ପିଏମଇଣ୍ଡିଆ

ଭାରତ ମାତା କି ଜୟ !

ଭାରତ ମାତା କି ଜୟ !

ଭାରତ ମାତା କି ଜୟ !

ତେବେ ମୁଁ ଆରମ୍ଭ କରିବି କି? ଅଷ୍ଟ୍ରିଆର ମହାମହିମ ଅର୍ଥନୀତି ଓ ଶ୍ରମ ମନ୍ତ୍ରୀ ମୋର ସମସ୍ତ ସାଥିମାନେ ପ୍ରବାସୀ ଭାରତୀୟ ମୋର ସମସ୍ତ ସାଥିମାନେ, ଭାରତର ସମସ୍ତ ବନ୍ଧୁ ଏବଂ ଶୁଭେଚ୍ଛୁ, ନମସ୍କାର ଆପଣ ସମସ୍ତଙ୍କୁ ନମସ୍କାର ।

ଗୁଟିଟାଗ୍ !

ସାଥୀମାନେ

ଏହା ମୋର ପ୍ରଥମ ଅଷ୍ଟ୍ରିଆ ଗସ୍ତ । ଏଠାରେ ମୁଁ ଯେଉଁ ଉତ୍ସାହ, ଉଦ୍ଦୀପନା ଦେଖୁଛି ତାହା ପ୍ରକୃତରେ ଆଶ୍ଚର୍ଯ୍ୟଜନକ । ୪୧ ବର୍ଷ ପରେ ଜଣେ ଭାରତୀୟ ପ୍ରଧାନମନ୍ତ୍ରୀ ଏଠାକୁ ଆସିଛନ୍ତି । ଆପଣମାନଙ୍କ ମଧ୍ୟରୁ ଅନେକ ଲୋକ ଥିବେ ଯେଉଁମାନଙ୍କର ଜନ୍ମ ପୂର୍ବରୁ ଏଠାକୁ ଜଣେ ପ୍ରଧାନମନ୍ତ୍ରୀ ଆସିଥିଲେ । ଆପଣକୁ କ’ଣ ଲାଗୁଛି । ଏହା ଅପେକ୍ଷା ବହୁତ ଲମ୍ବା ହୋଇଛି, ନୁହେଁ କି? ଏବେ ଏହି ପ୍ରତୀକ୍ଷାର ଅନ୍ତ ଘଟିଛି । ଆପଣ ବର୍ତ୍ତମାନ ଖୁସି ଅଛନ୍ତି, ନୁହେଁ କି? ଆପଣ ମୋତେ କହିବେ କି ପ୍ରକୃତରେ ଖୁସି ଅଛନ୍ତି କି? ସତ?

ଏବଂ ସାଥିମାନେ,

ଏହି ପ୍ରତୀକ୍ଷାର ଅନ୍ତ ମଧ୍ୟ ଏକ ଐତିହାସିକ ଅବସରରେ ହୋଇଛି । ଆପଣମାନଙ୍କ ମଧ୍ୟରୁ ଅନେକ ହୁଏତ ଜାଣିନଥିବେ ଯେ ଭାରତ ଓ ଅଷ୍ଟ୍ରିଆ ନିଜ ବନ୍ଧୁତାର ୭୫ ବର୍ଷ ପାଳନ କରୁଛନ୍ତି । ଏହି ଚମତ୍କାର ସ୍ୱାଗତ ପାଇଁ ମୁଁ ଚାନ୍େସଲରକାର୍ଲ ନେହାମରଙ୍କୁ ବହୁତ ଧନ୍ୟବାଦ ଜଣାଉଛି । ମୁଁ ଅର୍ଥ ଏବଂ ଶ୍ରମ ମନ୍ତ୍ରୀ ମାର୍ଟିନ କୋକରଙ୍କୁ ମଧ୍ୟ ଧନ୍ୟବାଦ ଜଣାଉଛି । ଏଠାକୁ ଆସିଲେ ଜଣାପଡ଼େ ଯେ ଏଠାରେ ବସବାସ କରୁଥିବା ଭାରତୀୟମାନେ ଅଷ୍ଟ୍ରିଆ ପାଇଁ କେତେ ସ୍ୱତନ୍ତ୍ର ।

ସାଥିମାନେ,

ଭୌଗୋଳିକ ଦୃଷ୍ଟିରୁ ଭାରତ ଓ ଅଷ୍ଟ୍ରିଆ ଭିନ୍ନ ଭିନ୍ନ ସ୍ଥାନରେ ଅଛନ୍ତି, କିନ୍ତୁ ଆମ ମଧ୍ୟରେ ଅନେକ ସାମଞ୍ଜସ୍ୟ ରହିଛି । ଗଣତନ୍ତ୍ର ଆମ ଦୁଇ ଦେଶକୁ ସଂଯୋଗ କରୁଛି । ସ୍ୱାଧୀନତା, ସମାନତା, ବହୁଳତା ଏବଂ ଆଇନର ଶାସନ ପ୍ରତି ସମ୍ମାନ ଆମର ମିଳିତ ମୂଲ୍ୟବୋଧ । ଆମେ ଉଭୟ ବହୁ-ସାଂସ୍କୃତିକ ଏବଂ ବହୁଭାଷୀ ସମାଜ ଅଟନ୍ତି । ଉଭୟ ଦେଶ, ଆମ ସମାଜରେ ବିବିଧତାକୁ ପାଳନ କରିବା ଉଭୟ ଦେଶର ଅଭ୍ୟାସ । ଏବଂ ଆମର ଏହି ମୂଲ୍ୟବୋଧକୁ ପ୍ରତିଫଳିତ କରୁଥିବା ଏକ ପ୍ରମୁଖ ମାଧ୍ୟମ ହେଉଛି ନିର୍ବାଚନ । ଅଷ୍ଟ୍ରିଆରେ କିଛି ମାସ ପରେ ନିର୍ବାଚନ ହେବ । ଭାରତରେ ଆମେ ଗଣତନ୍ତ୍ରର ପର୍ବକୁ ଗର୍ବ ଓ ଗୌରବର ସହ ପାଳନ କରିଛୁ । ବିଶ୍ୱର ସର୍ବବୃହତ ନିର୍ବାଚନ ଭାରତରେ ଅନୁଷ୍ଠିତ ହୋଇଛି ।

ସାଥୀମାନେ,

ଆଜି ଭାରତର ନିର୍ବାଚନ ବିଷୟରେ ଶୁଣି ବିଶ୍ୱବାସୀ ଆଶ୍ଚର୍ଯ୍ୟ ହୋଇଯାଇଛନ୍ତି । କିଛି ସପ୍ତାହ ତଳେ ଶେଷ ହୋଇଥିବା ଏହି ନିର୍ବାଚନରେ ୬୫୦ ନିୟୁତରୁ ଅଧିକ ଲୋକ ମତଦାନ କରିଛନ୍ତି । ଏହାର ଅର୍ଥ ହୁଏତ ୬୫ ଜଣ ଅଷ୍ଟ୍ରିଆବାସୀ, ଏବଂ ଏତେ ବଡ଼ ନିର୍ବାଚନର ଚିନ୍ତା କରନ୍ତୁ ଏତେ ହୋଇଥାଏ, କିନ୍ତୁ ନିର୍ବାଚନର ଫଳାଫଳ କିଛି ଘଣ୍ଟା ମଧ୍ୟରେ ସ୍ପଷ୍ଟ ହୋଇଯିବ । ଏହା ହେଉଛି ଭାରତର ଇଲେେକ୍ଟୋରାଲ ସେମିନାରୀ ଏବଂ ଆମ ଗଣତନ୍ତ୍ରଣ ଶକ୍ତି ।

ସାଥୀମାନେ

ଭାରତର ଏହି ନିର୍ବାଚନରେ ଶତାଧିକ ରାଜନୈତିକ ଦଳର ୮ ହଜାରରୁ ଅଧିକ ପ୍ରାର୍ଥୀ ଅଂଶଗ୍ରହଣ କରିଥିଲେ । ଏତେ ବିବିଧ ପ୍ରତିଦ୍ୱନ୍ଦ୍ୱିତା ପରେ ହିଁ ଦେଶର ଜନତା ନିଜର ଜନାଦେଶ ଦେଇଛନ୍ତି । ଏବଂ ଦେଶ କ‘ଣ ଜନାଦେଶ ଦେଇଛି? ୬୦ ବର୍ଷ ପରେ ଭାରତକୁ କ୍ରମାଗତ ତୃତୀୟ ଥର ପାଇଁ ସରକାର ଚଳାଇବାର ସୁଯୋଗ ମିଳିଛି । କୋଭିଡ୍ ପରବର୍ତ୍ତୀ ଯୁଗରେ ସମଗ୍ର ବିଶ୍ୱରେ ରାଜନୈତିକ ଅସ୍ଥିରତା ଦେଖିବାକୁ ମିଳିଛି । ଅଧିକାଂଶ ଦେଶରେ ସରକାରଙ୍କ ପାଇଁ ବଞ୍ଚିବା ସହଜ ନୁହେଁ । ପୁନର୍ବାର ନିର୍ବାଚିତ ହେବା ଏକ ପ୍ରକାର ବଡ଼ ଚ୍ୟାଲେଞ୍ଜ ହୋଇଛି । ଏଭଳି ସ୍ଥିତିରେ ଭାରତବାସୀ ମୋ ଉପରେ, ମୋ ଦଳ ଏନଡିଏ ଉପରେ ଭରସା କରିଛନ୍ତି । ଭାରତ ସ୍ଥିରତା ଚାହୁଁଛି, ଭାରତ ନିରନ୍ତରତା ଚାହୁଁଛି ବୋଲି ଏହି ଜନାଦେଶ ମଧ୍ୟ ପ୍ରମାଣ କରୁଛି । ବିଗତ ୧୦ ବର୍ଷର ନୀତି ଓ କାର୍ଯ୍ୟକ୍ରମ ଯୋଗୁଁ ଏହି ନିରନ୍ତରତା ଦେଖାଦେଇଛି । ଏହି ନିରନ୍ତରତା ସୁଶାସନର ଅଟେ । ବଡ଼ ବଡ଼ ସଂକଳ୍ପ ପାଇଁ ନିଷ୍ଠାର ସହ କାମ କରିବା ହେଉଛି ଏହି ନିରନ୍ତରତା ।

ସାଥିମାନେ,

ମୁଁ ସର୍ବଦା ମତ ରଖିଆସିଛି ଯେ ଦୁଇ ଦେଶ ମଧ୍ୟରେ ସମ୍ପର୍କ କେବଳ ସରକାରଙ୍କ ଦ୍ୱାରା ହୋଇ ନ ଥାଏ । ସମ୍ପର୍କକୁ ସୁଦୃଢ଼ କରିବାରେ ଜନସାଧାରଣଙ୍କ ଅଂଶଗ୍ରହଣ ଅତ୍ୟନ୍ତ ଗୁରୁତ୍ୱପୂର୍ଣ୍ଣ । ସେଥିପାଇଁ ମୁଁ ଏହି ସମ୍ପର୍କ ପାଇଁ ଆପଣସମସ୍ତଙ୍କ ଭୂମିକାକୁ ଅତ୍ୟନ୍ତ ଗୁରୁତ୍ୱପୂର୍ଣ୍ଣ ମନେ କରୁଛି । ତୁମେ ଦଶନ୍ଧି ପୂର୍ବେ ମୋସାର୍ଟ ଏବଂ ଶ୍ରୁଡାଲଙ୍କ ଦେଶକୁ ତୁମର କରିଥିଲ । କିନ୍ତୁ ମାତୃଭୂମିର ସଙ୍ଗୀତ ଓ ସ୍ୱାଦ ଆଜି ବି ଆପଣଙ୍କ ହୃଦୟରେ ରହିଛି । ଆପଣ ଭିଏନାର ରାସ୍ତାଗୁଡ଼ିକୁ ଗ୍ରାଥ୍ସ, ଲିଣ୍ଟସ, ଇନସବ୍ରୁକ୍‌, ସାଲସବଗ୍ ଏବଂ ଅନ୍ୟାନ୍ୟ ସହରରେ ଭାରତର ରଙ୍ଗରେ ରଙ୍ଗିତ କରିଛନ୍ତି । ଦୀପାବଳି ହେଉ କି ଖ୍ରୀଷ୍ଟମାସ, ଆପଣ ସମାନ ଉତ୍ସାହର ସହ ପାଳନ କରନ୍ତି । ଆପଣ ବହୁତ ଉତ୍ସାହର ସହ ଉଭୟ ତୋର୍ତେ ଏବଂ ଲଡୁ ତିଆରି କରି ଖାଆନ୍ତି ଏବଂ ଖାଇବାକୁ ଦିଅନ୍ତି । ଆପଣ ଅଷ୍ଟ୍ରିଆ ଫୁଟବଲ ଦଳ ଏବଂ ଭାରତୀୟ କ୍ରିକେଟ ୍ ଦଳକୁ ସମାନ ଉତ୍ସାହରେ ଉତ୍ସାହିତ କରନ୍ତି । ଆପଣ ଏଠାରେ କଫିକୁ ଉପଭୋଗ କରିବା ସହିତ ଆପଣଙ୍କ ଭାରତ ସହରର ଚା‘ ଦୋକାନକୁ ସ୍ମରଣ କରିଥାନ୍ତି ।

ସାଥିମାନେ,

ଭାରତ ଭଳି ଅଷ୍ଟ୍ରିଆର ଇତିହାସ ଓ ସଂସ୍କୃତି ମଧ୍ୟ ବହୁତ ପୁରୁଣା, ଏହା ଚମତ୍କାର । ପରସ୍ପର ସହ ଆମର ସମ୍ପର୍କ ମଧ୍ୟ ଐତିହାସିକ ଏବଂ ଉଭୟ ଦେଶପାଇଁ ଲାଭଦାୟକ ହୋଇଛି । ସଂସ୍କୃତି ଓ ବାଣିଜ୍ୟରେ ମଧ୍ୟ ଏହାର ଫାଇଦା ମିଳିଛି । ପ୍ରାୟ ୨୦୦ ବର୍ଷ ପୂର୍ବେ ଭିଏନା ବିଶ୍ୱବିଦ୍ୟାଳୟରେ ସଂସ୍କୃତ ଅଧ୍ୟୟନ ଆରମ୍ଭ ହୋଇଥିଲା । ୧୮୮୦ ମସିହାରେ ଇଣ୍ଡୋଲୋଜି ପାଇଁ ଏକ ସ୍ୱାଧୀନ ଚେୟାର ପ୍ରତିଷ୍ଠା ଦ୍ୱାରା ଏହାକୁ ଆହୁରି ଉନ୍ନତ କରାଯାଇଥିଲା । ଆଜି ମୁଁ ଏଠାରେ କିଛି ଜଣାଶୁଣା ଇଣ୍ଡୋଲୋଜିଷ୍ଟଙ୍କୁ ଭେଟିବାର ସୁଯୋଗ ମଧ୍ୟ ପାଇଛି । ତାଙ୍କ ବକ୍ତବ୍ୟରୁ ସ୍ପଷ୍ଟ ଜଣାପଡୁଥିଲା ଯେ ଭାରତ ପ୍ରତି ତାଙ୍କର ଆଗ୍ରହ ବହୁତ ଅଧିକ ଥିଲା । ଅଷ୍ଟ୍ରିଆକୁ ଭାରତର ଅନେକ ମହାନ ଲୋକ ଗଭୀର ଭାବେ ଭଲ ପାଆନ୍ତି । ରବୀନ୍ଦ୍ରନାଥ ଟାଗୋର ଏବଂ ନେତାଜୀ ସୁଭାଷଙ୍କ ପରି ଆମର ଅନେକ ମହାନ ବ୍ୟକ୍ତିତ୍ୱ ଏବଂ ଗାନ୍ଧିଜୀଙ୍କ ଶିଷ୍ୟ ମୀରାବେନ ଭିଏନାରେ ତାଙ୍କର ଶେଷ ବର୍ଷ ବିତାଇଛନ୍ତି ।

ସାଥୀମାନେ,

ଆମର କେବଳ ସଂସ୍କୃତି ଓ ବାଣିଜ୍ୟ ର ସମ୍ପର୍କ ନାହିଁ, ବିଜ୍ଞାନ ମଧ୍ୟ ଆମକୁ ଯୋଡିଥାଏ । ବହୁ ବର୍ଷ ପୂର୍ବେ ଭିଏନା ବିଶ୍ୱବିଦ୍ୟାଳୟରେ ଆମର ନୋବେଲ ବିଜେତା ସାର୍ ସି.ଭି. ରମଣଙ୍କର ଏକ ବକ୍ତୃତା ଥିଲା । ଆଜି ମୋତେ ନୋବେଲ ବିଜେତା ଆଣ୍ଟୋନ ଜେଲିଞ୍ଜରଙ୍କୁ ଭେଟିବାର ସୁଯୋଗ ମିଳିଥିଲା । ଏହି ଦୁଇ ମହାନ ବୈଜ୍ଞାନିକଙ୍କୁ କ୍ୱାଣ୍ଟମ୍ ସଂଯୋଗ କରିଛି । କ୍ୱାଣ୍ଟମ କମ୍ପ୍ୟୁଟିଂ ଉପରେ ଆଣ୍ଟୋନ ଜେଇଲିଙ୍ଗର, ତାଙ୍କ କାର୍ଯ୍ୟ ବିଶ୍ୱକୁ ପ୍ରେରଣା ଏବଂ ଉତ୍ସାହିତ କରିଥାଏ ।

ସାଥିମାନେ,

ଆଜି ସମଗ୍ର ବିଶ୍ୱରେ ଭାରତକୁ ନେଇ ଅନେକ ଚର୍ଚ୍ଚା ହେଉଛି । ଏହା ଘଟୁଛି କି ନାହିଁ? ସମସ୍ତେ ଭାରତ ବିଷୟରେ ଜାଣିବାକୁ ଚାହାଁନ୍ତି । ଏହା ମଧ୍ୟ ଆପଣଙ୍କ ଅଭିଜ୍ଞତା, ନୁହେଁ କି? ଲୋକମାନେ ଆପଣଙ୍କୁ ବହୁତ ପଚାରୁଛନ୍ତି, ନୁହେଁ କି? ତେବେ ଆଜି ଭାରତ କ‘ଣ ଚିନ୍ତା କରୁଛି? ଭାରତ କ‘ଣ କରୁଛି? ଏ ବିଷୟରେ ଏକ ଉତ୍ତମ ସଚେତନତା ଦୁନିଆ ସୃଷ୍ଟି କରିବା ଜରୁରୀ । ଭାରତ ୧/୬ତମ ମାନବ ସମାଜର ପ୍ରତିନିଧିତ୍ୱ କରୁଛି ଏବଂ ବିଶ୍ୱ ଅଭିବୃଦ୍ଧିରେ ପ୍ରାୟ ସମାନ ଯୋଗଦାନ ଦେଉଛି । ହଜାର ହଜାର ବର୍ଷ ଧରି ଆମେ ବିଶ୍ୱ ସହିତ ଜ୍ଞାନ ଓ ପାରଦର୍ଶିତା ବାଣ୍ଟି ଆସୁଛୁ । ଆମେ ଯୁଦ୍ଧ କରିନାହୁଁ, ଛାତିରେ ବିଶ୍ୱକୁ କହିପାରିବା ଏବଂ ଭାରତ ଯୁଦ୍ଧ ଦେଇନାହିଁ ବରଂ ବୁଦ୍ଧ ଦେଇଛି । ମୁଁ ଯେତେବେଳେ ବୁଦ୍ଧଙ୍କ କଥା କହୁଛି, ଏହାର ଅର୍ଥ ହେଉଛି ଭାରତ ସର୍ବଦା ଶାନ୍ତି ଓ ସମୃଦ୍ଧି ଦେଇଛି । ତେଣୁ ଏକବିଂଶ ଶତାବ୍ଦୀର ବିଶ୍ୱରେ ମଧ୍ୟ ଭାରତ ଏହି ଭୂମିକାକୁ ସୁଦୃଢ଼ କରିବାକୁ ଯାଉଛି । ଆଜି ଯେତେବେଳେ ବିଶ୍ୱ ଭାରତକୁ ବିଶ୍ୱର ଭାଇ ଭାବରେ ଦେଖୁଛି, ଏହା ଆମ ପାଇଁ ଗର୍ବର ବିଷୟ । ଆପଣ ମଧ୍ୟ ଏହି ପଦକ୍ଷେପ ପାଇଁ ଗର୍ବ ଅନୁଭବ କରୁଛନ୍ତି କି ନାହିଁ?

ସାଥିମାନେ,

ଭାରତରେ ଘଟୁଥିବା ଦ୍ରୁତ ପରିବର୍ତ୍ତନ ବିଷୟରେ ପଢ଼ିଲେ କ‘ଣ ହୁଏ? କ‘ଣ ହୁଏ? କ‘ଣ ହୁଏ? ମୁଁ ନିଶ୍ଚିତ ସାଥିମାନେ, ଆପଣଙ୍କ ଛାତି ମଧ୍ୟ ୫୬ ଇଞ୍ଚ ହୋଇଯାଉଥିବ । ଭାରତ ଆଜି ପଞ୍ଚମ ବୃହତ୍ତମ ଅର୍ଥନୀତି । ୨୦୧୪ରେ ଯେତେବେଳେ ମୁଁ ଏହି ସେବାକୁ ଆସିଥିଲି, ସେତେବେଳେ ଆମେ ୧୦ ନମ୍ବରରେ ଥିଲୁ, ମୁଁ ୧୦ ନମ୍ବର କହୁନାହିଁ । ଆଜି ଆମେ ୫ ନମ୍ବରରେ ପହଞ୍ଚିଛୁ । ଏସବୁ ଶୁଣିଲେ ଆପଣ କ‘ଣ ଭାବୁଛନ୍ତି? ସାଥିମାନେ, ଆପଣ ଗର୍ବିତ କି ନାହିଁ? ଆଜି ଭାରତ ଏକ ପ୍ରତିଶତ ହାରରେ ଅଭିବୃଦ୍ଧି ହାସଲ କରୁଛି । ଏହି ବେଗରେ କ‘ଣ ହେବ, ମୁଁ ଆପଣଙ୍କୁ କହିପାରିବି କି? ମୁଁ ଆପଣଙ୍କୁୁ କହିବି କି? ଆଜି ଆମେ ପଞ୍ଚମ ସ୍ଥାନରେ ଅଛୁ, ଆମେ ଶ୍ରେଷ୍ଠ ୩ରେ ପହଞ୍ଚିବୁ ଏବଂ ସାଥିମାନେ, ମୁଁ ଦେଶବାସୀଙ୍କୁ କହିଥିଲି ଯେ ମୋର ତୃତୀୟ କାର୍ଯ୍ୟକାଳରେ ମୁଁ ଦେଶକୁ ବିଶ୍ୱର ଶ୍ରେଷ୍ଠ ୩ ଟି ଅର୍ଥନୀତିରେ ପହଞ୍ଚାଇବି ଏବଂ ମୁଁ ଆପଣଙ୍କୁ ଏହି କଥା କହିବାକୁ ଚାହୁଁଛି ଯେ ଆମେ କେବଳ ଶୀର୍ଷରେ ପହଞ୍ଚିବା ପାଇଁ କଠିନ ପରିଶ୍ରମ କରୁନାହୁଁ, ଆମର ମିଶନ ହେଉଛି ୨୦୪୭ । ୧୯୪୭ରେ ଦେଶ ସ୍ୱାଧୀନ ହେଲା, ୨୦୪୭ରେ ଦେଶ ଶତବାର୍ଷିକୀ ପାଳନ କରିବ । କିନ୍ତୁ ସେହି ଶତାବ୍ଦୀ ହେବ ବିକଶିତ ଭାରତର ଶତାବ୍ଦୀ ହେବ । ଭାରତ ସବୁ ଦିଗରେ ବିକଶିତ ହେବ । ଆମେ ଆଗାମୀ ୧୦୦୦ ବର୍ଷର ଭାରତର ମଜଭୁତ ଭିତ୍ତିପ୍ରସ୍ତର ସ୍ଥାପନ କରୁଛୁ ।

ସାଥିମାନେ,

ଶିକ୍ଷା, ଦକ୍ଷତା, ଗବେଷଣା ଓ ଉଦ୍ଭାବନ କ୍ଷେତ୍ରରେ ଭାରତ ଆଜି ଅଭୂତପୂର୍ବ ସ୍ତରରେ କାର୍ଯ୍ୟ କରୁଛି । ୧୦ ବର୍ଷ ରେ ଏହି ଚିତ୍ର ମନେ ରଖିବା ଯୋଗ୍ୟ… ୧୦ ବର୍ଷ ହେଲା ଭାରତରେ ପ୍ରତିଦିନ ଦୁଇଟି ନୂଆ କଲେଜ ଖୋଲାଯାଇଛି । ମୁଁ ଅଧିକ ବୁଝାଇବି କି? ପ୍ରତି ସପ୍ତାହରେ ନୂଆ ବିଶ୍ୱବିଦ୍ୟାଳୟ ଖୋଲିଥାଏ । ଗତବର୍ଷ ଦୈନିକ ୨୫୦ରୁ ଅଧିକ ପେଟେଣ୍ଟ ପ୍ରଦାନ କରାଯାଇଥିଲା । ଭାରତ ଆଜି ବିଶ୍ୱର ତୃତୀୟ ବୃହତ୍ତମ ଷ୍ଟାର୍ଟଅପ୍ ଇକୋସିଷ୍ଟମ୍ । ଆଜି ବିଶ୍ୱର ପ୍ରତି ୧୦ମ ୟୁନିକର୍ଣ୍ଣ ଭାରତରେ ରହିଛି । ଆଜି ସାରା ବିଶ୍ୱରେ ଯେଉଁ ରିୟଲ ଟାଇମ୍ ଡିଜିଟାଲ କାରବାର ହେଉଛି ତାହା କେବଳ ଭାରତରେ ମଧ୍ୟ ସେତିକି । ଆମର ପେମେଣ୍ଟ ଡିଜିଟାଲ, ଆମର ପ୍ରକ୍ରିୟା ମଧ୍ୟ ଡିଜିଟାଲ । ଭାରତ କମ୍ କାଗଜ, କମ୍ ନଗଦ କିନ୍ତୁ ନିରବଚ୍ଛିନ୍ନ ଅର୍ଥନୀତି ଆଡ଼କୁ ଗତି କରୁଛି ।

ସାଥିମାନେ,

ଆଜି ଭାରତ ଶ୍ରେଷ୍ଠ, ଉଜ୍ଜ୍ୱଳ, ବୃହତ୍ତମ ଏବଂ ସର୍ବୋଚ୍ଚ ମାଇଲଖୁଣ୍ଟ ଦିଗରେ କାର୍ଯ୍ୟ କରୁଛି । ଆଜି ଆମେ ଇଣ୍ଡଷ୍ଟ୍ରି ୪.ଓ ଏବଂ ସବୁଜ ଭବିଷ୍ୟତ ପାଇଁ ଭାରତକୁ ପ୍ରସ୍ତୁତ କରୁଛୁ । ଗ୍ରୀନ୍ ହାଇଡ୍ରୋଜେନ୍ ମିଶନର ଲକ୍ଷ୍ୟ ହେଉଛି ୨୦୭୦ ସୁଦ୍ଧା ନିଟ୍ ଶୂନ୍ୟ ଲକ୍ଷ୍ୟ ହାସଲ କରିବା । ଆମେ ସବୁଜ ଗତିଶୀଳତା ଉପରେ ଗୁରୁତ୍ୱ ଦେଉଛୁ । ଏବଂ ଅଷ୍ଟ୍ରିଆ ମଧ୍ୟ ଭାରତର ଏହି ଅଭୂତପୂର୍ବ ଅଭିବୃଦ୍ଧି କାହାଣୀରୁ ଲାଭବାନ ହେଉଛି । ବର୍ତମାନ ଭାରତର ବିଭିନ୍ନ କ୍ଷେତ୍ରରେ ୧୫୦ରୁ ଅଧିକ ଅଷ୍ଟ୍ରିଆ କମ୍ପାନୀ କାର୍ଯ୍ୟ କରୁଛନ୍ତି । ଏହା ଭାରତର ଭିତ୍ତିଭୂମି ସହ ଜଡ଼ିତ ଆକାଂକ୍ଷାପୂରଣ କରିବାରେ ସହାୟକ ହେଉଛି । ଅଷ୍ଟ୍ରିଆର କମ୍ପାନୀମାନେ ମେଟ୍ରୋ, ଡ୍ୟାମ, ଟନେଲ ଏବଂ ଅନ୍ୟ ।ନ୍ୟ ଭିତ୍ତିଭୂମି ପ୍ରକଳ୍ପ ଭଳି ଅନେକ ଭିତ୍ତିଭୂମି ପ୍ରକଳ୍ପରେ ଭାରତରେ କାର୍ଯ୍ୟ କରୁଛନ୍ତି ଏବଂ ମୁଁ ଆଶା କରୁଛି ଯେ ଆଗାମୀ ସମୟରେ ଏଠାକାର କମ୍ପାନୀ ଏବଂ ନିବେଶକମାନେ ଭାରତରେ ଅଧିକରୁ ଅଧିକ କ୍ଷେତ୍ରରେ ବିସ୍ତାର କରିବ ।

ସାଥିମାନେ,

ଅଷ୍ଟ୍ରିଆରେ ରହୁଥିବା ଭାରତୀୟଙ୍କ ସଂଖ୍ୟା ଏତେ ଅଧିକ ନୁହେଁ । କିନ୍ତୁ ଅଷ୍ଟ୍ରିଆ ସମାଜ ପ୍ରତି ଆପଣଙ୍କ ଅବଦାନ ପ୍ରଶଂସନୀୟ । ବିଶେଷକରି ଏଠାକାର ସ୍ୱାସ୍ଥ୍ୟସେବା କ୍ଷେତ୍ରରେ ଆପଣଙ୍କ ଭୂମିକାକୁ ଖୁବ୍ ପ୍ରଶଂସା କରାଯାଉଛି । ଆମେ ଭାରତୀୟମାନେ ଯତ୍ନ ଏବଂ କରୁଣା ପାଇଁ ଜଣାଶୁଣା । ମୁଁ ଖୁସି ଯେ ଆପଣ ଏଠାରେ ମଧ୍ୟ ଆପଣଙ୍କ ବୃତ୍ତିରେ ଏହି ମୂଲ୍ୟବୋଧକୁ ସାଙ୍ଗରେ ନେଇ ଚାଲୁଛନ୍ତି । । ଆପଣମାନେ ସମସ୍ତେ ଅଷ୍ଟ୍ରିଆର ବିକାଶରେ ସମାନ ଭାବରେ ଅଂଶଗ୍ରହଣ କରନ୍ତୁ । ଏତେ ସଂଖ୍ୟାରେ ଏଠାକୁ ଆସିଥିବାରୁ ମୁଁ ପୁଣି ଥରେ ଆପଣସମସ୍ତଙ୍କୁ ଧନ୍ୟବାଦ ଜଣାଉଛି, ଆପଣସମସ୍ତଙ୍କର ଏହି ଉତ୍ସାହ ଏବଂ ଶକ୍ତି ପାଇଁ ମୋ ତରଫରୁ ଆପଣଙ୍କୁ ବହୁତ ବହୁତ ଧନ୍ୟବାଦ ।

ସାଥୀମାନେ,

ଏହି ପ୍ରଥମ ଅଷ୍ଟ୍ରିଆ ଗସ୍ତ ଅତ୍ୟନ୍ତ ଫଳପ୍ରଦ ହୋଇଛି । ପୁଣି ଥରେ ମୁଁ ସରକାର ଓ ଏଠାକାର ଲୋକଙ୍କୁ କୃତଜ୍ଞତା ଜଣାଉଛି । ଆପଣ ସମସ୍ତଙ୍କୁ ମୋର ଶୁଭେଚ୍ଛା । ମୁଁ ବିଶ୍ୱାସ କରୁଛି ଯେ ଏଥର ଅଗଷ୍ଟ ୧୫ ତାରିଖ ସମସ୍ତ ପୁରୁଣା ରେକର୍ଡ ଭାଙ୍ଗିବା ଉଚିତ୍ । ହେବ ନା? ଏହା ନିଶ୍ଚିତ ହେବ କି? ମୋ ସହିତ କୁହନ୍ତୁ –

ଭାରତ ମାତା କି – ଜୟ !

ଭାରତ ମାତା କି – ଜୟ !

ଭାରତ ମାତା କି – ଜୟ !

ବନ୍ଦେ ମାତରମ୍ !

ବନ୍ଦେ ମାତରମ୍ !

ବନ୍ଦେ ମାତରମ୍ !

ବନ୍ଦେ ମାତରମ୍ !

ବନ୍ଦେ ମାତରମ୍ !

ବନ୍ଦେ ମାତରମ୍ !

ବନ୍ଦେ ମାତରମ୍ !

ବନ୍ଦେ ମାତରମ୍ !

ବନ୍ଦେ ମାତରମ୍ !

ବନ୍ଦେ ମାତରମ୍ !

ବହୁତ ବହୁତ ଧନ୍ୟବାଦ!

*****

NS/SLP