पीएम्इंडिया

नवी दिल्ली, 6 डिसेंबर 2023

पंतप्रधान नरेंद्र मोदी 8 डिसेंबर 2023 रोजी उत्तराखंडमध्ये डेहराडून येथे भेट देणार आहेत. सकाळी 10:30 वाजता ते डेहराडून येथील फॉरेस्ट रिसर्च इन्स्टिट्यूटमध्ये आयोजित ‘उत्तराखंड ग्लोबल इन्व्हेस्टर्स समिट 2023‘, अर्थात उत्तराखंड जागतिक गुंतवणूकदार परिषदेचे उद्‌घाटन करतील. या कार्यक्रमाला ते संबोधितही करतील.

उत्तराखंड जागतिक गुंतवणूकदार परिषद 2023, हे उत्तराखंडला गुंतवणुकीचे नवीन ठिकाण म्हणून प्रस्थापित करण्याच्या दिशेने टाकलेले पाऊल आहे. 8 आणि 9 डिसेंबर 2023 रोजी ही दोन दिवसीय परिषद आयोजित करण्यात आली असून, ‘शांततेकडून समृद्धतेकडे’, अशी या परिषदेची संकल्पना आहे.

या परिषदेला जगभरातील हजारो गुंतवणूकदार आणि प्रतिनिधी उपस्थित राहतील. यामध्ये केंद्रीय मंत्री, विविध देशांचे राजदूत यांच्यासह आघाडीच्या उद्योगपतींचा सहभाग असेल.

S.Patil/R.Agashe/P.Malandkar

सोशल मिडियावर आम्हाला फॉलो करा:@PIBMumbai    /PIBMumbai    /pibmumbai  pibmumbai[at]gmail[dot]com  /PIBMumbai    /pibmumbai