ପିଏମଇଣ୍ଡିଆ

ବ୍ରାସିଲିଆଠାରେ ନଭେମ୍ବର 13, 2019ରେ ଅନୁଷ୍ଠିତ ଏକାଦଶ ବ୍ରିକ୍ସ ଶିଖର ସମ୍ମିଳନୀ ଅବସରରେ ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀ ବ୍ରାଜିଲ ରାଷ୍ଟ୍ରପତି ମି. ଜେୟର ମେସିୟସ ବୋଲସୋନାରୋଙ୍କୁ ଭେଟିଛନ୍ତି ।

2020 ସାଧାରଣତନ୍ତ୍ର ଦିବସ ଅବସରରେ ମୁଖ୍ୟ ଅତିଥି ଭାବେ ଯୋଗଦେବା ପାଇଁ ବ୍ରାଜିଲ ରାଷ୍ଟ୍ରପତିଙ୍କୁ ପ୍ରଧାନମନ୍ତ୍ରୀ ମୋଦୀ ନିମନ୍ତ୍ରଣ କରିଥିଲେ । ଏହି ନିମନ୍ତ୍ରଣକୁ ବ୍ରାଜିଲ ରାଷ୍ଟ୍ରପତି ଆନନ୍ଦର ସହ ଗ୍ରହଣ କରିଥିଲେ ।

ଏହି ଅବସରରେ ଦୁଇ ଦେଶ ସେମାନଙ୍କ ରଣନୈତିକ ଭାଗିଦାରୀକୁ ବ୍ୟାପକ ଭାବେ ବୃଦ୍ଧି କରିପାରିବେ ବୋଲି ଉଭୟ ନେତା ସହମତି ପ୍ରକାଶ କରିଥିଲେ । ବ୍ୟବସାୟ ପ୍ରସଙ୍ଗରେ ଆଲୋଚନା କରିବା ନେଇ ଆଗ୍ରହୀ ଥିବା ପ୍ରଧାନମନ୍ତ୍ରୀ ମୋଦୀ ପ୍ରକାଶ କରିଥିଲେ । ସେ ମଧ୍ୟ କୃଷି ଉପକରଣ, ପଶୁପାଳନ, ଅମଳ ପରବର୍ତ୍ତି ପ୍ରଯୁକ୍ତି ଓ ଜୈବ ଇନ୍ଧନ ସମେତ ବ୍ରାଜିଲ ପାଇଁ ନିବେଶ ସୁଯୋଗ ଥିବା ଅନ୍ୟାନ୍ୟ ସମ୍ଭାବ୍ୟ କ୍ଷେତ୍ର ସମ୍ବନ୍ଧରେ ଉଲ୍ଲେଖ କରିଥିଲେ ।

ଏନେଇ ବ୍ରାଜିଲର ରାଷ୍ଟ୍ରପତି ପ୍ରସ୍ତୁତ ବୋଲି ପ୍ରକାଶ କରିଥିଲେ ଏବଂ ପ୍ରଧାନମନ୍ତ୍ରୀଙ୍କୁ ସୂଚନା ଦେଇଥିଲେ ଯେ ତାଙ୍କ ସହିତ ଭାରତକୁ ଏକ ବଡ ବ୍ୟବସାୟିକ ପ୍ରତିନିଧି ଦଳ ଯାତ୍ରା କରିବେ । ମହାକାଶ ଓ ପ୍ରତିରକ୍ଷା କ୍ଷେତ୍ର ସମେତ ସହଯୋଗର ଅନ୍ୟ କ୍ଷେତ୍ର ସମ୍ବନ୍ଧରେ ମଧ୍ୟ ସେମାନେ ଆଲୋଚନା କରିଥିଲେ । ଭାରତୀୟ ନାଗରିକମାନଙ୍କୁ ଭିସା ମୁକ୍ତ ଯାତ୍ରା ପାଇଁ ଅନୁମୋଦନ ପ୍ରଦାନ ନେଇ ରାଷ୍ଟ୍ରପତିଙ୍କ ନିଷ୍ପତ୍ତିକୁ ପ୍ରଧାନମନ୍ତ୍ରୀ ସ୍ୱାଗତ କରିଥିଲେ ।

***