मुख्य पानावर जा
Search
मेन्‍यु
मेन्‍यु बंद करा
मुख्य पृष्‍ठ

पीएम्इंडियापीएम्इंडिया

ताज्या घडामोडी

उपलब्ध माहिती पत्र सूचना कार्यालयाचा स्वयं स्त्रोत आहे

सेशल्स, मॉरिशस व श्रीलंका या तीन राष्ट्रांच्या दौऱ्यासाठी रवाना होण्यापूर्वीचे पंतप्रधानांचे विधान


s2015031062890 [ PM India 0KB ]

पंतप्रधान सेशल्स, मॉरिशस व श्रीलंका या तीन राष्ट्रांशी आपले भरीव, विविधांगी व महत्वपूर्ण संबंध असून भारताच्या परकीय धोरणामध्ये या राष्ट्रांना खूप महत्वाचे स्थान आहे त्यामुळे १० ते १४ मार्च दरम्यान होत असलेल्या या दौऱ्याबद्दल मी खूप उत्सुक आहे.

हिंदी महासागरातील या तीन बेटांच्या माझ्या दौऱ्यात भारता लगतच्या व विस्तारीत शेजारी राष्ट्रांशी असलेले परकीय धोरणातील प्राधान्यक्रम अधोरेखित होतात. या प्रांतांशी भारताचे असलेले संबंध वृद्धिंगत करणे देशाच्या सुरक्षा व प्रगतीच्या दृष्टीने अत्यंत महत्त्वाचे आहे.

सेशल्स हा माझ्या दौऱ्याचा पहिला मुक्काम आहे. परस्पर विश्वास व समान तत्वांच्या आधारावर भारताचे सेशल्सशी संबंध प्रस्थापित झाले आहेत. माझी सेशल्स भेट ही १९८१ नंतरची पहिलीच पंतप्रधान भेट आहे. सेशल्स्चे राष्ट्रपती जेम्स मायकल यांच्याबरोबर होत असलेल्या माझ्या भेटीबद्दल मी उत्सुक आहे.

मार्च ११ व १२ दरम्यान मी मॉरिशसला असेन. मॉरिशसमध्ये १२ मार्चला होत असलेल्या स्वातंत्र्य दिनाच्या कार्यक्रमात मला प्रमुख पाहुणे म्हणून बोलावून माझा गौरव करण्यात आला आहे. १२ मार्च हा दिवस भारतीयांसाठीही तितकाच महत्वाचा आहे कारण या दिवशी १९३० साली महात्मा गांधींनी दांडी यात्रेस सुरुवात केली होती. छोटा भारत असलेल्या या राष्ट्राबरोबर असलेले भारताचे सांस्कृतिक नाते वृद्धिंगत नाते करणे हे माझ्या मॉरिशस दौऱ्या चे प्रमुख उद्दिष्ट आहे.

मॉरिशसच्या राष्ट्रीय विधानसभेला संबोधित करण्याची संधी देऊन मॉरिशस सरकारने मला गौरविले आहे. बराकुडा या भारत निर्मित ऑफशोअर पेट्रोल वेसलच्या संयुक्त शुभारंभ सोहळ्यात व त्याचप्रमाणे जागतिक हिंदी सचिवालय वास्तूच्या पायाभरणीच्या कार्यक्रमात मी सहभागी होणार आहे.

आपले संबंध अधिक बळकट करण्यासाठी आवश्यक त्या उपाय योजनांबद्दल मी मॉरिशसचे पंतप्रधान सर अनिरुद्ध जगनाथ यांच्याशी चर्चा करणार आहे. याशिवाय भारताबरोबरील संबंधांना पाठींबा देणाऱ्या मॉरिशसच्या सर्व राजकीय नेत्यांची मी भेट घेणार आहे.

माझी श्रीलंका भेट ही १९८७ नंतरची पहिलीच भारतीय पंतप्रधान भेट आहे.गेल्या महिन्यातील श्रीलंकेच्या राष्ट्रपती मैत्रीपाला सिरिसेना यांच्या भेटी नंतर एका महिन्याच्या काळातील आमची ही दुसरी भेट आहे.

भारताचे श्रीलंकेसोबत असलेले राजकीय, रचनात्मक, आर्थिक, सांस्कृतिक आणि सर्वात थेट लोकांशी असलेले संबंध वृद्धिंगत करण्यासाठी हा दौरा ही एक संधी आहे असे मी मानतो.

आपल्या शेजारील राष्ट्रांशी नियमित संपर्कात राहणे या माझ्या उद्दिष्टाचाच हा दौरा एक भाग आहे.आपल्या अत्यंत महत्वाच्या शेजारी राष्ट्राला भेट देण्याची संधी मिळाल्याबद्दल मी आनंदित झालो आहे.

राष्टपती मैत्रीपाला सिरिसेना व पंतप्रधान रानिल विक्रमसिंघे यांच्याबरोबर द्विपक्षीय संबंधांवर चर्चा करण्यास मी उत्सुक आहे. याशिवाय श्रीलंकेतील अन्य राजकीय नेत्यांना भेटण्यासाठी मी उत्सुक आहे. या दोन देशांत नवीन भागीदारी प्रस्थापित करण्यासाठी आम्ही प्रयत्न करु.

श्रीलंकेच्या संसदेला संबोधित करण्यासाठी आमंत्रित केल्यामुळे मी सन्मानित झालो आहे. आपल्यातील शाश्वत संबंधांची महत्त्वपूर्ण प्रतिकांचाही माझ्या कार्यक्रमात समावेश आहे. कोलंबोतील महाबोधी वसाहतीला मी भेट देणार आहे व अनुराधापुरा, तला ई मानणार व जाफना आदी प्रांतांना भेट देऊन मी लोकांशी संवाद साधणार आहे. ऐतिहासिक जाफना सरकारी ग्रंथालयाच्या लगत सुरु होत असलेल्या जाफना सांस्कृतिक केंद्राची पायाभरणी माझ्या हस्ते होणार आहे.

या अत्यंत महत्वाच्या समजल्या जाणाऱ्या हिंदी महासागर प्रांतातील या तीनही राष्ट्रांबरोबर असलेले आपले संबंध या भेटीनंतर नव्याने सुरु होतील याची मी खात्री बाळगतो .

लोकप्रिय बातम्या

स्वामित्व योजने अंतर्गत प्रॉपर्टी कार्ड्स वितरण सोहळ्यात पंतप्रधानांनी केलेले भाषण आणि लाभार्थ्यांसोबत साधलेला संवाद 18 Jan, 2025
प्रख्यात गायक मोहम्मद रफी यांच्या 100 व्या जयंतीनिमित्त त्यांच्या स्मृतींना पंतप्रधानांकडून अभिवादन 24 Dec, 2024
उत्तर प्रदेशात प्रयागराज येथे विविध विकास प्रकल्पांचे उद्घाटन आणि पायाभरणी समारंभात पंतप्रधानांनी केलेले भाषण 13 Dec, 2024
नवी दिल्ली येथे अष्टलक्ष्मी महोत्सवाच्या उद्घाटनप्रसंगी पंतप्रधानांनी केलेले भाषण 06 Dec, 2024
PM congratulates Men’s Hockey Team for winning Asian Champions Trophy 17 Sep, 2024

ताज्या बातम्या

भारताचे जी 20 अध्यक्षपद आणि शिखर परिषदेसंदर्भात लिहिलेल्या पुस्तकाबद्दल पंतप्रधानांनी अमिताभ कांत यांची केली प्रशंसा 21 Jan, 2025
मिझोरमच्या राज्यपालांनी पंतप्रधानांची घेतली भेट 21 Jan, 2025
पंतप्रधान नरेंद्र मोदी यांनी मेघालयच्या जनतेला दिल्या राज्य स्थापनादिनाच्या शुभेच्छा 21 Jan, 2025
पंतप्रधानांनी मणिपूरच्या जनतेला स्थापना दिनानिमित्त दिल्या शुभेच्छा 21 Jan, 2025
पंतप्रधानांनी त्रिपुराच्या जनतेला दिल्या राज्य स्थापनादिनाच्या शुभेच्छा 21 Jan, 2025