ପିଏମଇଣ୍ଡିଆ

କୃଷି ଏବଂ କୃଷକ କଲ୍ୟାଣ ମନ୍ତ୍ରୀ ଶ୍ରୀ ଶିବରାଜ ସିଂହ ଚୌହାନ, ଅନ୍ତର୍ଜାତୀୟ କୃଷି ଅର୍ଥନୀତି ସମ୍ମିଳନୀର ସଭାପତି ଡ. ମତିନ କାଇମ୍‌,ନୀତି ଆୟୋଗର ସଦସ୍ୟ ଶ୍ରୀ ରମେଶ ଜୀ,ଭାରତ ଏବଂ ଅନ୍ୟ ଦେଶର କୃଷି ବୈଜ୍ଞାନିକଗଣ, ଗବେଷଣା ସହ ଜଡ଼ିତ ବିଭିନ୍ନ ବିଶ୍ୱବିଦ୍ୟାଳୟର ଆମର ସହକର୍ମୀ,କୃଷି କ୍ଷେତ୍ର ସହ ଜଡ଼ିତ ବିଶେଷଜ୍ଞ ଏବଂ ଅଂଶୀଦାର, ମହିଳା ଏବଂ ଭଦ୍ରବ୍ୟକ୍ତିମାନେ,

ମୁଁ ଖୁସି ଯେ ୬୫ ବର୍ଷ ପରେ ଆଇସିଏଇର ଏହି ସମ୍ମିଳନୀ ଭାରତରେ ପୁନର୍ବାର ଆୟୋଜନ କରାଯାଉଛି। ଆପଣ ବିଶ୍ୱର ବିଭିନ୍ନ ଦେଶରୁ ଭାରତକୁ ଆସିଛନ୍ତି । ଭାରତର ୧୨୦ନିୟୁତ କୃଷକଙ୍କୁ ଆପଣମାନଙ୍କୁ ସ୍ୱାଗତ । ଭାରତର୩୦ନିୟୁତରୁ ଅଧିକ ମହିଳା କୃଷକଙ୍କୁ ତରଫରୁ ଆପଣମାନଙ୍କୁ ସ୍ୱାଗତ । ଦେଶର ୩୦ନିୟୁତ ମତ୍ସ୍ୟଜୀବୀଙ୍କୁ ସ୍ୱାଗତ । ଦେଶର ୮୦ନିୟୁତରୁ ଅଧିକ ପଶୁ ଚାଷୀଙ୍କ ପକ୍ଷରୁ ଆପଣମାନଙ୍କୁ ସ୍ୱାଗତ । ଆପଣ ଏପରି ଏକ ଦେଶରେ ଅଛନ୍ତି ଯେଉଁଠାରେ ୫୫୦ନିୟୁତ ପଶୁ ଅଛନ୍ତି । ଭାରତ ଏକ କୃଷିପ୍ରଧାନ ଦେଶ, ଜୀବପ୍ରେମୀ ଭାରତକୁ ଆପଣଙ୍କୁ ସ୍ୱାଗତ, ଅଭିନନ୍ଦନ ।

ସାଥିମାନେ,

ଭାରତ ଯେତିକି ପ୍ରାଚୀନ, ସେତିକି ପ୍ରାଚୀନ ହେଉଛି କୃଷି ଏବଂ ଆମର ଖାଦ୍ୟକୁ ନେଇ ମାନ୍ୟତା ରହିଛି । ଆମର ଅନୁଭୂତି ମଧ୍ୟ ରହିଛି ଏବଂ ଭାରତୀୟ କୃଷି ପରମ୍ପରାରେ ବିଜ୍ଞାନ ଓ ତର୍କକୁ ପ୍ରାଥମିକତା ଦିଆଯାଇଛି । ଆଜିକାଲି ଦୁନିଆରେ ଖାଦ୍ୟ ଓ ପୋଷଣକୁ ନେଇ ଅନେକ ଚିନ୍ତା ରହିଛି । କିନ୍ତୁ ହଜାର ହଜାର ବର୍ଷ ପୂର୍ବେ ଆମ ଶାସ୍ତ୍ରରେ ଏହା କୁହାଯାଇଛି- ଅନ୍ନଂ ହି ଭୂସାନା, ଜ୍ୟେଷ୍ଟମ,ସର୍ବୋଷଧିଂ ଭଚ୍ୟତେ, ଅର୍ଥାତ୍ ସମସ୍ତ ପଦାର୍ଥ ମଧ୍ୟରୁ ଅନ୍ନ ଶ୍ରେଷ୍ଠ,ସେଥିପାଇଁ ଖାଦ୍ୟକୁ ସମସ୍ତ ଔଷଧର ରୂପ,ଏହାର ମୂଳ କୁହାଯାଏ । ଆମ ଅନ୍ନକୁ ଔଷଧୀୟ ପ୍ରଭାବ ସହିତ ବ୍ୟବହାର କରିବା ପାଇଁ ସମ୍ପୂର୍ଣ୍ଣ ଆୟୁର୍ବେଦ ବିଜ୍ଞାନ ଅଛି। ଏହି ପାରମ୍ପରିକ ଜ୍ଞାନ ପ୍ରଣାଳୀ ଭାରତର ସାମାଜିକ ଜୀବନର ଏକ ଅଂଶ ଅଟେ ।

ସାଥିମାନେ,

ଜୀବନ ଏବଂ ଖାଦ୍ୟକୁ ନେଇ,ହଜାର ହଜାର ବର୍ଷ ପୂର୍ବର ଏହା ହେଉଛି ଭାରତୀୟ ଜ୍ଞାନ । ଏହି ଜ୍ଞାନ ବଳରେ ଭାରତରେ କୃଷିର ବିକାଶ ହୋଇଛି । ଭାରତର ପ୍ରାୟ ୨ହଜାର ବଷଁ ପୂର୍ବରୁ କୃଷି ପରାଶର ନାମରେ ଯେଉଁ ଗ୍ରନ୍ଥ ଲେଖାଯାଇଥିଲା, ତାହା ସମଗ୍ର ମାନବ ଇତିହାସର ଧରୋହର ଅଟେ । ଏହା ହେଉଛି ବୈଜ୍ଞାନିକ ଚାଷର ଏକ ବ୍ୟାପକ ଦସ୍ତାବିଜ, ଯାହାର ବର୍ତ୍ତମାନ ଅନୁବାଦିତ ସଂସ୍କରଣ ଉପଲବ୍ଧ ଅଛି । ଏଭଳି ଅନେକ ବିଷୟକୁ ଏହି ପୁସ୍ତକରେ ବିସ୍ତୃତ ଭାବେ ବର୍ଣ୍ଣନା କରାଯାଇଛି । ଏହି ପରମ୍ପରାକୁ ଆଗକୁ ବଢ଼ାଇବା ପାଇଁ ଭାରତରେ କୃଷି ସମ୍ବନ୍ଧୀୟ ଶିକ୍ଷା ଓ ଗବେଷଣାର ଏକ ସୁଦୃଢ଼ ପରିବେଶ ସୃଷ୍ଟି ହୋଇଛି । ଭାରତୀୟ କୃଷି ଗବେଷଣା ପରିଷଦର ଶତାଧିକ ଗବେଷଣା ପ୍ରତିଷ୍ଠାନ ରହିଛି । କୃଷି ଓ ଆନୁଷଙ୍ଗିକ ବିଷୟର ଅଧ୍ୟୟନ ପାଇଁ ଭାରତରେ ୫୦୦ରୁ ଅଧିକ କଲେଜ ରହିଛି । ଭାରତରେ ୭୦୦ରୁ ଅଧିକ କୃଷି ବିଜ୍ଞାନ କେନ୍ଦ୍ର ରହିଛି, ଯାହା କୃଷକମାନଙ୍କ ପାଖରେ ନୂତନ ଜ୍ଞାନକୌଶଳ ଆଣିବାରେ ସହାୟକ ହୋଇଥାଏ ।

ସାଥିମାନେ,

ଭାରତୀୟ କୃଷିର ଆଉ ଏକ ବୈଶିଷ୍ଟ୍ୟ ରହିଛି । ଭାରତରେ ଏବେ ମଧ୍ୟ ଆମେ ଛଅଟି ଋତୁକୁ ଦୃଷ୍ଟିରେ ରଖି ସବୁ କିଛି ଯୋଜନା କରିଥାଉ । ଆମର ଏଠାରେ ପନ୍ଦରଟି କୃଷି ଜଳବାୟୁ ଅଞ୍ଚଳର ଆମର ନିଜର ସ୍ୱତନ୍ତ୍ରତା ରହିଛି । ଭାରତରେ କିଛି ଶହେ କିଲୋମିଟର ଯାତ୍ରା କରିବେ ତେବେ ସେଠାରେ ଚାଷ କାମ ବଦଳିଯାଇଥାଏ । ସମତଳ ଅଞ୍ଚଳର ଚାଷ ଅଲଗା ଅଲଗା … । ହିମାଳୟର ଚାଷ ଭିନ୍ନ… ଶୁଖିଲା … ଶୁଖିଲା ମରୁଭୂମି ଚାଷ ଭିନ୍ନ… ଯେଉଁଠି ପାଣି କମ୍ ରହିଥାଏ ସେଠାରେ ଚାଷ ଅଲଗା… ଏବଂ ଉପକୂଳବର୍ତ୍ତୀ ଅଞ୍ଚଳର ଚାଷ ଭିନ୍ନ ଅଟେ । ଏହି ବିବିଧତା ଭାରତକୁ ବିଶ୍ୱ ଖାଦ୍ୟର ନିରାପତ୍ତା ପାଇଁ ଏକ ଆଶାର କିରଣ ରେ ପରିଣତ କରିଛି ।

ସାଥିମାନେ,

ଗତଥର ପାଇଁ ଯେତେବେଳେ ଏଠାରେ ଆଇସିଏଇ ସମ୍ମିଳନୀ ଏଠାରେ ଅନୁଷ୍ଠିତ ହୋଇଥିଲା, ସେତେବେଳେ ଭାରତକୁ ନୂତନ ସ୍ୱାଧୀନତା ମିଳିଥିଲା । ଖାଦ୍ୟ ନିରାପତ୍ତା ଠାରୁ ଆରମ୍ଭ କରି ଭାରତ କୃଷି କ୍ଷେତ୍ର ପାଇଁ ଏକ ଚ୍ୟାଲେଞ୍ଜିଂର ସମୟ ଥିଲା । ଆଜି ଭାରତ, ଏକ ଖାଦ୍ୟ ବଳକା ଦେଶ । ଆଜି ଭାରତ ଦୁଗ୍ଧ,ଡାଲି ଏବଂ ମସଲା ଉତ୍ପାଦନରେ ସବୁଠାରୁ ବଡ଼ ଦେଶ । ଭାରତଖାଦ୍ୟ ଶସ୍ୟ, ଫଳ, ପନିପରିବା, କପା, ଚିନି, ଚା, ମାଛ ଚାଷ…ସେମାନେ ହେଉଛନ୍ତି ଦ୍ୱିତୀୟ ବୃହତ୍ତମ ଉତ୍ପାଦକ । ଏକ ସମୟ ଥିଲା ଯେତେବେଳେ ଭାରତର ଖାଦ୍ୟ ନିରାପତ୍ତା, ବିଶ୍ୱ ପାଇଁ ଚିନ୍ତାର ବିଷୟ ଥିଲା । ଆଜି ଭାରତ ଗ୍ଲୋବାଲ ଫୁଡ୍ ସିକ୍ୟୁରିଟି, ଗ୍ଲୋବାଲ୍ ନ୍ୟୁଟ୍ରିସନ୍ ସିକ୍ୟୁରିଟି, ଏହାର ସମାଧାନ ଯୋଗାଇବାରେ ଲାଗିପଡ଼ିଛି । ତେଣୁ ‘ଫୁଡ୍ ସିଷ୍ଟମ୍ ଟ୍ରାନ୍ସଫର୍ମେସନ୍‌‘ ଭଳି ବିଷୟ ଉପରେ ଆଲୋଚନା କରିବା ପାଇଁ ଭାରତର ଅଭିଜ୍ଞତା ଅମୂଲ୍ୟ । ଏହାର ବହୁତ ବଡ ଲାଭ ବିଶେଷକରି ଗ୍ଲୋବାଲ ସାଉଥକୁ ମିଳିବ ।

ସାଥିମାନେ,

ବିଶ୍ୱର ଭାଇଚାରା ହିସାବରେ ଭାରତ, ମାନବିକତାର କଲ୍ୟାଣକୁ ସର୍ବୋପରି ରଖିଛି । ଜି-୨୦ ସମୟରେ ଭାରତ ‘ଗୋଟିଏ ପୃଥିବୀ, ଗୋଟିଏ ପରିବାର ଏବଂ ଗୋଟିଏ ଭବିଷ୍ୟତ‘ର ପରିକଳ୍ପନା ରଖିଥିଲା । ଭାରତ ପରିବେଶକୁ ବଞ୍ଚାଇବା ଭଳି ଜୀବନଶୈଳୀ ଅର୍ଥାତ୍ ମିଶନ ଲାଇଫର ମନ୍ତ୍ର ମଧ୍ୟ ଦେଇଛି । ଭାରତ ‘ୱାନ୍ ଆର୍ଥ-ୱାନ୍ ହେଲଥ‘ ଅଭିଯାନ ଆରମ୍ଭ କରିଛି । ମଣିଷ, ଜୀବଜନ୍ତୁଓ ଉଦ୍ଭିଦଙ୍କ ସ୍ୱାସ୍ଥ୍ୟକୁ ଆମେ ଅଲଗା ଅଲଗା ଭାବେ ଦେଖିପାରିବା ନାହିଁ । ସ୍ଥାୟୀ କୃଷି ଓ ଖାଦ୍ୟ ବ୍ୟବସ୍ଥା ସମ୍ମୁଖରେ ଆଜି ଯାହା ବି ଚ୍ୟାଲେଞ୍ଜ ରହିଛି… ତାହାକୁ କେବଳ ‘ଗୋଟିଏ ପୃଥିବୀ, ଗୋଟିଏ ପରିବାରଏବଂ ଗୋଟିଏ ଭବିଷ୍ୟତ‘ ପାଇଁ ଏକ ସାମଗ୍ରିକ ଆଭିମୁଖ୍ୟ ଦ୍ୱାରା ଏହାର ମୁକାବିଲା କରାଯାଇପାରିବ ।

ସାଥିମାନେ,

କୃଷି ଆମର ଅର୍ଥନୈତିକ ନୀତିର କେନ୍ଦ୍ରରେ ରହିଛି । ଆମର ଏଠାରେ ପ୍ରାୟ ୯୦ ପ୍ରତିଶତ ପରିବାର ଏମିତି ଅଛନ୍ତି, ଯେଉଁମାନଙ୍କ ପାଖରେ ବହୁତ କମ୍ ଜମି ଅଛି । ଏହି କ୍ଷୁଦ୍ର କୃଷକମାନେ ଭାରତର ଖାଦ୍ୟ ନିରାପତ୍ତାର ସବୁଠାରୁ ବଡ଼ ଶକ୍ତି । ଏଭଳି ସ୍ଥିତି ଏସିଆର ଅନେକ ବିକାଶଶୀଳ ଦେଶରେ ଦେଖାଯାଏ । ତେଣୁ ଭାରତର ମଡେଲ ଅନେକ ଦେଶ ପାଇଁ କାମ କରିପାରିବ । ଏହାର ଏକ ଉଦାହରଣ ହେଉଛି ସ୍ଥାୟୀ ଚାଷ । ଭାରତରେ ଆମେ ରାସାୟନିକ ମୁକ୍ତ ପ୍ରାକୃତିକ ଚାଷକୁ ବ୍ୟାପକ ମାତ୍ରାରେ ପ୍ରୋତ୍ସାହିତ କରୁଛୁ । ଏହାର ବହୁତ ଭଲ ଫଳାଫଳ ମିଳିଛି । ଚଳିତ ବର୍ଷ ବଜେଟରେ ମଧ୍ୟ ସ୍ଥାୟୀ କୃଷି ଏବଂଜଳବାୟୁ ସହନଶୀଳ ଚାଷ ଉପରେ ଗୁରୁତ୍ୱ ଦିଆଯାଇଛି । କୃଷକମାନଙ୍କୁ ସମର୍ଥନ କରିବା ପାଇଁ ଆମେ ଏକ ସମ୍ପୂର୍ଣ୍ଣ ଇକୋସିଷ୍ଟମ୍ ବିକଶିତ କରୁଛୁ । ଜଳବାୟୁ ସହନଶୀଳ ଫସଲ ସମ୍ପର୍କିତ ଗବେଷଣା ଓ ବିକାଶ ଉପରେ ଭାରତ ଗୁରୁତ୍ୱ ଦେଉଛି । ବିଗତ ୧୦ବର୍ଷ ମଧ୍ୟରେ ଆମେ ଆମର କୃଷକମାନଙ୍କୁ ପ୍ରାୟ ୧୯୦୦ ନୂତନ ଜଳବାୟୁ ସହନଶୀଳ ପ୍ରଜାତି ପ୍ରଦାନ କରିଛୁ । ଭାରତର କୃଷକମାନେ ମଧ୍ୟ ଏହାର ଫାଇଦା ପାଉଛନ୍ତି । ଆମପାଖରେ କିଛି ପ୍ରଜାତିର ଚାଉଳ ମଧ୍ୟ ଅଛି,ଯେଉଁଥି ପାଇଁ ପାରମ୍ପରିକ ପ୍ରଜାତି ତୁଳନାରେ ୨୫ ପ୍ରତିଶତ କମ୍ ପାଣି ଆବଶ୍ୟକ କରିଥାଏ । ବିଗତ କିଛି ବର୍ଷ ମଧ୍ୟରେକଳା ଚାଉଳ ଏକ ସୁପରଫୁଡ୍ ଭାବେ ଉଭା ହୋଇଛି । ମଣିପୁର,ଆସାମ ଏବଂ ମେଘାଳୟର କଳା ଚାଉଳ ଏହାର ଔଷଧୀୟ ଗୁଣ ହେତୁ ଏହାକୁ ପସନ୍ଦ କରାଯାଉଛି । ବିଶ୍ୱ ସମୁଦାୟ ସହ ନିଜର ଅନୁଭୂତି ବାଣ୍ଟିବାକୁ ଭାରତ ମଧ୍ୟ ସେତିକି ଆଗ୍ରହୀ ।

ସାଥିମାନେ,

ଆଜିର ସମୟରେ ଜଳର ଅଭାବ ଓ ଜଳବାୟୁ ପରିବର୍ତ୍ତନ ସହିତ ପୋଷଣ ମଧ୍ୟ ଏକ ବଡ଼ ଚ୍ୟାଲେଞ୍ଜ । ଭାରତ ପାଖରେ ମଧ୍ୟ ଏହାର ସମାଧାନରହିଛି । ଭାରତହେଉଛି ବିଶ୍ୱର ସବୁଠାରୁ ବଡ଼ବାଜରା ଉତ୍ପାଦନକାରୀଦେଶ । ବିଶ୍ୱ ଯାହାକୁ ସୁପରଫୁଡ୍ ବୋଲି କହୁଛି, ତାକୁ ଆମେ ଶ୍ରୀଅନ୍ନର ପରିଚୟ ଦେଇଛୁ । ସେମାନେ ସର୍ବନିମ୍ନ ଜଳ, ସର୍ବାଧିକ ଉତ୍ପାଦନ ନୀତି ଉପରେ କାର୍ଯ୍ୟ କରନ୍ତି । ଗ୍ଲୋବାଲ ନ୍ୟୁଟ୍ରିସନ୍ ସମସ୍ୟାର ସମାଧାନ ଦିଗରେ ଭାରତର ବିଭିନ୍ନ ସୁପରଫୁଡ୍‌ର ଭୂମିକା ଗ୍ରହଣ କରିପାରିବ । ଭାରତ ଆମର ସୁପରଫୁଡ୍ ଏହି ବାସ୍କେଟକୁବିଶ୍ୱ ସହ ବାଣ୍ଟିବାକୁ ଚାହୁଁଛି । ଏଥିସହ ଭାରତର ଉଦ୍ୟମରେ ସମଗ୍ର ବିଶ୍ୱ ଗତବର୍ଷ ଅନ୍ତର୍ଜାତୀୟ ମିଲେଟ୍ ବର୍ଷ ପାଳନ କରିଛି ।

ସାଥିମାନେ,

ବିଗତ ଦଶନ୍ଧି ମଧ୍ୟରେ ଆମେକୃଷିକୁ ଆଧୁନିକ ଜ୍ଞାନକୌଶଳ ସହ ଯୋଡ଼ିବା ପାଇଁ ଅନେକ ପ୍ରୟାସ କରିଛୁ । ଆଜି ଜଣେ କୃଷକ ମୃତ୍ତିକା ସ୍ୱାସ୍ଥ୍ୟ କାର୍ଡ ସାହାଯ୍ୟରେ କ‘ଣ ଚାଷ କରିବେ ତାହା ଜାଣିପାରିବେ । ସେ ସୌର ଶକ୍ତି ସାହାଯ୍ୟରେ ପମ୍ପ ଚଳାନ୍ତି ଏବଂ ବର୍ଜ୍ୟ ଜମିରେ ସୌର ଚାଷ କରି ମଧ୍ୟ ରୋଜଗାର କରନ୍ତି । ସେହି- ଇନାମ ଅର୍ଥାତ୍ ଡିଜିଟାଲ କୃଷି ବଜାର ଦ୍ୱାରା ନିଜ ଉତ୍ପାଦ ବିକ୍ରି କରିପାରିବେ,ସେ କିଷାନ କ୍ରେଡିଟ୍ କାର୍ଡ ବ୍ୟବହାର କରନ୍ତି । ପ୍ରଧାନମନ୍ତ୍ରୀ ଫସଲ ବୀମା ଯୋଜନା ମାଧ୍ୟମରେ ସେ ନିଜ ଫସଲର ସୁରକ୍ଷା ସୁନିଶ୍ଚିତ କରନ୍ତି । କୃଷକଙ୍କଠାରୁ ଆରମ୍ଭ କରି କୃଷିଟେକ୍ ଷ୍ଟାର୍ଟଅପ୍‌, ପ୍ରାକୃତିକ ଚାଷଠାରୁ ଆରମ୍ଭ କରି ଫାର୍ମଷ୍ଟେ ଏବଂ ଫାର୍ମ-ଟୁ-ଟେବୁଲ ବ୍ୟବସ୍ଥା, କୃଷି ଏବଂ ଆନୁଷଙ୍ଗିକ କ୍ଷେତ୍ରକୁ ଭାରତରେ କ୍ରମାଗତ ଭାବେ ଆନୁଷ୍ଠାନିକ ରୂପ ଦିଆଯାଉଛି । ଗତ ୧୦ ବର୍ଷ ମଧ୍ୟରେ ଆମେ ୯ ଲକ୍ଷ ହେକ୍ଟର ଚାଷକୁ କ୍ଷୁଦ୍ର ଜଳସେଚନ ସହ ଯୋଡ଼ିଛୁ । ଆମର ଇଥାନଲ ମିଶ୍ରଣ କାର୍ଯ୍ୟକ୍ରମ ମଧ୍ୟ ଉଭୟ କୃଷି ଏବଂ ପରିବେଶ ପାଇଁ ଲାଭଦାୟକ ହେଉଛି । ପେଟ୍ରୋଲରେ ୨୦ ପ୍ରତିଶତ ଇଥାନଲ ମିଶ୍ରଣ ଲକ୍ଷ୍ୟ ଆଡ଼କୁ ଆମେ ଦ୍ରୁତ ଗତିରେ ଅଗ୍ରସର ହେଉଛୁ ।

ସାଥିମାନେ,

ଭାରତରେ ଆମେ କୃଷି କ୍ଷେତ୍ରରେ ଡିଜିଟାଲ ଟେକ୍ନୋଲୋଜିର ସମ୍ପୂର୍ଣ୍ଣ ବ୍ୟବହାର କରୁଛୁ । ପିଏମ୍ କିଷାନ ସମ୍ମାନ ନିଧି ଜରିଆରେ ଗୋଟିଏ କ୍ଲିକ୍ ରେ ୩୦ ସେକେଣ୍ଡରେ ୧୦ କୋଟି କୃଷକଙ୍କ ବ୍ୟାଙ୍କ ଆକାଉଣ୍ଟକୁ ଟଙ୍କା ଟ୍ରାନ୍ସଫର କରାଯାଇଥାଏ । ଡିଜିଟାଲ ଫସଲ ସର୍ଭେ ପାଇଁ ଆମେ ଡିଜିଟାଲ ସାର୍ବଜନୀନ ଭିତ୍ତିଭୂମି ସୃଷ୍ଟି କରୁଛୁ । ଆମର କୃଷକମାନେରିୟଲ ଟାଇମ ସୂଚନା ପାଇବେ ଏବଂ ଡାଟା ଭିତ୍ତିକ ନିଷ୍ପତ୍ତି ନେବାରେ ସକ୍ଷମ ହେବେ । ଆମର ଏହି ପଦକ୍ଷେପ ଦ୍ୱାରା କୋଟି କୋଟି କୃଷକ ଉପକୃତ ହେବେ ଏବଂ ସେମାନଙ୍କ ଆର୍ଥିକ ସ୍ଥିତି ଉନ୍ନତ ହେବ । ଜମିର ଡିଜିଟାଇଜେସନ୍ ପାଇଁ ସରକାରଏକ ବଡ଼ ଅଭିଯାନ ମଧ୍ୟ ଚଳାଇଛନ୍ତି । କୃଷକମାନଙ୍କୁ ସେମାନଙ୍କ ଜମିର ଡିଜିଟାଲପରିଚୟ ନମ୍ବର ମଧ୍ୟ ଦିଆଯିବ । ଆମେ ଚାଷକାର୍ଯ୍ୟରେ ଖୁବ୍ ଦ୍ରୁତ ଗତିରେ ଡ୍ରୋନ୍ ବ୍ୟବହାରକୁ ପ୍ରୋତ୍ସାହିତ କରୁଛୁ । ଡ୍ରୋନ୍ ଜରିଆରେ ହେଉଥିବା ଚାଷର କମାଣ୍ଡମହିଳା, ଆମ ଡ୍ରୋନ୍ ଭଉଣୀମାନଙ୍କୁ ଦିଆଯାଉଛି । ଏସବୁ ପଦକ୍ଷେପ ଯାହା ହେଉ ନା କାହିଁକି,ଏହା କେବଳ ଭାରତର କୃଷକଙ୍କ ପାଇଁ ଲାଭଦାୟକ ହେବ ନାହିଁ,ବରଂ ଏହା ବିଶ୍ୱ ଖାଦ୍ୟ ସୁରକ୍ଷାକୁ ମଧ୍ୟ ସୁଦୃଢ଼ କରିବ ।

ସାଥିମାନେ,

ଆଗାମୀ୫ଦିନ ମଧ୍ୟରେ ଆପଣମାନେ ସମସ୍ତେ ଏଠାରେ ଖୋଲାଖୋଲି ଆଲୋଚନା କରିବାକୁ ଯାଉଛନ୍ତି । ଏଠାରେ ବହୁ ସଂଖ୍ୟାରେ ମହିଳା, ଯୁବବର୍ଗଙ୍କ ଅଂଶଗ୍ରହଣ ଦେଖି ମୁଁ ଅଧିକ ଆନନ୍ଦିତ । ସମସ୍ତେ ଆପଣଙ୍କ ଚିନ୍ତାଧାରା ଉପରେ ନଜର ରଖିବେ । ମୁଁ ଆଶା କରୁଛି ଯେ ଏହି ସମ୍ମିଳନୀ ମାଧ୍ୟମରେ ଆମେ ସ୍ଥାୟୀ କୃଷି-ଖାଦ୍ୟ ପ୍ରଣାଳୀ ସହିତ ବିଶ୍ୱକୁ ଯୋଡ଼ିବାର ଉପାୟ ଖୋଜିବାରେ ସକ୍ଷମ ହୋଇପାରିବୁ । ଆମେ ପରସ୍ପରଠାରୁ ଶିଖିବୁ… ଏବଂ ସେମାନେ ପରସ୍ପରକୁ ଶିକ୍ଷା ଦେବେ ।

ସାଥିମାନେ,

ଯଦି ଆପଣ କୃଷି ଜଗତ ସହ ଜଡ଼ିତ ଲୋକ, ତେବେ ମୁଁ ଆପଣଙ୍କ ସାମ୍ନାରେ ଆଉ ଏକ ସୂଚନା ରଖିବାକୁ ଚାହୁଁଛି । ମୁଁ ଜାଣେ ନାହିଁ ଦୁନିଆର କୌଣସି ସ୍ଥାନରେ କୃଷକଙ୍କ ପ୍ରତିମୂର୍ତ୍ତି ଅଛି କି ନାହିଁ । ବିଶ୍ୱର ସବୁଠାରୁ ଉଚ୍ଚ ପ୍ରତିମୂର୍ତ୍ତି ଭାବେ ଷ୍ଟାଚ୍ୟୁ ଅଫ୍ ଲିବର୍ଟିର କଥା ଆମେ ଶୁଣିଛୁ । କିନ୍ତୁ ମୋର ସମସ୍ତ କୃଷକ ମାନେ ଜାଣି ଖୁସି ହେବେ ଯେ ସ୍ୱାଧୀନତା ସଂଗ୍ରାମରେ କୃଷକ ଶକ୍ତିକୁ ଜାଗ୍ରତ କରିଥିବା, ଯିଏ ସ୍ୱାଧୀନତା ଆନ୍ଦୋଳନର ମୁଖ୍ୟ ସ୍ରୋତରେ କୃଷକମାନଙ୍କୁ ଯୋଡ଼ିଥିଲେ,ସେ ହେଉଛନ୍ତି ସର୍ଦ୍ଦାର ବଲ୍ଲଭ ଭାଇ ପଟେଲଙ୍କ ବିଶ୍ୱର ସର୍ବୋଚ୍ଚ ପ୍ରତିମୂର୍ତ୍ତି ଭାରତ । ତାଙ୍କ ଉଚ୍ଚତା ଷ୍ଟେଟ୍ ଅଫ୍ ଲିବର୍ଟି ଠାରୁଦୁଇଗୁଣ । ଆଉ ଜଣେ କୃଷକ ନେତା । ଆଉ ଦ୍ୱିତୀୟ ବୈଶିଷ୍ଟ୍ୟ ହେଉଛି ଯେତେବେଳେ ଏହି ପ୍ରତିମୂର୍ତ୍ତି ନିର୍ମାଣ ହୋଇଛି, ସେତେବେଳେ ଭାରତର ଛଅ ଲକ୍ଷ,ଛଅ ଲକ୍ଷ ଗାଁର କୃଷକମାନଙ୍କୁ ସେମାନଙ୍କ କ୍ଷେତରେ ବ୍ୟବହୃତ ଲୁହା ଉପକରଣର ଏକ ଖଣ୍ଡ ଆମକୁ ଦେବାକୁ କୁହାଯାଇଥିଲା । କ୍ଷେତରେ ବ୍ୟବହୃତ ଲୁହା ଉପକରଣ ୬ଲକ୍ଷ ଗାଁରୁ ଅଣାଯାଇଥିଲା,ଏହାକୁ ତରଳା ଯାଇଥିଲା ଏବଂ ବିଶ୍ୱର ସବୁଠାରୁ ବଡ କୃଷକ ନେତାଙ୍କ ପ୍ରତିମୂର୍ତ୍ତି ଭିତରେ ସେହି କ୍ଷେତରେ ବ୍ୟବହୃତ ଉପକରଣକୁ ତରଳାଇ ଲୁହା ବ୍ୟବହାର କରାଯାଇଥିଲା । ମୁଁ ନିଶ୍ଚିତ ଭାବରେ ବିଶ୍ୱାସ କରେ ଯେ ଏହି ଦେଶର ଜଣେ କୃଷକଙ୍କ ପୁଅ ଏତେ ବଡ଼ ସମ୍ମାନ ପାଇଛନ୍ତି, ବୋଧହୁଏ ଦୁନିଆର କୌଣସି ସ୍ଥାନରେ ଘଟିନଥାନ୍ତ । ମୁଁ ନିଶ୍ଚିତ ଯେ ଯଦି ଆପଣ ଆଜି ଏଠାକୁ ଆସିଛନ୍ତି, ତେବେ ବିଶ୍ୱର ସବୁଠାରୁ ଉଚ୍ଚ ଷ୍ଟାଚ୍ୟୁ ଅଫ୍ ୟୁନିଟିର ଠାରୁ ପୁରୁଣା ଉଚ୍ଚତା ରହିଛି । ଆଉ ଜଣେ କୃଷକ ନେତା ଅଟେ । ଆଉ ଦ୍ୱିତୀୟ ବୈଶିଷ୍ଟ୍ୟ ହେଉଛି ଯେତେବେଳେ ଏହି ପ୍ରତିମୂର୍ତ୍ତି ନିର୍ମାଣ ହୋଇଛି, ସେତେବେଳେ ଭାରତର ଛଅ ଲକ୍ଷ,ଛଅ ଲକ୍ଷ ଗାଁରୁ କୃଷକମାନଙ୍କୁ ସେମାନଙ୍କ କ୍ଷେତରେ ବ୍ୟବହୃତ ଲୁହା ଉପକରଣର ଏକ ଖଣ୍ଡ ଆମକୁ ଦେବାକୁ କୁହାଯାଇଥିଲା । କ୍ଷେତରେ ବ୍ୟବହୃତ ଲୁହା ଉପକରଣ ୬ଲକ୍ଷ ଗାଁରୁ ଅଣାଯାଇଥିଲା, ଏହାକୁ ତରଳାଯାଇଥିଲା ଏବଂ ବିଶ୍ୱର ସବୁଠାରୁ ବଡ କୃଷକ ନେତାଙ୍କ ପ୍ରତିମୂର୍ତ୍ତି ଭିତରେ ସେହି କ୍ଷେତରେ ବ୍ୟବହୃତ ଉପକରଣକୁ ତରଳାଇ ଲୁହା ବ୍ୟବହାର କରାଯାଇଥିଲା । ମୁଁ ନିଶ୍ଚିତ ଭାବରେ ବିଶ୍ୱାସ କରେ ଯେ ଏହି ଦେଶର ଜଣେ କୃଷକଙ୍କ ପୁଅ ଏତେ ବଡ଼ ସମ୍ମାନ ପାଇଛନ୍ତି, ବୋଧହୁଏ ଦୁନିଆର କୌଣସି ସ୍ଥାନରେ ଏପରି ଘଟି ନ ଥାନ୍ତା । ମୁଁ ନିଶ୍ଚିତ ଯେ ଯଦି ଆପଣ ଆଜି ଏଠାକୁ ଆସିଛନ୍ତି, ତେବେ ବିଶ୍ୱର ସବୁଠାରୁ ଉଚ୍ଚ ଷ୍ଟାଚ୍ୟୁ ଅଫ୍ ୟୁନିଟିର ଏହି ପ୍ରତିମୂର୍ତ୍ତି କୁ ଦେଖି ଆପଣ ନିଶ୍ଚୟ ଆକର୍ଷିତ ହେବେ । ମୁଁ ପୁଣି ଥରେ ଆପଣ ମାନଙ୍କୁ ବହୁତ- ବହୁତ ଶୁଭେଚ୍ଛା ଜଣାଉଛି!

ଧନ୍ୟବାଦ!

***

NS/SLP