ପିଏମଇଣ୍ଡିଆ
ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀ ଆଜି ଗୁଜରାଟର ଗାନ୍ଧୀଧାମଠାରେ କାଣ୍ଡଲା ବନ୍ଦର ଟ୍ରଷ୍ଟ ପକ୍ଷରୁ ବିଭିନ୍ନ ପ୍ରକଳ୍ପର ଶୁଭାରମ୍ଭ କରିଛନ୍ତି ।
ବନ୍ଦରର ଚତୁର୍ଦ୍ଦଶ ଓ ଷୋଡଶ ସାଧାରଣ ମାଲ ପରିବହନ ବର୍ଥର ଶିଳାନ୍ୟାସ କରିବା ସହ ଡଃ. ବାବାସାହେବ ଆମ୍ବେଦକର ସମ୍ମିଳନୀ କେନ୍ଦ୍ରର ଆଧାରଶିଳା ରଖିଥିଲେ ।
କଚ୍ଛ ଲବଣ ଜଙ୍କସନଠାରେ ପ୍ରଧାନମନ୍ତ୍ରୀ ଇଣ୍ଟରଚେଞ ଓ ଆରଓବି ପ୍ରକଳ୍ପ ନିର୍ମାଣର କାର୍ଯ୍ୟାଦେଶ ପତ୍ର ପ୍ରଦାନ କରିଥିଲେ । ଏହି ଅବସରରେ ସେ କାଣ୍ଡଲା ବନ୍ଦରରେ ସାର ପରିବହନ ଯାନ୍ତ୍ରିକୀକରଣ ଏବଂ ଦୁଇଟି ଭ୍ରାମ୍ୟମାଣ ବନ୍ଦର କ୍ରେନ ମୁତୟନ କାର୍ଯ୍ୟର ଶୁଭାରମ୍ଭ କରିଥିଲେ ।
ସମାରୋହରେ ଉଦବୋଧନ ଦେଇ କେନ୍ଦ୍ର ଜାହାଜ ଚଳାଚଳ ମନ୍ତ୍ରୀ ଶ୍ରୀ ନିତୀନ ଗଡକରୀ କହିଥିଲେ ଯେ ସାଗରମାଳା ପ୍ରକଳ୍ପ ଏବଂ ବନ୍ଦର ଭିତ୍ତିକ ଉନ୍ନୟନ କାର୍ଯ୍ୟ ଗୁଜରାଟ ରାଜ୍ୟରେ ଅଧିକ କର୍ମନିଯୁକ୍ତି ସୃଷ୍ଟି କରିବା ସହ ଏହି ରାଜ୍ୟର ଆର୍ଥିକ ବିକାଶରେ ସକାରାତ୍ମକ ପ୍ରଭାବ ପକାଇବ ।
ମୁଖ୍ୟମନ୍ତ୍ରୀ ଶ୍ରୀ ବିଜୟ ରୂପାନୀ ଗୁଜରାଟର ସମୃଦ୍ଧ ସାମୁଦ୍ରିକ ବାଣିଜ୍ୟ ପରମ୍ପରା ବିଷୟରେ ଅବତାରଣା କରିବା ସହ ଏହି ମହାନ ପରମ୍ପରା ଓ ଉତ୍ସାହ ଏବେ ମଧ୍ୟ ବଳବତ୍ତର ରହିଛି ବୋଲି କହିଥିଲେ ।
ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀ ଭବ୍ୟ ସମ୍ବର୍ଦ୍ଧନା ପାଇଁ ସେଠାକାର ଜନସାଧାରଣଙ୍କୁ ସାଧୁବାଦ ଜଣାଇଥିଲେ ।
ସେ କହିଥିଲେ ଯେ କଚ୍ଛର ଜନସାଧାରଣ ଜଳର ମହନୀୟତା ସଂପର୍କରେ ବେଶ୍ ଅବଗତ ଅଛନ୍ତି । ଏହି ଅଂଚଳର ମହାନ ଇତିହାସ ଓ ସଂସ୍କୃତି ସଂପର୍କରେ ମଧ୍ୟ ପ୍ରଧାନମନ୍ତ୍ରୀ ତାଙ୍କ ଭାଷଣରେ ଅନେକ ପ୍ରସଙ୍ଗ ରଖିଥିଲେ ।
ପ୍ରଧାନମନ୍ତ୍ରୀ କହିଥିଲେ ଯେ ଯଦି ଭାରତ ବିଶ୍ୱ ବାଣିଜ୍ୟ କ୍ଷେତ୍ରରେ ଏକ ସ୍ୱତନ୍ତ୍ର ସ୍ଥାନ ସୃଷ୍ଟି କରିବାକୁ ଚାହୁଁଛି ତାହେଲେ ଦେଶର ବନ୍ଦର କ୍ଷେତ୍ରର ତ୍ୱରିତ ବିକାଶ ହେବା ଆବଶ୍ୟକ । କାଣ୍ଡଲା ବନ୍ଦରକୁ ଏସିଆର ଅନ୍ୟତମ ସୁନ୍ଦର ଓ ଅଭିବୃଦ୍ଧିଶୀଳ ବନ୍ଦର ଭାବେ ବର୍ଣ୍ଣନା କରି ପ୍ରଧାନମନ୍ତ୍ରୀ କହିଥିଲେ ଯେ ଭିତ୍ତିଭୂମି କ୍ଷେତ୍ର ଓ ପାରଦର୍ଶିତାର ସମନ୍ୱୟ ଦ୍ୱାରା ବନ୍ଦର କ୍ଷେତ୍ରର ବିକାଶ ହୋଇପାରିବ ।
ପ୍ରଧାନମନ୍ତ୍ରୀ କହିଥିଲେ ଯେ ଇରାନର ଚାବାହାର ବନ୍ଦର ବିକାଶ କ୍ଷେତ୍ରରେ ଭାରତର ଯୋଗଦାନ ଭବିଷ୍ୟତରେ କାଣ୍ଡଲା ବନ୍ଦରର ବିକାଶକୁ ତ୍ୱରାନ୍ୱିତ କରିବ । ପ୍ରଧାନମନ୍ତ୍ରୀ ତାଙ୍କ ଭାଷଣରେ ଡଃ ବାବାସାହେବ ଆମ୍ବେଦକର ସମ୍ମିଳନୀ କେନ୍ଦ୍ର ବିଷୟରେ ମଧ୍ୟ ସମ୍ୟକ ସୂଚନା ଦେଇଥିଲେ ।
ପ୍ରଧାନମନ୍ତ୍ରୀ ଆଗାମୀ 5 ବର୍ଷ ମଧ୍ୟରେ ଜନସାଧାରଣ ରାଷ୍ଟ୍ର ଗଠନରେ ନିଜ ନିଜର ସାମର୍ଥ୍ୟ ମତେ ଯୋଗଦାନ କରିବାକୁ ଆହ୍ୱାନ ଦେଇଥିଲେ । ଆଉ ପାଂଚ ବର୍ଷ ମଧ୍ୟରେ ଦେଶ ସ୍ୱାଧୀନତାର 75 ବର୍ଷ ପାଳନ କରିବାକୁ ଯାଉଛି ।
ପଣ୍ଡିତ ଦୀନଦୟାଲ ଉପାଧ୍ୟାୟଙ୍କର ଶତବାର୍ଷିକୀ ସମାରୋହ ପାଳନ ହେବାକୁ ଯାଉଥିବା ପରିପ୍ରେକ୍ଷୀରେ ପ୍ରଧାନମନ୍ତ୍ରୀ କାଣ୍ଡଲା ବନ୍ଦର ଟ୍ରଷ୍ଟକୁ ଦୀନଦୟାଲ ବନ୍ଦର ଟ୍ରଷ୍ଟ ଭାବେ ନାମିତ କରିବା ଲାଗି ପ୍ରସ୍ତାବ ରଖିଥିଲେ ।
Sagarmala Project is going to have a very positive impact on Gujarat. Port-led development will bring more jobs too: Minister @nitin_gadkari
— PMO India (@PMOIndia) May 22, 2017
Gujarat is known for its rich maritime tradition. This spirit continues even today: Gujarat CM @vijayrupanibjp
— PMO India (@PMOIndia) May 22, 2017
Kandla has people from all over India. I thank the people of Kandla for the memorable welcome: PM @narendramodi pic.twitter.com/oOnkYrmXTn
— PMO India (@PMOIndia) May 22, 2017
There is something very special about the land of Kutch and the people who live here: PM @narendramodi pic.twitter.com/6tEw7A0Ch1
— PMO India (@PMOIndia) May 22, 2017
Good ports are essential for the progress of India. Kandla has emerged as one of the finest ports in Asia: PM @narendramodi pic.twitter.com/RuKDwv0nc4
— PMO India (@PMOIndia) May 22, 2017
Vital pillars of economic growth are infrastructure, efficiency and transparency: PM @narendramodi pic.twitter.com/o6QrwXymCM
— PMO India (@PMOIndia) May 22, 2017
