ପିଏମଇଣ୍ଡିଆ

ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀଙ୍କ ଅଧ୍ୟକ୍ଷତାରେ ଅନୁଷ୍ଠିତ କେନ୍ଦ୍ର କ୍ୟାବିନେଟ ବୈଠକରେ କେନ୍ଦ୍ର ଲୋକ ସେବା ଆୟୋଗ ଏବଂ ମରିସସ ଲୋକସେବା ଆୟୋଗ ମଧ୍ୟରେ ବୁଝାମଣାପତ୍ରରେ ସ୍ୱାକ୍ଷର ପ୍ରସ୍ତାବକୁ ମଞ୍ଜୁରି ମିଳିଛି ।

ଏହି ବୁଝାମଣାପତ୍ର ଦ୍ୱାରା କେନ୍ଦ୍ରୀୟ ଲୋକ ସେବା ଆୟୋଗ ଏବଂ ମରିସସ ଲୋକ ସେବା ଆୟୋଗଙ୍କ ମଧ୍ୟରେ ବର୍ତ୍ତମାନର ସମ୍ପର୍କ ଆହୁରି ସୁଦୃଢ଼ ହେବ । ଏହାଦ୍ୱାରା ନିଯୁକ୍ତି କ୍ଷେତ୍ରରେ ଉଭୟ ପକ୍ଷରୁ ଅଭିଜ୍ଞତା ଏବଂ ବିଶେଷଜ୍ଞତାର ବିନିମୟରେ ସୁବିଧା ହେବ ।

ବୁଝାମଣାଦ୍ୱାରା ଦୁଇ ପକ୍ଷ ଦେଶର ଲୋକସେବା ଆୟୋଗଙ୍କ ମଧ୍ୟରେ ସଂସ୍ଥାଗତ ସମ୍ପର୍କ ବିକଶିତ ହେବ । ଏହାଦ୍ୱାରା ମରିସସ ଲୋକ ସେବା ଆୟୋଗ ଏବଂ କେନ୍ଦ୍ର ଲୋକ ସେବା ଆୟୋଗଙ୍କ ମଧ୍ୟରେ ସହଯୋଗର ପରିସୀମାକୁ ପରିଭାଷିତ କରାଯିବ । ଏହାର ଅନ୍ତର୍ଗତ ଉଭୟ ପକ୍ଷଙ୍କ ସହଯୋଗ କ୍ଷେତ୍ର ଏବଂ ଦାୟିତ୍ୱ ନିର୍ଦ୍ଧାରଣ କରିବାରେ ସହାୟତା ମିଳିପାରିବ । ସହଯୋଗର କ୍ଷେତ୍ର ନିମ୍ନରେ ଉଲ୍ଲେଖ କରାଗଲା:

1. 1. ଲୋକ ସେବା ନିଯୁକ୍ତି ଏବଂ ଚୟନର ଆଧୁନିକ ଉପାୟ ବିଶିଷ୍ଟ ଅଭିଜ୍ଞତାର ଆଦାନପ୍ରଦାନ, ବିଶେଷ କରି କେନ୍ଦ୍ରୀୟ ଲୋକ ସେବା ଆୟୋଗ ଏବଂ ଲୋକସେବା ଆୟୋଗଙ୍କ କାର୍ଯ୍ୟକଳାପ ସନ୍ଦର୍ଭରେ ।
2. 2. ପୁସ୍ତକ, ମାନୁଆଲ ଏବଂ ଅନ୍ୟ କାଗଜପତ୍ର, ଯାହା ଗୋପନୀୟ ପ୍ରକୃତିର ନୁହେଁ, ଏଥିସହିତ ସୂଚନା ଏବଂ ବିଶେଷଜ୍ଞତାର ଆଦାନପ୍ରଦାନ ।
3. 3. ଲିଖିତ ପରୀକ୍ଷାର ପ୍ରସ୍ତୁତିରେ ସୂଚନା ପ୍ରଯୁକ୍ତିର ବ୍ୟବହାର, କମ୍ପ୍ୟୁଟର ଆଧାରିତ ଭର୍ତ୍ତି ଯାଞ୍ଚ ଏବଂ ଅନଲାଇନ ପରୀକ୍ଷା କ୍ଷେତ୍ରରେ ବିଶେଷଜ୍ଞତାର ଆଦାନପ୍ରଦାନ ।
4. 4. ଆବେଦନର ଶୀଘ୍ର ଯାଞ୍ଚ ଏବଂ ସମାଧାନ ଲାଗି ଏକକ ଝରକା ପ୍ରଣାଳୀ ଅଭିଜ୍ଞତାର ଆଦାନପ୍ରଦାନ ।
5. 5. ସାଧାରଣ ପ୍ରକୃତିର ପରୀକ୍ଷା ପ୍ରଣାଳୀ ସମ୍ପର୍କରେ ବିଭିନ୍ନ ପ୍ରକ୍ରିୟାଗୁଡ଼ିକର ଅଭିଜ୍ଞତା ଏବଂ ବିଶେଷଜ୍ଞତାର ଆଦାନପ୍ରଦାନ ।
6. 6. ଅଧିକାରୀମାନଙ୍କ ଲାଗି ପ୍ରଶିକ୍ଷଣ ଅଧିବେଶନର ଆୟୋଜନ । ଏଥିରେ ସେସବୁ ଅଧିକାରୀମାନେ ମଧ୍ୟ ସାମିଲ ହେବେ ଯେଉଁମାନେ ଉଭୟ ପକ୍ଷର ସଚିବାଳୟ/ମୁଖ୍ୟାଳୟରେ ସ୍ୱଳ୍ପକାଳୀନ ଲାଗି ଯୋଡ଼ି ହୋଇ ରହିଥିବେ । ଏହା ଉଭୟ ପକ୍ଷଙ୍କ ଅଧିକାର ଅନ୍ତର୍ଗତ ଆସୁଥିବା ବିଷୟ ସହ ସମ୍ପୃକ୍ତ ହୋଇଥିବ ।
7. 7. ପ୍ରଦାନ କରାଯାଇଥିବା ଅଧିକାର ଅନ୍ତର୍ଗତ ବିଭିନ୍ନ ସରକାରୀ ଏଜେନ୍ସୀ ଯେଉଁ ପଦବୀଗୁଡ଼ିକରେ ନିଯୁକ୍ତି ଦେଉଛନ୍ତି, ତାହାକୁ ଦୃଷ୍ଟିରେ ରଖି ପ୍ରକ୍ରିୟା ସମ୍ପର୍କରେ ଆପଣାଯାଇଥିବା ପ୍ରଣାଳୀଗୁଡ଼ିକର ଅଭିଜ୍ଞତା ଆଦାନପ୍ରଦାନ ।

**********