ପିଏମଇଣ୍ଡିଆ

ଜାତୀୟ ସ୍ୱାସ୍ଥ୍ୟ ମିଶନ (NHM) ଅଧୀନରେ ହୋଇଥିବା ଅଗ୍ରଗତି ଏବଂ ଜାତୀୟ ସ୍ୱାସ୍ଥ୍ୟ ମିଶନ (ଏନଏଚଏମ)ର କ୍ଷମତାସମ୍ପନ୍ନ କାର୍ଯ୍ୟକ୍ରମ ସମିତି (EPC) ଓ ମିଶନ ପରିଚାଳନା ଗୋଷ୍ଠୀ (MSG)ର ନିଷ୍ପତ୍ତି ସମ୍ପର୍କରେ ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀଙ୍କ ଅଧ୍ୟକ୍ଷତାରେ କେନ୍ଦ୍ର କ୍ୟାବିନେଟକୁ ଅବଗତ କରାଯାଇଛି ।

ପ୍ରମୁଖ ବିଶେଷତ୍ୱ :

• ଏନଆରଏଚଏମ/ଏନଏଚଏମ ଆରମ୍ଭ ହେବା ପରଠାରୁ ମାତୃ ମୃତ୍ୟୁ ହାର (ଏମଏମଆର), 5 ବର୍ଷରୁ କମ ଶିଶୁଙ୍କ ମୃତ୍ୟୁ ହାର ଏବଂ ନବଜାତ ଶିଶୁ ମୃତ୍ୟୁ ହାର ହ୍ରାସ ପାଇଛି । ହ୍ରାସ ପାଇଥିବା ଏହି ହାର ସହିତ ଭାରତକୁ ସ୍ଥାୟୀ ବିକାଶ ଲକ୍ଷ୍ୟ ଅନୁଯାୟୀ, ମାତୃ ମୃତ୍ୟୁ ହାର ଏବଂ 5 ବର୍ଷରୁ କମ ଶିଶୁଙ୍କ ମୃତ୍ୟୁ ହାରକୁ ନିର୍ଦ୍ଧାରିତ ବର୍ଷ ଅର୍ଥାତ 2030 ସୁଦ୍ଧା ହାସଲ କରିବା ଆବଶ୍ୟକ ।
• ବିଶ୍ୱର ମାଲେରିଆ ପ୍ରବଣ ରାଷ୍ଟ୍ରଗୁଡ଼ିକ ମଧ୍ୟରେ ଆକ୍ରାନ୍ତ ଏବଂ ମୃତକଙ୍କ ସଂଖ୍ୟା ହ୍ରାସ କରିବା ଭାରତର ସବୁଠୁ ବଡ଼ ସଫଳତା । ଏହା 2013 ଓ 2017ରେ ଯଥାକ୍ରମେ 49.09% ଏବଂ 50.52 ପ୍ରତିଶତ ପର୍ଯ୍ୟନ୍ତ ହ୍ରାସ ପାଇଥିଲା ।
• ସଂଶୋଧିତ ଜାତୀୟ ଯକ୍ଷ୍ମା ରୋଗ ନିୟନ୍ତ୍ରଣ କାର୍ଯ୍ୟକ୍ରମ (ଆରଏନଟିସିପି)କୁ ଯଥେଷ୍ଟ ସୁଦୃଢ଼ ଏବଂ ତ୍ୱରାନ୍ୱିତ କରାଯାଇଛି । ସବୁ ଜିଲ୍ଲାରେ ମୋଟ 1180 ସିବିଏନଏଟି ମେସିନ ସଂଯୋଗ କରାଯାଇଛି । ଏଗୁଡ଼ିକ ଯକ୍ଷ୍ମା ଲାଗି ଦ୍ରୁତ ଗତିରେ ସଠିକ ଚିକିତ୍ସା ପ୍ରଦାନ କରୁଛି । ଯାହାର ଫଳସ୍ୱରୂପ ଗତବର୍ଷ ତୁଳନାରେ ସିବିଏନଏଏଟିର ତିନି ଗୁଣ ଅଧିକ ପ୍ରୟୋଗ ହୋଇଛି । ଗଭୀର ପ୍ରୟାସ କାରଣରୁ ଗୋଟିଏ ବର୍ଷରେ ନୂଆ ମାମଲା ଚିହ୍ନଟରେ 16% ବୃଦ୍ଧି ହୋଇଛି । ସାର୍ବଜନୀନ ଔଷଧ ସମ୍ବେଦନଶୀଳ ମାମଲାରେ ମଧ୍ୟ 54% ବୃଦ୍ଧି ହୋଇଛି । ଚିକିତ୍ସାର ଅବଧି ସମୟରେ ସମସ୍ତ ରୋଗୀଙ୍କୁ ବେଡକ୍ୱିଲିନ ଏବଂ ଡେଲମିନଏଡ ଏବଂ ପୁଷ୍ଟିସାଧନ ସହାୟତା ସାରା ଦେଶରେ ଦିଆଯାଇଛି ।
• 2018-19ରେ 52744 ଏବି-ଏଚଡବ୍ଲ୍ୟୁସିକୁ ମଞ୍ଜୁର କରାଯାଇଥିଲା । ଏହାର ଅନ୍ତର୍ଗତ 15 ହଜାର ଏଚଡବ୍ଲୁସି ଲକ୍ଷ୍ୟ ରଖାଯାଇଥିବା ବେଳେ 17149 ଏଚଡବ୍ଲ୍ୟୁସି କାର୍ଯ୍ୟକ୍ଷମ କରାଯାଇଥିଲା । 2018-19ରେ ଆଶା, ଏମପିଏଚଡବ୍ଲ୍ୟୁ, ଷ୍ଟାଫ ନର୍ସ ଏବଂ ପିଏଚସି-ଏମଓ ସହିତ ମୋଟ 1,81,267 ସ୍ୱାସ୍ଥ୍ୟକର୍ମୀଙ୍କୁ ଏନସିଡି ଉପରେ ତାଲିମ ଦିଆଯାଇଥିଲା । ରାଜ୍ୟଗୁଡ଼ିକ ଏଚଡବ୍ଲ୍ୟୁସିର ପରିଚାଳନା ଲାଗି ଗତିବିଧି ଆରମ୍ଭ କରାଯାଇଥିଲା ।
• ନୂଆ ଟିକାଗୁଡ଼ିକ ମଧ୍ୟରେ ଟିଟାନଓ ଏବଂ ବୟସ୍କ ଡିପ୍ଥେରିଆ (ଟିଡି) ଟିକା ପୂର୍ବ ପ୍ରଚଳିତ ଟିଟାନଓ ଟକ୍ସାଇଡ (ଟିଟି) ଟିକାର ସ୍ଥାନ ନେଇଥିଲା, ଯଦ୍ଦ୍ୱାରା 2018ରେ ସାର୍ବଜନୀନ ଟିକାକରଣ କାର୍ଯ୍ୟକ୍ରମ ଅନ୍ତର୍ଗତ ବୟସ୍କଙ୍କ ମଧ୍ୟରେ ଡିପ୍ଥେରିଆ ଟିକାକରଣ ସୁନିଶ୍ଚିତ କରାଯାଇପାରିଲା ।
• 2018ରେ 17ଟି ଅତିରିକ୍ତ ରାଜ୍ୟରେ ମିଜଲ୍ସ-ରୁବେଲା (MR) ଟିକାକରଣ ଅଭିଯାନ କାର୍ଯ୍ୟକାରୀ କରାଯାଇଥିଲା, ଏଥିରେ ମାର୍ଚ୍ଚ 2019 ସୁଦ୍ଧା 30.50 କୋଟି ଶିଶୁଙ୍କୁ ସାମିଲ କରାଯାଇଥିଲା ।
• 2018-19ରେ ରୋଟାଭାଇରସ ଟିକା (RVV) ଆହୁରି ଦୁଇଟି ରାଜ୍ୟରେ ଆରମ୍ଭ କରାଯାଇଥିଲା । ବର୍ତ୍ତମାନ ସୁଦ୍ଧା ସମସ୍ତ ରାଜ୍ୟ/କେନ୍ଦ୍ର ଶାସିତ ପ୍ରଦେଶ ଆରଭିଭିରେ ସାମିଲ ହୋଇସାରିଛନ୍ତି ।
• 2018-19ରେ, ନ୍ୟୁମୋକୋକଲ କଞ୍ଜୁଗେଟେଡ ଭ୍ୟାକ୍ସିନ (PCV) ଟିକାର ସମ୍ପ୍ରସାରଣ ମଧ୍ୟପ୍ରଦେଶ, ହରିଆଣା ଓ ବିହାର, ରାଜସ୍ଥାନ ଓ ଉତ୍ତର ପ୍ରଦେଶର ଅବଶିଷ୍ଟ ଜିଲ୍ଲାରେ କରାଯାଇଥିଲା ।
• ଆଶା କର୍ମୀଙ୍କ ଦୈନନ୍ଦିନ ଏବଂ ଆବର୍ତ୍ତୀ ପ୍ରୋତ୍ସାହନ ରାଶି ମାସିକ 1 ହଜାର ଟଙ୍କାରୁ ବୃଦ୍ଧି କରାଯାଇ 2 ହଜାର ଟଙ୍କା କରି ଦିଆଯାଇଛି । ଆଶା ଏବଂ ଆଶା ସୁବିଧାପ୍ରଦାନକାରୀଙ୍କୁ ପ୍ରଧାନମନ୍ତ୍ରୀ ଜୀବନ ଜ୍ୟୋତି ବୀମା ଯୋଜନା (ଭାରତ ସରକାରଙ୍କ ଦ୍ୱାରା ମାସିକ 330 ଟଙ୍କାର ପ୍ରିମିୟମ) ଏବଂ ପ୍ରଧାନମନ୍ତ୍ରୀ ସୁରକ୍ଷା ବୀମା ଯୋଜନା (ଭାରତ ସରକାରଙ୍କ ଦ୍ୱାରା 12 ଟଙ୍କାର ପ୍ରିମିୟମ) ସୁବିଧା ପ୍ରଦାନ କରାଯାଇଛି ।
• ପୋଷଣ ଅଭିଯାନ ଅନ୍ତର୍ଗତ ଏପ୍ରିଲ 2018ରେ ଆନିମିଆ-ମୁକ୍ତ ଭାରତ (AMB) ଅଭିଯାନ ଆରମ୍ଭ କରାଯାଇଥିଲା ।
• ଏଚଡବ୍ଲ୍ୟୁସିରେ ପରିବର୍ତ୍ତିତ ସ୍ୱାସ୍ଥ୍ୟ ଉପକେନ୍ଦ୍ର ଲାଗି ସମନ୍ୱିତ ଅର୍ଥରାଶିକୁ 20 ହଜାର ଟଙ୍କାରୁ ବୃଦ୍ଧି କରାଯାଇ 50 ହଜାର ଟଙ୍କା କରି ଦିଆଯାଇଛି ।
• ହୋମ ଚାଇଲ୍ଡ କେୟାର ଫର ୟଙ୍ଗ ଚାଇଲ୍ଡ (ଏଚବିୱାଇସି) କାର୍ଯ୍ୟକ୍ରମ ପୁଷ୍ଟିସାଧନ ଅଭିଯାନ ଅନ୍ତର୍ଗତ ଆରମ୍ଭ କରାଯାଇଥିଲା ।
• ଯକ୍ଷ୍ମା/କୁଷ୍ଠ ରୋଗ/ମାଲେରିଆ/କଳା ଜ୍ୱର/ଲିମ୍ଫାଟିକ ଫାଇଲେରିଆ/ମୋତିଆବିନ୍ଦୁରେ ରୋଗର ଉନ୍ମୁଳନ ଲାଗି ରାଜ୍ୟ/କେନ୍ଦ୍ର ଶାସିତ ପ୍ରଦେଶ/ଜିଲ୍ଲାକୁ ପୁରସ୍କୃତ କରିବା ଲାଗି ଯୋଜନାକୁ ମଞ୍ଜୁର କରାଯାଇଥିଲା । ଏହି ଜିଲ୍ଲା/ରାଜ୍ୟଗୁଡ଼ିକୁ ଜାତୀୟ ମାନ୍ୟତା ପ୍ରଦାନ କରିବା ପୂର୍ବରୁ ରୋଗମୁକ୍ତ ରୂପରେ ପ୍ରମାଣିତ କରିବ ଏବଂ ଓଡିଏଫ ଜିଲ୍ଲା ଓ ରାଜ୍ୟଗୁଡ଼ିକ ଭଳି ରାଜ୍ୟ ଓ ଜିଲ୍ଲାଗୁଡ଼ିକ ମଧ୍ୟରେ ସୁସ୍ଥ ପ୍ରତିଦ୍ୱନ୍ଦ୍ୱିତାକୁ ପ୍ରୋତ୍ସାହନ ଦେବ ।
• ଜାତୀୟ ଭାଇରାଲ ହେପାଟାଇଟିସ ନିୟନ୍ତ୍ରଣ କାର୍ଯ୍ୟକ୍ରମକୁ A, B, C ଏବଂ E ତଥା ହେପାଟାଇଟିସର ନିରାକରଣ, ପରିଚାଳନା ଏବଂ ଚିକିତ୍ସା ଲାଗି ଅନୁମୋଦନ କରାଯାଇ ଲାଗୁ କରାଯାଇଛି । ଏହାଦ୍ୱାରା ଆନୁମାନିକ 5 କୋଟି ରୋଗୀ ଲାଭବାନ ହେବେ ।

************