पीएम्इंडिया

नवी दिल्‍ली, 11 नोव्‍हेंबर 2022

पंतप्रधान नरेंद्र मोदी यांच्या हस्ते  बेंगळुरूमध्ये  नादप्रभू केम्पेगौडा यांच्या 108 मीटर उंचीच्या कांस्य पुतळ्याचे आज अनावरण करण्‍यात आले. पंतप्रधानांनी यावेळी पुतळ्याला पुष्‍पांजली अर्पण करून तसेच पुतळ्यावर पवित्र जलाचे सिंचन करून आदरांजली वाहिली. यावेळी त्‍यांनी या भागात वृक्षारोपणही केले.

बेंगळुरु शहराचा जो विस्तार झाला आहे, त्यामध्‍ये या  शहराचे संस्थापक नादप्रभू केम्पेगौडा यांचे मोठे  योगदान आहे. त्यांच्या कार्याच्या  स्मरणार्थ हा पुतळा उभारण्यात आला आहे. ‘स्टॅच्यू ऑफ युनिटी’ तयार करणारे प्रसिद्ध शिल्पकार राम व्ही. सुतार यांच्या संकल्पनेतून नादप्रभू केम्पेगौडा यांचा पुतळा साकारण्‍यात आला आहे. या पुतळ्यासाठी 98 टन कांस्य आणि 120 टन पोलादाचा वापर करण्यात आला आहे.

पंतप्रधानांनी ट्विट केले आहे की;

“बेंगळुरू शहराच्या उभारणीमध्‍ये नादप्रभू केम्पेगौडा यांची भूमिका असामान्य आहे. ते एक दूरदर्शी म्हणून स्मरणात आहेत. केम्पेगौडा यांनी इतर गोष्‍टींपेक्षा लोककल्याणाला नेहमीच महत्त्व दिले. बंगळुरूमध्ये ‘स्टॅच्यू ऑफ प्रॉस्पॅरिटी’चे उद्घाटन करणे हा माझ्यासाठी बहुमान आहे.’’

या कार्यक्रमाला पंतप्रधानांच्या समवेत कर्नाटकचे मुख्यमंत्री बसवराज बोम्मई, कर्नाटकचे राज्यपाल  थावरचंद गेहलोत आणि केंद्रीय मंत्री  प्रल्हाद जोशी आणि इतर  उपस्थित होते.

The role of Sri Nadaprabhu Kempegowda in the making of Bengaluru is unparalleled. He is remembered as a visionary who always put the welfare of people above everything else. Honoured to inaugurate the ‘Statue of Prosperity’ in Bengaluru. pic.twitter.com/zoMIXIYFf1

— Narendra Modi (@narendramodi) November 11, 2022

ಬೆಂಗಳೂರು ನಿರ್ಮಾಣದಲ್ಲಿ ಶ್ರೀ ನಾಡಪ್ರಭು ಕೆಂಪೇಗೌಡರ ಪಾತ್ರ ಅಸಾಧಾರಣವಾದುದು. ಜನರ ಕಲ್ಯಾಣವನ್ನು ಯಾವಾಗಲೂ ಎಲ್ಲಕ್ಕಿಂತ ಮಿಗಿಲಾಗಿ ನೋಡುತ್ತಿದ್ದ ಕ್ರಿಯಾಶೀಲ ದಾರ್ಶನಿಕ ಎಂದು ಅವರನ್ನು ನೆನಪಿಸಿಕೊಳ್ಳಲಾಗುತ್ತದೆ. ಬೆಂಗಳೂರಿನಲ್ಲಿ ‘ಪ್ರಗತಿಯ ಪ್ರತಿಮೆʼಯನ್ನು ಉದ್ಘಾಟಿಸಿರುವುದು ಗೌರವದ ವಿಷಯವಾಗಿದೆ. pic.twitter.com/rmOtUd7YxB

— Narendra Modi (@narendramodi) November 11, 2022

* * *

S.Patil/S.Bedekar/D.Rane

सोशल मिडियावर आम्हाला फॉलो करा:@PIBMumbai    /PIBMumbai    /pibmumbai  pibmumbai@gmail.com  /PIBMumbai    /pibmumbai