ୟ ସଙ୍କଟରେ ସହାୟତା କରିପାରିବା ।

ମାନ୍ୟବରବୃନ୍ଦ,

କୋଭିଡ–19 ଆମକୁ ଏବେକାର ଆନ୍ତର୍ଜାତିକ ବ୍ୟବସ୍ଥାରେ ଆମର ସୀମା ଦେଖାଇଦେଇଛି । କୋଭିଡ ପରବର୍ତ୍ତୀ ଦୁନିଆରେ ଆମକୁ ନ୍ୟାୟ, ସମାନତା ଓ ମାନବତା ଆଧାରରେ ଗ୍ଲୋବାଲାଇଜେସନର ନୂଆ ଟେମ୍ପଲେଟ୍ ଦରକାର ହେବ ।

ଆମକୁ ଏଭଳି ଆନ୍ତର୍ଜାତିକ ଅନୁଷ୍ଠାନ ଦରକାର ଯାହାକି ଆଜିର ଦୁନିଆର ଅଧିକ ପ୍ରତିନିଧିତ୍ୱ କରୁଥିବ । ଆମେ କେବଳ ଆର୍ଥିକ ଅଭିବୃଦ୍ଧିକୁ ଗୁରୁତ୍ୱ ଦେଲେ ଚଳିବନି, ମାନବ ମଙ୍ଗଳକୁ ମଧ୍ୟ ପ୍ରୋତ୍ସାହିତ କରିବାକୁ ପଡ଼ିବ । ଏଭଳି ପଦକ୍ଷେପରେ ଭାରତ ଦୀର୍ଘଦିନ ହେଲା ଚାମ୍ପିଅନ୍ ରହିଛି ।

ସମଗ୍ର ମାନବଜାତିର ଶାରିରୀକ ଓ ମାନସିକ ସ୍ଥିତିରେ ସୁଧାର ଆଣିବାକୁ ଆନ୍ତର୍ଜାତିକ ଯୋଗ ଦିବସ, ଦୁନିଆକୁ ଜଳବାୟୁ ପରିବର୍ତ୍ତନ ଜନିତ ରୋଗରୁ ରକ୍ଷା କରିବା ଲକ୍ଷ୍ୟରେ ଆନ୍ତର୍ଜାତିକ ସୌର ମେଂଟ ଏବଂ ଜଳବାୟୁ ଓ ବିପର୍ଯ୍ୟୟ ସ୍ଥିତିରୁ ରକ୍ଷା କରିବାକୁ ବିପର୍ଯ୍ୟୟ ପ୍ରଶମନ ଭିତିଭୂମି ମେଂଟ ଭଳି ପଦକ୍ଷେପ ନିଆଯାଇଛି ।

ବହୁ ରାଷ୍ଟ୍ର ସାମରିକ ଡ୍ରିଲ କରୁଛନ୍ତି । କିନ୍ତୁ ଭାରତ ବିପର୍ଯ୍ୟୟ ପରିଚାଳନା ଡ୍ରିଲ ଭଳି କାର୍ଯ୍ୟକ୍ରମ ଆୟୋଜନ କରୁଛି ।

ମାନ୍ୟବରବୃନ୍ଦ,

ବିକାଶଶୀଳ ରାଷ୍ଟ୍ରଗୁଡ଼ିକରେ ସ୍ୱାସ୍ଥ୍ୟ କ୍ଷମତା ନିର୍ମାଣ କରିବା ଉଦ୍ଦେଶ୍ୟରେ ନାମ ଆନ୍ତର୍ଜାତିକ ସମୁଦାୟ ଓ WHOକୁ ଆହ୍ୱାନ ଦେବା ଉଚିତ । ସମସ୍ତଙ୍କ ପାଇଁ ନ୍ୟାୟସଙ୍ଗତ, ଶସ୍ତା ଓ ଉପଯୁକ୍ତ ସ୍ୱାସ୍ଥ୍ୟ ଉତ୍ପାଦ ଓ ଟେକ୍ନୋଲଜିକୁ ଆମେମାନେ ସୁନିଶ୍ଚିତ କରିବା ଉଚିତ ।

ସମସ୍ତ ନାମ ରାଷ୍ଟ୍ରସମୂହ ପାଇଁ ଆମେ ଏକ ପ୍ଲାଟଫର୍ମ ବିକାଶ କରିବା ଉଚିତ, ଯେଉଁଥିରେ ଆମର ଅଭିଜ୍ଞତା, ସର୍ବୋତ୍ତମ ପ୍ରାକ୍ଟିସ୍, ସଙ୍କଟ ପରିଚାଳନା ପ୍ରୋଟୋକଲ, ଗବେଷଣା ଓ ସମ୍ବଳକୁ ସେୟାର କରାଯାଇପାରିବ ।

ମାନ୍ୟବରବୃନ୍ଦ,

ଆମ ଆନ୍ଦୋଳନର ପ୍ରତିଷ୍ଠା ଆଦର୍ଶ ଆଧାରରେ ଆସନ୍ତୁ ଅଲଗା ନୁହେଁ, ଏକାଠି ହୋଇ ବଢ଼ିବା । ଆସନ୍ତୁ, ଏକାଠି ହୋଇ ଲଢିବା, ଯଦି ଆମେ ଏକାଠି ହେବା ତାହାହେଲେ ଏହି ମହାମାରୀରୁ ନିଜକୁ ସୁରକ୍ଷିତ ରଖିପାରିବା ।

ଧନ୍ୟବାଦ ।

******